阿來泰式地道風味 (Closed)

朋友話長沙灣有間好食泰菜，咁今日佢就帶我黎試一試。一黎到見到樣樣食物都好吸引，本身我想叫d比較抵既套餐，但朋友最後都係決定散叫。泰式小食拼盤 $128呢個小食拼盤有雞翼，蝦餅，魚餅，春卷。一個拼盤就可以試哂咁多野，最好味既係魚餅，有少少辣味又夠香。春卷都整得好出色，出面夠脆而入面夠熱，裡面有d蔬菜咬落幾清新。柚子沙律 $58本身不太喜歡食沙律，不過朋友叫左就試下。食落都ok喎，夠開胃，如果夏天食就更正。火山軟殼蟹法包 $128呢個包十分出色，平時食呢種最怕個包淋哂。不過佢又keep到脆，點埋個咖哩汁食好好味，最後仲成個都食哂。而d軟殼蟹同平時d唔同，佢好多蟹肉，外脆內嫩。椰汁三色冰 $22平時最怕甜既我，都幾欣賞呢杯飲品。唔會太甜，而且飲落好清新，食完濃味既咖哩之後飲就最岩啦。呢間泰國菜果然無介紹錯呀！

一開始走入去呢間店時，職員十分有禮貌咁問我們幾多位。而且喺我們點單嘅時候，佢好有耐性咁向我們推薦左一啲呢間店嘅招牌菜，呢種態度十分好。講到食物，我們一開始就叫左一個二人套餐，呢道菜香滑可口，微辣，但味道一流。個味道似乎有不同層次嘅變化。仲有果個椰青，外面睇起來好華麗，飲起來嘅味道都十分甘甜，十分解渴，呢個算係一種新嘅體驗。另外仲有其他嘅美食，例如蜆、海南雞。蜆嘅味道喺咖哩汁嘅入味下，更香更好吃。海南雞嘅醬汁亦倍添左海南雞嘅滋味。咖哩嘅味道更讓我十分難忘，微辣少甜、香！呢一度嘅環境都好優美，牆上掛滿美食選擇供客人點選，十分方便。總體而言，十分推薦！

長沙灣成日比人話係美食沙漠, 住長沙灣放工返到屋企搵野食真係好頭痛. 行過東沙島街果邊, 見到一間泰國菜叫 “阿來泰式地道風味”, 女朋友話腳仔痛唔想再行, 就試下呢間泰國菜有幾地道. 一黎梗係睇睇菜單先啦, 一睇成個菜單價錢好平民化, 一個小菜60-70蚊左右, 都算係大眾化, 出面出名既泰國菜食個通菜都95蚊, 呢度既 ”飛天炒通菜” 先58蚊, 諗都無諗就叫左, 再望落去見到有個 “泰皇咖哩火山軟殼蟹法包” 睇落大大個都係128蚊, 即叫! 最後仲加多個” 香芒蟹肉炒飯”, 諗起都覺滿足. 好快”飛天炒通菜”上左菜, 個份量好夠, 絕對唔係幾條敷衍你, 食落有少少辣仲好香又唔乾, 好夠鑊氣! 呢間野上菜真係好快, 個通菜食左幾下“泰皇咖哩火山軟殼蟹法包”就上菜, 唔係講笑真係好大個, 份量絕對夠三個人食! 軟殼蟹四大舊唔敷衍, 法包脆身一刀切落包物去果下有聲架可想而知幾脆身, 軟殼蟹炸得岩岩好, 個汁香濃唔水既點軟殼蟹食真係好正, 你想像下軟殼蟹外脆內軟, 個汁仲要好重咖哩同椰奶香, 當係食完殼蟹再切開個法包, 法包索晒咖哩汁又脆口, 真係好滿足, 不過中國人夜晚無粒飯到肚

