朝日屋 (Closed)

第2次食，一樣叫D餐北海道海鮮丼，兩次都好好味。刺身有帆立貝，海膽，甜蝦，碎拖羅，三文魚籽，各樣都好新鮮美味，特別一讚吞拿魚蓉，幼細香滑👍🏻丼飯有落醋調味，配合刺身，特別美味同開胃，細食嘅我，都可以食晒成盒。當然，男士會覺得份量偏細，可能會唔夠飽🤣

🐟 塩燒鯖魚和食 $68鯖魚燒得靚，唔會好乾，加左鹽同檸檬🍋提鮮唔腥👍🏻份量多🐽吉到豬柳滑蛋和食$68豬柳炸得唔算好脆，不過肉滑，配上洋蔥絲同少許紫菜，加左滑蛋好加分😝✨觀塘lunch之選，lunch set配沙律🥗、味噌湯仲有甜品（麻糬），價錢適中

有排好鐘意食日本野，之前會去一本到食，但係佢加價後就覺得唔抵然後就會去中海到食🤣個到有兩間日本野，但個人認為朝日屋性價比較高.餐廳環境舒適，唔會坐到好逼，所以久唔久都會去食，次次去到都花多眼亂，樣樣都想食😂但最後都係叫左呢兩款既其中一款🤣北海道海鮮丼 $88好多日本餐廳呢個價只係得一個丼飯，但呢間餐廳就係一個套餐，套餐有味增湯，沙律，茶碗蒸同甜品，算係化算而且刺身份量唔會太少太薄，之前食過一間丼飯係多多飯刺身薄又少。入返正題，刺身新鮮，但係三文魚籽有點少😂味增湯唔會太咸，茶碗蒸個蒸蛋好滑，又食到海鮮既鮮味，甜品紅豆和菓子不過不失。.海膽三文魚丼 $88丼飯既海膽鮮甜，不過份量有點少，三文魚肥美，整體唔錯。食完呢個套餐係超級飽🤣好抵食.下次會去試下佢既熟食😆

咁岩去開拎身份證，想食日本嘢就上OpenRice睇吓有冇啲咩平價之選，最後就搵咗依間餐廳雖然係平日嘅晚餐時段，但因為餐廳都算係平民價，所以到達餐廳時都快要滿座了，剛好有二人枱所以唔係等咗好耐餐牌上有好多晚市嘅料理set可供選擇，最後同男朋友每人叫咗一個set，追加左我最鍾意食嘅火炙左口魚壽司、海葡萄同炸池魚總括食後感：每樣日式料理都叫做不過不失，料理選擇都多，如果想食日本嘢又唔想食咁貴都叫做不錯的選擇

見openrice好多好評，性價比高，所以約埋朋友放工一試，結果失望而回～一早打電話bk定檯，以為會好full，點知去到得一檯客🙈🙈我揀左海鮮丼，朋友揀左鍋物～牛肉烏冬鍋海鮮丼係我食過最少刺身既丼飯，刺身唔係好新鮮，切好薄，爭鮮既刺身都比佢新鮮好味另外壽司飯落太多醋好酸，而且飯可能落太多水，口感不太好～最後食唔曬d飯，唔值呢個價月見牛肉烏冬鍋烏冬無酸味，彈牙，唔錯，牛肉肥瘦適中，整體性價比高過海鮮丼，正正常常試一次就夠，隔離台灣菜比呢間性價比，味道都較好

呢間都已經食過幾次都覺得幾好價錢中間啦但CP值都幾高同朋友可以叫支sake飲下都唔會好貴ar 點左～鍋燒烏冬有一隻炸蝦仲有大冬菇粟米粒少少菜喺湯底烏冬都算滑嘅口感都合格～炸紫薯餅熱辣辣嚟到唔會炸都好乾紫薯溶又唔會好甜呢個幾鍾意呀～三文魚同帶子刺身新鮮新鮮～炸牛蒡條又係新鮮熱辣嚟到用黎送酒一流

