小天使餐廳 (Closed)

之前睇左呢度好多食評都話呢度sevice差，可能真係每個人要求都吾同啦，我今次係第一次去，都有d心理準備受到不快對待。今晚23/12, 係假前夕，成個赤柱都好少人，可以話係無人，而餐廳更加真係一個人都無，我地兩個包廳呀，入到去就有一個伯伯招呼, 幫我地選個位，佢個樣都吾串呀，仲幾熱情，我都鐘意同人傾計，由其是經驗豐富既伯伯，我地入到去就同佢吹水啦，又問點解咁少人，又問佢有咩好食，佢仲同我地有講有笑，我問可吾可以周圍影相，佢都笑笑口好歡迎，好開心呀。我地叫左羊扒，意粉，沙律+煙三文魚，巴拿馬火腿蜜瓜，apple pie, 最出色係個羊扒 and 沙律，響香港地，要食好味野吾難，不過要食到又好味又有誠意就好難啦，有誠意就係d dish既細節都做得好好，例如沙律個汁呀，d小配菜，每樣食材都新鮮，從呢d小小細節就可以睇得出係咪一間有心既餐廳。今晚仲有個男仔安排左一個table setting 比女友一個驚喜，可想而知佢地都好鐘意呢個地方。仲請我地飲香檳。今晚真係一個好難忘既x'mas dinner, 可以慢慢食，慢慢坐，我一定會再去架!!!!

看到此店好評如潮，二話不說，跟女友遠征赤柱。點了兩客意大利飯。一上菜──天，這是忌廉湯飯嗎！？意大利飯的汁液本該是黏黏的，眼前這個說是白湯也嫌太稀，飯則像是誤落在飯堂白湯裡浸了三五小時溫泉的樣子。倘若這個也算得上是意大利飯，好，請KFC盡快把白汁雞皇飯正名為雞皇意大利飯，不然實在太委屈。雪糕蘋果批倒真是不錯，可惜還不足以為意大利飯贖罪。

之前一些食評表示不滿這裡的服務, 超初我也有同感, 但去得多幾次, 我就發覺那叔叔很有性格.可能我都係我行我素的人, 所以對於我行我素的人都會給些allowance.給大家一些建議, 去到這裡不要嚷著要水, 要餐牌, 要那樣這樣. 靜靜等候, 與朋友先傾談一下, 等待那叔叔處理好手頭上的東西, 他便會來serve 你. 其實外國很多地方都是這樣的.這是香港人不習慣的, 因為我們習慣一入去餐廳, 就有很多人服侍, 什麼都要快. 因為我不去你這裡, 出面還有其他我可去.

看到 openrice 內對此食店的好評如潮, 於是我和老公今天慕名而來, 怎料卻獲得如此的對待:我們於 6:30 p.m. 推門而入, 當時全餐廳只得一枱客, 有一位 waiter 看到我們, 但沒有理會我們, 他走出走入數次後才問我們有沒有訂位, 我們說沒有. 正當其時, 又有 2 位客人推門進來, 他同時問他們有沒有訂位, 那 2 位客人很清楚的說 "沒有", 但看到 waiter 的表情, 我估他們是認識的. 之後, 有另一位 waiter 出來, 指示比我們遲來的那 2 人坐下, 然後告訴我們今晚 full booking 沒有位, 還大大聲說 : "你們沒訂位, 他們有訂位呀嘛".即使這間餐廳的食品質素高, 但它的職員有這樣的服務態度及道德, 實在令人側目, 不吃也罷!

上星期六和舊同事們來這裏食晚飯，也是多得公主同事「何超儀」的介紹和她的「小天使故事」所吸引，終於由她帶領來到這間似乎是名不經傳的意大利餐廳。其實見到班舊同事已經好開心架啦，所以也抱著興奮的心情用饍，而小天使餐廳也沒有令人失望。大家11個人點了西芹湯、牛尾骨意粉、煙三文魚夾面包(仲有好好味的吞拿魚醬)、兩個pizza、意大利飯、兩大碟豬手、羊扒意粉、田螺等等(以上全部不是正確名稱)，甜品則叫了蘋果批和tiramisu。其實每碟都好味，尤其是煙三文魚夾面包最最最好味，沾上了秘製的吞拿魚醬令人想食完再食。其餘的肉類，如牛尾骨等，也食得出是很有肉味，肥瘦得宜，我唔太鍾意食肉也吃得很滋味。最後是甜品如蘋果批，也都頗為特別，蘋果是新鮮切的，味道很真。基本上每碟試少少，也都叫我們每人飽死了，最重要是每碟的味道也好。講真唔係朋友介紹，我相信來到赤柱也不會進此餐廳吃飯，因為它在一條巷仔中，門外又陰陰暗暗，而且兩位侍應也是伯伯的年紀，沒有什麼特別好的service。但其中一位「火腿」叔叔侍應，成日走黎跟我們吹水，卻又是十分搞笑。下次入赤柱都會來這裏再吃。