同朋友係長沙灣買完野，周圍逛逛，順便食個飯。見到間叫『阿來泰式地道風味』嘅泰國菜，睇見個名幾得意，間野又幾多人，於是決定去試一試。雖然多人，但間野都幾寬落，空間十足，一點也不會覺得逼，而且環境都乾淨嘅，坐落好舒服。呢度好多菜式選擇，我地避免麻煩，點了個2人套餐A（$268），有3個餸，兩碗飯及2杯飲料，非常吸引。個2人套餐A有得揀泰式滷豬睥或泰式海南雞，而我地就揀了海南雞配油飯。先來了一碟泰式海南雞，碟雞份量十足，雞肉嫩滑，色澤金黃吸引，加上一個醬汁，令雞嘅味道更為突出及濃郁。配埋碗油飯嘅油香，食落好滋味。接著來了一份飛天通菜，菜炒得豪邁，鍋氣十足。嫩嫩嘅通菜，加上少少的辣椒，配埋個豆醬，辣辣的，非常開胃。再來泰皇咖哩炒蜆，我好鍾意佢嘅咖哩，唔會特別辣，而且食落有陣椰香，非常野味。佢嘅蜆大大塊，食落無沙，鮮甜彈牙，值得一讚。而且中有洋蔥等配料，可以送咖哩，味道好夾, 讚！最後，我點了杯椰汁三色冰特飲，呢杯野色彩豐富，貌相十分吸引。飲一啖，好重椰味，加上有d『珍珠』嘅野俾我咬，啱曬成日口痕痕嘅我。呢度服務態度好好，一開始以為佢地好惡，但其實佢地好nice，有禮貌，好願意為我地講解碟餸，而

好少入黎長沙灣，不過聽聞呢度有間唔錯既泰國菜，咁當然要試一試佢啦。餐牌同牆都貼住好多野食，仲圖文並茂，搞到我樣樣都好想試呀。叫野食既時候，見到牆上面貼住個每日優惠。今日星期四，呢個火山軟殼蟹法包，由$ 128 平到$ 88喎。咁抵緊係要試一試佢啦，睇圖片都覺得好吸引呀。食泰國野，我最鍾意既就係生蝦刺身🦐。不過腸胃唔好既我最怕就係唔新鮮，好彩呢度既生蝦好新鮮。隻蝦食落好有鮮味，點埋佢個少少辣既汁就岩岩好啦。呢個汁燒魷魚筒好正，係原隻燒魷魚🦑。食落夠彈牙有咬口，唔會整到好硬或者淋哂，點埋佢配既汁簡直岩岩好啊。飲品方面，我就叫左我最愛既椰青，飲落好清甜，連d椰子肉都好容易刮出黎食啊。朋友就叫左杯椰汁三色冰，本身佢怕會好甜，但佢話飲落岩岩好，仲幾清爽幾fresh。呢間泰國菜真係值得再黎，而且日日都有唔同優惠，等我下次再黎擦餐勁先😋。

今晚難得早收工但沒約朋友，便到屋企附近的泰國餐廳Dinner。店內有不少 精緻的泰國裝飾，以雀鳥及大象為主，充滿泰式🇹🇭風情~泰式小食選擇滿多，即點兩碟。泰式生蝦刺身，色澤明亮，肉質鮮嫩爽口，蘸上特製的香茅/辣椒/青檸醬汁，提升蝦的鮮香度，酸勁辣香，令人胃口大開! 剩下的醬汁撈飯也一流!🦐😍首次吃泰國生蝦刺身，比日本刺身不遑多讓，同樣鮮味十足，別具風味，令人回味~👍泰式炸蝦餅，蝦肉香口彈牙，沾上特製的酸甜汁，酸甜醒胃，香口味美 ~😋海南雞飯，黃油飯富淡淡油香，雞皮爽滑，皮下啫喱狀的肥膏甘香可口，肉質嫩滑，加上秘製醬汁，鹹辣酸香，風味絕佳! 只$50，飽肚抵食! 🤗椰青，生津止渴，清甜多汁，喝完可挖出薄薄的椰肉，原汁原味!😋臨走時，才看到有新張誌慶優惠，星期四的咖喱軟殼蟹火山包滿吸引的，下次要較準時間來⏰~

