朝日屋 (Closed)

朋友舊同事轉咗去觀塘返工，介紹我哋去試魚生丼，星期六中午12：00到，有一枱客，打開menu比套餐中大中吞拿魚吸引住，但可惜當日冇大吞最後我揀油甘魚，三文魚腩加海膽，帆立貝，朋友揀珍寶赤海蝦，三文魚籽加海膽，帆立貝，😅😅😅海膽真係首選三文魚腩好肥美，油甘魚厚切魚油好香，海膽好新鮮，味濃，個套餐有2碗迷你丼，湯，茶碗蒸，水果同1粒黑糖麻糬其實已經好夠。但我哋仲散咗青口同烤花魚呢個青口做得好好，肉好嫩，湯汁好鮮甜，我哋全清連d湯都飲晒烤花魚，有魚油香，魚肉濕潤，魚皮香脆真係要讚👍🏻👍🏻👍🏻總括呢個午餐係超滿足，味道食材好，價錢大眾化，性價比高