一品螞蟻

Open Now

Now Closed

雖然E間餐廳侍應的服務一般，但我真係幾中意食佢的食物， 所以無論點樣我都會想尼食!每次尼都係食意粉多，今次亦都唔例外，不過有表姐係到就可以叫多個飯，咁我就可以試下。今次叫左setA and setB，個set仲會送前菜同湯嫁意粉叫左香檳芥末汁雜菌羊肉煮天使麵，因為汁夠多，撈完之後d麵沾上d汁，所以麵係夠味，好食亦唔會太腍。可惜羊肉有少少腥膻，但正因為汁夠多，所以羊肉的腥膻味對整碟意粉味道唔會太大，可以放心。雖然係芥末汁，但芥末味不太突出，如果芥末味再重少少應該可以再提升整碟意粉的味道．特濃芝士汁焗豬扒飯，第一次食佢的飯有少少失望，見到特濃芝士覺得好正所以叫，但其實芝士味冇想像中咁濃，可以再濃Ｄ就更好，同埋就算焗完芝士味唔太香。豬扒有少少韌，但勝在唔多肥肉。飯的份量夠多。如果用白芝士應該會較香

約左朋友傾計，選擇左黎呢間ant one食下午茶，入去坐底後既感覺不錯，座位不會太迫，幾舒服。我好鍾意食西多士，通常西多士入面都係花生醬，但ant one竟然用朱古力。驚佢唔好食但又心大心細想試下，最後我同朋友都係決定一試，各人都叫左一份。結果係好好食的，好開心無令人失望，我一個人食晒我個份。另外2位朋友一位食三文治，另一位話好肚餓要食飯。唔係好記得佢地個餐叫咩名，但賣相唔錯，同埋佢地話好味，杯野飲都好飲。呢度既價錢比一般普通餐廳貴少少，以朱古力西多士餐為例，外面多數賣30頭，佢就賣38。

來黃大仙搵朋友，一齊去食早餐。由於時間緊迫既關係，我地冇特別去揀食邊間，見到呢間好似ok就入左去。見到個餐牌，對佢既期望係高過普通快餐連鎖店少少。呢度既環境燈光比較暗。我叫左c餐，炒蛋加$1，塊雞扒好細（近鏡睇比較大），望落去煎得唔夠金黃，諗住都唔多掂，但食落都ok. 栗米就比較乾。餐包都算熱，其他都普通。開始見到份雞扒咁細份，以為會食唔飽，點知來左個餐包之後，食完都幾飽。(p.s:我係大胃王😅)味道同普通連鎖快餐差唔多，就係多左服務。

呢一個早餐係我咁耐以黎其中一個最差既早餐碗麵冇味 仲要冷河都冇過 太差 餐肉同腸仔都特別（林）隻蛋都係一粒鹽都冇 唔知係咪因爲呢度主打有營早餐 所以咩都冇味 唯一正常就係杯茶走

今次我在早上來到黃大仙陪人食早餐我點了一個8號餐 香煎薄牛扒、鮮奶炒滑蛋、茄汁焗豆、配牛油餐包 另外加了＄6選了一個迷你火腿通粉首先來到的是餐飲熱檸水 水夠熱 檸檬質素正常然後來的是牛扒先說一說配菜炒蛋中規中矩 不算太滑 但是也說不上太老粟米有牛油香味 略有水份 還算可以餐包有放入焗爐番熱 雖然只係外面的批發貨但是都番焗得外脆內軟 感覺不錯至於牛扒是用比較類似半煎炸的方式煮牛扒內部保存少量肉汁 薄牛扒肉質比較乾柴 對我而言有點過火最後是迷你火腿通粉這一個是最好來的 因為侍應忘記下單大概有六至八條火腿條通粉是沒有紋路的那種比較軟身的通粉至於口感完全沒有彈口 喜歡很軟身通粉的人可能會喜歡但是我就一般至於通粉的湯有點油膩綜合而言對於一個＄36的早餐來說 質素中規中矩唯一比較優勝是 位置比較一般茶餐廳舒服但是希望食物質素 和員工的服務可以改善