21.07.2008(一)地址一d都唔難搵丫,,可能睇你咩方向去na,,我地搭小巴,,係大街落車好快就見到有條斜路仔,,斜路仔餐廳既水牌又清楚,,近pacific coffee.Set lunch ($58)菜湯蒜蓉包配腸 焗肉醬意粉凍milk tea半分天下($98)比全一款pizza多2蚊,,不過可以食2隻味bor一半要三文魚,,味道幾好!不過好多配料..全是我唔食的,,有紅椒,洋蔥,菠蘿一半肉腸,,又薄又圓個塊係咩腸呢,,我覺得咸左dapple pie超正!!不過我呢個既蘋果好似有小小燶過頭,,但不怎影響味道Tiramisu好食!丫叔好nice!!!服務好好!!

同一個朋友去沙灘之前食呢間受openrice推介既餐廳, 間鋪既位真係好難揾 好唔起眼 又見到唔係咁多人 未入去之前都有d驚佢唔掂 因為唔想食咁飽~ 所以只係order左個caesar salad+ smoked salmon, 雪糕伴apple pie 同脆炸雞翼~ 淨係好簡單既caesar salad都無令我失望~ 好有誠意 即叫即做係食得出既 雖然係好common既炸雞翼but 硬係覺得同出面賣既唔一樣 食落唔膩 無油 apple pie好得 佢個pie應該無加糖 食到萍果既原味 原本唔得vanilla favor icecream既我 都覺得d味好夾 總之就讚啦 不過d waiter就唔識講野咁...算啦 d野食outweigh左

在赤柱行了一回，我們找食的地方，找到了一間不十分顯眼的以橙色為corporate colour的「小天使餐廳」，本著試一試的心態。那時已是三時，於是我們叫了一個薯皮，一個甜品 (蘋果撻+雪糕) 和一杯mocha。年老的餐廳負責人問我們是否先吃薯皮，再吃蘋果撻，因為這樣不會又咸又甜。雖然我們只是叫了些小食，但他也想得週到。薯皮有兩種味道，一種有吞拿魚，另一種有煙肉，味道很不錯。至於蘋果撻+雪糕，十分好味，不太甜，蘋果一片片放在撻上，賣相很好，味道也好。而那杯mocha都令人很滿意，咖啡味和朱古力味十分適中，奶的分量恰到好處，令這杯mocha很滑溜。

星期日父親節原本想同太太、女兒去小天使食晚飯因為見有好多好的食評，約當日四時半左右，因我找不到地點行錯美利樓個邊，所以打電話去查詢，有一個很悔氣的男人聽電話，我問他點去我在美利樓，他不但無答，只問我想食幾點，我都知當日會多人，所以我答五點幾六點，心想這個時間容易些，他很嬲地話這個時間唔開，伙計食緊飯，而7點已經book滿，我唯有答算啦唔該！該男人全程很悔氣，大佬呀！全赤柱得你一間有飯食呀!我一定唔會去就算你的食物好食到會飛，

龍舟比賽後來赤柱晚飯赤柱大街的pub & restaurant塞滿人食品亦是千篇一律的fish & chips, meat pie...就向橫街進發來到啤之前來過，現已轉手的'小天使'地方不大，格局很異國風情食物選擇頗多牆壁上亦有列明當晚推介是晚我們試了：１．餐廳附送的意大利麵包，外脆內軟，很想ｅｎｃｏｒｅ２．．帶子南瓜忌廉湯　－　甜甜的湯，內有兩粒帶子３．辣椒蒜蓉炒蜆肉意粉　－　分大中小辣，淡淡的蒜蓉味，不錯，份量兩個人剛剛好４．酥炸雞翼　－　共六隻雞翼，炸得好香，特製的甜酸汁能帶出雞翼的香味５．蜜糖芥末燒豬膝　－　有幸品嘗到是晚最後一隻豬膝．共四大舊肉配兩件薯仔，豬膝皮燒得很脆，肉亦很入味，對我們二人來說，確是太膩，建議三五知己一起分享此菜色

為慶祝紀念日，與男友去了小天使餐廳。小巷中﹑郵箱旁的餐廳，就有特別的風味。步入，不過六﹑七張桌子，面積小，客人少，自然寧靜﹑舒適。食物︰(每天不同的Today's special)意式翡翠螺沙律鮮蝦蘭度豆蓉湯主菜-千島蚧肉海鮮薄餅甜品-蘋果朱古力漿雪糕前菜的沙律不錯，挺豐富，有青菜﹑螺肉﹑意粉(少許)，加了olive oil﹑意大利黑醋，口感酸酸的，很開胃。豆蓉湯也足料，稠稠的，蝦味足，很新鮮。主菜也不令人失望。千島蚧肉配芝士很和味，厚厚的芝士﹑又薄又脆的餅底，讓人吃個碗底朝天。pizza夠大，份量足，一個餐夠二人份量！特別喜歡這餐廳標榜不加味精，果然吃出食物原汁原味﹑廚師手藝﹑餐廳獨特的風格。有食客可能覺得過淡，但這才嘗出食物鮮味！甜品更有驚喜。下層是薄得只有1mm的蘋果，墊著雪糕，再淋朱古力漿，一冷一熱，特別好吃。設計讓雪糕頭部及底部溶得快，中間溶得慢，更有口感。入口是半溶的朱古力漿雪糕，中間冰凍，在口中再慢慢溶。吃完pizza雖然很飽，但忍不住要清埋雪糕。另，侍應聊天的聲線有時的確響亮，但，當作小餐廳風味吧！我認為沒什麼問題。豐盛的一餐。吃飯不須去大型食肆，赤柱美利樓的確方便有名

