阿來泰式地道風味 (Closed)

呢日個朋友又喺長沙灣返工，所以一齊食晏，其實呢頭好多食肆但唔係成日諗到食乜，諗起天悦附近有間泰國餐廳，之前食過都OK，所以今日就再嚟食下。餐廳喺呢頭嚟講都算大，亦都多人食，附近有唔少🇹🇭泰國菜，但成日都要夜晚先開。阿來就唔同喇，有做埋午市，亦有提供午市套餐平均$4x有一個。我就叫咗泰式冬陰公湯金邊粉配豬頸肉($45)。一開始個店員落錯單落咗清湯，嚟到本身諗住都算啦，但食咗啖個味怪怪地，真係食唔到落去，所以最終都係換咗。好彩店員都即刻肯換完全冇刁難我👍🏻，不過就唔肯認落錯單...。Anyway講返碗粉，個冬蔭公湯底都算唔錯，唔會太辣，朋友唔食辣都話OK，而且有啲菇🍄幾索味幾好食，但有多啲就好啦哈哈。金邊粉唔算好多，對細食咗嘅我嚟講就啱啱好。豬頸肉就有少少失望，唔香口唔算好食。至於朋友就要左泰式炒金邊粉($44)，其實我之前就係食過呢個覺得幾好食😋，而今次亦一樣，所以有啲後悔冇叫到。分量唔算好大碟，但炒得幾乾身，個味酸酸地又有少少辣，好食好食。我下次再來的話都係叫返呢個算👍🏻。午餐就包嘢飲，熱飲唔使加錢，凍飲加$2 ，特飲就加$5。我就要咗杯🍋青檸梳打(+$5)，好多冰下，但個味正常。本身

今日又到星期五,又去長沙灣返工,又約左中學同學食飯,今日佢提議去食泰國嘢🇹🇭,就去左阿來試下門面貌你乾淨,入到去先怕我嗌左個炒金邊粉🍝加凍檸茶🥤($46),幾大碟,原本都可以接受,啜啜下杯凍檸茶🥤有浮屍😵,隻蚊🦟,有腳有翼係杯嘢漂漂下,我仲啜左一大杯,真係睇件都唔開胃🤢🤮🤮🤮超大圖tag左係下面,自己睇朋友嗌左個東蔭公湯底🐷豬頸肉湯金邊粉,望落都ok嘅,但隻蚊🦟真係搞到人無哂胃口,自行判斷吧🤦🏻‍♀️🤦🏻‍♀️

今日專程過黎食呢間泰式野，叫左一個海南雞飯同豬脾飯。海南雞個賣相有少少差，口感較鞋，個飯係食得出有味既，但D飯真係超級乾。但配個醬黎送飯既話，味道的確唔錯既。豬脾好淋，唔會咬唔開，亦都好入味。另外仲叫左杯泰式咖啡，但落得太多糖水，變得超甜。

這個位置換了不少泰色美色，這次是叫「阿來」的泰國菜。餐牌的價錢不是太貴，如一般的茶餐廳的一樣，但食物絕不欺塲。喇沙十分野味，豬髀肉足料，金邊粉有口感，十分正宗。張單出的不知是否泰文？！十分有趣。服務滿意，感覺不趕客，客人如常幫襯的。

嚟阿來high tea 嗌左個椰汁芒果糯米飯一上到臺 椰汁味撲面而來 好香呀 同埋廚師好大方 俾得好多吓😋芒果好甜 一d都唔酸 糯米飯都好e韌 jeng👍🏻希望下次嚟食有三色芒果糯米飯 淨色實在太dry啦😫

這天放早，跟同事吃午餐，選了蠔仔炒蛋飯。這價錢能吃到有蠔味有蛋味的飯，其實已出乎想像，所以我特別滿意🤗🤗同事的海南雞包也十分好吃美味😚之前來吃也覺得好多套餐也值這價錢，曰後午餐還會多來。

天氣甘熱，最岩就係食泰菜醒下胃一入到去餐廳簡直同出面係兩個世界，冷氣超勁黎到泰國餐廳，一定要點返個泰式炸蝦餅。蝦餅啖啖肉，炸粉剛剛好燒豬頸肉燒得好令，其他餐廳的會好薄好細塊，他的唔會，好多好大塊，加埋個汁完全係perfect match泰式SUKI炒粉絲,e個反而比較一般，我們係配牛，但個牛好老，好難咬得開泰式通菜，泰國餐廳必叫的菜。他們的醬超炒得超入味，見到好多蝦米仔，通菜又嫰龍眼冰，好多粒龍眼肉飲起來好fresh芒果糯米飯，好有去泰國的感覺，芒果新鮮，飯好煙銀椰汁份量剛剛好，夠我們食晒成個飯

平日晚上經過 都會見到不少人等位一行4人一路行 未諗到食咩見冇人等位 不妨入去試試見到只有一枱1人食緊 老闆都話當日特別靜（應該係老闆）叫左鳳爪沙律 大概有6舊因為唔多汁 所以味道唔夠 但枱面有啲醬汁馬拉盞通菜 有少少油但勝在夠香口香芒蟹肉炒飯 開頭以為得幾粒芒果同埋蟹肉原來入邊仲有好多芒果同蟹肉芒果有少少酸 但中和返個飯嘅油膩 幾夾（但食到最尾個碟底的確幾多油）咖喱炒蟹 隻蟹輕輕過過油令到蟹殼脆身 不過唔夠鬆化 啲汁應該就咁淋係蟹面 所以蟹冇乜咖喱味同時醬汁好少 油比較多本來嗌左蒜蓉包點 但最後都算就咁食蒜蓉包油味比較重 蒜味比較少包唔太脆 但唔會淋或者un另外一個餐牌上面有類似酸菜魚煲咁有得揀魚同埋湯底仲有火鍋配料於是淨係嗌咗冬陰公湯底嘅魚魚先炸過保持鮮滑 冬陰公湯底清清地所以冇蓋過魚甜味 出奇有少少夾入面啲菇同蕃茄本身就有 所以冇再嗌配料整體味道一般，略嫌油膩左d

