Aroma Dessert Cafe (Closed)

🍓鮮雜果厚pancake配玫瑰花醬及雲呢拿雪糕（ $75 ）🥞👍menu 都有寫明係pancake，唔係蛋白疏乎厘，所以比較挺身，冇出面嗰啲震得咁有動感，不過都空氣感十足，蛋味香。玫瑰花醬比較少見，所以想試下。都唔錯，有淡淡玫瑰花味。👎個cream雖然可能只係裝飾，但係食落真係麻麻哋，無cream嗰種香味同入口即溶嘅口感，唔加好過加。雜果嘅份量比較少。🌿蕃茄素肉醬蘑菇意粉（ $53 ）🍝啲汁太稀，痴唔到喺意粉上面。不過呢個價錢都算大碟抵食。餐廳比較細，位置唔多，所以落單只可以落一次。

2022-11-10獨自去偷食😝約咗朋友去荃灣睇戲🎬早咗少少去自私食甜點🍮就去咗Aroma Dessert Cafe☕️餐廳裝修有種文青感覺💛平日下午茶時段，有幾座客😀揀咗張兩人枱坐☺️我點了，火焰雪山，75蚊碟，依間cafe甜品選擇真係花多眼亂，諗咗好一陣就揀咗火焰雪山系列，可以自選雪糕嘅味道，雪山上枱前店員熄燈，係我面前淋上燒著橙酒係雪山，非常有氣氛，雪山賣相好繽紛，有藍莓，士多啤梨同奇異果粒拌碟，外層係棉花糖口感烤蛋白，底層是酥脆的拿破崙餅底，特濃朱古力 Browine蛋糕仔，一款多重享受，好食😋😍整體環境坐得幾舒服😊服務好貼心，熄燈燒著雪山好有氣氛🏔️甜品味道都幾好，價錢合理，會再幫襯試吓其他甜品😊☺️#AromaDessertCafe#火焰雪山

有好多素食熟食嘅甜品店(˶‾᷄ ⁻̫ ‾᷅˵)士多啤梨厚pancake 配雲呢嗱雪糕 $75 佢claim係厚pancake not souffle pancake🤣 但食落其實都係souffle pancake 嘅感覺 懷疑係驚失準做定expectation management sls 蛋香就真係消失咗 粉味有啲重 個底煎得太熟 不過中間就啱啱好嘅 如果再細火啲煎就好啦～ 擺盤係靚嘅 但cream and jam都係現成 變咗真係打完卡想撥走嘅嘢：（ 唔貴不過都唔太抵食啦素xo醬炒烏冬 $53 一句講曬就係家的味道🤣 食得出隻豉油味 好嘅地方係唔太油 調味都啱啱好嘅！啲嘢食質素就係屋企煮嘅咁 又唔算貴 食素嘅人去荃灣想揾甜品+熟食食吓都係好嘅option!

食完辣野，最岩就係食甜品中和番，今日就叫左兩個甜品。厚Pancake伴海鹽芝士卡士達醬及雲尼拿雪糕 $80Menu上面已經寫明製作時間需要10-20分鐘，但我覺得等待是值得的，一上到黎，擺盤非常靚，一搖隻碟，個pancake震下震下，證明pancake夠空氣感，夠鬆軟，再淋上海鹽芝士卡士達醬係個pancake上，入口又咸又甜，口感豐富及creamy，好食😋，D藍莓🫐好大粒好好食，不過唯一敗筆就係雪糕既品質不太高。特濃朱古力Brownie伴朱古力雪糕 $55相比起pancake, brownie 較為普通，朱古力味不是太突出，雪糕一般，可以試下店內其他特別既甜品，不用試呢款甜品。

放工去食返個甜品先😀😀疏乎厘 + 心太軟～.雜果疏乎厘 配玫瑰花醬好味度：⭐️⭐️⭐️⭐️玫瑰花醬都幾香。。疏乎厘呢次的質地整得不錯😀👍🏻.焙茶心太軟好味度：⭐️⭐️⭐️⭐️⭐️佢地的心太軟是好好味的，再加上茶味，味道更豐富😋👍🏻.少左蓮藕西芹個餐，多了最下面三個餐😁搵日去試下先😀😋

