青花亭 (Closed)

裝修和餐牌內的食物名字吸引了我，試了他們的小食和飲品，名字相當搞笑！特別推介鹹濕亞伯大菠蘿：熱呼呼的窩夫配上鹹蛋黃，雪糕和特製醬料。又咸又甜名帶生果酸味，層次非常豐富

全店裝潢以青花圖案作主題，幾有特色，桌子用原木。好有質感同手感，一路食一路摸😂。店員服務態度很好，很有禮貌，會指示如何填寫安心出行紙。餐廳的洗手間不在餐廳內，要先看看地圖，再行出門外尋找一下。朋友說洗手間很乾淨，但洗手間外的小巷有點骯髒。菜式選擇比較少，不過對我這個選擇困難症來說是好事。餐湯是微酸的蕃茄湯，還可以。點了一個意大利飯，味道ok但比較膩，吃不完。餐飲點了焙茶，出乎意料幾好飲。本身自己不飲綠茶類飲品，但這杯覺得幾好喝。總括而言ok，但我比較喜歡同系的竹青亭。

整體裝修都好靚🥰連餐具都好靚好鍾意🥺🥺🥺📎番茄魚柳義大利飯番茄汁偏酸好開胃，但義大利飯略硬📎青汁野菌闊條麵青汁味道濃，整體唔錯☺️應該會再去試其他野🥰🥰🥰

啡·嚐 @ 青花亭太子人氣良心店！之前去摸左2次門釘，今次終於有幸去到啦！地方唔太，但裝修好有心💛 試左佢個「水清沙幼駛咩坐飛機」幾特別！其實食物還可以，幾有心做，咖啡就一般般，以打卡黃店，算係不錯嘅選擇🤭 未試過嘅朋友可以一試，建議打電話去睇吓有冇開門先🙂P.s. 下單前記住問問有咩沒有提供，因為有啲野食係晚市餐牌先有呢😉食物：⭐️⭐️⭐️⭐️咖啡：⭐️⭐️⭐️服務：⭐️⭐️⭐️環境：⭐️⭐️⭐️⭐️⭐番叮：⭐️⭐️⭐️#aus_cafe

同朋友食中午，菜式都好好味。可惜選擇較小，如果有更多意粉麵提供就好啦。店員有禮貌又超nice，好快幫我地上菜收碟👍🏻環境好舒服，座位闊落，好適合同朋友傾偈。值得推介，下次再黎。

原來唔難book，好開心可以嚟食到。套餐抵好多，有湯有嘢飲有甜品，不過唔小心main cause 太多starch ，再加埋薯條真係好飽兩個前菜，雞翼同薯條都好好味，尤其係黑松露薯條松露味真係好香，唔係就埋隔尼比個醬hea 你嗰隻。大蝦炒粉皮好香口惹味，有啲辣，個粉皮口感好好，好想食多啲不過好頂肚個牛肋肉話係protein 但幾大份腸粉墊底，係好味嘅但好飽啊😂😂啲肉好腍，腸粉煎香咗👍🏻全部都好滿意😁

又係出去食好西既時候😋 今次嚟到青花亭呢間係一間位於太子既黃店，我同另一半點咗兩個set dinner。因為兩個set每人加$10到就可以有一碗湯加一杯野飲我叫咗墨魚汁海蝦麵，呢個麵好好食😋 佢除咗有少少辣之外，仲有3隻大大隻既海蝦。啲海蝦剛剛好熟非常彈牙 🦐 再加少少檸檬汁完全帶到個鮮味出嚟 😚 另一半就叫咗個一口牛意大利麵，啲牛肉粒都幾多🐮 仲有都幾淋幾多汁 💦 黑椒味都幾重下，加埋青椒同埋紅椒都幾香口🌶 我個人就覺得墨汁海蝦麵好食啲。 飲品我哋叫咗一杯荔都幾夠姜，係荔枝加薑嘅飲品🍹飲落去有少少辣辣地都幾得意😎 另外一杯係奶蓋焙荼 🍵 茶底好靚，好好飲。 最後梗係甜品啦，甜品叫咗個叫做水清沙幼洗乜坐飛機 ✈️😂 其實佢係乳酪加一啲生果，果乾同埋燕麥🥰 健康得嚟又好味 😋 岩曬keep fit緊既人 🧍🏻🧍🏻‍♀️ .推介呀！！

