Angry Oppa Restaurant & Bar (Closed)

Angry Oppa位於金巴利道，大概位於三角公廁的位置，無論從尖沙咀去或佐敦去也相當方便。見openrice好評甚多，當然要試試。餐廳面積不算很大，以水泥牆配以簡單的傢俬，並配上輕快的k pop music, 讓人感覺置身韓國街頭。-今天與朋友叫了幾道食物：1. 牛肉湯鍋（牛骨湯底）最喜歡韓國湯鍋多菜少肉的配搭，每個鍋也配置了大量娃娃菜，紅蘿蔔白蘿蔔片，也有大量菇菌和翠玉瓜，可以平衡香港人多菜少肉的習慣，另外牛肉片雖然比較薄，但牛味濃，肥與肉相間，配著蔬菜同吃也十分不錯。2. Freestyle pancake呢個pancake 好好玩，話明freestyle當然自己喜歡點整就點整，餐廳會比晒配料你，豬肉，海鮮，蝦，韮菜，泡菜和蔥段，自己鐘意整到個pancake 薄又得厚又得，想個pancake邊位脆d又可以自加油整脆佢！平時如果叫塊大的薄餅可能set 死左配料，呢個free style pancake 真係滿足晒我既願望！SosoSo 得意！3. 迷你熔岩pizza我地兩個人叫左兩個五花腩迷你熔岩pizza，呢個大概等左10分鐘先到，因為即叫即整ar ma, 最喜歡呢個熔岩pizz

星期日對自己好D, 當然要去搵下好味嘅嘢食! 今次去到金巴利道嘅Angry Oppa, 店舖小, 坐位不算多.餐廳食物選擇新穎, 唔係一般傳統韓食, 店內的薄餅多數係香港少見, 種類好多, 令人有新鮮感!韓式醬牛肉薯泥比薩批$188下層全係薯蓉, 以薯蓉作為批底! 上面再鋪滿厚厚既芝士, 再加上粒粒牛肉, 同西蘭花粒! 薯泥芝士同韓式醬混為一體, 入口creamy, 食到綿滑口感, 同意式pizza完全唔一樣, 好有特色! 味道都好好! 十分推介!韓式牛肉拉面 $85材料豐富, 有韓式拉面, 雞蛋, 豆腐皮, 牛肉, 年糕, 紫菜同蔬菜!牛肉肉質嫩, 肉味鮮, 牛味濃郁! 韓式拉面夠彈牙, 好滋味呀!泡菜炒五花肉 $108泡菜辣辣甜甜! 五花肉肉質腍, 肉同脂肪比例一半一半, 油香十足! 炒到好入味好香! 正!CASS 啤酒 $35真露蜜桃泡泡氣酒 $38酒精含量只有3%, 有淡淡蜜桃香甜味, 適合女士們.

星期六還是要工作👜的確是讓人很沮喪😢，這個時候有甚麼比一個豐富的晚餐🍗來得更令人開心？😍在天文台道附近找到了這家韓式小店🍺，水泥牆配上木製的傢具🌲，簡單但又不失品味😌。晚飯時間🌛，人也是蠻多的，還好我們早了一點來。韓式蒸餃子（3件）🥟：餃子皮不算太厚，包起來漲卜卜的很可愛💖~ 裡面裝著滿滿的韭菜和粉絲等😲，饀料份量十分豐富👍🏻，一口咬下去層次感十足🤤！韓式青口湯🍲：青口肉質肥美爽口，味道鮮甜😋，每一啖湯都充滿了海鮮的鮮甜和蔬菜的清甜味👍🏻，配上白胡椒，更覺滋味😍。大醬五花肉薄餅🍕：一刀切下，一手拿起，馬上看到那長長的拉絲🤩，視覺效果100分💯。味道方面，芝士味🧀非常濃郁，香氣十足，薄餅皮軟軟的又不失煙靭口感❤️，配上油香四溢的五花肉🐷，惹味可口！總結：常言道『辛苦揾黎旨在食』💸，有甚麼比一頓好食的來得更治癒💝？