當晚 , 我和太座一心想去吃泰菜 ~用餐地點就是這一間位於 長沙灣 - 東沙島街 的 阿來泰式地道風味 ~Menu ~ 泰式咖啡 $ 22 : 未開餐 , 先點杯凍飲來喝 , 是常識吧 .... 我點了一杯泰式咖啡 , 味道香香甜甜 , 還不錯喝的 ~泰式炸蝦餅 $ 68 : 蝦餅是即叫即炸 , 炸的金黃色 , 外層脆口 , 肉質爽口彈牙 , 蝦餅有蝦味 ~ 冬陰功湯 (小) $ 68 : 這個冬陰功湯的材料很豐富 , 徐了有大隻蝦之外還有很多菇菌 , 在味道上湯頭鮮甜之餘 , 其酸度、辣度、甜度都很平均 , 很不錯 ~ 泰式臭草炒蛋粉絲 $ 58 : 泰式臭草是不臭的 , 用來炒蛋、炒粉絲更顯得非常香口 , 粉絲Q靭有嚼勁 , 風味十足 ~ 泰式炒金邊粉 $ 52 : 這碟 Pad Thai 的賣相吸引 , 炒得乾爽 , 沒太多油份 , 金邊粉爽口而有彈性 , 味道酸甜醒胃 , 食材有蝦仁、豆乾 , 分量頗大而且有水準 ~芒果糯米飯 $ 58 : 芒果香甜 , 糯米飯煙煙靭靭 , 味道還算不俗 ~本篇完 ~

長沙灣越嚟越多種類嘅嘢食，啱啱波樓附近開左間新嘅泰式餐廳，篤完波同朋友黎試吓!入到去坐低，裝備格局上都似一般茶餐廳。唯獨有少量花、象、佛，顯得有點泰式風味，不過係長沙灣都唔係食佢嘅環境同裝修! 地方幾大，整齊，乾淨，已經very good牆身貼滿相，唔知食乜好可以睇相，邊個吸引就點邊樣而餐廳仲做緊新張大優惠，可惜唔係星期四，好想試佢嘅咖哩軟殼蟹火山包，見到隔離枱食好吸引喎!Menu都係常見嘅泰國菜，家常便飯，同朋友點左一份菜同烏頭就算了!一般常用泰式醬汁放哂喺台，唔駛另外再上，方便又慳位!泰式咸肉炒椰菜苗每次食泰菜，基本上我都係食椰菜苗，但第一次唔係齋用蒜蓉炒。泰式咸肉好似燒肉，但又冇燒肉咁香咁脆口。椰菜苗真係好正，高纖有咬口，好味~泰式明爐冬蔭公烏頭魚呢度嘅冬蔭公酸味同辣味都好適中，泰國嘅真係酸好多!呢度嘅啱啱好，烏頭魚肉質好嫩，唔腥又唔"鞋"口，加上冬蔭公酸酸辣辣，冬天食比較開胃暖身! 而最吸味嘅係入邊既菇，吸左冬蔭公嘅味更甜我點左杯泰式咖啡，但味道太甜了，好似飲緊拖肥糖咁。不過都係預期嘅甜度，因為泰式奶茶都比較甜，但味道唔似咖啡囉!