我由銅鑼灣APM嗰陣時候食到而家都食咗佢十幾年竟然俾我撞到疑似銅鑼灣經理嘅物體咁十幾年嚟我食嚟食去都係同一個湯麵都算見證咗佢食物質素嘅變遷我都係鍾意佢個酸辣麵加埋佢自家秘製嘅 辣醬簡直係天衣無縫無械可擊但係佢而家呢個唔夠酸唔夠辣我諗佢都換過唔少大廚個食譜 都轉過好多手但係都好食過我上一次過嚟佢曾經短暫出過四川麻辣湯底都唔錯㗎不過要加錢講番今日先呢個酸辣湯底雖然唔夠酸唔夠辣但係依然好味味雖然冇十幾年前咁好食但都比幾年前進步咗炸大腸炸得唔錯但唔夠均勻有一嚿係咬唔爛嘅佢嘅特飲唔夠以前足料服務上係有改進空間

今日同兩位朋友來到黃大仙北館食午餐第一次食這間入去格局似茶餐廳坐下點午餐都很多選擇由於我只想飲茶，店員就介紹我飲中國茶，很好呢！我點了香檳芥茉汁焗鮮牛肉飯，香，大碟，味道芝士味尚可，有點蘑菇，但牛肉一般，整體一般。

放假黎到黃大仙行下。點知周圍都好多人，又多大陸人黎黃大仙廟……搞到間間餐廳都要等……睇到呢間 有lunch set, 同見無咩人，唔洗點等位就試下喇。點知原來係一個伏黎……價錢其實都唔係話好平，但我見呢間一品螞蟻都有分店，應該唔會太差掛。叫左亞來咖喱汁羊腩飯同 雞翼酸辣湯底雲南米線。雞翼都算多，有4隻。同煎得都算唔差，唔會話好乾。但碗酸辣米線就好麻麻了。佢加左好多辣油，令到個湯底好油膩……同食完會好口渴……之後個羊腩飯遲遲都未黎，要再吹下單先黎到。羊腩好韌……好老咁。咖喱個味道無咩辣味……好失望。最後無食哂都放棄了。呢個價錢，咁既質素……真係有點失望。😫

2017年10月中秋翌日，大約7:00都幾full,去左黃大仙呢間ant one.食物質素可以，樓面人員有6-7個，服務生得1個男仔1個女士真正做野（女士仲要係生手），見有個短髮女主管服務生，只係識叫人做野，有客call就叫亞邊個去果張檯我想講我漏單要追食物，叫左4個服務生，👍得一個短髮男仔識回應我並立即送到。已經比左3次機會，都冇改進到，所以決定暫時不再幫襯同另一間平價itamomo 比服務真係👎🏼差左

7月30日，都同老婆🐷由台灣返左黎香港差唔多一個星期，今日終於開拍左兩段我地既台灣總結，記錄低我地係台灣旅行既段段既珍貴又美好既回憶😘💋❤️,拍完片之後就去左黃大仙食一品螞蟻，之前經過果時都覺得d 餐單唔錯，今次一試，不及所料😣首先，間店一入到去就覺得幾唔衞生，地下都幾多食物碎。我地坐低左之後，個侍應黎執台，點知佢執既時候竟然將d 食物碎掃落我同我老婆🐷到...😨之後遞上黎果杯水，個杯又唔乾淨...服務態度同衞生即刻0分。老婆🐷點左個飯不過個飯既味道好普通，同埋上邊有好多一點點既唔知乜野，簡單d 黎講都係個雞皇飯上邊加d 肉。之後仲有個炸花枝呢個野食都幾差下，係就係炸到小小脆，不過d 花枝完全冇味，唔新鮮定唔知咩事？如果唔點d 醬既話真係唔知自己食緊乜野。而且d 醬都只係m 記既泰式辣醬...唯一可以讚既係唔會炸到太硬or 太韌，定係放耐左？我就食呢個德國豬手飯之前都食過其他店既豬手，都好味過呢間，呢間果時人唔多，不過上餐都好慢，我老婆🐷食完，我個豬手先黎...結果就首先我睇住老婆🐷食，之後到老婆🐷睇住我食。但係個豬手都幾咸下...冇咩豬手味...d 黑椒汁又唔好味。 很差😣總結，好彩係

