Angry Oppa Restaurant & Bar (Closed)

這晚又要去百利睇結婚野 順便覓食沿天文臺道上去 找到間人氣韓國野時間尚早難得沒訂座都有位 馬上試餐牌選擇不算多但款式特別 幾吸引-🍕韓式微辣大蝦熔岩Pizza $198算是半個芝士控 好想試又有點怕肥最後魔鬼戰勝了理智 size看來不大但兩個人會吃不完 因為芝士超級多不只是批邊芝心 係成個批底都流芝全塊都拉得出絲 邪惡指數有一百分吃得出批底自製 似麵包煙韌而香脆可惜以韓國辣醬調味 本人不太習慣其餘很好 如果叫其他味相信更高分-🍢魚糕青口湯鍋 $99與火爐一齊上檯 滾住食熱燙魚糕湯好有韓國風味 清清地剛好中和飽膩海鮮不多但魚糕頗多 配上大量蔬菜這個價位這個地段來講 我覺得超抵妹妹平常不愛喝湯也大讚 簡單清甜-🥢泡菜韓式醬牛肉煎餅 $158好大一餅 兩個女仔正常係會食唔完煎餅選擇好多 妹妹不愛蔥就選泡菜揀了牛肉 配搭幾特別餡料毫不手軟-整體來講很有特色 愛新派的人要試下次有閒情逸致還想再來玩DIY煎餅

友人是芝士怪，而儍媽又想食薄餅 就諗到這兒的芝士拉絲薄餅 ~~大醬五花肉熔岩比薩 HK$198薄餅較厚身，中間和邊位有很多芝士 芝士超多，看到拉到長長的芝士絲已經流哂口水 ...大醬即是韓式味噌，充滿韓式風味 帶點甜味的醬汁配上香濃的芝士和鬆軟的薄餅 味道很夾亦不會覺得膩，滿足哂我個芝士怪友人 ~~熔岩比薩也有迷你 SIZE ...海鮮煎餅 HK$168煎餅不太厚，裡面很多青蔥、蝦和魷魚 外面煎得香脆不油膩，帶點蔥香的煎餅香口美味 ~~午市也有多款午餐提供 ...** 以上分享是以我的口味、喜好和情況作出分享及感受，一試 / 合用與否請自行決定

可能大家都知道，在尖沙咀的金巴利道有一條韓國街。說清楚一點，韓國街不是韓國人聚集的地方，而是眾多韓國餐廳的一條街道。今天忽發其想，突然想和另一半食韓國餐，因為知道尖沙咀韓國街的存在，所以我們晚上就直接前往，打算亂入試試。在眾多韓國餐廳，我們看到了 Angry Oppa Restaurant & Bar，心覺得這個名字好搞笑，而且餐廳內大放韓文歌，另一半就因為餐廳正在播BTS的歌就自動入去了。入到去，聽著韓文歌，慢慢睇餐牌。Angry Oppa 不像一般的炸雞店，他們更著重韓式料理以及薄餅。對於想品嚐韓食的我們正好不過。⇌ 1. 大醬五花肉熔岩比薩, $198看到Menu和OpenRice 介紹，知道Angry Oppa 的Pizza 是必點的Item 之一。Menu 中的 Cheese Pizza 十分犀利，芝士拉絲的程度真的令人不禁懷疑。我們於是就試一下，點一個大醬五花肉熔岩比薩。嘩，真係唔係講笑，我們切開Pizza，拿起上來時比薩中心的芝士就自動拉絲，幾乎能拉到自己的鼻子，果然是Many Cheese So So Angry！然且，Pizza的味道亦非常豐富，其大醬及五花肉為Piz

嘢食ok 服務態度很好～ 推薦魚糕&餃子～ 嘢食ok 服務態度很好～ 推薦魚糕&餃子～ 嘢食ok 服務態度很好～ 推薦魚糕&餃子～ 嘢食ok 服務態度很好～ 推薦魚糕&餃子～鬍鬚哥哥服務很好！

