Angry Oppa Restaurant & Bar (Closed)

呢間位於韓國街既餐廳🍴 佢地d米酒又幾好飲🤣🤣 啲野食未到 我地就先嗌咗個桃味嘅米酒黎飲🤣 酒精濃度唔算高 有少少甜甜地 又真係幾好飲喎！-之後嗌咗一個韓式牛肉同kimchi豬頸肉🤓呢兩個都幾好食 各有特色 唔算重口味 唔油膩 但都唔錯，可以試吓！-之後嗌咗個mini pizza set （右下角）分別嗌咗雞肉 蝦🦐同豬肉既餡各二🍕🍕但呢個就麻麻地啦 雞肉有d騷味 而且個set都差唔多200$ 呢個就不了😖-

韓國在香港大熱，係尖沙咀依條街立刻變成韓國街，不同的韓店入駐，係咁多間店殺出重圍，都需要d創意。就好像言間韓式pizza，真係未試過，立刻俾它吸引。韓式微辣大蝦比蕯來到當然要食招牌pizza，牛肉同雞成日食，食少少唔同的蝦，只簡單拎開，芝士就爆湧出來，玩下拉絲，輕鬆拉得過過人，食韓國野芝士真係不得了，除左滿滿的芝士，配料是典型的韓式甜甜地的辣醬，玩上大大蝦，很爽。一人湯-海鮮湯鍋+豬肉片、魚糕片韓國的湯也十分有名，其實有單獨的湯，不過叫火鍋有湯飲又有更多的料食，基本上的海鮮都有，青口、蜆、大蝦，湯鮮甜就當然的，配料也很足，隔外的豬肉再增添色彩。韓式炒牛肉韓牛也是韓國的特色食物之一，忍不住也叫一碟試試，色香味的牛肉在鐵板上更吸引人，甜甜地的味道，仲有野菜的爽口鮮甜，牛肉都不令人失望，入口軟軟的，牛味也不錯。

朋友介紹食🇰🇷韓國菜, 尖沙咀必食呢間, 基本上經過金巴利街, 有一堆韓國餐廳會遇到。 入到店內, 叫左🍲一人火鍋, 湯底揀左泡菜豬肉湯底, 飲左啖湯, 非常鮮味, 微酸中帶點辣, 唔係太食得辣既我都接受到😋 入面既料非常多樣化，剩係菇都有2,3種；🐷豬肉薄切上, 就算煲耐左食落都唔老。.第二道菜我地叫左店內好多人order既韓式薯泥pizza, 簡單講就係🥔薯蓉！入面既牛肉配上甜醬同埋芝士, 簡直一絕👍 雖然熱量好高, 食完會好肥, 但真係好食到連差啲連隻碟都食埋🤣 . 最後主角係mini cheese pizza set, 包左3款不同既細小芝士包, 上面既料有五花腩, 蒜香雞同埋🦐蝦, 一咬落口大量芝士湧出, 差唔多佔左成個包既一半, 對於芝士控黎講, 呢個係非常值得推介既一道菜👍 . 今餐可以話係食到肚都凸埋出黎👏薯泥非常高卡, 不過唔理咁多啦, 食完先有力減肥嘛😎

Summer sales 又開始啦！放工去尖沙咀shopping，然後約埋姊妹食韓國餐，再傾下最近雙宋的新聞，八八卦卦又一晚！行完美麗華就去咗韓國街，Angry oppa 的比薩吸引了我們。《海鮮韭菜煎餅》$168朋友特別喜歡食韭菜，海鮮配韭菜味道很豐富，煎餅熱辣辣，口感又薄又脆 、煙煙韌韌。韓風味煎餅在吃的時候蘸點惹味醬汁，朋友大呼過癮。《韓式醬牛肉薯泥比薩批》$188韓式醬非常惹味，師傅將薯仔打成蓉，很有心思的菜色，薯泥裏面中混有芝士、牛肉，加上韓國特色醬汁，薯泥比薩批熱辣辣上枱，入口食到綿滑口感，十分美味。《牛肉湯鍋》$99這個價錢真的超值，牛骨湯底，配上肥美雪花的牛肉、蔬菜、冬菇、年糕、材料豐富。用明火上枱更加有打邊爐嘅風味。整體而言，小店裝修感覺 relax, 價錢又唔貴的韓式餐廳，我覺得好適合情侶或者三五知己，傾計食飯一流！

