Video
Read full review
2013-01-25
33 views
多謝老友食家嘅「引荐」，我也被邀請出席 arome 東海堂情人節矜貴呈獻—「恋の盛宴」，試食二人組再次出動！真係又開心又期待，因為今次有被視為日本最矜貴嘅「白い草莓」，啱晒我呢個愛莓之人。今次嘅發佈會係 arome Bakery Room，店舖位於金鐘廊嘅 LAB CONCEPT 內，對於第一次來嘅我有點陌生，估唔到轉變咗咁多。與老友食家準時到達，「恋の盛宴」就在眼前，真係好靚呀！當店方代表簡介一番後，今日嘅「恋の盛宴」正式開始。白い草莓 (雲呢拿慕絲蛋糕) $438限量発売的「白い草莓」，以木紋黑朱古力做成禮物盒，盒上巧妙地用上白朱古力做成蝴蝶結，而盒內就以香濃雲呢拿慕絲和軟綿細密的海綿蛋糕放在底，再放上白朱古力碎，最後就將4 粒由日本靜岡縣直送的矜貴白い草莓放在中間。咁點解叫白い草莓？因為白い草莓同平時嘅草莓唔同，就算係熟咗，外表都不會轉紅，而當外皮的果籽轉紅，即代表草莓熟。暫時日本全國就只有大概10個果園可以成功栽種，所以就算在當地市場也只係可以限量發售，而且仲要每粒要840日元，真係一個好矜貴嘅草莓。由於情人節限定，店方特意安排情人節限定瑰麗包裝，附送精美嘅禮盒和紙袋。由於是限
今次嘅發佈會係 arome Bakery Room，店舖位於金鐘廊嘅 LAB CONCEPT 內，對於第一次來嘅我有點陌生，估唔到轉變咗咁多。與老友食家準時到達，「恋の盛宴」就在眼前，真係好靚呀！當店方代表簡介一番後，今日嘅「恋の盛宴」正式開始。
白い草莓 (雲呢拿慕絲蛋糕) $438限量発売的「白い草莓」，以木紋黑朱古力做成禮物盒，盒上巧妙地用上白朱古力做成蝴蝶結，而盒內就以香濃雲呢拿慕絲和軟綿細密的海綿蛋糕放在底，再放上白朱古力碎，最後就將4 粒由日本靜岡縣直送的矜貴白い草莓放在中間。
咁點解叫白い草莓？因為白い草莓同平時嘅草莓唔同，就算係熟咗，外表都不會轉紅，而當外皮的果籽轉紅，即代表草莓熟。暫時日本全國就只有大概10個果園可以成功栽種，所以就算在當地市場也只係可以限量發售，而且仲要每粒要840日元，真係一個好矜貴嘅草莓。由於情人節限定，店方特意安排情人節限定瑰麗包裝，附送精美嘅禮盒和紙袋。由於是限量発売，門市店舖係唔會擺放白い草莓，有心為另一伴製造驚喜嘅你，真係要密切留意。
赤い草莓 (雜莓慕絲蛋糕) $198跟住就到「赤い草莓」，同白い草莓一樣，以木紋黑朱古力做成禮物盒，不過改了用紅色的蝴蝶結，很搶眼。而內裡就用雜莓慕絲和海綿蛋糕為底部，再鋪上白朱古力碎，而中間就放了 4 粒產自九州佐賀縣的「穗の香」草莓，草莓又紅又飽滿，好吸引呀！
心の恋人 (雜莓慕絲蛋糕) $138嘩嘩嘩！真係不得了！估不到心の恋人可以做到咁似一個絨盒，就像一個高貴嘅手飾盒，最重要係心形立體嘅設計，真係令人愛不釋手。格仔網紋面，再一次看到蛋糕師傅嘅心思和技巧。而內裡就以柔滑細膩雜莓慕絲為主，中間配以粒粒清甜草莓及香濃草莓夾心，聽到都覺得好正呀！最意想不到嘅係店方送上心の恋人嘅換領信給大家，個個都拍手歡呼，可想而知心の恋人確是魅力十足。我都好期待換餅之日，嘻嘻！
恋莓絮語 (草莓忌廉蛋糕) $98蛋糕面上有 8 大粒鮮甜紅色草莓已經好吸引，配上粉紅草莓忌廉及鬆軟海綿蛋糕，可以享受三種不同層次配搭。紅色草莓和雪白柔滑忌廉嘅強烈對比，加上紫色絲帶圍邊，簡約又不失高貴。
北海道芝士 cake little ($98) 北海道芝士係東海堂皇牌人気の選之一，因為採用純天然芝士及新鮮北海道優質3.6牛乳製作，廣受大家嘅歡迎，亦不是配合節日製作出限定版嘅北海道芝士。白色軟綿綿的表面，就好似係北海道的雪上。
五重の朱古力 cake little ($98)另一個皇牌人気の選就是五重の朱古力，上次食過聖誕限定版已經令人難忘。蛋糕包含五層不同口感的朱古力，有軟有脆、由淡到濃，由香軟慕士開始，黑森林蛋糕，特濃朱古力，法式牛油蛋糕，最後是朱古力脆米層。
簡介完之後，就係試食環節，店方特意為大家製作「非賣品」試食版，好讓我哋同白い草莓來個親密的約會。
白い草莓「非賣品」試食版
店方用上小杯盛著白い草莓，內裡嘅層次一樣係用上香濃雲呢拿慕絲和軟綿細密的海綿蛋糕，而中間就放咗 1粒白い草莓，配上彎彎嘅朱古力裝飾，很別緻的一個甜品杯。
先品嚐白い草莓，嘩！果然係果肉細緻，甜美多汁，白い草莓嘅甜度係高達14度，真係好佩服日本嘅農民付出嘅努力。白裡透紅，真係好似初嘗戀愛滋味嘅少女，所以又取名為「初恋の香り」。之後再試一口，香濃雲呢拿慕絲又香又滑，加上朱古力海綿蛋糕，兩種不同嘅質感，確是不錯。
赤い草莓「非賣品」試食版之後就到赤い草莓甜品杯，內裡是雜莓慕絲和海綿蛋糕，而表面就放上 1 粒九州佐賀縣的「穗の香」草莓，再加上一個高難度製作嘅藍莓糖漿片裝飾，令人印象深刻。飽滿大粒嘅草莓，十分香甜，而雜莓慕絲酸酸甜甜，草莓味較濃，配上簡單嘅海綿蛋糕，感覺甜咗少少。
白い草莓「紀念品」用透明包裝盒上綁上蝴蝶結，內裡再以蛋殼形狀裝著透明啫喱，而中間更有一粒白い草莓，真係好別緻的包裝。白い草莓配上啫喱的食法又別有一番風味。
再次多謝店方嘅邀請，今晚真係好開心，可以品嚐白い草莓，又收到店方嘅禮物，期待日後其他新產品嘅推出。
Other Info. :
如果大家對「恋の盛宴」蛋糕系列有興趣，請係2月1日開始到全線嘅東海堂預訂，不過要留意取餅日期，因為「白い草莓」只限於2月12日至17日期間取餅，而「赤い草莓」、「心の恋人」及「恋莓絮語」只限於2月6日至17日期間取餅。
(The above review is the personal opinion of a user which does not represent OpenRice's point of view.)
Post