週末和兩個好友過來尖沙咀逛街，血拼前要先填飽肚子，朋友説要去吃韓國菜，第一時間便想到韓國街。韓國街大部分餐廳是比較傳統的韓式料理，朋友想吃比較新派的，便選了這間Angry Oppa.🔸迷你熔岩pizza ($90 for 2)這個應該是招牌菜，門外都貼了很多這個菜的照片，我們點了大醬五花肉和蒜香雞肉。這個pizza造成一個小杯子的形狀，很可愛，內裡真的有超多cheese，芝士控一定會很喜歡！兩個口味我比較喜歡蒜香雞肉，用的是生蒜片烤，不是用蒜蓉，所以很香蒜味，五花肉那款就稍為咸了一點。🔸韓式鮮蜆湯 ($138)材料有蜆、魚糕、魷魚、年糕、洋蔥等，很足料，湯底有一點點胡椒的香味，應該是想釣起海鮮的味道，湯底有蜆的鮮甜味。🔸韓式蒸餃子 ($38)餃子很大隻！是菜肉餡，皮很薄，沾一點豉油，好吃！🔸韓式炒牛肉（$108）這道菜是傳統韓式料理，肥牛、洋蔥、耶菜、蘿蔔絲等用韓式醬料一起炒，通常吃韓國料理我也很喜歡點這個！🔸飲品有很多韓國汽水、酒精飲品可以選下次想試試這些便當，看上去得好吃😋

比個餐廳名吸引左，就去睇下個Oppa係咪一副嬲爆樣先，哈哈去到發覺又唔係，仲要好nice同埋幾靚仔添🤪打開餐牌，見到有韓式既傳統湯底打邊爐，平時就飲得多港式的老火靚湯，今次就試下呢個一人一鍋既打邊爐🍲湯底方面就有四款選擇，包活有：海鮮湯鍋（鮮蜆湯底）、鮮糕青口湯鍋、牛肉湯鍋（牛骨湯底）及泡菜豬肉湯鍋（泡菜湯湯底）。🥘我地叫左個「海鮮湯底」，裡面有雜菌、白菜、青口、蔬菜、蝦等。如果唔夠喉，仲可追加配料如牛肉片、雜菌、芝士、豬肉片、魚糕片、魚糕串、韓式年糕。我同朋友就額外再點左個牛肉片&芝士🧀🧀原來加埋芝士，味道係出奇地好味同埋原來咁夾，仲做到拉絲既效果🧀今晚最好食既一道係「泡菜韓式醬牛肉煎餅」份量可以夠三個人食有餘，食落係煙煙韌韌既口感，雖然係用泡菜做，連唔食得辣既朋友都覺得唔辣😋Fusion菜既「卡邦拿年糕」，食落有啲似食緊西餐既卡邦尼意粉，不過呢個裡面有啲紅蘿蔔、蟹柳絲、磨菇等等，配料比較豐富，令到整碟年糕有啲色彩，無咁單調👍🏻

看見很多post 這間店的薄餅，今天絕對是衝着這個而來的。幸好有book位，因為來的時間已經見人頭湧湧，這裏的格局都是這輕鬆Cafe路線。先來蜆肉湯，蜆肉鮮甜，咬下不會過老。魚肉清湯又顯得特別美味之後再來一個炒牛肉，牛肉不會炒到鞋口，又不會放太多油去炒，剛剛好的狀態配合椰菜洋蔥等一起炒十分香口。終於來到今晚的主角了一上枱便感受到他的膨拜，芝士多到瀉出來似的。批底鬆脆，配上雞肉一齊食，美味無窮。 當然前提是你也喜歡吃芝士。

星期五晚要同友人們食飯，但大家太遲才決定，所以想食的韓國餐廳都full booking 了openrice search見到呢間angry oppa ，打去book 又book 到地理位置不是在韓國街7.30pm 去到都大把位，唔洗book 都得店員服務態度良好，值得一讚店內無限loop K-pop MV黎之前都睇定有咩好食，但我地都係試下d 最傳統的菜色吧叫左一個韓式炒年糕(HKD95)、一窩泡菜豆腐湯(HKD128)、一碟辣炒五花肉(HK$108)本身係香港食親既韓國菜就唔知點解要咁貴啦但呢間真係CP值低到一個點.... 令人沮喪講左個泡菜豆腐湯先，唔知係米豆腐好貴，豆腐得果四小塊，係百X豆腐，如果用韓國豆腐一定香好多！味道方面，如果玩blind full，一定唔知自己飲緊泡菜湯，淡如水！我自己煮都好食＋多料過佢.大量泡菜同蔬菜，想食菜＋清清地可以叫黎食下既辣炒五花肉，刀功一定好好，d 肉片薄到...要尋寶，唔知仲以為自己食緊炒雜菜，高纖維唯一好少少既就炒年糕...不過不失啦叫幾款食物都失望到咁...友人們食緊途中已經又要search openrice 轉場食下一攤

