小天使餐廳 (Closed)

男朋友生日，經友人介紹就book左呢間由於我突然發現我可以早d到，果日就打電話去問，個叔叔好nice，係咁話冇問題。dinner都有d sets可以選擇，我地叫左一個salmon salad、blue cheese pizza、翡翠螺同埋黑醋意粉。味道ok，但唔算特別；裝修好general，出面仲睇到旁邊的屋晾衫，比較街坊dd……不過個叔叔的service真係幾好，會畀suggestions同埋會同d客有傾有講平日去都食得過既，不過生日就可以有更好的選擇

上星期同男朋友去呢間餐廳食晚飯,因為之前響呢到見到大家既comment都好好,所以抱住唔好食都係一次去試下, 果然無令我失望.由於無訂位,去到已經7點幾,雖然有位但係張table好細,d野食都放唔落咁濟,唔係咁好有d迫,可以張table係加上去啦,好在唔係好多人走來走去. 不過間餐廳比想像中細,一眼望晒!講番食物,因為我之前睇過大家既comment,所以都諗定試左要d咩. 我地叫左個意大利飯,芥汁雞絲長通粉同埋翡翠螺, 其實三個都幾好,不過如果要我選一個唔係咁好食既,我會選長通粉,因為我覺得比較硬.(可能我鍾意軟身). 我都有d驚食果個螺絲(原來係凍咖),因為呢d天氣食我怕會肚痛,好在無事,即係證明佢d野都乾淨!服務方面, 原來兩位待應係叔叔年紀,(本來諗住呢d西餐廳會係年輕待應),雖然係咁佢地既服務一D都唔差,雖然係無咩笑容. 因為我果張係2人TABLE無位放袋,我只好抱住個袋食,後來有位叔叔拎張椅比我放袋,好細心呀! 我即刻唔該晒佢!果晚係星期五, 全晚都FULL晒,不過未至於有人來到無位或要等,可能佢既位置問題啦! 原本想休息一陣再叫甜品,點知個待應突然拎張單來話要埋數叫我地比左

尋日下午曬完太陽, 醒起小天使好多人讚, 去試下先. 地方都幾難找, 如果唔係之前去睇過下, 記得響邊, 我唸都要找了耐.6點半去到, 到走都只有我一枱人(兩人), 但佢地話之後full曬喎! 無book位都無得食.兩個人叫左:1)凍螺2)雜菌芝士飯3)豬手4)Tiramisu 甜品凍螺Fresh Jade Wheiks Netura Ice $58 –普通啦! 其實果螺無咩鮮味, 應該係話無咩味, 靠果汁而已, 我本人不太喜歡.雜菌芝士飯Assorted Mushrooms Risotto $78 –初初見碟嘢好細碟, 78蚊咪好唔扺?!但原來食落好”滯”, 可能係硬飯, 又重芝士, 味道都唔錯.豬手Roasted Pork Knuckle w/ Honey Mustard $98 –本來都驚食唔曬, 但男友好鐘意食豬手, 唉! 是但啦! 最多打包. 原來都唔係好大隻, 但d皮都算幾肥膩, 我覺得美利樓果間德國嘢d豬手好食d.甜品–主菜加25蚊可以有一個甜品及一杯飲品, 我要左Tiramisu 同熱檸茶, Tiramisu 唔係幾好食, 應該係話都幾難食, 又有雪味, 大

同老公一齊黎呢度食飯，當晚係平日晚上，餐廳吾係太多人，只有二三枱客吧，感覺舒服，寧靜。我地叫左2個set，1個係意粉，另1個係PIZZA，兩種頭盤同主菜都好好味，另外亦叫左佢地既CHEESE CAKE，惟獨甜品吾多掂，其他樣樣野都好好，服務又好好。雖然吾係咩奢侈豪華既一餐，不過感覺真係好好，希望以後一切依然...

星期日與女友入了赤柱遊玩,去之前係open rice 睇下有咩好食,就發現這間餐廳評語很好,如是我們便選了這裡吃晚飯.七點半去到,便立刻點食物,我地兩人點了一客1.)煙三文魚凯撒沙律>>>> 很新鮮很好味!2.)牛肉千層闊面>>>> 好正!必吹之選3.)小天使pizza >>>> 配料岩岩好,批底軟堅適中, 批邊又很脆.比pizza hut 還好吃呢~4.)cheese cake + ice milk tea >>>>> cheese cake 很凍但又無雪味,芝士咪很重. 女友至愛!總結: 這店雖然面積小小,選擇不是太多,但卻如 網評一樣很美味,價錢又適中,環境又舒服. 值得再次光顧.p.s 結帳時, 待應叔叔竟然說外面天氣好熱, 叫我們坐多陣,唔俾我地埋單,wahaha,很攪笑!