已經唔係第一次去食，每次去食都覺得啲食物做得好好。店內唔單止有甜品可以俾人揀，仲有主食，我見有啲主食係素食者都食得。同埋小店嘅員工都好好人，好有人情味。希望小店可以繼續經營。如果諗唔到食咩嘅話可以考慮吓去呢一間食，性價比高，甜品同主食都唔會太貴，重點係我食左咁多年個食物質素做得好平穩，就算夜晚好多人排隊食都唔會話因為客多就尻整啲野食比人食，食物質素依然好好。同埋個收銀好誠實。因為pancake係即叫即整，個收銀次次都會好直接同我講個pancake要等一段時間。唔會話hard sell 啲人去食野。所以我消費嘅過程都覺得好舒服。

話說嚟食甜品之前其實已經啱啱食咗個幾豐富嘅晚餐，不過正所謂女人有兩個胃（其實我應該同牛一樣有四個😂），所以就算幾飽，甜品嘅話，點都會塞得落嘅😁。打開 menu，好快就決定咗食咩。鮮雜果厚 Pancake 伴玫瑰花釀醬及雲呢拿雪糕，顧名思義，pancake 超厚，外貌有啲似梳乎厘 pancake，可能以前引起過誤會，所以店家專登喺 menu 澄清呢個唔係梳乎厘。Pancake 鬆軟有蛋香，玫瑰花醬唔太甜，仲有好香嘅玫瑰味，配搭 pancake 非常 match，相比之下，芒果醬就顯得較為普通。比較遜色嘅係雲呢拿雪糕，齋睇佢雪白得過份嘅外表都有啲怪異，味道亦非常一般。另外我哋又叫咗特濃朱古力心太軟伴雲呢拿雪糕，呢個朱古力味濃得黎唔太甜，一切開，入面嘅熔岩標哂出嚟，好治癒😆，亦好好食。同樣，嗰球白雪雪嘅雲呢拿雪糕就係失分嘅一環😐。

早幾日一個人去食lunch...叫了個烏冬+ 青蘋果蘆薈梳打，今日同同事再去食😁.都幾鍾意食佢呢間的炒烏冬～好味😋😋.青蘋果蘆薈梳打🍏.今日同同事去食。。。見早幾日食左烏冬，今日揀蕃茄意粉，份量好多，個人覺得都係烏冬好味d 😋😋.同事話呢個都好味，所以有時佢都揀呢個餐😁.青蘋果蘆薈梳打柑橘檸檬愛玉.香蕉朱古力窩夫🍌🍫🧇入面好足料，不過呢次反而外層稍微偏硬～ 但整體味道都ok ge~⚠️星期二至五， 1 至5:30 時段，甜品再有9 折⚠️(如果無記錯的話🤔🙈）

厚pancake伴海鹽芝士卡士達醬 Pancake蛋味超濃 好香😚好推薦佢入面雖然唔係空氣pancake 不過入面仲係好軟熟 唔係極厚粉既😳蛋香好正😋😋😋😋個醬就無咩特別 點完醬反而蛋味更香🤣雲呢拿雪糕正常無特別~

.📍店舖：Aroma Dessert Café 📍#饅頭去荃灣 #饅頭食西餐#饅頭食甜品 #饅頭與cafe培養感情系列————————————————🥢芒果拿破崙伴雲呢拿雪糕 ($55)拿破崙酥皮cover咗3面，質地略嫌濕咗少少，尚算鬆化食到啲酥脆嘅層次，但牛油同麵粉香氣就唔係好濃郁；牛奶cream都唧得幾多，溫度唔夠凍，就咁食會好厚膩，勝在有新鮮冰涼嘅芒果蓉同甜酸嘅芒果肉令成個甜品清新啲，雖然芒果唔會當造季節唔係好鮮甜，但唔過酸都ok收貨；雲呢拿雪糕感覺可以再凍少少，味道就正常。————————————————🔸整體評分：7.2/10🔸小編回頭率：6.5/10