上網見到呢間餐廳好多人推薦 於是帶朋友黎試下 好彩一早有book 到檯 因為餐廳唔大 見出面d 人都要等🙈全場爆滿 都幾旺場😆 餐牌選擇都幾多樣化 好多野揀🙈 先黎韓式炒牛肉 連埋個煎鍋一齊上 雖然冇咋咋聲 但係一上碟就好香 顏色豐富 食落仲熱辣辣 牛肉切到好薄 薄到我以為係肥牛 而且肉質鮮嫩 加埋洋蔥紅蘿蔔椰菜蒜蔥一齊 好夠味 仲有少少甜味 如果呢個時間有碗白飯就仲正😆面上有d白芝麻 令到成個韓式牛肉更香🤤卡邦拿炒年糕 年糕好煙韌 食落好有口感 卡邦拿汁唔稠 反而有d 稀但我好鍾意個汁 唔會好似卡邦拿意粉d 汁咁膩🙈另外仲有d 紅蘿蔔洋蔥絲撈埋d 卡邦拿汁 好好食😭👍韓式蒸餃子🥟 第一次食韓式餃子 原來係咁大隻 包到漲卜卜 成個乒乓球咁大 要食幾口先食得哂😂入面d饀好足料包到實一實 有韮菜肉碎 比較多菜😋不過皮比平時略厚 先可以包到咁多料又唔穿😆煎餅拼盤 本身我唔係特別鍾意泡菜 但朋友又想試出名嘅泡菜煎餅 所以就叫拼盤 一樣一半我都試左少少泡菜煎餅 食落辣辣地 比平時薄餅厚d 😆 我自己就幾鍾意韮菜煎餅 外面香脆 入面軟身 唔油膩 沾上咐送嘅醬料 味道更好 不過都幾飽肚 食完好夠飽😋

今晚我好想食韓國菜，友人就提議去韓國街慢慢選。見到呢間angry oppa 有d 出面唔常見嘅餐牌，就入左黎喇！琳琅滿目嘅餐牌放滿餐廳門口。店面唔算大，走型格灰路線。餐牌嘅熔岩芝士pizza 好吸引，有大同迷你size 選。韓國桃汁、梨汁飲落都好清甜，絕對唔會有假水果味。韓式蒸餃子（3件）$48餃子飽滿紮實。青菜、豬肉、粉絲料好足，淡淡胡椒調味。韓式大醬五花肉熔岩比薩 $90/2迷你pizza擁有杯子蛋糕嘅外型，均有三塊五花肉係上面。邪惡嘅拉絲一刻黎啦裏面嘅拉絲芝士味道較淡口，平時芝心批嘅芝士配上大醬五花肉剛好綜和番肉嘅重口味。韓式海鮮薯泥比薩 $168比薩整個底部都係用薯泥做，面層舖上海鮮同邪惡拉絲芝士。薯泥比薩仲加左大量同海鮮最夾嘅千島醬！薯泥食落順口唔會太膩。韓式魚糕烏冬 $85配料除左魚糕之外，仲有年糕同雞蛋！食得到係韓國嘅味道！用嘅雞蛋唔係本地蛋，蛋味香濃。埋單時，oppa店員將單據放係杯仔入面，仲好sweet 甘有粒糖仔俾客人

之前去完韓國回來，都還記得正宗韓國煎餅的味道。最近好友向我介紹位於尖沙咀的 ，餐廳獨有創新的煎餅，好美味呀！還有多款厚厚拉絲芝士pizza，適合喜歡吃芝士的我 ~餐廳牆身設計以水泥牆打造，型格獨特，燈光色調柔和，環境舒適，不會有壓迫感，播放著韓國MV，感覺特別有氣氛！餐牌裡有不同口味的正宗韓國煎餅、薯泥pizza及熔岩pizza ; 還有一人韓式火鍋、傳統金便當、韓式湯、拉麵、烏冬、餃子、炒年糕、小食及多款特色飲品選擇，正宗韓國料理，很不錯！韓式微辣大蝦熔岩比薩     $198有3款口味選擇，我選了微辣大蝦，屬於韓式少辣，口味獨特創新，香氣四溢，濃厚芝士味道，適合喜歡吃芝士人，自己也不例外，而且芝士份量超多，拉起來非常高，長度很厲害，而pizza皮有濃濃的麵粉香味，質感軟綿綿香噴噴，加上餡料有鮮甜大蝦、橄欖、西蘭花、洋蔥，口感豐富，真的非常美味！韓式醬牛肉韮菜煎餅      $158香香脆脆的煎餅，韮菜和牛肉份量多，餅底不會過厚，口感不油膩，配備特色醬汁，惹味可口。韓國甜米水     $25雪碧  $22  ，  可口可樂  $22微甜的米水，內有粒粒米，滋味有口感，消暑解渴。

