東海堂 (宇晴匯)

Open Now

Now Closed

一個人食lunch梗係想快靚正，呢個商場冇咩啱食，好彩見到有東海堂，貪呢度夠方便，唔啱又唔使等位，中間有一大張長餐枱,叫咗個daily set ,有包，有火腿有炒滑蛋，同埋一碗湯意粉！夠晒飽

東海堂的麵包蛋糕買得多，但原來某些分店更會提供熟食！ 因為在公司附近，所以已吃過不少次，但每次幾乎都會叫這個特選3.6牛乳炒蛋套餐。套餐有煎火腿，厚切方包，炒蛋和日本叉燒湯意粉，而且包有餐飲（檸檬/奶茶/咖啡）。如想轉其他特色飲品，也有優惠，頗抵食。東海堂的炒蛋質素非常高，加了3.6牛乳的炒蛋很嫩滑，而且分量很多，我最喜歡用麵包夾著一起吃。另外叉燒意粉亦不像茶餐廳般用港式叉燒，而是用日式叉燒，感覺較有誠意。

Currently Starbucks and Arome Bakery have puddings in nice sturdy plastic tubs.Previously tried Starbucks and now I am trying Arome Bakery.In terms of packaging, the Arome Bakery tubs are stronger and better with a spoon inside.As for the flavours, there were Matcha and Milk Pudding.The texture is totally different from Starbucks because it is soft and silky like tofu and disintegrates in your mouth.In terms of taste, it was very creamy and milky but it was too sugary sweet in taste and smell fo

第一次看到東海堂開餐廳，覺得有些奇怪，有一日唔知食咩嘢，見到呢間價錢ok，所以想試試。優惠價46，內容頗為豐富。- 值得表揚的係個方包，非常新鮮，剛剛烘烤出來，非常鬆軟，外皮微脆，香氣十足。- 牛油炒蛋，全熟，小朋友也可以吃，全熟但卻很鬆軟，比較厚，裡面還熱烘烘的。- 意麵，非常彈牙，加了海苔很香，叉燒都係全瘦。- 火腿，微微烤過- 飲品，可選咖啡、熱奶茶、熱檸茶- 速度，比美心大家樂肯定慢一些，但一般等5分鐘吧。

今日係荔枝角見朋友，附近餐廳未開又唔想食麥當勞，所以食東海堂早餐佢個滑蛋okay既（哩個抵讚）多士都唔錯，不過好難難食既而且塊火腿都有煎過，不過煎得太老但係碗意粉就真係無味兼唔好食奶茶都奶味唔濃，茶唔夠話我相信佢既全西式or日式早餐應該okay但係港式就唔好試啦，唔好食呢東海堂唔應該搞茶餐廳早餐，走返日式會好啲

原來arome除左面包，仲做埋常餐，所以襯今日放假，同朋友一齊去食個靚brunchArome嘅面包真係好好食，既鬆軟、又有面包味仲有佢嘅炒蛋都好滑，可能因為加左牛奶嘅關係不過佢嘅意粉就好普通，無乜特別，但整體都算係一個唔算嘅brunch

咁啱有屋企人生日,咁就訂個糕慶祝一下啦先係網上訂左先見到新產品個度多左D 既CUTE既公仔樣咁就訂一個開心柴犬啦~~產品說明~~以柴犬造型登場的雜果忌廉蛋糕，有著淘氣的外表，令人每一口都能夠食出愉快的滋味。$218 1個1磅樣係幾靚,幾CUTE,但食落其實幾甜雜果忌廉蛋糕,雜果唔係好靚朱古力過多,太甜,影相呃LIKE就最好了~~

再好的美食只要加上劣質的服務都等同垃圾。員工們毫無喜樂，不但對客人拉長着臉，員工與員工之間只有分工沒有合作。東海堂的食物質素一向不差，飲品和地方都好。但宇晴軒這店的服務就使到整個店舖成了負資產。若員工笑容多些，對客人親切些，服務體貼些，主動關注店舖之清潔及整体外觀多些就不會使人有不去也罷的感覺。食物本應使人愉快滿足，但店員的只知談家常而不知客人需要及拒人千里的態度都把客人趕走了。

星期日，度度都多人，連星巴克都坐滿曬人，想搵個地方坐下並唔容易。行過東海堂有位，於是就坐低，食物款式唔算多，本來只打算飲一杯抹茶紅豆，點知竟然咁岩做緊優惠，買一杯抹茶紅豆送一個蛋白撻，才$28有得坐有得飲有得食抹茶紅豆好飲，抹茶味濃，唔會太甜，蛋白撻則微暖，皮脆但蛋白味不足，不過不失。