眾人都知深水埗多美食，但旁邊的長沙灣其實也卧虎藏龍。這天因為工作的緣故到了長沙灣，事辦完了肚子也餓了，便跟同事隨意進了這間泰國餐廳。位置挺近地鐵站，在A2出口出去直走約兩分鐘就能看見一條兩側都是食肆的街道，而且鄰近住宅區，食客不是很多，當然也不用等位。值得表揚的是職員的服務態度，友善熱情，一看到我們招手就立即過來了，同事有點完美主義，餐具上有些刮痕說要換，他們也親切有禮地說不好意思，給我們換過一只。餐牌上應有的泰國菜也有，比如說炒金邊粉、咖哩、炒海鮮等，也有套餐可供選擇困難的客人選擇。我和同事兩人吃不了多少就沒叫套餐，就點了三個菜：泰式海南雞飯、燒豬頸肉、泰皇咖哩火山軟殼蟹法包。上菜很快，下單後不到十分鐘就上菜了。第一樣是泰式海南雞飯，海南雞厚薄適中，肉質很嫩滑，雞皮與雞肉層次分明，沒多餘的脂肪，配上泰式辣醬更添惹味。旁邊的黃薑飯更是一絕，一上桌己能嗅到洋溢的薑香，雖混進了雞油，入口卻不油膩。第二樣是燒豬頸肉，肥瘦適中，豬頸肉上帶著適量油脂晶瑩亮澤，看到已讓我們垂涎欲滴。先試了一口原汁原味的，面頭燒成金黃微焦，有著肉的焦香，帶少許脂肪的豬頸肉入口細滑，再試一口醮了祕制醬汁的，為豬頸肉增

沒錯，深水埗也有幾間泰式食店，就好像西九龍廣場頂樓美食廣場，其實也有一間泰式食店，但是上次已經試過，毫無誠意，坐位又不舒服😒，倒不如走多兩步，去長沙灣這間新的泰式食店試一試。雖然海南雞飯這個選項往往吸引，但是由於朝往績來看，每一次都是失望😞而回，結果今次就沒有叫海南雞飯，點了個金邊粉。等了大概10分鐘，時間方面不算得唔得太久，炒也需要時間，尚算合理。三款調味料，中間的辣椒粉比較辣，用少少就已經辣到舌頭也腫起來。右邊的那種，應該是有魚露的調味料，比較鹹香。左邊的就像泰式酸辣鳳爪那樣，甜甜酸酸，微辣，味道不錯。份量不算太大，邊有花生碎，細細塊青檸，以及一條香茅。本來以為這碟金邊粉，也像普通料一樣，不算太多材料，有些豆乾，芽菜、韭菜有些肉，有些蛋。怎料到，意外撥開面頭的金邊粉之後，竟然在底下找到兩大隻蝦，除了這兩大隻蝦之外，又有一些細細粒的蝦仁。除此之外，原來金邊粉內裏還有魷魚，真是非常有誠意，會係好充足，世間罕見。金邊粉的用料充足，雖然粉的份量不算太多，但是有蝦、有魷魚、有豆乾、有蛋，味道酸酸甜甜，而且鑊氣豐富，剛剛炒起，底下還有一片生菜盛載，賣相也極之討好。落單時已經叫了凍奶茶少冰，而單

早兩日我個泰國朋友嚟香港玩，我當然要盡地主之誼，帶他又買又食，亦會帶朋友嘗試各種不同 風味菜式，但始終他都會懷念家鄉食物，我梗係唔會失禮朋友啦，昨晚我就帶他到一間正宗泰式地道風味菜館，等朋友好好懷念自家嘅家鄉菜，坐下想點菜時，朋友反而會介紹我嘗試泰國菜嘅精髓，以下都是朋友欽點的菜式。泰式臭草粉絲炒蛋 個名雖然話係臭草，但係泰式嘅 臭草零舍清香，粉絲爽滑彈牙，自家製醬汁將粉絲煮得非常入味，一梳梳，滑捋捋，配上炒蛋嫩滑非常，正宗泰國雞蛋夠香濃，大廚將一個看似簡單的餸菜煮得非同凡響。泰式鐵板蠔仔蛋 揀選每顆渾圓鮮甜蠔仔，鮮味無窮，用鐵板器皿嚟烹調，味道確勝一籌，雞蛋幼嫩夠香濃，火路控制得又出色。燒豬頸肉整碟色澤金黃豬頸肉，燒得香噴噴，面層有脆口感，肉汁還保留得豐盛，肉味夠濃甜，肥瘦層次均勻分明。朋友都話簡單嘅菜式 就更會突顯廚師功力，朋友都讚 呢間餐廳誇啦啦。