尖沙咀有好多韓國餐，今日相約朋友去左呢間叫做Angry Oppa 的韓國餐廳晚餐係門口望入去都好full，等左幾分鐘就有位我地兩個人幾樣野食海鮮湯鍋點左個海鮮鍋一人份量，都好足料！我地怕唔夠食就加追了五花腩和魚糕。個鍋味道都唔錯，湯底鮮甜點左韓式大蝦熔岩pizza好正！拉絲芝士相當邪惡！可以拉到咁長都唔斷，厚厚的皮底都十分香脆可口，而且材料十足，食得津津有味。餐廳都有多種類野食去俾客人選擇而且食物賣相好靚，會再次回來的餐廳

平時都是於韓國街食野, 今日選擇行遠小小, 接近天文台道。這裡地方不算大, 簡簡單單。平時韓國餐廳最常見是炸雞或壽司卷等, 但呢到比較特別, 比較主打PIZZA, 我同朋友因於Lunch時間, 食得唔多, 見到店內電視不停播熔岩Pizza , 真係漏哂口水呢到有pizza;湯鍋; 煎餅;便當等我們2個女仔, 最後簡左, 泡菜豆腐湯清清地, 唔油~勁多芽菜泡菜芝士拉麵(午餐價$58)午餐會比平時份量少一些有好多芝士, 有魚糕, 年糕~最Funny 不得不提-- Free style pancake($138)有工具, 油, pancake 粉, 蔥, 泡菜, 蝦, 牛肉, 蜆給客人自行加配好有煮飯仔感覺, 又食又玩pancake粉大約可整9-12件, 材料唔夠仲可以加$追加drink ~柚子蜜&果汁(梨)

名字特別，叫angry oppa, 果然有位oppa招呼，佢不但唔angry, 仲幾sweet既店鋪不大但可選擇既食物都唔少友人係芝士控，一黎就睇中呢個port belly mini pizza $90, 我原本話食一口既，但我足足食左半個，芝子烤得微香，煙煙靭靭，讚👍🏼Fish cake soup 魚湯串$148 向來是我favor,湯夠胡椒味，都似釜山食既感覺，魚串尚可啦，雞蛋反而好好味呢Kimchi pancake 泡菜煎餅$158薄薄的皮包滿kimchi, 食唔停系列

今日朋友聚舊，相約尖沙咀，去了金巴利道食韓國菜，菜式和味道都相當好，而且價錢又不貴。迷你大醬五花肉熔岩比薩- 比薩面鋪上蕃茄肉醬和肥瘦適中的五花肉，入口第一下的味道像肉醬意粉般酸酸的，緊隨的味道是芝士、芝士和芝士，整個批底和批邊都注滿了芝士，令肉醬和芝士味混在一起，以「極度邪惡」來形容這個比薩應該不會太過過份。韓式海鮮薯泥比薩批-雖然叫比薩批，但它沒有比薩批底，薯泥和海鮮放在鐵製的盛器焗製，用了韓式醬料調味，味道酸酸甜甜。韓式煎餃子-餃子大大隻，底面煎得香脆，餡料豐富。泡菜豆腐湯-豆腐入口順滑，配菜豐富，有芽菜、韓國年糕等，湯底酸酸辣辣，令人十分開胃。泡菜芝士拉麵- 辣辣的泡菜，加上濃郁的芝士，令每口煙韌的拉麵都充滿兩種層次的味道。魚糕拉麵- 吃過幾個酸酸辣辣的菜式，是時候清淡一下，魚糕拉麵湯底清甜，魚糕爽口，窩蛋令整個麵添上一份蛋香。

新年就係有一個好好嘅藉口食食食，順便可以同好耐冇見嘅朋友吹下水，一諗起食乜我就諗起食韓國嘢，可能近排有睇開韓國電影。韓國炒年糕，年糕好彈牙，年糕又吸晒啲汁又好夠味道，又甜又辣，超正。泡菜炒五花肉，有辣有甜，五花肉又唔算太肥，味道剛剛好。海鮮湯底(鮮蜆湯底)，蜆肉好鮮甜，最緊要又肥，湯入面有青口，蝦，魷魚，冬菇，年糕又菜。所以湯底堅正。韓式海鮮薯泥比蔭批，pizza底係用薯仔整，中間有千島醬，上面舖上芝同海鮮，堅正。

約左中同飯局聚一聚一直聽講angry oppa 幾抵食今晚終於有機會一齊去食佢卡邦拿炒年糕 年糕炒到幾軟身 加埋洋蔥絲 紅蘿蔔絲一齊炒味道顏色都好豐富韓式牛肉拉麵配料豐富 有牛肉 蛋 魚腐等拉麵軟硬啱啱好 就算浸耐左都冇乜點漲到泡菜海鮮煎餅煎到金黃香脆好大塊又夠味海鮮配料都唔少魚糕青口湯鍋 有好多配料 魚糕湯底好鮮甜再加左牛肉片同豬肉片幾個人share食啱啱好我地最期待嘅迷你熔岩pizza拳頭嘅size 包左滿滿嘅芝士同配料徦有3種口味有大醬五花肉、蒜香雞肉、微辣大蝦最鐘意就係微辣大蝦 辣辣地幾過癮飲品叫左蜜桃梳打蜜桃味嘅嘢is my favourite!Gathering 食好西又點少得啤酒啤一啤！今餐真係好豐富！