上年生日男朋友帶我黎呢度食佢話當時見到呢間係赤柱區排第一, 全部"笑"食評既餐廳, 於是就去左慶祝我生日結果真係好好食~~~!上次食左牛扒配鵝肝醬+翡翠螺+焗茄子+半分天下pizza(小天使+藍芝士)仲有tiramisu做甜品~樣樣野都好好味相隔半年, 我地食過番尋味, 不惜專登o係油塘行去鯉魚門搭船去西灣河再搭巴士入赤柱, 就係為左再黎呢度食飯~~!!由於今日係公眾假期, 有好多人黎赤柱消遣我地今次又無book枱, 所以專登早少少去6點45分去到, 已經有幾枱客了~ 後尾d客都一枱接一枱咁黎果然真係好多人慕名而來~我地今次叫左一個set dinner加一個main course同甜品先講個Set dinner:1. 忌廉蜆肉湯 + 兩片多士 - 蜆肉幾鮮味, 忌廉稀稠適中, 配埋兩片多士(唔係一般o個d蒜蓉多士, 但我唔知係咩..), 很開胃的前菜~2. 燒雜菜配蛋沙律 - 睇個名仲諗緊點樣燒d菜, 原來係d燒青椒、紅椒、黃椒、茄子、翠玉瓜, 加半隻蛋沙律, 幾特別!3. 香草烤雞黑菌意大利飯 - 件雞淨係配左少少香草黎烤, 好香!! 黑菌意大利飯個汁好好味, 令人不禁食完一啖又一啖

之前聽朋友介紹呢間意大利餐廳唔錯，所以就唔去美利樓那邊，選擇晌度試吓！點知大失所望。我地3人去食lunch，除了點黑板上「今日廚師介紹」之類既食物外，又點了餐牌食物：1. 田螺多士2. 番茄湯3. 焗蠔+蝦($168)4. 小天使pizza5. 焗薯皮($60?)5樣之中，最後三樣卻係極之唔掂：首先，焗蠔2隻+蝦2隻，當我地一叉起隻蝦，就feel到佢係隻"梅"咗既蝦，試食一啖，即吐！我相信廚房係知道d食材唔ok，但卻照讓比人客食，晌屋企都接受唔到啦！何況係比錢出黎食！其二，係pizza，個餅底好硬，唔鬆脆，再加上食落去有油"益"味！最後，係薯皮原來得二細塊，shooter52好食過佢多多聲！不值這個價錢！雖然係一間意大利餐廳，但卻見唔到廚師對廚食有誠意，好失望，下次都唔會再去！埋單3人共$350p.s. 樓面那位伯伯仲同另一張枱既客人講話佢地d野點好點好，佢地偏僻小人知，其實仲好過美利樓那邊wor！希望佢地會有所改善，如果唔係真係有第一次，就無第二次啦！

女朋友生日,同幾個朋友到赤柱,聽閒d間小天使比較寧靜,於是就試試。由於很早,大約6點到就到,所以入到去d叔叔waiter仲休息緊,不過一見到我地入去就即刻起身招呼我地,仲調暗d燈,開埋音樂,氣氛不錯! 1):煙三文魚多士(好好味,必試!!)2):雜菌火腿忌廉天使麵(都不錯,可以試試)3):xx闊條麵(d個可以唔使試,pizzahut好過佢)4)半分天下pizza(不過不失,無想像中咁好味)最後黎埋甜品,上面仲有candle!整體黎講比我一個幾好既印象,有機會會再去。

琴晚同老公去赤柱食晚飯順便行下，因爲有朋友介紹地下，決定試下這間Angeletti小店。裝修都幾特別，雖然擡比較少，但因爲我地好早，所以無乜人。我地兩個人order左一個pasta同一個pizza。味道其實好普通，同外面很普通的餐廳無分別。都有少少失望，因爲聼人講到好似好好。而且價錢唔抵，例如，一個pasta要$100 (同一碟pasta，同樣味道，外面可能只係$60，也只值$60)，以這quality，我地都覺得唔值。甜品order左一個tiramisu同一個cheesecake。tiramisu係全餐飯最欣賞，真的不錯，但cheesecake好似雪過入freezer - 非常硬！總括黎講，我覺得我唔會再去，而且其實去赤柱應該去見到海景o既餐廳會比較有feel嘛！