假日在赤柱行完一個下午，見時間仲早就搵野食因為見唔少好評就黎呢間試個位置唔難去，不過鋪位就要細心少少去搵先搵到面積雖小但環境幾好，伙記雖老但服務不錯叫了豬柳，幼蛋麵，焗鮮茄和莧菜湯先黎莧菜湯，菜味香濃，即使平日唔食莧菜都覺得正焗鮮茄，明顯係心思之作，份量雖少但味道不俗，亦整得很有心機幼蛋麵，雖則我個人對此沒大興趣，但真係有好濃的蕃茄味，好多蕃茄豬柳，焗（？）出黎幾好味，伴碟用既雜菜都炸／焗得幾好埋單價錢唔係貴，雖則鋪仔細細同埋款式唔太多但咁既質素同心機就真係絕對食得過

今日有fd生日去左standly...因睇"開飯"都幾多人話好味...就我就同d fd 去左了...一行6人可能我地1:00幾去到...冇咩人但...一去到個老闆+waiter好好人...好nice...我地睇左meun之後...決定每人叫左一個set lunch...加左個...半分天下pizza...個set d 湯ok...d 焗多士包....正...香脆得黎唔會太過硬...我叫既係鴨胸意粉....我冇諗過會係原件鴨胸上....個老闆仲好細心...驚d鴨胸切唔到...比把排刀我地用...但d鴨胸係煎得剛剛好的...佢仲唔會一次過上晒d野囉...一樣樣慢慢黎...見到我地d set 食得差不多...先上pizza比我地...個pizza....yummyyummyyummy >0<皮薄料靚....個pizza焗得好過pizza hut...個皮邊係由頭脆到尾....d料不會太多不會太少...剛剛好呀...材料十分新鮮....正到傻...then ..... 佢仲好好咁...收晒我地d野之後...同我地講...我幫你地上cake 好嗎...d服務好到呢........

Mother's day早上同囝囝在聖士提反灣堆完沙堡,到赤柱小天使餐廳Angeletti Restaurant食lunch .2大1小叫了:Appetizer 鮫魚melon salad (melon好juicy)Smoked salmon & Tuna on toasted garlic baugetteEscargot stuffed mushroomSoupCream of mushroom soup(内有數粒意大利雲吞)Main courseRissoto with scallop, prawn & mushroom(yummy!)Total $300.OK bor. 小JJ話好味道！除了Lucy，下次去赤柱又多個飯堂啦！

昨天星期日同老公特登去呢間餐廳試下, 位置的確幾偏, 但都好彩找到, 我地叫左套餐, 有湯有沙律同埋個主菜,包埋飲品另外叫左個意粉, 首先講下個套餐, 湯是海鮮番茄忌X湯,個湯唔錯,唔會好似忌X湯咁漏,跟湯塊包好好味, 主菜叫左簿餅, 好味,意粉普通份量,味道不錯,杯凍咖啡都好好飲,不過甜左D,下次如有機會再試會叫小甜.值得一題的是服務好好, 因為跟餐得一個湯,會送湯黎多俾一支湯碗同湯匙,意粉先上,等我地食完意粉又幫我地換碟上簿餅,好週到^^

今日見天色ok, 夫婦二人便行山去, 早餐不提了, 因為去錯左(以為是翠華), 由黃泥涌水塘至赤柱行了兩個鐘, 剛巧在這裡吃午飯, 原本想搵番我地以前那間Firenze, 原來已經轉左名- 小天使, 入到去又無咩改變, 一樣是賣意大利食物! 我們各自叫了兩個set lunch, $68!我要了意大利菜湯, 一般, 湯唔濃, 仲有平時係湯食唔到既翠玉瓜! 老公要了蘑菇忌廉湯, 好creamy, 好似好味! 隨湯伴有兩片法包, 上有吞拿魚醬, 包脆而醬又幾好味!我要了個辣味煙肉長通粉, 微辣, 但細細鍱(岩我), 不過無咩特別, 一般啦! 老公要左個德國咸豬手, 好大隻, 肉都幾腍, 不過我對咸味重既肉麻麻, 仲有個皮幾肥下! 連餐飲一共$150! 兩個侍應既服務都唔錯, 人流亦多!

離開書齋之後﹐本來想到Lucys 吃甜品的﹐當時已經差不多9 點﹐Lucy 亦有好幾張空檯﹐有一經理模樣的男士本來出來熱烈招呼我們的﹐但聽媽媽說只想吃甜品﹐喝咖啡﹐他就離開變臉說全部有人訂檯的﹐那就算了吧。一路走回車子途中見到這小小的餐廳“Angeletti”﹐是轉手後一直都沒有來過的餐廳。弟弟好懷念他們以前的三文魚baguette﹐而他在書齋又未吃飽﹐就來這裡。最要緊的當然是他們沒有拒人於千里外﹐對我們只吃甜品亦無任歡迎啦﹗雖然轉手了﹐餐牌仍然差不多﹐這道三文魚baguette 還在﹐當然立即點了﹐弟弟一個差不多自己吃了整碟﹐說﹕“還是一樣的好﹗”我們就點了朱古力蛋糕和蘋果批﹐這兩樣就普普通通﹐和一般的美式餐廳的差不多﹐朱古力蛋糕比較乾﹐朱古力味道亦較淡﹐和早兩星期在Palate 吃的有天淵之別。蘋果批比較好﹐起碼之暖暖的﹐蘋果爽口﹐不會是粉的﹐又不會太甜﹐跟冷冷的雲尼拿雪糕從來都是最好的配搭。