尖沙咀多好食既韓國菜果然係真既！首先黎到每人叫枝啤酒慶祝下happy friday先再黎就叫左個海鮮泡菜煎餅，配料好豐富！每啖都又泡菜又有魷魚咁，口感好好！再叫左個迷你熔岩芝士比薩，六件一共有三種口味，有大醬五花肉、迷你忌廉雞肉同迷你微辣大蝦。配料超多，批底又好食！而且最重要係佢有好多芝士喺入面！超好食！再叫左個牛肉拉麵，個汁勁濃味，溝埋個生蛋完全無得頂！拉麵質感又好好食，唔會好生硬或者太爛～重頭戲係邊爐！我地叫左魚糕鍋，估唔到佢會咁多料，全部都好入味，湯勁鮮甜！我地仲加嗌左一碟牛同一碟豬，新鮮得黎又好夠食！

尖沙咀越離越多韓国菜餐廳，食得多燒肉、韓国伴飯、石頭鍋飯等，都想食下d韓式fusion菜，“Angry Oppa Restaurant & Bar”尼間新派韓国菜餐廳由韓国人主理，廚師及店員都係韓国年青人，菜式主打濃郁芝士、pizza薄餅及韓式煎餅，當然亦有傳統菜式例如傳統韓式鍋，所以絕對要離一試。韓式年糕比薩批$188尼個非一般既pizza內層係韓式炒年糕，面頭就係一層厚芝士，再加埋薄餅批邊，芝味無窮，一次過可以食到不同口味，用薄餅批邊夾住芝士加韓式年糕，真正多重口感，食到韓式醬汁既甜味，亦有濃厚芝士香味。韓式牛肉拉面 $85韓式拉面用一鍋上枱，熱力十足，可以慢慢食，雞蛋、豆腐皮、牛肉、年糕、紙菜，材料豐富，牛肉味超級好味，韓式拉面夠彈牙，十個推介。韓式煎餃子 $58煎餃子一碟有四隻，餃子形貌表面綠色成隻青椒敢，食落味道都感覺有dd青椒味，裡面餡料有粉絲等，偏向淡口味，相對其他菜式就比較一般。韓式炒牛肉 $108對於喜歡食牛肉既我食完牛肉拉面覺得好好味，挑起左我對牛既食欲，所以再離一個炒牛肉，佢地既牛肉比起普通既牛肉離講係更加重既牛肉味，加埋洋葱炒就十分之香。餐廳坐位唔算多，如果假日

今日同朋友去完shopping ,周圍搵野食。行過韓國街，見到呢間d野食好過癮咁，d芝士批好似幾特別。所以就決定入去食下喇！入到去餐廳仿彿去左韓國既感覺，播著k-pop, 職員也是OPPA黎的！笑容親切有禮！呢間餐廳有好多報章報道過，人氣餐廳之一。韓式煎餃子！煎得賣相很不錯！外皮煎到好脆，不會感到很油膩。內餡是韓國粉絲，葱，肉碎。味道不會好濃。再加點微辣的醬油，味道就剛剛好了！食韓國野點少得泡菜芝士拉麵！總是覺得自己煮不到韓國獨有的味道。配料有芝士，紫菜，年糕，雞蛋，泡菜，魚糕這個辣的程度還可接受到，很惹味！！將配料撈匀，令到芝士，雞蛋同啲麵混埋。很好味！年糕食落好煙韌！黎到當然要吃招牌熔岩pizza! 有迷你版可以叫，太好了！唔洗怕食唔哂！叫左蒜香雞肉味！賣相好靚！焗到個外皮好脆。新鮮焗出，好熱辣辣！佈滿左好多芝士同雞肉粒，好香濃既芝士味！一打開，芝士流出！正呀！芝士點拉都唔斷食落芝士味好濃烈，加上少少既奶香味。甜甜地！好yummy!! 🧀🧀很出色仲叫左個韓式鮮蜆湯！🍲呢個湯好飲，好有海蜆味，微辣得黎好鮮！雖然好大煲好飽，但我地都飲哂！好味甜米水