Video
Opening Hours
Today
07:30 - 20:30
Mon - Sun
07:30 - 20:30
Public Holiday
07:30 - 20:30
Above information is for reference only. Please check details with the restaurant.
一踏入這間小店，已經聞到陣陣麵香飄過黎，真係叫人禁唔住口水直流喇🤤。店內環境簡單得黎，但就正中我下班想食碗好食又快手既雲吞麵心水。搞掂個食嘢共鳴，飛快落單後等我個碗！幾分鐘後，一大碗煙騰騰嘅雲吞麵上枱！麵條爽滑得嚟吸曬醬油同湯底嘅精華，入口即融，真係叫人喂唔停口啊。最勁係啲雲吞！彈牙嘅蝦肉同香滑嘅豬肉，包裹得緊緊地，湯一過，滋味更加一流！湯底都唔輸蝕，清甜中帶點鮮味，好似在告訴你：「多飲幾啖啦，解解渴又養生！」整體黎講，這碗雲吞麵，真係平民價錢，五星級享受！走得𠵱𠵱，食得暖笠笠，心情都跟住雞蛋飄起咗🥚✨。落雨天、放工累、或者懶得煮，諗起呢碗雲吞麵，即刻滿足晒我個肚餓鬼🧡。响呢個城市中，有時簡簡單單一碗熱辣辣嘅雲吞麵，就係最紓壓嘅小確幸喇！
continue reading
為咗慶祝father's day，去東海堂買咗個父親節蛋糕，買嗰陣覺得賣相好似好好，應該會好好味，因為都見到有唔少人買，夜晚食嗰陣覺得好似又冇想像中咁好味，都係覺得東海堂之前嗰啲蛋糕好味d
continue reading
東海堂是眾多連鎖麵包店的首選用餅卡換紅莓提子堅果軟法包、合桃蛋白拿破崙、椰賓早餐食軟法包，質感綿密，不是空氣包，加上餡料豐富，有紅莓乾、合桃、提子乾、南瓜籽，十分飽肚，食半個都夠
continue reading
因為自己生日同埋身邊朋友生日，近排真係食得多蛋糕！上次朋友想俾驚喜我失敗之後，今次我真係想俾驚喜俾壽星女，要同佢一齊慶祝生日，所以一定要買個靚靚蛋糕！不嬲都好鍾意東海堂既蛋糕，因為真係好靚之餘，又好味，又唔貴，完全係有質素，所以好多時講到要買蛋糕、西餅等，又要錫住荷包既時候，我都會走去東海堂買。今次同朋友相約好係樂富地鐵站等人，對方遲到，咁我地見到地鐵站入面有東海堂，就順便睇下蛋糕。見到呢個赤苺の雪芳價錢唔貴，只係賣$138，但係個賣相唔錯，士多啤梨應該係穩陣派，所以就決定咗買呢個赤苺の雪芳！終於，我地等齊咗人，到咗目的地，就等壽星女出現。壽星女一出現，我地就唱生日歌，蛋糕就出場啦！壽星女表示真係有驚喜，今次真係估唔到，睇黎今次真係成功啦！XD其實切蛋糕真係要D技巧，少D技巧就好似我朋友咁，切到個蛋糕……都仲見得人既~XD白色忌廉好幼滑，好香vanilla味，再配合中間粉紅色既海綿蛋糕，兩層粉紅色既海綿蛋糕中間又夾雜住vanilla cream、士多啤梨醬同埋士多啤梨果肉，味道係有層次既，而且夾得好好。唯一不足之處係蛋糕上面既士多啤梨唔夠甜，有D酸，可能唔當造啩~但係個蛋糕係值得推介！
continue reading
朋友生日, 買左個蛋糕去佢屋企食, 佢話呢款芝士蛋糕好味, 我都未食過, 個賣相雖然不是算很特別, SIZE適中的, 白色的朱古力鋪面, 入面係芝士蛋糕, 仲有朱古力餅底, 好香呀, 同埋唔漏喎, 好味, 上面的白朱古力唔算好甜, 入面的芝士唔漏, 好香及好滑身的, 個餅底好味呀, 唔會好實的, 啱啱好, 朱古力味道好香添呀.
continue reading