觀塘好似好多餐廳，但公司附近嘅日本餐廳比較少，今次呢間食過兩次，都覺得唔錯🤤午餐有熱食或者壽司、刺身丼揀～海の幸·海鮮丼 / $88每款海鮮丼都配沙律、茶碗蒸、味噌湯同甜品。今次揀呢款有帆立貝，火炙左右魚邊，北奇貝同蟹肉蟹膏。刺身都新鮮，炙燒左口魚邊好快溶喺個口，不過蟹膏份量算少。八貫壽司定食 / $88有一次係叫呢款，同樣配咗沙律、茶碗蒸、味噌湯同甜品，八件壽司睇圖由左起吞拿魚、油甘魚、三文魚、赤海蝦、帆立貝、火炙左右魚邊同埋加洲卷，油甘魚夠晒厚🤤不過麻麻哋吞拿魚赤身，所以分咗比朋友試🤣茶碗蒸好似係食壽司、刺身丼先有。

中午12點左右到就未有咁多人等，可以直接入位，如果接近12點半已經開始好多人排隊，所以預早攞位會更方便。我地都係點套餐比較扺食同飽肚，佢有108同128簡，我自己簡左128既套餐，係2碗迷你丼:珍寶赤蝦配三文魚籽，油甘魚配三文魚腩。刺身相當新鮮飽滿肥美，每碗丼都有甜蛋青瓜絲，令你食完都吾會覺得膩。另外，會配埋沙律，甜品，蒸蛋同麵豉湯，吾好睇佢細細份其實相當飽肚，真係值得一試。另外，亦有熟食套餐，不過較少人簡，因為價錢差唔多

下晝1點鐘嘅觀塘，真係好難好難搵位啊～尋日突然轉涼，周圍都搵唔到位，最終黎到呢間位於中海日升中心2樓嘅日式餐廳，見到仲有位，坐落就明白到點解啦，因為周圍枱枱都食魚生飯，天氣咁凍又真係有啲卻步嘅。望一望menu，係魚生飯同熱食之間諗左好耐最終都係決定凍冰冰食生冷野有跟個麵豉湯 沙律 茶碗蒸同埋一位和菓子for飯後甜品，呢個餐98，食材其實唔錯，帶子 左口魚都好新鮮 隻蝦就一般啦 整體黎講都幾唔錯 唯獨價錢令唔少上班一族卻步啦～

朋友舊同事轉咗去觀塘返工，介紹我哋去試魚生丼，星期六中午12：00到，有一枱客，打開menu比套餐中大中吞拿魚吸引住，但可惜當日冇大吞最後我揀油甘魚，三文魚腩加海膽，帆立貝，朋友揀珍寶赤海蝦，三文魚籽加海膽，帆立貝，😅😅😅海膽真係首選三文魚腩好肥美，油甘魚厚切魚油好香，海膽好新鮮，味濃，個套餐有2碗迷你丼，湯，茶碗蒸，水果同1粒黑糖麻糬其實已經好夠。但我哋仲散咗青口同烤花魚呢個青口做得好好，肉好嫩，湯汁好鮮甜，我哋全清連d湯都飲晒烤花魚，有魚油香，魚肉濕潤，魚皮香脆真係要讚👍🏻👍🏻👍🏻總括呢個午餐係超滿足，味道食材好，價錢大眾化，性價比高

朝日屋係公司附近一間我好鍾意嘅日式料理小店，丼飯好抵食，環境舒適，員工非常友善，所以耐唔耐會幫襯。海膽三文魚丼飯，海膽鮮甜，三文魚肥美而且份量十足，海膽下嘅玉子都好好食。跟餐嘅味噌湯咸度剛剛好。好鍾意呢度嘅茶碗蒸，入面有獅子狗同日本魚蛋，上湯濃郁，蒸蛋又滑，每次食完都心思思想學吓點整。六貫壽司定食好似平時午市冇見，可能係晚市限定。魚類同蝦、帶子都十分新鮮同厚身。今日牛肉烏冬味道濃厚，連湯都飲埋～跟餐的荔枝紅茶，飲到最底好甜。因為同桌有人第一次黎食，我地仲追加左啲野食。厚燒玉子配黑松露香氣四溢，分量十足。鍾意黑松露嘅人可以試吓。蒜香青酒煮藍青口，個湯超香超濃，係好味到可以配一碗白飯。美中不足係有生蔥... 不過呢個係個人口味問題。吉列炸蠔反卷，好有特色，食完都好滿足。芥末章魚小食，唔輸俾連鎖店嘅味道～食物整體而言相當唔錯，選擇又多。氣氛都非常適合日式料理，之後都會再支持。

