Aroydee Thai BBQ & Bar

Open Now

Now Closed

椰青沙冰，原個椰青水打成，變成沙冰，賣相相當美觀，凍飲一流👍🏻👍🏻👍🏻當中燒烤味道比較好，燒牛肉過火，其他燒烤也可，生菜肉碎包也是好食，炒粉麵就一般，無骨鳳爪味道偏淡，龍眼水相當大杯🥤🥤抵飲，馬拉盞炒通菜，味道不太濃。冬陰功湯人認為較酸不夠辣，整體而言，不過不失，路經可以一試，特登去食就不用了。最重要嘅環節，出菜時間非常長，趕時間真係唔好去🥹🥹🥹🥹炒金邊粉味道較淡，菠蘿炒飯不夠熱，炒油面只有辣味。

原本只有味道仍然光顧這食店的理由，平時不想走太遠也會在家附近搵野食，大水坑村呢幾家小店食物質素也可以的，所以唔想坐車就是旦去一間。但今次去味道已不及從前，大家亦不要對這店期望合理服務，更加要留意有胡亂收費的可能呀，服務員也經不起壓力測試，尤其是有位亞姨收錢員，她不喜歡顧客直言反映劣質服務，胡亂收費。若各位喜歡洗錢受氣不防一試！否則，絕不推介大家來！我以後也不會再來這店的！附近有比它好吃和有服務的餐廳！為何要使錢受氣？！

呢間餐廳係舊店即對面那間餐廳係上年已經幫襯過一次，呆等成個鐘，店員全部口黑面黑冇招呼，廚房極度混亂！見佢宜家開分店，上網又咁多好評打算試吓係咪轉左人有改善啦，點知中曬伏！又係同一個班底，都係泰國人主理泰國菜，不過食物好垃圾！炸野又亁爭爭！炒金邊粉黐住曬一Pat野咁！一D都唔好食！仲要等左成個鐘先有得食！仲有牆邊地下也見到有混蟲，感覺很不衞生！唔明網上點解有咁多好評！最奇怪仲坐滿人仲有人係門口等位！完全中晒伏！冇下次！係附近求其搵間都好食過佢！要食正宗泰國菜都係建議去返九龍城！呢間垃圾絕不推介！！！

位於馬鞍山呢間泰式小店係我同屋企人成日幫襯既食肆😆 性價比高 而且仲係泰國人開既😙 食得返正宗既泰菜🙌🏻 一齊睇下我呢幾次食咗咩啦🫶🏻咸魚炒椰菜苗($68)呢度既幾款炒菜都係有得自己揀菜既，視乎返當日有咩種類，多數有椰菜苗、通菜 、芥蘭、雜菜等等，通常我同屋企人都係揀椰菜苗，因為出面比較少機會有得食😆 咸魚味道好香 送飯一流 份量都唔細😆燒鰂魚($138)燒鰂魚價錢都抵食😆百幾蚊好大條😆魚入面用咗香茅、南薑等等既材料配搭嚟燒，充滿泰國既味道🇹🇭條魚火喉啱啱好，超級滑🫶🏻魚骨好易挑出嚟，怕骨既人都好易食😙魚肉都好多，絕對啱晒鍾意食魚既人芒果蟹肉炒飯($80)/蝦醬炒飯($78)蝦醬炒飯係我同屋企人幾乎每次嚟食都會叫既炒飯，份量都唔細，米飯炒到粒粒分明，絕對唔會太油膩。蝦醬炒飯有腰果同肉碎做伴碟，而配料就有蝦米、豆角等等，色香味俱全🥰芒果蟹肉炒飯呢個配搭就比較特別，用香甜既芒果配埋鹹香既飯。芒果粒都好大粒，而且啲飯都係炒到粒粒分明。而呢個炒飯嘅配料主要就有蟹柳、洋蔥、香蔥，伴碟既都有肉鬆同腰果。芒果沙冰($38)芒果沙冰絕對係消暑既良伴🤣 沙冰好大杯，芒果好甜，用嚟送又香又惹味既泰國嘢就啱