天氣開始熱，最近胃口開始不太好，這個時候吃些酸酸辣辣的泰國菜就會很開胃。個人覺得吃泰國菜要知道水準的話，冬蔭公湯和炒金邊粉是必點的，今次就點了冬蔭公湯試試，這間小店的湯料很足，我們點了小份的湯，足夠我們三人分，每日還有一隻蝦吃。一入口湯底偏甜但很有辣度後勁，不過辣味很快就散，個人覺得算不錯不過可以再三增加多一點酸度！另外還點了鳳爪沙律，同樣，酸度也是不太足夠，味道相比坊間的泰式鳳爪較淡。主菜我們點了軟殻蟹咖哩農夫包和炒河粉，我們是先喝了湯和沙律，過了一會才吃軟殻蟹的，不過吃上去沒有很油膩，而且軟殻蟹一般質量不好或油溫控制不好就會很快變軟，這間店倒沒有這個問題，放了一會才吃還有點脆脆的。咖哩味椰汁味略重，但是吃起來也是淡淡的，不算太濃味。炒河粉帶微辣，有點不夠乾爽，味道還算不差但有點油油的，可以不點。

根據菜牌上推介點菜果然無得輸，咖喱軟殼蟹法包，除左蟹身脆口，用農夫包裝住，仲有好多蟹粉汁漿，真係好味之選，卥水豬脾有卤水蛋及味菜絲相配，大大份，好抵。菠蘿炒飯穩穩陣陣，都有彈牙中蝦。最實際還是全日無加一，價錢出品都老老實實，讚！

收工肚餓行過見唔錯就入去食， 餐廳入面好光猛似茶餐廳格局，服務正常，上菜好快，食物分量多，炒類做得幾好，今次二人叫左三樣，超級飽，每人平均$100 。串燒沙爹(半打) $78豬肉雞肉各三串，沙嗲醬汁香又濃，好惹味，而花生同椰香味就相對較少。 豬頸肉炒通菜 $68分量多，豬頸肉都有好多，成碟菜炒得好有鑊氣，炒通菜炒得岩岩好，食落仲係索索聲，豬頸肉味道夠，唔會太咸，但油就多左少少。 泰式炒金邊粉 $54呢碟分量都多，蝦好彈口爽口，金邊粉炒得幾好，無一餅野咁，夠鬆散，而味道酸味唔會好勁，偏向甜味。

想食阿來好奈 尋日行經終於可以一嘗我同男友叫左個炒蝦，炒金邊粉，芒果炒飯同野飲。由8點4等到搭9，一道都未上，隔離枱遲過我地入都開始上菜。見勢色不對，就問下仲有幾耐；佢地話幫我地催下。（催單後）過多15分鐘，9點，收銀走過黎話漏左單，問我地頭先叫左d麥😡😡😡😡😡😡😡😡😡😡😡😡食飯被漏單吾係第一次，但漏單後隔成半個鐘先問返客人仲要一句sorry 都無就真係第一次喇一間餐廳 先不論食物質素如果服務已經嚇怕食客如何做出口碑？

午餐一個豬脾飯才50蚊倒, 好多豬脾肉,不過呢度係肉多過豬皮 (本人中意多D 豬皮位), 豬皮夠林夠入味, 係少D 左。豬脾肉有D 鞋同乾,不過份量夠多。連埋佢GE微辣醬食都唔錯。

放假去找細佬，這餐廳公司附近中午同細佬來吃午餐糧尾日子慳慳地兩個人叫了馬拉盞炒通菜今天通菜雖然不是時令蔬菜，很多店舖並不會經常入貨，但對於我而言，通菜是最適合泰式食法，除了能吸收馬拉盞醬，還保留爽脆鮮甜口感泰式馬拉盞醬咸香惹味，配上通菜咬下爽脆但超入味。海南雞是無骨的, 啖啖肉而且嫩口, 雞皮薄薄的不像燒爉店那樣厚肥, 所以連皮一起吃了 ...油飯香口, 配汁可以, 不會太鹹點雞正好 ... 感覺唯份量有點少因為兩個男人一個海南雞飯加一碟菜可能份量少咗啲⋯⋯

平時食晏都好少食泰國野呢日同事介紹呢間近長沙灣嘅泰菜所以我地一行六人就去試試驟眼睇間餐廳都算多位但我地都要等一陣先可以入去我呢日就叫左個泰式湯金邊粉轉左冬陰公湯底餸就揀左海南雞仲轉左米粉添喺其他同事落野飲嘅時候我先發現唯獨係我揀果個冇包野飲好似冇咁抵咁🤦🏻‍♀不過值得一提嘅係我同伙記講想要暖水佢斟完比我問我夠唔夠暖加水嘅時候亦都係加返熱水比我抵讚！！！上菜速度好快～份量亦都係偏大同事叫飯餐果d都食唔晒～我果碗米粉就啱啱好湯底唔會太辣重點係海南雞好滑一d都唔鞋！正！