Video
Payment Methods
Above information is for reference only. Please check details with the restaurant.
好少黎奧海城食飯，唔知食乜嘢好，行行吓去咗佢嘅大食代food court，感覺上好多選擇。見到其中一間叫沖繩二段料理，從來未聽過亦未食過，所以就嘗試吓。佢嘅Menu有好多種選擇，好多餸我從來未食過，只係睇名都覺得好新奇但唔會奇怪果種，味道配搭好特別。諗咗好耐，最後決定叫咗明太子烏冬鍋蜜糖芥末雞，明太子湯烏冬好鬼好味，好creamy，creamy得黎又帶些明太子味同口感，烏冬係好滑果種，淋淋地又唔會話連麵中間都淋晒，10分滿分我會比13分。蜜糖芥末雞食得出蜜糖的甜，芥茉的辛口，雞亦有醃過嘅味道，所以我覺得好好食。另外叫咗個櫻花蝦明太子蒸飯配乳酪布甸雞 。櫻花蝦明太子蒸飯香口味道淡淡地唔會話好濃，配搭雞就一流岩岩好 。不過個蒸飯我個人覺得濕左些少 。乳酪布甸雞，就真係將炸雞上於乳酪布甸，可能太新又唔係好熔埋一齊咁，所以我覺得麻麻，下次可選第二啲餸 。加左個餃子，味道正常。最後唔少得個甜品，佢嘅donut煙煙韌韌非常好食。
continue reading
呢間係奧海城新開既沖繩餐廳最出名係既冬甩，我之前都有食過佢既烏冬今次終於有機會可以試埋冬甩，因為平時散叫一個冬甩都唔平所以唔會特登叫，佢今次套餐可以免費包埋終於食到😋🍩佢有個自由配定食套餐可以係A(沖繩蒸飯、讚岐烏冬、炊飯), B(日式炸雞、壽喜燒牛肉、吉列豬扒), C(冬甩甜品), D(飲品)各揀一款🤗而家佢可以係網上點餐之後再去櫃位比錢，佢就會比部機你響先至去拎餐，不過我去果日就比較多人要等左40分鐘先有餐🥲另外最正既係甜品可以後上，你食到咁上下先再scan收據上既二維碼就可以通知佢即叫即製，同埋可以拎果陣部機又會響，咁就可以滿足中意最尾先食甜品既朋友啦，夠貼心🥰♦️肉味噌壽喜燒烏冬鍋：我自己本身麻麻地肉味噌因為成日覺得會好漏仲會好濃同埋鹹，但今次佢反而一啲都唔漏，啲汁完美咁掛起每條烏冬上又唔會鹹，烏冬都好彈牙唔會腍啤啤，肉都幫你砌細成一條條易入口🍜♦️蜜糖芥末雞🐥：呢個反而比到我驚喜，佢係新鮮炸起熱辣辣，炸粉唔係話好厚味道好香，一咬落去有肉汁流出黎唔會乾噌噌，而且雞肉好嫩口，美食廣場既炸雞有呢個質素真係唔錯👍🏻♦️沖繩海鹽焦糖冬甩雪糕🍨：新鮮熱辣即整，冬甩外脆內軟質感有啲似麻糬，配埋冰凍既雪糕冰火配搭真係絕配🙈佢既雲呢拿雪糕味道係我都幾中意，就算加埋焦糖醬甜度都適中，整體而言味道一啲都唔漏♦️無糖烏龍茶🥤：味道無特別正正常常，有助解炸雞既油膩感評分🖍️(滿分為5個🌕)抵食指數：🌕🌕🌕🌗🌑服務質素：🌕🌕🌕🌗🌑環境：🌕🌕🌕🌑🌑味道：🌕🌕🌕🌗🌑
continue reading
来香港🇭🇰一定要来尝试下尼间日料，味道👅超正‼️近排有要来香港玩的朋友赶紧🐴住我的美味推荐‼️尼家日料真系正宗又好味，日式氛围感拉满，很有日式风情，拍照📷好好看很适合朋友之间的小聚，它的味道也是很不错滴性价比超高‼️我点的每一样都唔会踩雷-1️⃣野菜特浓番茄乌冬锅浓郁的番茄🍅味真系好香啊酸酸甜甜，食起身口感超正‼️乌冬面QQ弹弹，很有韧性仲🈶野菜的清新味道👅一定要趁热食，酸甜可口超满足-2️⃣海盐焦糖乳酪布甸鸡炸的酥脆可口的鸡块搭配海盐焦糖乳酪口感就系冰火两重天的feel酥脆新鲜香甜可口，巨美味-3️⃣黑糖柠檬茶（冻）加咗黑糖的柠檬茶有一股清甜的味道酸爽可口又解腻~喝起来好清爽尼一杯我真系好中意🤩超解腻‼️‼️‼️-4️⃣冬甩乳酪布甸Donutti（升级）冬甩➕乳酪布甸的结合简直绝配甜甜蜜蜜滴，食完瞬间幸福感爆棚狠狠心动💓啦‼️‼️‼️-🏠门店：沖繩二段料理 (奧海城2期) (大角咀)📍地址：大角咀海庭道18號奧海城2期1樓103號舖大食代內8號舖
continue reading
路過覺得餐牌稍為吸引 決定首次光顧點了黑糖檸檬醬油豚肉蒸飯 沖繩海鹽焦糖布丁雞 烏龍茶 沖繩海鹽焦糖冬甩雪糕店員只給了一個QR code 紙張給你掃 用作上餐 豈知真正掃QR CODE上餐時卻出現技術錯誤食品不過不失 以FOOD COURT來說價錢稍價 CP值非常低
continue reading
其實我幾鐘意食冬甩，可惜香港無mister donut，不過唔緊要，沖繩二段料理既冬甩都好食，可以過下口癮☺️☺️🤤好食既冬甩好難有架！！！.冬甩🍩有八隻味，分別有抺茶、黑白朱古力、58%黑朱古力、士多啤梨、牛奶黃豆、阿華田，海鹽焦糖同紫薯味。.我揀左抹茶、黑白朱古力、黑朱古力、阿華田、海鹽焦糖同紫薯。冬甩🍩即叫即炸內脆內軟好好食。其中我最鐘意係兩隻朱古力🍫，海鹽焦糖個醬係另上，好香濃焦糖味。
continue reading