Angry Oppa Restaurant & Bar (Closed)

尖沙咀呢一帶有好多韓國餐廳，朋友話想食韓國野所以我地又黎左呢頭搵食啦～餐廳不停播放韓國MV，店員真係韓國Oppa黎，好似去左轉韓國咁🤩•🐮韓式炒牛肉（$108）牛肉少少似吉野家個隻肥牛🥓個味道甜甜地，我鐘意佢加左好多椰菜洋蔥一齊炒，夠健康😋•🍲韓式豆腐泡菜湯（$128）韓國湯之中我最愛kimchi湯～佢呢度既泡菜湯辣度係可接受既辣，豆腐幾嫩滑，泡菜唔多，加了很多蘿蔔絲，比較與別不同🥕•🍱韓國傳統金便當（$129.9）個盒係金色幾靚，個蛋唔錯，其他都不過不失😝

好耐冇食過韓國菜，因為大部分韓國餐廳既菜式都好相似，已經無咩新鮮感，但當見到呢間餐廳既熔岩Pizza，就俾佢吸引左😍好特別！！店舖細細間，裏面嘅員工都係韓國人，仲有年輕嘅OPPA添。呢度全部員工都好友善，笑容滿面！ 除咗熔岩Pizza比較出名之外其實餐牌內食物種類選擇都非常多，亦都比較少見，係偏向帶美式風既fusion韓國菜。 因為天氣凍所以我哋嗌左個湯暖暖先。《韓國泡菜豆腐湯》$128 好多泡菜同其他蔬菜，仲食到五花肉添。 湯底嘅泡菜味再濃啲就更好，而辣度就恰好。呢度嘅豆腐較厚身同大片，同以往食過嘅切粒唔同，好柔滑有彈性，唔會一夾就碎👍🏻《韓式醬牛肉韭菜煎餅》$158呢個整體份量都幾多，但略嫌牛肉較少，不過用上韓式BBQ醬十分惹味。煎餅口感不錯，好軟糯，唔會有好粉既感覺，而且唔算油膩👍🏻外皮微焦，食落香脆可口。不過建議大家唔好一下子倒太多醬汁，否則會變到好鹹。《五花肉熔岩pizza》$198真係超多超多芝士，拉絲效果好震撼😍芝士控不能錯過呀！pizza麵團非常軟熟有彈性，好好味！不過五花肉份量較少，醬汁都有少少偏甜，但整體係好值得食！！ 呢度食物味道好唔錯，仲有友善既op

同女朋友行完街搵下野食，聞到pizza嘅味道 就入咗嚟，但係坐低食嘅嘢唔係食pizza😂叫左個魚糕湯同埋一個芝士拉麵就飽了。魚糕湯味道同喺韓國食差唔多，個人認為胡椒味可以再多啲。拉麵就純粹因為女朋友鍾意食所以叫，咪就係“拉麵“囉… 你懂的。店面員工好辛苦，得佢一個跑來跑去， 落單，出菜，執枱，收銀，都係得佢一個人做 見到都唔好意思叫佢落單。不過好彩就算係咁 服務都唔差，有禮貌， 起碼唔會好似大餐廳咁樣會西你面。不過會再黎，因為想試佢個pizza。