其實在赤柱市集中一向都想找一些有特色的小餐廳品嘗一下. 而在赤柱大街以至美利樓的一些餐廳亦品嘗過, 特色是有的,但價錢偏貴之餘,味道也不算十分特出,就是有點庸俗之感. 在這個網找到了這家口碑不錯的小天使餐廳,就決定和老婆二人來一趟拍下拖輕鬆一下. 某星期六的下午, 時間是有點失了預算的三時半,大家都很肚餓. 泊好車子, 行到郵政局那條斜路再找一下,很容易便發現此餐廳的指示牌. 入到餐廳, 竟然沒有客人,只得一位上年紀的服務員伯伯在看報紙. 我們找了角落的窗口梳化位坐下, 我當然亦不會放過四週圍映相的機會了. 那侍應拿來了兩杯凍水,我老婆著他可不可拿一杯熱的, 他的面帶點黑便轉頭再拿,像有點怨我們不早些出聲似的. 看了一遍菜單, 還是那日的特選餐較為吸引. 我選了藍芝士辣肉腸意大利飯, 而我老婆就要燒羊膝. 湯和前菜我們揀了南瓜帶子湯和串燒煙肉青口卷. 落完單之後, 始終敵不過翡翠螺的引誘而點了半打.翡翠螺來先, 原來以前每次食自助餐也是吃膿味的食物先, 把中段才吃的翡翠螺的味道都給蓋過了. 這次來翡翠螺先,可以慢慢嘗到它的鮮味了,而它也的確很新鮮,值得一試. 自製的麵包和湯只是合格之作

我和女友所去過最好的餐廳之一．氣氛浪漫，因為面積細，所以人不多，十分舒適．點了５款食品(total $350)：是日餐湯：忌廉湯＞唔知點講，但真係飲得出是高水準翡翠螺：＄58　６隻大螺啖啖肉＞must try!!!蜆肉意粉：多料>good!海鮮芝士pizza：＄90 Pizzahut大薄批ｓｉｚｅ，多料＞pizza係佢地賣點之一，有大中細，一定要試．甜品：ApplePie>非常特點，大概係一個薄酥皮批上有好多ａｐｐｌｅ薄片，再加雪糕及朱古力，好食好特別．Last but not least, 有咁好環境同高水準食品，而且全部食品大份＆足料，佢地個價錢係絕對超值．唯一問題可能是有少少難搵，但唔係大問題．

angeletti... 一間我們喜愛的小店..很愛它的環境.. 小小的, 但很warm 很舒服... 今次叫了必吃的翡翠螺.. 大大隻, 新鮮的翡翠螺, 半打$58 元... 叫了cream of pumpkin soup... 好creamy... ceasar salad... ok 的水準...又叫了芥末汁雞肉長通粉.. 味道特別, 都好吃... 上次吃過的risotto...也好好味的... dessert 叫了推介的apple tart + ice cream...很香口的apple tart 加上半溶的ice- cream ... yummy..值得推介的小店

支持openrice好耐，都係第一次寫食評，希望有機會可以多d分享一下自己既心得~睇左咁多食家既推介，選左呢間赤柱小餐廳食情人節晚餐，總括而言，是不錯既地方!舖頭o係比較窄既小街，雖則少了點派頭，但比起大街又較寧靜。店內比我想像還細，情人節第一輪食7點，我book左8:30，到既時候都要等一陣，明顯係人手有d不足，不過服務態度不錯，算沒有壞左氣氛呢! 講番野食先: (1) 小食為黑菌tuna意大利包，唔知係唔係有d餓，食落好好味，小小一塊包好柔軟，同d醬好夾，即時增加食慾! (2) 頭盤係心心三文魚酥皮沙律，酥皮好香，惟煙salmon不多，算係平平之作! (3) 湯係薯茸蜆湯，蜆用得既足，不過可能我同女朋友都唔係好鍾意薯茸+湯呢種texture，所以大家都覺得係整個set較失望的一環!(4) set dinner有兩款main course: 一個係肉眼配肝，肝量足，但香味差點; 肉眼肉味夠，不過汁料不足，比較清淡; 另一款係酥皮三文魚盒，有驚喜，薄薄酥皮包住魚，加上甜酸lemon cream汁，好match，唯一可以挑剔係呢道菜同頭盆用料接近，有d重複!(5) 甜品係慕思蛋糕(藍莓或