一向熱愛韓國菜既我，收工同朋友近近到去左尖沙咀金巴利道一家韓國小店晚飯。小店位置唔多，八點左右都坐左7成。環境都幾舒服，適合傾計。食物種類唔算好多，但比一般傳統韓國餐廳特別，有pizza食，但就無d傳統既韓國野食例如紫菜卷。煎餅既味道選擇會較多。迷你大醬五花肉熔岩pizza🍕$90最Signature必點既一定係爆芝pizza🧀🧀一meet開pizza中間既芝士拉絲效果好impressive 超多芝士，足料🈵 勁過pizzahut既芝心批🤭芝士上塗上韓式醬同有五花肉碎，味道好韓feel🤤🤤 如果五花肉係一片片instead of 碎，應該會更好味🉐有迷你版同normal size l，兩個人建議嗌迷你版，偏膩同飽肚🤤韓式煎大餃子 🥟 $58餃子皮偏厚身，餃子饀偏少煎得都算脆口，見到隔離台嗌蒸餃，望落d餡多好多，建議大家可以試蒸餃喔❗️韓式炒牛肉 $108係吉野家牛肉既味道🤤🤤🤤 加左好多野菜一齊炒，感覺健康d鐵板上得黎一d都唔油👌🏻👌🏻海鮮泡菜煎餅 $168海鮮係八爪魚粒、魷魚粒同蜆肉🐙🦑煎餅夠薄唔油，個人比較鐘意食香口野，可以再煎脆身d微辣，味道唔錯👌🏻整體感覺唔錯喔👌🏻👌🏻🙂

要食一餐韓式美食總係離不開來呢度開飯夠晒集中，基本上有齊想食嘅韓國菜式而且口味又夠地道風味，感覺上好似去左當地咁，而且有咁多美食選擇，最後就去左呢間食下特色美食呢度主打必食招牌菜式有韓國煎餅同披薩，當然仲有其他韓式美食品嚐，先點番個大醬五花肉熔岩比蕯，即叫即整保證食到熱辣辣嘅Pizza，終於都有得食望見肥美嘅五花肉就知口感十足一切開已見一絲絲濃厚芝士係入面，披薩入口香脆內裏香軟味道濃郁，仲食到大醬汁香辣味道夠刺激之餘，同時間又食到五花肉香嫩啖啖肉汁滲出夠晒惹味接住另款人氣美食係韓式海鮮薯泥比薩批，面層有芝士食入口會更香滑入面當然有薯泥連同各款海鮮材料份量十足，同時食到啖啖軟綿香甜嘅薯泥粒加上千島醬味道更滋味又再繼續品嚐其他嘢食，再來食番個原汁原味嘅韓式牛肉拉麵，夠晒地道風味食之前先將雞蛋攪拌食落更滑，再飲啖湯汁簡直完美食法，咁又品嚐完一餐韓國地道美食。

中午一時來光顧，直到吃完離開只有我們一枱，所以在熱鬧的尖沙咀格外寧靜。點了四樣東西，迷你微辣蝦芝士薄餅最好吃，只是份量真的很迷你，像兩個芝士撻。牛肉煎餅，味道可以，只是若能再煎耐一點，能脆口便更好，因為有少許生麵團的味道。其他不過不失。

第二次食呢間餐廳，第一次食果陣已經覺得唔太好食，但去開呢頭，上openrice 揾食咩，見到佢咁多好評，覺得可以比多一次機會佢。。。點知係比多次機會我中伏豆腐泡菜湯：浠單單，得個辣味，賣$128但得5塊肥牛碎片、3件豆腐、芽菜同少許切碎既泡菜，呃錢到無論，呢個湯成本$20都唔洗！炒年糕：啲年糕硬過我條命，同侍應講太硬，係米未熟，佢再攞番入去煮多一陣，再攞出黎好少少，但都偏硬；個醬汁唔知點解係甜既，之後就越食越辣；仲有你睇，炒年糕個醬汁梗係要夠「傑」身，黏o係啲年糕度先好食嘛⋯⋯ 佢啲醬汁咁浠，條年糕唔夠味總結：完全唔好食又貴，但個侍應態度唔錯，同佢反映啲食物質素差，佢雖然唔太識聽（韓國人）但都連聲道歉，再送咗兩罐飲品比我地（不過如果我係老闆，會免個客一個菜既價錢囉，咁先叫識做生意）真心如果間餐廳唔改善，千祈唔好去，我伏過兩次