朋友去了歐州探親住了三個月, 剛回到香港約我吃晚餐, 她想吃韓國菜, 我想了想, 年青人至愛去簡單, 好食, 又抵食的料理.  決定去 尖沙咀  Angry Oppa Restaurant & Bar, 主打韓國煎餅及傳統湯鍋. 看看門外餐牌, 已感覺吸引. 餐廳面積不太大.  但人氣重.   我們等了十分鐘才有位.   下次要先去電訂位.  店內裝修簡約. 餐牌上選擇很多, 除了傳統韓式料理, 例如煎餅, 金便當, 湯鍋, 拉麵, 炒年糕等......發現特色薄餅, 自創 迷利熔岩比薩 .   我們一致話好. 看盲牆上, 我們留意到...... 富者米酒有三款介紹.餐廳雖然供應不少韓國飲品, 人氣米酒, 果酒及果汁.   朋友獨愛 "富者米酒" 她說酒味獨特, 帶新概念, 醇厚富營養元素, 美味好易入口, 我們下單了.  叫兩款 迷利熔岩比薩 , 每款兩個, 一人一個. - 迷你大醬五花肉熔岩 Pizza- 迷你微辣大蝦熔岩 Pizza$90  兩個,  方便不用分切, 又抵食. 形狀像朵花, 好美 !!   烘得熱, 迷你大醬五花肉熔岩 Pizza 材料豐富.  芝士餡及五花肉份量

呢晚黎到尖沙咀搵好朋友食飯，等佢收工之後行左陣美麗華，行到攰攰地就去搵食醫肚朋友仔話想食韓國野，所以我地就行左去金巴利道個邊揀去呢間主打食韓式pizza同煎餅既韓國小店入面既會播放K pop, 又會有電視播出韓國綜藝，都幾有韓氣XDD呢度食物既選擇都幾多樣化除左有一般既鍋物同小食之外，仲有唔少特色批添我地睇完一輪，決定要個 大醬豚肉溶岩芝士pizza$198、海鮮鍋$99（另追加魚糕片、魚糕串、年糕同雜菌）同一份韓式蒸餃$48一齊share食呢個pizza雖然望落size唔大，但厚度十足，啲芝士多到呢~~~~大醬豚肉帶有微辣同芝士既味道好夾！！海鮮鍋雖然話係一人鍋，但份量都唔少，鍋內除左有唔同既海鮮之外，仲有蔬菜、魚糕、菇菌同年糕架食到一半再加埋我地追加既配料就係大滿足個魚糕串好大串，有幾款魚糕可以試曬最後黎既蒸餃更加係份量驚人，一客三粒，但每一粒都係脹卜卜，成個拳頭咁大架呢度全部既staff連大廚都係正宗oppa黎架，係埋單既時侯，oppa仲好sweet咁請我地食糖添

今次食午餐叫左大醬五花腩pizza，蜆湯，煎餃子，薯絲煎餅同卡邦尼年糕食物質素好滿意，樣樣都好好食由其係個pizza底，真係爆哂芝但係pizza嘅材料比較少。此外，叫開三款罐裝飲品都係冇貨好在有水提供。午市光顧嘅人都唔少，爆左大半場。但無奈店舖人手得一個，執枱落單送餐都係韓國妹妹，服務態度普通不過會再食

每次想食韓國菜都會黎到金巴利道，今日就同妹妹試下呢間係openrice有唔少好評嘅angry oppa。平日呢頭嘅餐廳都唔多人，呢間都唔例外，我地一到就可以入座！餐廳細小但座位舒適，亦有電視播住韓國mv。我地點左好多人推薦嘅大醬五花肉熔岩比薩同海鮮湯鍋，另外加多串魚糕！見到個海鮮湯鍋嘅時候有啲失望，裡面嘅材料大部分都係蔬菜同菇類，而部分嘅海鮮切成一粒粒，海鮮份量比想像中少，但整體味道都可以。將啲魚糕放入鍋再食，味道唔錯！呢個pizza就要等耐啲，我地差唔多食曬個海鮮鍋佢先到。黎到當然即刻趁熱食，我地睇到佢個拉絲效果已經流曬口水！Pizza裡面夾住超級多芝士，食落非常滿足！但pizza面頭嘅醬同料較少，食到最後會得翻麵包同芝士。總括黎講，呢間野食嘅質素OK，但價錢偏貴～

