ASAP As Simple As Possible

Open Now

Now Closed

成日係天后出沒，都唔知天后開左間新餐廳，ASAP as simple as possible, 店內裝修充滿色彩，到處都放上「金句」，讓食客可以運用等候的時間，思考一下。lunch menu 大約有10款選擇，無full menu, 所有lunch set 都有肉（牛/雞/魚），不太適合素食者。我點了咖哩牛肋蛋包飯，蛋內應該加了忌廉或牛奶，很滑，奶味比蛋味重，可惜我唔食奶類製品，所以食左一啖就要放棄佢啦。牛肋炆到好淋，入口即化咖哩一啲辣味都冇，睇得出落左好多油，所以都唔敢食太多汁，點到即止。友人點了炸魚配粟米汁俾小朋友食，粟米汁像是濃縮左嘅粟米湯咁，撈飯一流，薄薄的炸粉配上厚厚的魚肉，感覺又邪惡又健康，小朋友喜歡到不得了。lunch set包飲品，湯或沙律，都只係60幾蚊，抵食！

環境：文化磚牆加上一個笑樣，番茄嘅霓虹燈，一盞炒蛋燈，仲有色彩繽紛嘅牆畫，感覺好開心好有活力。食物：有兩個餐牌，一個主要係三文治比較茶餐廳啲嘅。另一個就係熱食，以奄列飯為主，湯/沙律+主菜+飲品($64-78，冇加一)粟米湯：叫果陣好擔心係開罐頭，好在係用新鮮粟米打成，濃郁甘甜。仲有好多粟米食，飲一啖湯要“口趙”10吓，真係好忙....番茄湯：用新鮮番茄打成，加上好多番茄碎，好酸.... 但誠意搭夠！咖喱牛肋肉奄列飯：有6塊牛肋肉，以咁嘅價錢算多。旁邊有一磚暖嘅白飯，上面就係炒得好滑嘅熱炒蛋。牛肋肉有少少肥膏黐住，都唔算韌，但食完6塊點都要撩撩牙.... 我唔食得辣嘅，都有啲驚個咖喱汁會辣，因為餐牌話係特濃咖喱。但好在我食得到，只有好少好少辣，而對啲食辣嘅人嚟講呢個一定完全唔辣啦。個飯撈咖喱汁好開胃，雖然碟頭幾大不過食得晒！不過個咖喱汁好似油咗啲啲...吉列豬扒奄列飯配忌廉蘑菇汁：有4塊豬扒，不過個樣似炸雞多啲。炸粉都唔算厚， 有啲似KFC嘅鬆餅， 而且炸粉同豬扒冇分開，肉質亦都軟滑唔油膩。蘑菇汁有菇碎&大粒嘅菇，都幾有心思唔係用罐頭蘑菇汁，撈飯食都唔錯，不過好似咖喱汁撈飯吸引啲～凍檸

家住北角又有細路, 假日實走唔甩要帶佢去公園放電, 鰂魚涌公園同維園都係最近屋企嘅放電場。星期日同呀女去維園放電, 玩到7點幾天都黑齊又愈來愈多蚊, 加上第二日又要返學, 快快鬆人搵地方醫肚。向北角方向行, 行到天后另一地標維多利亞(酒店)附近, 咦..有發現 - ASAP, 食乜架? 我淨係知家吓3仔乸個肚都打緊鼓, 好URGENT要坐低食嘢啫。 再昅吓門口姐姐拎住嗰個menu, 最貴個黑松露意粉餐都係78蚊, 其他餐都60零70蚊左近, 又跟湯, 凍飲又免收, 又免加一, 望入去地方又幾闊落仲要有梳化位喎, 唔諗咁多入去試吓。ASAP - 的確真係幾simple, menu一眼睇晒A-L餐, 12道峰味都仲差一味, 全部都可跟湯或沙律, 嘢飲最正係跟黎已經係炭燒啡, +8蚊升呢變latte。 叫咗C, D, H餐, 跟3個湯(蕃茄湯), 嘢飲嗌咗凍OT凍炭燒同latte。蕃茄湯 - 應該係蕃茄打蓉煮出黎, 酸度適中, 唔腥夠茄味, 唔杰唔稀質感啱啱好順喉。C餐 炸魚柳配柚子醋田園沙律 (3仔乸開心share食) - 魚柳足料新鮮炸, 個䊢夠脆口, 沙律係正常沙律菜撈柚子醋, 味道