一直都想試下朝日屋，但係lunch hour真係好多人排隊，經過幾次都食唔到，今次終於試到！叫左朝日屋特選海鮮丼賣相唔算靚，可能因為餐廳lunch hour真係好忙，都唔太介意佢賣相，上菜嘅時候茶碗蒸要後上。見到隔離枱叫燒鯖魚定食，連條鯖魚都要後上就知佢哋踢曬腳。壽司飯有落醋調味，而且仲暖暖哋～ 配刺身食一流！之前睇過幾次食評講d刺身顏色唔靚，但今日啲刺身都算新鮮，我最中意係左口魚同赤海蝦！鮮甜而且口感豐富～略嫌三文魚子有d少份量唔多，但係女仔嚟講都夠，加埋其他配菜(沙律、味增湯、茶碗蒸同甜品)可以講係飽到飛起！呢款海鮮丼都有外賣自取，價錢平10蚊但係就冇左茶碗蒸同沙律呢啲配菜，大家可以考慮下～總評：7.5/10 絕對會encore！

黎過一次覺得幾好CP值算幾高今次點左~三文魚帶子刺身三文魚比想像中厚身幾有鮮味帶子都幾新鮮呀~迷你三色丼加迷你牛肉烏冬(跟餐)跟餐有麵豉湯, 甜品, 沙律丼真係幾迷你下好似唔夠大丼過隱雖然多左個細烏冬大丼感覺滿足D魚生多好多烏冬質感OK個湯幾濃郁甜甜地咁~支SAKE又揀得幾好好易入口個價錢好似唔駛300所以好抵下呀

黎到觀塘想食日本嘢，好耐無食刺身丼飯🍱上網見呢間抵食就嚟試吓，餐廳環境都好闊落。丼飯定食配沙律、茶碗蒸蛋、味增湯、甜品，呢個價錢算係不過不失～🔸朝日屋特選海鮮丼（HK$98）首先要叫咗款最豐富嘅丼，咩刺身都有啲，啱哂魚生控😎包括中吞拿魚、三文魚、油甘魚、珍寶赤海蝦、火炙左口魚邊、三文魚子、蟹肉蟹膏，不過略嫌刺身嘅光澤感唔夠👀🔸櫻花角切海鮮丼（HK$82）呢款刺身份量都好多，包括三文魚、油甘魚、吞拿魚、飛魚子、三文魚子，食落都算厚身～🔸炸吉列池魚（HK$38）另外叫咗款小食，池魚有啲小骨，要小心啲食🤣炸得啱啱好，唔會太過厚粉

難得獨自係觀塘食晚飯，問咗個觀塘地膽朋友食咩好，呢間餐廳係佢推介嘅其中一間，咁我就嚟試下啦～好可惜我未接受到魚生，好耐之前食過一次火炙壽司冇作嘔，所以今日鼓起勇氣嚟試吓火炙定食～ 入面有3種魚類，份量幾多下 定食包埋沙律、麵豉湯同埋茶碗蒸講咗主角先，火炙燒得唔錯，幾香，用咗醬漬所以有啲鹹甜味，我好中意 仲有個細細地嘅玉子燒，開心～ 我食得哂成碗魚生，所以佢係一啲腥味都冇，食得很滿足配菜嚟講，沙律真係比較頹，欣賞佢地用柚子醋，算係加返少少分茶碗蒸好滑溜，入面有唔同配料，味道較淡，但係咁樣先可以食到食材嘅鮮味，我個人覺得啱啱好 定食我真係寧願有茶碗蒸，可以唔需要甜品呢個麵豉湯完全可以睇到餐廳幾咁有誠意，入面有好多料！同埋滑豆腐令我印象好深刻，又滑又有豆味，滿分值得一提嘅係呢間餐廳環境幾大吓， 座位都坐得好鬆動舒服，員工服務又好，仲會播啲好舒服嘅純音樂，喺呢度食飯真係好享受