果日約左家姐係尖沙咀食飯，所以就搵左呢間評價唔錯既餐廳。我地八點鐘左右到，唔洗等位就入得去。入到去餐廳播住韓文歌，氣氛輕鬆。我地點左一個大醬五花腩熔岩比薩同埋海鮮湯鍋。因為之前去韓國食左魚糕，一直想再食，所以就加多個魚糕。海鮮湯都幾清甜，鍋裡蔬菜菇菌為主，海鮮只有幾個青口，蜆同埋魷魚碎。而魚糕就比較有嚼勁。冬天食暖暖既鍋還是不錯。等左半個鐘比薩終於到，熱辣辣而且香噴噴的。餅底厚而且佈滿芝士。食落去芝士加大醬既味道幾夾，外脆內軟。但係五花腩只有薄薄的幾片，有些可惜。

每次一追韓劇，嗰排都會想食韓國菜。最近睇緊Netflix嘅李屍朝鮮，又想食韓國菜，所以放工就同男朋友到尖沙咀嘅韓國街覓食。韓國街有多間餐廳，花多眼亂，上openrice發現呢間Angry Oppa Restaurant & Bar有好多正評，就決定一試。一落單就意外發現原來樓面真係一位oppa負責，呢位oppa好友善，一啲都唔會angry! 餐廳主打fusion熔岩比薩，但因為男朋友唔太好芝士，我哋又得兩個人，怕叫一整個比薩會太濟，所以就試迷你大醬五花肉熔岩比薩。等咗約十分鐘，迷你比薩就熱辣辣咁送上。迷你比薩造型可愛，好似小蛋糕。上面嘅五花肉焗到脆卜卜，超可口。微辣嘅大醬配上熔岩芝士完全減低芝士嘅肥膩感，加上香脆嘅餅皮，真係好好味！就連唔好芝士嘅男朋友都讚好！下次如果人多一齊食，一定要試個大比薩！另外，我哋食咗泡菜海鮮煎餅。煎餅外微脆內軟又煙韌，完全係之前係韓國食到嘅口感，好滿意！個煎餅有泡菜嘅咸酸味，唔使點醬油都已經好夠味。最後，我哋仲試咗韓式鮮蜆湯。呢個蜆湯好足料，除咗蜆，仲有年糕，魚糕同埋各種菜絲。最欣賞係啲蜆鮮甜，同埋洗得好乾淨，完全無沙粒。不過個湯比較咸，可能今次調味重手咗，

見尖沙咀韓國街有間叫angry oppa呢個咁搞笑嘅名，於是就book左黎試下由於門面採用韓文，得細細隻英文字喺隔離，我地行過龍都唔知由於新年大家都食滯左，我地嗌左好少野食，一個一人泡菜鍋同一份韓式薄餅share食泡菜鍋個味幾唔錯，不其實好少料，主要得菇娃娃娃菜泡菜同牛，但湯底好夠辣，我地飲左好多湯😂個薄餅我地揀左海鮮味，都幾香口，不過佢提供嘅醬汁好咸，我地主要點番個泡菜湯底或者唔點醬都好夠味價錢方面好鬼貴，而且個薄餅仲貴過個鍋😕

今日收工朋友話想去食韓國嘢於是就去試試呢一間由樓面到廚房都係韓國人經營嘅鋪頭地方一眼望曬唔係話好大但係座位都算闊落上網報道講過呢間餐廳主打係fusion韓國菜睇佢哋嘅menu已經知道佢哋主打嘅係pizza款式方面亦都好創新 例如有韓式五花腩熔岩pizza 韓式微辣大蝦熔岩 pizza等等今次我哋分別點左韓式微辣大蝦溶岩pizza呢款pizza用咗韓式辣醬做底然後再用大蝦等配料而且用左好多芝士做配料 極邪惡釜山魚糕湯魚糕串用唔同嘅韓式魚蛋串成份量十足 湯底配上大量洋蔥同埋蘿蔔絲蒜蓉煮成，再配上雞蛋及年糕 十分美味