我好中意食韓國菜，自從知道尖沙咀金巴利道痛唔少韓國餐廳之後，今日就特登去左呢間憤怒哥哥食番餐😋女朋友話好想食，就嗌左釜山魚糕湯，入面有好多種唔同味道既魚糕😍仲有年糕，湯底都好清甜，食完都飽左三成！呢個泡菜炒豬肉非常惹味，泡菜食得出入味之餘仲係爽口，加埋炒至微燶既豬肉片，下次真係要嗌番碗白飯送菜！😛當中數到我最中意食既就係韓式蒸餃子啦！大大隻好多餡，餡味道絕對同太子某某餃子名店有得揮😎不過要趁熱食，唔係既話皮會凍左硬少少～另外仲嗌左牛肉拉麵同野似，都唔錯架！不過上面講既更正😋遺憾無食到好多人都推薦既OPPA自創pizza系列！但呢個質素都非常值得我再黎試😋 下次一定要食下pizza先！

黎到韓國街附近梗係食韓國菜見佢個名咁得意就睇吓食完會唔會Angry.一坐低見到隔離成班人有個可以自己整pancake好似好過癮但係今次我地得兩個人驚食唔哂冇叫下次多人d一定叫黎食.咁我地兩個人叫左3樣野, pizza,煎餅同一個湯講講個pizza先係呀!無睇錯呀,係pizza大醬五花肉熔岩比薩我真係第一次食韓國pizza😂兩件熱辣辣既pizza仔放係小煎pan上面好可愛咬落去個芝心好香軟仲可以拉絲~個餅皮好脆好香口配五花肉大醬都幾特別感覺好新鮮真係無諗過呢個組合~.韓式醬牛肉韭菜煎餅韓式煎餅最怕係太油佢呢個好多材料煎得都好香脆由上檯到食完都keep到唔會放一陣就腍左牛肉燒得好香好乾身配埋煎餅顯得無咁單調煎餅份量都好足（一開始驚唔夠飽）.最後到個釜山魚糕湯魚糕係我好喜愛既韓國食物梗係叫個魚糕湯試吓佢上檯既時候串埋左一齊好方便兩個人（唔洗慢慢搵😂）除左果兩串入面都有年糕，魚糕同好多洋蔥紅蘿蔔🥕雖然材料好簡單但係味道唔錯湯入面既甜味帶微辣食哂d料會想飲埋個湯.係呀仲有枝酒燒酒飲得多見到有隻桃味米酒應該易入口一枝都有700ml,夠兩個人飲味道有d似桃梳打加米酒唔會太甜亦唔會太勁酒精味

今個星期又到韓國街尋食 今次嚟到呢間裝修好地道嘅餐廳雖然坐係門口位 但比想像中涼爽 呢日嗌左三道菜式 有吞拿魚便當 卡邦尼年糕pizza同自選峴鍋先講最印象深刻嘅年糕pizza一上菜時店員都好細心提我地鍋柄好熱 所以我地都小心翼翼切開pizza 上枱時以為只有面頭個塊大pizza 點知原來切開內有乾坤pizza底竟然收埋左一大卡邦尼醬汁and年糕醬汁十分濃郁 有好綿厚嘅cream 仲有紅蘿白絲 煙肉 洋蔥 最緊要係有好多嘅年糕 十分足料 而pizza本身已有芝士 沾滿卡邦尼再連年糕 一大口品嚐 非常滿足 口感超豐富好推介啊 因為相信冇乜地方會一樣嘅菜式 值得一試而峴鍋方面我地追加左魚糕串and年糕本身湯底已經好足料 啲峴亦十分有鮮味啊 而湯鍋本身附有兩隻青口 一樣咁新鮮連埋湯底一齊入口 真係好鮮甜另外個吞拿魚飯雖然個人覺得平平 但友人食得好開心因為成個便當啲料好夾 同埋每啖都可以食到吞拿魚~最後野飲方面都幾推薦個米水 因為唔係死甜 仲有啲粒粒係入面 感覺上fresh啲