親戚新屋入伙，一行九人，大水坑附近好似冇乜嘢食，除咗大家樂同麥當勞😅 見到Google Maps附近有啲村屋餐廳，就諗住去試吓呢間餐廳環境氣氛都幾好，又可以坐得落一班人。估唔到嘢食都唔差，性價比係OK，係可以再食嘅餐廳👍🏻先講嘢飲，啲小朋友叫咗芒果沙冰，同埋西瓜沙冰🍧 雖然冇影相，不過幾真材實料，大家不妨試吓🌟 另外，大人叫咗黑啤，都好大杯，佢哋都幾鍾意嘢食方便，基本上都唔錯，唔同菜式都有唔同嘅醬汁配呢個係幾欣賞👍🏻雜錦小食拼盤 （幾啱一家大細）生菜包 （正路）馬拉盞炒通菜 （一啲都唔得呀，小朋友可以食）菠蘿炒飯 （小朋友好鍾意食，不過佢就唔係乾身嘅炒飯）串燒豬肉同雞肉 （燒到都幾Juice）海南雞 （正路）椰汁雞湯 (呢個要講講，好多餐廳都偏酸，我覺得佢拿捏得幾好喎）燒雞翼 （呢個燒雞翼喺小食拼盤都有，不過小朋友好鍾意食，所以就另外單點）炸魷魚 （個人認為一般）蒜蓉包 （幾脆口，不過蒜蓉味可以再重啲）炒金邊粉 （啲親戚幾鍾意食，不過我就覺得一般，可能食開啲金邊粉會再粗少少）

一向食開既泰菜館（舊鋪無咩裝修，所以通常外賣，但外賣係平靚正既😋）最近見到佢頂埋對面間鋪，裝修得幾靚又幾有氣氛（唔知算唔算開分店呢？🤣🤣）即刻call朋友去試一試先，當晚3大2細，有個靚女侍應勁好傾，介紹左幾個之前未試過既餸，個個都食到舔舔脷😋靚女侍應介紹，炸皮蛋蝦餅，勁驚喜，食皮蛋既一定會鐘意，現場食好好食 👍🏻👍🏻👍🏻靚女侍應介紹，檸檬燒牛肉，又係勁好食👍🏻👍🏻👍🏻上面碟芒果蟹肉炒飯👍🏻👍🏻👍🏻好食到差唔多食曬至記得影相鳳爪，辣既🔥，但過癮👍🏻👍🏻生蝦，我無食（本身唔食生曬，朋友話好味）重點，有draft （絕對係大亮點，媽媽們很需要酒精😂）咖哩炒花甲，呢間既咖哩又係必食既，無論炒蟹，炒雞，炒豬，炒花甲 我都想食過野，都係一樣咁好味🤤 👍🏻👍🏻👍🏻 因為甜品唔算多選擇，叫左杯芒果沙冰俾阿囡飲，佢係咁話好好味，我自己試左一啖，芒果好甜好足料，沙冰打到好滑，然後忍唔住飲多幾啖（又係外賣食唔到既野）結論係，又多間新飯堂😂😂

呢間位於馬鞍山大水坑村聽講係新開就去試下 自己本身好鍾意飲啤酒大啤一杯叫左個檸檬燒牛肉 燒得岩岩好老闆娘推介 柚子燒魚沙律等得有d耐 不過值得泰式冬陰功 有小小鹹仲有芒果蟹肉炒飯 好好味芒果唔太酸 炒出黎d飯係乾身最後甜品 芒果糯米飯 味道不錯 糯米飯可以再冧d

琴晚五個人去大水坑新開嘅餐廳菜，叫咗海南雞，燒羊假，生菜包，生🦐，炸蠔餅，炒菜同冬陰功湯🍽️羊架好惹味👍🏻炸蠔脆呀😋冬陰功湯足料 味道地道我唔食辣，生菜包嘅炒豬肉走辣粉，豬肉夠味（我個仔勁加辣粉）海南雞一般，但係竟然個汁舊驚喜，成碟雞清晒😅埋尾飲番杯大啤🍻，今晚超晒標🫣買單唔使$800 抵食👉🏻個仔話係回頭餐廳😆