呢餐廳係較早之前光顧，環境唔錯，lunch set 價錢合理，而且質素幾高，食物賣相靚，cp值超高。.是日餐湯餐湯比較特別，唔係平時嗰啲西湯，反而似中式嘅湯羹，幾好飲。.美味黑椒牛肋肉腸粉 $68第一次見到cafe有得點腸粉，比較特別，牛肋肉炆得夠冧，啲汁整得幾好食，配腸粉都幾match。.拖鞋包 份量大，拖鞋包硬咗少少，味道ok。炸薯條幾好，夠粗，唔會好油。.餐飲抹茶latte 偏甜，抹茶味適中，整體唔錯。

飲品食物質素很高，服務再加少少熱誠就更好。餐廳音樂太大聲，有點騷擾，唔襯個環境。環境唔錯，將餐枱係用真木頭併出來，枱面唔平，放杯有點危險。驚隻杯跌落地。黑椒牛肋條前腸粉。腸粉有驚喜，好脆！吳三桂花天酒釀咖啡。特別，好飮。可惜係凍飲。下單時，店員沒有提醒食客係凍飲。淨看餐牌其實唔知係咩水清沙幼使乜坐飛機。觀賞價值極高！係d水果太冰硬了...再睇返OpenRice 以前的相片，呢款的攞碟進步了不少！欣賞！

其實未黃前，因為青花瓷做主打裝潢，所以一直想黎，但成日聽到評價唔算好，又無經過所以就遲左黎，可能我黎到lunch time，食物各樣質素我覺得唔錯南瓜忌廉湯味道相當濃郁，南瓜的甜原全溶入忌廉湯中嫩滑雞胸意大利醬汁意大利飯雞肉如同字面一樣好食，蕃茄同醬汁相當之多，令令啖飯都充醬汁又惹味蒜片海蜆羅勒牛油汁鮮蛋意大利麵睇相好似好細碟，但其實一路食，一路都仲有蜆，食食下都幾多飯，而且仲幾大隻味道又鮮甜，咁鮮味的情況下，食得爽吳三桂桔圓圓冰搖冰搖唔多地方有得飲，雖然聽落係咖啡加冰再搖，但其實好飲，幾考咖啡師功力，這杯咖啡香得黎幾甜，幾岩唔鍾意苦既我別外一杯，類似柑桔梳打，但加上暴力地多的桂花蜜，所以桂花味超香，我個人幾鍾意

下午四時左右，走進這間小店。店鋪位置於不是太繁忙的街角。店內環境不錯，簡約又帶點懷舊氣息。由於不是繁忙時間，所以不用等位。除了樓下，店還有樓上一層。因未食晏，所以點了份午餐，午餐配有是日餐湯及一杯飲品。還可以加錢加配小吃。我選了西班牙辣汁大蝦長通粉。餐湯是甘筍湯，很綿滑清甜。點了餐約3-5分鐘便送上餐湯及餐飲。杯熱Americano ok 可以。長通粉應該是即叫即炒，所大概要多等了約十分鐘才送上。吃了一口已經很驚喜，個辣汁熱辣辣，味道酸酸辣辣很醒胃、仲加埋啲香葉味道很夾。大蝦真的很大隻，又爽口彈牙而且鮮味長通粉軟硬適中，有少少咬口夾埋個辣汁十分好味。