在地鐵站上蓋，地點非常方便。點了個Daily Set，物有所值！另外買了一件芒果卷，芒果比預期多，甜，值得一讚！建議大家去食個lunch😋好好味，必定再次光臨

見到東海堂既蜜瓜蛋糕向我招手🤤我就步近左去觀賞佢~然後同賣餅既姐姐講我要1件蜜瓜之甘熟蛋糕 $22,北海道牛乳芝士蛋糕 $20 同 草莓鮮果撻 $20~本身淨係諗住買1件,但指吓講吓,越買越多~ 又想襯吓色~東海堂近期走日本食材路線,日本靜岡既皇冠蜜瓜無食過,唔知係點既呢？好期待~Btw,蜜瓜之甘熟蛋糕無咩蜜瓜肉,我淨係食到mousses,啫喱同海棉蛋糕... ...説好的靜岡皇冠蜜瓜呢？而北海道牛乳芝士蛋糕嚮3,4年前已經開始買黎食,係穩陣既口味,上面有白朱古力碎片,一層忌廉cream,配上一層3.6牛奶既芝士蛋糕,底層係Oreo,好有層次感~幾好味!草莓鮮果撻外觀好靚,除在撻皮林林地,其他方面食落去都ok,頂頂既mousses混合左士多啤梨溶,睇得出用心製作~好濃士多啤梨味~草莓鮮果用白朱古力黏住撻皮,果肉甜~ 𥚃面仲有海棉蛋糕同cream做餡~下次再買埋其他日本食材既蛋糕試吓先得~

打網球前在家附近的東海堂吃個快餐，這店只供三款菜色選擇，最適合時間有點趕而又想坐得舒服一點，又有選擇困難症的人 這次我目標明確，很快就選定了叉燒湯意粉配滑蛋火腿多士餐。雖然餐廳是快餐形式，但弄出來的餐點一點都不馬虎。炒滑蛋看起來已知很嫩滑，而多士厚厚的麵包本身已非常鬆軟，而且烘得恰到好處，外脆內軟，略帶甜味，如果能多配一小塊牛油相信會更好。叉燒湯意粉的湯底濃郁，配了很多爽甜粟米粒，意粉彈牙叉燒軟滑，整體來說很不錯。加$4轉配了凍檸茶，請服務員為我走冰，值得一讚是走冰後的凍檸茶仍是滿滿一杯的，實在是一大驚喜

近排東海堂開多左好多間賣麵包又賣意粉嘅舖頭，不過選擇唔多，得3款選擇，我就買左……一拎上手碗意粉好重紫菜味! 鍾意食嘅會覺得好香，唔鍾意食嘅可能會覺得係腥味。舊义燒偏鞋，但係粟米粒好甜，而碟蛋就加左3.6牛奶去炒，幾滑身，個2塊個樣似方包開半但實則食落去係麵包黎，好重牛油味，暖暖地咁又幾好食嘅。成個 set 分量都多架，食晒都幾飽下，第二時諗唔到食乜嘅話都可以返兜幫襯下。

北海道牛奶炒蛋、通婚意粉、咖啡。基本過基本的組合，但，用料同制作係中上之出品，熱的夠熱，加上由俾錢到座位，都係一一個幾步距離，加埋一個叫你攞餐嘅小儀器，非常快捷，同埋明明東海堂係連鎖店，但係成間餐廳設計報紙都系一種小店形式，感覺唔錯。咁嘅價位，響荔枝角呢個商場都叫唔貴，其實，以貨比貨，係超值。事實上好多由所謂日式快餐、或本地茶記都無好好keep住自己style，唔係話要好服務，因為係平收費，但，日式，唔該有D東瀛feel, 陀地茶記就要有本地風味！

一到過年，就收到啲朋友、親友所送嘅賀年糕點，年年如是，無一例外，故先多謝朋友及親友嘅厚愛。今年所收到嘅糕點，可歸納為嚟自4家餐廳或餅點，分4篇嚟評論吓，依一篇分享嘅喺東海堂嘅兩款糕點：北海道元貝蘿蔔糕及紫薯黑糖年糕，先講講前者。北海道元貝蘿蔔糕，我估底糕嘅賣點都喺話用咗北海道元貝，用日本食材一向喺東海堂嘅作風。其實無論糕面，定糕身，瑤柱都喺多，大多數都喺臘腸同蝦米，糕身亦比較削，煎起嚟都易爛，同埋加咗唔少添加劑，食完有少少口渴感。至於紫薯黑糖年糕，紫薯配黑糖，喺比較期待，外觀有啲似紅豆糕，簡單嚟講，只喺一般嘅年糕加入啲紫薯粒。煎好嘅年糕頗軟、頗黏，加入糖嘅成份應該幾多，中火煎無耐就好易變焦黑，而且，紫薯加得唔多，食味真喺無乜。東海堂出品嘅甜點一向都頗有水準，而其出品嘅賀年糕點，以前亦曾品嚐過，不過，今次所試嘅兩款糕都喺一般般。