今日由於交通嘅差錯，走咗入去黃大仙中心度食早餐，搵咗兩層樓，見到呢間唯一有開嘅餐廳，即刻狗衝入去。呢間餐廳嘅早餐種類勁豐富，除咗基本嘅公仔麵牛扒雞扒魚柳三文治多士奄列麥皮之外，仲有埋粥同煎腸粉，好少茶仔會搞咁大龍鳳架。嗌咗個晨早流流相信喺茶仔都好難搵得到嘅早餐。煙三文魚炒蛋茄汁焗豆配蒜蓉多士，喺茶仔嘅早餐入面有煙三文魚我都係第一次見，雖然呢間係一間高級啲嘅茶仔，但係都係值得一讚嘅。煙三文魚比起食開嗰啲無咁鹹，三塊啱啱好餸哂個炒蛋，炒蛋亦都算炒得滑溜。不過當我想食塊多士嗰陣，嚇然發現有一群師父聚集咗喺包邊，邊有師傅用師父用得咁張揚㗎，真係要對住塊包邊嗌聲師公啊。不過又奇怪呢咋師公原本嘅定位係喺邊度嘅呢？係咪諗住嬸落啲炒蛋度嘅呢？

今日可以早D食飯，見到一品螞蟻下午茶餐去到18:00，打算早D食當晚餐，5:40落單，伙記話秘製去骨海南雞飯下午茶已經冇啦，但等到晚飯就會有返，結果就晚飯價左同被加一左(下午茶免加一)。不過冇所謂啦，其他下午茶都仲可以叫。秘製去骨海南雞飯。就算寫左去骨，其實都係會有骨既，雞肉嫩滑，黃油飯香口，縱然薑蓉唔夠味，辣醬唔太辣，但整體味道都係ok好味。馬來香辣豚肉茄子炒烏冬。豚肉茄子味道又唔係太香辣，但炒得都香口，可惜都落左唔少油，味道還可以。好啦，到我選的黑椒雞扒烏冬(冬蔭公湯) 又中伏啦！原本以為黑椒雞扒烏冬會係安全之選，但我錯在個湯底。我原本幻想個冬蔭公湯係泰式個種有香茅啊、草菇啊、南薑啊、都冇話想要大蝦架啦，但都唔係清湯加辣椒油咁樣樣啊！！！除左辣都冇咩味道可言，真係大伏。整體而言，各方面都非常一般，以商場餐廳而言連環境都唔算特別衛生舒服(地下係有D dirty)，真係有非常大的改進空間既。

紅螞蟻係我好鍾意食嘅 辣湯麵地方發覺原來食咗咁多辣湯麵原來港式嘅辣湯麵係最得我歡心唔油又夠健康冇味精就係我嘅首選因為紅螞蟻全部撤離我一向 蒲開嘅地方又唔近我住又唔近我返工又到年尾想去黃大仙還神諗住查一查睇下有咩好食見到呢間嘢即刻諗到紅螞蟻睇下個 menu 見到係我一路食開嘅 舊愛餐單真係立即勁興奮不過佢已經冇咗以前嘅麻辣味 湯底不過都有啲新嘢以前美味嘅炸雞排已經分量不比當年不過依然係雞味十足 又夠滑炸大腸冇以前咁好食 但係依然夠脆 不過太多肥膏辣椒醬已經冇以前咁好食以前酸酸辣辣而家好鹹但係冬日飲品有多幾個選擇又夠足料想滋潤梗係整番杯

同同事去開黃大仙做野，搵野食就去試下尼間，因為葵芳果間好食，同事話佢住果邊都有間好食。所以難食有個譜。。。咁佢叫左豬大腸雞扒髮絲麵（冇影相），佢話整體好食，麵既份量好多，但雞扒差dd。佢比左少少炸大腸我食，好脆好好食。我叫左9號餐。雖然賣相唔靚，但好好食值得推薦。難得我整碟食晒好香好味。咁我地野飲加錢，叫左熱桂圓杞子百合茶。我覺得淡到冇味似加左好多水，加上杯野偏凍唔熱。。。幸好之後叫佢叮番，飲落去好ddd。我以為淡到冇味係錯覺，點知同事都話唔甜，冇咩味。所以唔建議叫尼個。。。ps.一坐底唔夠5分鐘，職員前後問左3次落單未，我覺得好似趕客，但其實間店仲有大把位＝0＝可唔可以比我輕鬆下。

第一次岀post, 剛剛點了一客黑椒牛脷絲妙意粉，等了二十多分鐘。碟意粉咸到入唔到口。同啊姐講聲，佢就哦左一聲，冇反應。甘我就話cancell 左去。 佢就計我杯凍飲22蚊。 燥左，唔會再幫襯。