2019年1月28日約左朋友食這一間韓國野。原因係因為佢呢間啲相同個熔岩pizza好似好正咁。店員好似係韓國人。用英文溝通。一坐低就叫左個桃桃酒。又幾好飲～叫左個雜錦煎餅，都ok 但係太多粉同蛋。勝在夠熱。個午餐肉咁既野，我個人覺得唔好食。呢個係吸引我同朋友黎既重點。因為我地得兩個人，所以冇叫大Pizza。勁失望佢啲芝士未溶曬。同行友人個件就溶曬。但我地都覺得冇想像中咁吸引。最後係個蛤湯。飲得出佢啲蛤唔係新鮮。落左勁多胡椒粉去掩蓋佢唔新鮮。間野唔大。雖然客都唔多，但侍應得一個。侍應好似成日唔知去左邊咁。

睇完朴寶劍的"男朋友"，就想去尖沙咀食韓國料理。鍋物韓味十足。Free style pancake($138, 12 -19pm，$188, original price)自己親手做，好吸引！配料有kimchi、魷魚、牛肉、蝦、葱。先放油，掃一掃，熱一熱。再加煎餅漿和配料，自由組合，可以整到最少9塊，不用太厚漿，好玩又好味。韓式傳統湯底之一人火鍋($99)，海鮮湯鍋，鮮蜆湯底，有冬菇、白菜、紅蘿蔔、雜菌、洋蔥、葱，有不少海鲜，青口、魷魚、蜆，味道不錯。魚糕片($15)加入鍋食。魚糕串($20)放湯食，韓式正宗食法！韓式炒牛肉($108)有椰菜、洋蔥、蘿蔔絲一齊炒，非常健康，唔會好肉肉，不過牛肉太碎。韓國果肉果汁($25/罐)有多種口味，桃、梨、甜米水。

多年前跟旅行團去韓國旅行，團餐不是 "燒" 就是 "滾"，食到我有點悶。自此，我對韓國菜有乜好感。但我想講，今日我食過呢間韓國廳後，對韓菜改觀了。牛肉火鍋外觀普通，只是吃下去時, 肥牛有很重的牛肉味很重，就連湯底也是一樣，好正!!忘記了呢幾個批的名稱，只記得裡面有好大量 "流心" 芝士，所以要盡快趁熱食。這碟煎餃子，層皮不算簿但算煙韌，餡料唔駛講，淨睇相都見到脹卜卜，真材實料。最後叫左一份 PANCAKE，要自己落手落腳去煎。看似簡單，但俾我到一團糟 --第一次落得太多粉漿，攪到外面煎到燶晒，而裡面仲未熟透; 第二次落得太多材料，攪到 pan 面不能接觸粉漿，要成日壓住個 pancake 才可將裡面煎熟。結果唔重要，重要是幾 funny 丫 !!

舊同事約食飯，帶左我地去尖咀食韓國菜。起初以為是韓燒、石鍋飯之類的東西，去到才知，先前想的全部沒有，取而代之的是Pizza、一人火鍋、Pancake...。Anyway 既然黎到，就抱住見識吓也無妨的心態入內。呢個pancake最特別的地方是玩 DIY，要落乜野材料、要厚定要簿都可以自行決定，幾有 gimmick。這個魚糕青口火鍋裝得滿滿的，湯底很清甜及有鮮味，我覺得好好食。這個 "辣泡菜+蝦 Pizza" 是一個意外, 原先是 order 海鮮pizza的，是我英語唔好，令店員誤會左，可謂錯有錯著，辣泡菜+蝦+勁厚芝心批邊，加加埋埋出來的味道是很好吃很有新鮮感，跟連鎖比薩店的出品比較的話，簡直是差天共地。呢個飯盒令我地我禮晒，一上枱就急住滔來食。原來，食之前係要將金蓋盒上，再用力搖勻，使到裡面的飯餸 totally mix埋一齊。可惜，我地係食完先至知，所以下次一定要再嗌過。