吾好以為食正宗泰國菜就只有九龍城先食到，長沙灣都有好推介，平民價錢食到高質泰國菜。雖然呢家系新開張試業，但內裡坐無虛席，外面仲有排隊入席既人群。即使員工工作繁多，但仍然保持著良好服務態度，熱誠有禮，十分難得。泰式醃豬頸肉沙律＄５８，酸酸辣辣好開胃，大片大片豬頸肉，伴新鮮青瓜、小蕃茄，清新爽口。串燒沙嗲半打（雞肉、豬肉各半）＄６８，火喉掌握得好，一Ｄ焦炭都冇，不乾不硬，鎖緊肉汁，配搭香甜濃郁既沙嗲醬汁。泰式濕炒河炒（牛）＄５２，乾炒既就試得多，濕炒真系好少見，一於試下。先猛火炒過河粉，勁有鍋氣，醬汁由多種蔬菜煮成，非常鮮甜，推介。青咖哩豬＄５８，醬汁勁多，濃郁椰香，散發香草味，剩系醬汁就可以食到３碗飯。椰汁三色冰＄２２，新鮮椰子打成，沙冰幼細，ｆｒｅｓｈ！

當日因趕飛機, 好早要食定晚餐出發, 見到呢間泰國餐廳好似不錯, 就入去試下泰式炸蝦餅- 蝦肉彈牙, 外脆, 肉質新鮮. 不錯泰式木瓜絲沙律-爽口, 略微帶甜, 酸味不夠泰王咖哩火山軟殼蟹法包- 火山即係一切開, d咖哩汁流曬出黎, 醬汁足夠食完成個包, 超贊. 泰式咖哩是帶甜, 配菜豐富, 但軟殼蟹太油,不夠脆, 好漏. 麵包好脆好香, 同個汁好夾豬手飯- 豬手蚊得好入味, 好唸, 尤其個豬皮真的好滑. 配一個酸酸地個汁, 令人不會有漏既感覺

長沙灣越來越多嘢食今日帶呀媽去食泰國嘢貪近近地食完可以返屋企豬手好大隻啲肉炆得好琳唔好睇佢好似好肥好油咁其實皮都係骨膠原一啲肥膏都冇炆得好入味我哋有諗過如果第日屋企冇餸買隻返去加送都真係好正啲汁仲可以撈飯食豬頸肉好脆烤得算好我哋冇叫飯就咁食都覺得唔會太鹹不過係我揀嘅幾碟餸入面稍為普通嘅一碟咖喱麵包軟殼蟹呢個真係好好食我哋專登唔叫飯就係因為要食晒成個包蟹一隻切開四件麵包入邊嘅咖喱汁唔會太辣係直情唔辣㖭所以我哋兩個人食都清晒所有汁同埋麵包真係飽到一個點啊最後不得不讚我叫左一杯青檸梳打其實因為我氣管敏感唔可以飲凍野所以叫佢少冰但係青檸梳打少冰真係考起佢不過服務員都好好真係有少左冰比我

泰式餐廳九龍城都算多了, 但旺角通菜街9号地舖有一間朋友介紹為好的 “阿來泰式地道風味”, 今天經過終於有機會享食了。舖裡擺了很多食物照片很吸引喂口, 越坐越多人。 隨便的叫了幾款菜式, 泰式鮮蝦冬蔭功湯, 酸酸甜甜好好味, 胃口都大增了,冬蔭功味剛剛好使人留意到泰式風味湯。泰式臭草粉絲炒蛋, 需然用的是泰式臭草, 但炒出來被蛋的香味蓋了, 粉絲爽口彈是頗好的配搭。泰式鐵板蠔仔蛋, 與平時食的煎蠔餅有少少分別, 這個是用鐵板上的, 蠔仔都算幾肥美, 蛋沒有煎的那麼實, 較為鬆散, 點上醬料吃會增添味道。燒豬頸肉, 肉質嫩滑, 外層的皮燒得香脆，非常好味,由於是泰式燒法特別香口。 如果還有胃口真的想食多幾款, 因為太吸引了, 下次我會叫泰式海鮮為主食。