今晚黎到尖沙咀搵食, 好耐冇一齊食韓國野, 一於去尖沙咀的韓國街搵下食, 呢間小店係由韓國人親自主理, 出名新派fusion韓國菜, 唔係淨係食炸雞甘熱氣嫁XD 店內會播放K pop, 同韓國綜藝節目, 韓式氣氛都幾濃厚~首先點了海鮮湯鍋, 雖然話係一人一鍋, 但份量都幾多, 2個人食都得, 好抵食! 海鮮有蜆、青口、蝦、魷魚碎, 蔬菜有金針菇、娃娃菜、蘑菇、紅蘿蔔絲、年糕，湯底係蜆湯, 都幾清甜鮮味🤩另外點少得芝士控必食的大醬五花肉熔岩pizza, 呢到pizza要等30分鐘左右, 大家記得一黎到就要點啦! 佢的拉絲效果真係唔係講笑, 由批底到批邊都是滿滿的芝士, 用左超多mozzarella整,一拉開就見到拉極唔斷的芝士拉絲XD 超邪惡, 視覺同味覺都大滿足呀! 五花肉唔算多, 烤得好脆, 4小件加埋都已經超飽!呢到仲可以自製迷你版熔岩pizza, 不過我地冇甘既功力, 就都係唔試了XD 想玩下又驚大版既pizza食太飽可以一試, 感覺幾得意, $90一份兩個~最後點了韓式蒸餃子, 有3大件, size係普通食開餃子的2倍XD 餃子皮應該係自己整先會包到甘大年, 皮幾煙韌, 餡又好

都有一段時間冇食韓國菜啦，上網看到呢間餐廳D食物都幾特別，於是就黎試試。餐廳裝修簡潔，播著韓文歌!店員大多數都是說韓文的，不過都可以講英文及少量廣東話!蜜桃米酒($98)，食韓國野點可以唔飲D酒呢，這款米酒飲落絕對唔似飲緊酒，似飲緊蜜桃味果汁，所以好容易令人飲多左!韓式傳統湯底之一人火鍋-泡菜豬肉湯鍋($99)，另追加了魚糕片($15)，好少韓式餐廳會有一人火鍋的，幾有創意!湯底有少少酸辣味，鍋內有豬肉和泡菜外，還有津白、年糕、翠玉瓜和三種菇類，岩哂好中意食蔬菜的我，而且個湯底唔會太味精，飲完都冇成日想飲水!韓式鮮蜆湯($138)，呢個絕對係好韓式湯的味道，即係好清，好鮮甜!湯內蜆的份量都有很多，除了蜆之外，還有很多蘿蔔絲!如果食完辣野飲的話岩哂呀!蒜香雞肉熔岩pizza($198)，呢個pizza唔好睇佢得4小份，食完係超級飽的!這個pizza的芝士拉絲可以拉到好長，岩哂中意食芝士既我!餡料味道甜甜咸咸的，幾好味!芝士連個邊都有的，非常正!而這款pizza的邊跟平時食開的pizza唔同，佢個口感有點似台灣的胡椒餅，幾特別!總括黎講，睇落好似唔係食左好多野，因為有兩個都係湯，但係其實食

Angry oppa就真係angry，係食客angry，由落order直到上第一個菜用時差不多一個鐘。我地落左單，隔離枱先入座，同一款菜，隔離仲上先過我地。味道都算正常偏咸。但都真係不可一不可在啦。

韓國餐廳俾人嘅感覺都係炸雞，辛辣嘅嘢，我哋揀咗呢一間有提供口味比較清淡啲菜式嘅店舖。1️⃣迷你大醬五花肉熔岩比薩 $90 per 2 雖然係迷你，但係佢用咗好多芝士呀，拉絲好正，長過頭髮，真係令人流晒口水！😍😍😍下次我一定會試原個pizza，應該會超級震撼😍😍佢嘅pizza唔太熱氣，食落好香口，好cheesy😚😚😚個醬汁就似番茄溝左香料嘅味道，好特別！2️⃣海鮮韭菜煎餅$168個人鍾意食韭菜🥰佢呢個韭菜味好出，煎得幾好唔會好油膩，表面同底上有少少脆，裏面就腍得黎幾好咬口😝😝3️⃣釜山魚糕湯（ $148）有兩大串魚糕，個湯入面都仲有啲魚糕、白蘿蔔、雞蛋🥚、仲有年糕......有好多材料，好味道，魚糕好彈牙😋😋推介👍4️⃣韓式蒸餃子（三件$48）最近食嘢好熱氣，想叫蒸餃子🥟rather than煎餃子，蒸餃子冇想像中咁清淡，反而我覺得呢種食法嘅餃子材料係最新鮮😋😋啲肉同菜味好突出，正呀！其他照片：