黃色拼盤$130- 焦糖燉蛋： 脆面焦糖香口， 蛋味充足👍🏻- 芒果拿破崙：餅很脆，芒果茸加忌廉好清香， 入咁不肥膩，還有新鮮芒果粒。- 雲尼拿及奶茶雪糕令整個甜品組合好豐富❤️厚pancake伴海鹽芝士卡士達醬及雲尼拿雪糕 $80厚疏乎厘一樣咁鬆軟，海鹽輕輕的咸味。加入芝士醬和雪糕入口，好滑口， 味道好特別。好香奶油味👍🏻👍🏻兩款甜品對得起價錢❤️👍🏻配搭有心思。他們亦有不同的花茶和咖啡選擇， 配合甜品有優惠。 店內都多人， 頗受歡迎。

呢間隱身於荃灣位處鱟地坊旁邊，門口低調普實店內位置不多 好彩平日7點左右唔使等我食完晚飯過去試佢甜品其實佢都有賣正餐素菜意粉，下次試下先～厚pancake配海鹽芝士卡士醬及雲呢拿雪糕 $80⭐️⭐️⭐️⭐️⭐️如果你好似我甘係喜歡pancake厚實口感又欣賞疏乎厘pancake打卡賣相呢個pancake會好啱你口味一嚟到賣相已經好吸引有兩塊厚pancake淋上海鹽芝士，就好似奶蓋咁10分夾！佢pancake絕對唔係一啖空氣佢上面鬆軟有蛋味鬆軟但底部有普通pancake嘅口感☺️好豐富口感，好好味，好驚喜❤️紅豆綠茶窩夫伴綠茶雪糕 $60⭐️⭐️⭐️⭐️⭐️呢個黎到又係嚇一跳 甘既價錢，份量賣相已經好高佢窩夫入邊係好厚實，滿晒架！所以會好飽🤣但綠茶味濃，好好食佢呢個質素份量直頭當正餐食都會好飽🥹總括而言，呢間甜品真係好高質我下次好想試埋佢嘅Brownie同埋吐司而家出邊甜品鋪賣疏乎厘pancake都要過$100 ，呢間店性價比真係極高！一定要試呀！

先講衛生方面，問老闆娘攞多隻碗，佢竟然先用酒精搓手，再用紙巾包住隻碗攞俾我！從來未見過咁細心咁謹慎嘅處理方式，非常欣賞食開甜品都知呢間pancake好味性價比高，每枱只可叫一碟pancake，不論waffle pancake都好好食，同區其他店貴得多！估唔到嘅係連素食餐都咁好食，叫左個紅酒燴素牛飯，個汁好好味😋 出去食素一向偏貴，呢度$50就食到，都有唔少選擇，真係好抵食！幫襯左好多次，見到老闆娘嘅窩心舉動想特別表揚下佢

平日經過唔洗點等位 見menu 意粉都係$50 幾抵食試下 點了卡邦尼意粉 蕃茄素肉丸意粉 份量多 味道唔錯 加$5有野飲 再叫埋士多啤梨pancakes 唔係好空氣感既蛋糕 係扎實少少既重蛋味 $60黎講係抵食 CP值高既

隨著素食在香港日漸普及，這家主打甜品的小店，也加入素食飯盒。雖有六款不同飯盒選擇，有意粉、飯、烏冬，一向對素肉說❌的我，反覆看過幾遍，最終選了素紅酒燉牛肉飯。大大杯柑桔檸檬愛玉特飲，單點 $32。素食飯盒加配果茶系列只需加$5，非常抵，不要錯過。素食飯盒制作用心，賣相佳，味道不錯。希望店主棄用素肉，要搞素食就素到底吧！柑桔檸檬愛玉特飲，很能代表台灣，是夏日一款消暑飲品。不錯的一頓晚飯，已吃不下甜品，只好留待下次。