今晚黎到大水坑AROYDEE THAI 試一試佢哋嘅泰國菜，真係有驚喜😍😍因為我哋都有返咁上下人數，所以book咗間房仔（留意有Min. charge）除咗泰菜，我哋仲為咗個生啤而黎，好好飲🍻講返菜菜質素，我地order左以下食物 5星星係滿分生蝦 （打咭位）⭐️⭐️⭐️⭐️⭐️咖哩炒蟹（要預訂）⭐️⭐️⭐️⭐️燒檸檬牛 （必食推介）⭐️⭐️⭐️⭐️⭐️生菜包 ⭐️⭐️⭐️⭐️⭐️紙米卷 ⭐️⭐️⭐️⭐️皮蛋蝦餅 ⭐️⭐️⭐️⭐️飛天通菜 ⭐️⭐️⭐️⭐️菠蘿炒飯 ⭐️⭐️⭐️芒果蟹肉炒飯 ⭐️⭐️⭐️⭐️⭐️海鮮冬陰公湯 ⭐️⭐️⭐️⭐️椰子雞湯 ⭐️⭐️⭐️⭐️⭐️飲品方面生啤 ⭐️⭐️⭐️⭐️⭐️芒果沙冰 ⭐️⭐️⭐️⭐️⭐️菠蘿沙冰 ⭐️⭐️⭐️⭐️龍眼冰 ⭐️⭐️⭐️⭐️椰青⭐️⭐️⭐️用心做係食得出架，我好鍾意啲食物好有泰國香料既味道👅 性價比高 掛住食有啲都唔記得影相抵食既一餐飯😍😍😍

中午時間搵到間好近巴士站嘅泰國餐廳，試咗佢地午餐冬陰功河粉，再散叫多份無骨鳳爪，份量足之餘味道都有水準，難得喺馬鞍山依個美食沙漠裡面搵到間出色嘅泰國餐廳，睇餐牌好多菜式都好吸引，下次想再去試吓食晚餐👍👍

舖面好有感，户外都有凳坐，成班朋友吹水等位好舒服。已經食過第二次，真心唔洗再出九龍城食🤭必叫芒果沙冰、菠蘿沙冰，唔係出面飲糖水嘅味，我覺得真係好好飲嘅情況下都飲咗2杯。食物多面，炸魚柚子沙律真心正，條魚起咗魚肉一片片，真係心機菜黎，停唔到咁食。另外仲試咗必食生蝦、青檸燒牛肉、皮蛋炸蝦餅、米紙卷、燒鱔🤤、椰子海鮮炒飯、泰式蟹肉炒飯、炒金邊粉、咖哩炒蟹加蒜蓉飽。真心好食。每碟都勁快清咗🤭正有啲食物相，真係掛住食都無影🤣

同屋企人慶祝父親節，純粹諗住搵一間唔使特別等位嘅餐廳，冇諗過想第一道菜已經有驚喜，聽住Thai Song, 飲住芒果冰，食嘅根本唔止係泰國嘅環境同氣氛，仲有小店既人情味不過睇得出係小店同埋新開張，上菜都比較慢，真係要耐心等待, 但我食完佢個炸魚柚子沙律後，我好明點解要等lol….小店先有heart做d高質食物❤️我地一齊心入面嘩左出聲完全唔記得同芒果沙冰影返張相，飲得出係真材實料用新鮮芒果打，完全冇落糖，但等得最耐係杯芒果沙冰🤣見到係一個泰國姐姐係甘出出入入打沙冰，佢仲好搞笑咁同我哋講話冇晒冰啦，要等多陣🤣見到舖頭都唔算多位，6台客左右，但keep住有客等，晚飯最好先預約啊