昨晚在尖沙咀諗住搵套戲睇，但沒有啱心水的，所以即興去食韓國菜之後回家。 這裏的oppa大廚是來自釜山的，主打創新口味韓式煎餅。 小店環境以木為主題， 簡潔清新！ 我們點了四款食物，釜山魚糕湯$148 ， 蒜香雞肉熔岩比薩$198， 韓式蒸餃子$48， 韓式煎餃子$58。釜山魚糕湯～ 魚糕湯一向都是我最愛，每次到韓國必吃！ 在香港食韓國菜也不例外， 用洋蔥，紅蘿蔔和白蘿蔔淆製而成的清湯， 配色彩繽紛又大串的魚糕一起吃，正！韓式煎餃子～ 原本我們點韓式大餃子的， 但店員跟我們說大餃子已經賣曬了，轉四隻細餃子給我們！ 煎餃子的餡料用粉絲，豬肉和白菜混合而成，外層金黃脆卜卜，好味！韓式蒸餃子～ 入面嘅餡料和煎餃子的餡料一樣， 一碟三大粒脹卜卜， 可以一試！蒜香雞肉熔岩比薩～ 個人感覺這一個是必食推介， 味道似千島海鮮醬配芝士，芝士有拉絲效果，份量十足！這裏的韓國薄餅做得唔錯，埋單還有兩粒糖送給客人，Oppa夠細心真係甜到漏!

呢間舖頭位於尖沙咀嘅韓國餐廳街 舖頭嘅裝修好簡潔同光猛令人一入到嚟就有好舒服嘅感覺 餐廳做請咗韓妹做店員 服務好好蜜糖牛油炸雞 連骨 ($208) 難得嚟到食韓國餐廳當然必點一份炸雞 我非常推介呢一份蜜糖牛油炸雞 蜜糖同牛油嘅味道好濃郁 但係亦都唔會太甜 非常切合香港人的口味 炸雞係新鮮炸起 外層非常香脆 內層嘅雞肉非常juicy同多汁 除咗炸雞之外 仲放咗粗薯條係底 薯條吸取咗蜜糖牛油嘅醬汁 變得非常好味 我朋友不停用薯條點啲蜜糖醬嚟食蟹膏蟹肉紫菜包飯 ($108)呢個唔係一般嘅紫菜包飯 入面嘅餡料用上蟹膏同埋蟹肉 加上蘿蔔絲 蛋絲 等等嘅配料 滿滿嘅蟹膏紫菜包飯非常適合 呢㗎嘅蟹高控 每一啖都有蟹嘅鮮味 回味無窮Jumbo 芝士蛋捲($158)呢一份芝士蛋捲簡直係必點嘅菜式 個size簡直大得誇張 非常適合蛋嘅愛好者 蛋捲仲加上椰菜 茄汁 沙律醬 芝士 等等嘅配料 入邊流心芝士令成道菜色加上畫龍點睛嘅作用 好味好味

><場內播緊kpop song 啱啱做完嘅觸碰真心都有 好update下喎迷你大醬五花肉熔岩pizza($90/2)大pizza驚食唔哂 嗌個mini version試下店員提醒製作需時 要等20分鐘五花腩烤到脆身 好似煙肉咁唔知係咪有大醬 所以食完芝士唔係好膩魚糕青口湯鍋($99)話就話係一人鍋 份量兩個人都夠食冬菇 娃娃菜 紅白蘿蔔片 雜菌 魚糕串 青口 年糕 材料好豐富海鮮煎餅($168)餅邊脆卜卜 好多蔥段 整體冇中式煎薄罉咁油><><><><><><><><><><><><><Angry Oppa Restaurant & Bar尖沙咀金巴利道73號地下A舖