假日又開始發個旅行夢，趁住天氣好就去尖沙咀有名的韓國街，一完韓國之夢作為芝士控既小編絕對會比以下餐牌吸引而去食了黎韓國餐廳當然要食五花腩，咁就一於叫個大醬五花腩熔岩pizza, 即叫即整所以都會等候耐少少黎到既時候見到個pizza底比其他既厚身，原來係因為要放入熔岩般的芝士一拉起個芝士拉絲好正好滿足食落芝士味好濃郁，芝味滿瀉連埋厚身且鬆軟既pizza底已經好好食而且個五光腩焗得好香脆，加埋濃郁且酸甜既蕃茄韓式大醬，十分惹味黎到韓國餐廳當然都叫個鍋物，叫個清淡d既海鮮湯鍋湯底重胡椒味但又唔會太熗口，且帶濃郁既海鮮鮮甜味，拌飯食一流入邊仲有好多蜆同青口所以好鮮甜仲追加左個韓國魚糕串，魚糕就好似魚蛋咁，但就好吸湯，吸哂湯既精華友人唔夠飽就叫多左個韓式牛肉麵，湯底好濃郁再拌埋蛋汁好惹味麵質係韓國式，食落好煙韌，入邊仲有好多餸--牛肉, 菜,泡菜,紫菜，十分足料仲叫2罐梳打--青蘋果同檸檬，酸酸甜甜十分開胃餐牌⬇️⬇️總括黎講：食物好有驚喜，尤其係個熔岩pizza👍🏻一間新潮的韓式食店------------------------------店舖名稱: Angry Oppa Restaurant

服務👌🏼食物麻麻，叫左個魚湯味道ok魚蛋有啲硬，然後叫左兩個金飯盒，飯同餸既比例差好遠，大概四五餤飯先一餤餸。價錢有啲貴同份量有啲少！不過最重要係有蟑螂見到無曬胃口🤮

尖沙咀金巴利道一帶有超多的韓國餐廳，這次就來到這間以邪惡芝士pizza聞名的Angry  Oppa  Restaurtant  &  Bar用餐~店內以特色水泥牆的工業風格配以木製餐桌為主調，牆上貼上懷舊韓國電影海報，令店內增添一點韓風!蒜香雞肉熔岩Pizza ($198) 即叫即焗的蒜香雞肉熔岩Pizza，2人分享就最適合不過~ 切開pizza，可見拉絲芝士極多，鹹香惹味，配以雞肉粒等，更覺豐富. Pizza 外脆內軟，喜歡吃芝士的話定會滿足~韓式炒年糕 ($95) 煮得剛好的年糕很有嚼勁，配以香辣惹味泡菜、烚蛋及魚糕等，是吃韓國菜不可少得的傳統料理. 海鮮湯鍋 ($99) 再來一客用上鮮蜆湯底的海鮮湯鍋，內裡配料也多，包括: 青口、蜆肉，配以翠肉瓜、胡蘿蔔& 菇菌等，清淡又健康!Hite ($35)/ 蜜桃梳打 ($27) 友人要了一瓶韓國啤酒，而我則選了沒酒精成份的蜜桃梳打~ 尖沙咀金巴利道73號地下A舖28843266

成條街都係食韓國野，所以喜歡食韓國野嘅朋友可以去呢條街慢慢揀餃子個餡幾好吃，有少少粉絲，而且好rich 大部分係蔬菜。不過個餃子皮煎得有點硬。。呢點可以改進下！五花腩熔岩pizza 真心推薦！首先啲五花腩吾會太厚，吾係好肥膩，少少咸咸地。個醬有少少辣，但好開胃，配搭好好！之後個拉絲芝士真係fill曬成個pizza 超香濃芝士！！落足料！！！Carbonara 年糕就麻麻地個汁好普通，可以再creamy d ,太多雜菜，年糕可煮耐少少，硬左少少。服務員都好有禮貌