呢日去左太子搵食，之前同朋友食過一次tea,今次就帶老公同屋企人黎食lunch;眼闊肚窄，3個人叫左4個餐餐湯係南瓜忌廉湯都幾香濃，南瓜味都重，唔似係開粉貨同媽媽養生叫左熱檸水，但變左熱檸蜜比我地，都幾有誠意同貼心，我鍾意蠔味春卷第一次食呢個配搭，又幾好味，夠脆，又真係啖啖蠔味蕃茄大蝦意粉蝦夠大隻，醬汁酸酸地幾開胃黑松露雜菇意粉好多菇菇、忌廉汁又好香濃👍🏻煙火雞滑蛋芝士長法包好大份，食完呢個後悔自己眼闊肚窄叫左4個餐但3人食😂香煎魚柳配粟米忌廉意大利飯好少見嘅配搭，但個飯好好味，魚又煎等夠香脆，不過魚大份多少少會更好👍🏻

早排朋友仔生日就即日book左呢間食飯啦香港人餐廳黎💛問佢哋有冇得寫字happy birthday 係碟到啦 佢哋話要提早一日講喎 原因係佢哋要提早一日準備朱古力棒寫字....... 咁就算啦Book左6點半 遲10分鐘定15分鐘都唔得 明明過到去個餐廳都一半都未滿人 態度又好差咁然後都叫野食 佢哋有最低消費每人120幾 我哋就叫咗兩個正餐+1個甜品個明太子貓耳朵係好食嘅 味道比較口感較韌 啱我口味但朋友覺得麻麻地然後叫左個黑松露飯 黑松露味嫌唔夠重 最後叫咗個水清沙幼 網上都見到好多人推介呢個嚟打卡 顏色係幾靚嘅 但其實係乳酪同少量水果同脆片 yogurt 味好生 食一次玩下就足夠了注意⚠️店內係冇洗手間的，好似話要出門口轉左直行再轉彎兜去後面條街個巷口，本人曾經嘗試自己一個去 但天黑黑 行到後面覺得唔對路 基於安全理由就選擇回頭了奉勸女生們去廁所要搵個人陪 一係就去其他地方先去

係太子嘅一間兩層Cafe，店內掛了青花瓷磚牆，廚具全用青花瓷碟，十分有特色。我上次去坐下面就無咩打卡位，唔知上面景色佈局會唔會靚啲。不過食物同餐品都特有用思，味道同外觀都唔錯！(・∀・)上去Open rice 做咗小小功課，發現晚餐價錢都比較貴，性價比比較低，個人認為lunch 比較低食！ 不過晚餐選擇真係會比較多，如果係有特定想食嘅就唔好lunch time 去啦( ・∇・)不過佢最岀名嘅yogurt bowl都可以中午食到架！ 整體來講，係一間唔錯嘅黃店！ ！ (ﾟ∀ﾟ)Price💰Lunch Menu大啡菇野菌松露忌廉汁扁意粉——— $78(喜歡嘅菇類嘅我覺得好好食)香煎鯛魚柳粟米汁意大利飯———-$78(真心魚柳非常鹹！ ！ ！ 好彩係同朋友分享。。)黑松露薯條——— +$20(中規中矩，係好食嘅)熱鮮奶焙茶——— +$8(Haha, 最推薦係佢(°▽°),心心拉花太可愛,焙茶さいこ！！)水清沙幼使乜坐飛機 —— $68青花亭其中一個gimmick! 天空藍色真係好靚( ´∀｀)上面放咗不同乾果，個人好中意食！來到記得叫啊！推薦值💡:⚜️⚜️⚜️/5食物我真心覺得okay(係個魚太鹹

地點有d難搵 我同朋友分別都搵左好耐先搵到 叫左兩個lunch set 一個南瓜雞扒長通粉 一個黑椒牛脷意粉 再加個黑松露薯條 薯條好食 長通粉都唔差 最奇怪係個意粉 唔中唔西亦冇乜黑椒味