ASAP As Simple As Possible

Open Now

Now Closed

話平唔平話貴又唔算好貴。地方闊落坐位舒適👍🏽🔸一個餐有包湯/沙律，有個主菜同有野飲。湯仲有3款揀添。今日要左個粟米湯🌽，入面有粒粒既粟米，同打到爛既粟米，令個忌廉湯係有粟米味既(唔似有啲地方個粟米忌廉湯係白色既然後得幾粒粟米咁🙄。。。)🔸叫左個海鮮濃蝦湯飯，有魚柳🐟、青口、蜆、蝦🍤，可能來貨貴比以往少左餸。個人比較麻煩，要求走椒、少飯同分湯上都做到。個湯係好飲既，真係夠濃又夠熱😋

唔想同人迫所以12 點就去咗搵飯食係公司附近見到呢間無乜人即入叫咗個咖哩吉列豬餐， 記得好似係76 蚊有埋個salad感覺健康酸酸地好醒胃， 菜爽口新鮮日式咖哩唔會辣得去邊， 不過都聞到好香咖哩味吉列豬即叫即炸， 熱辣辣香口又好食蛋炒得靚， 滑口架！蛋擺得靚加咗分， 不過豬亂擺又扣咗d 分

呢度嘅派電氣道同埋維多利亞公園中間咁仲屬唔屬於銅鑼灣呢???唔係朋友介紹真係唔知呢頭有呢間餐廳一入鋪頭覺得工業風都幾重牆上面仲有唔少可愛得意嘅裝飾座位寬敞都坐得幾舒服雖然某店員講野直腸直肚冇尾音成日無啦啦問我地"食飽未"。。。明明碗湯只飲左3份1唔知佢急啲咩其實"食飽未"同"食完未"係兩件事我可以食完但係未食飽都可以食飽但係未食完所以佢咁樣問我地真係好奇怪仲要冇表情雖然只係得三張細細嘅餐牌唔好以為冇咩野揀淨係醬汁都已經有好多款有curry又有蘑菇🍄有配有配豬雞海鮮🐷🐣🦀唔怕揀唔到食啲咩跟餐嘅沙律材料新鮮生菜爽口但醬汁柚子味太重遮蓋哂所有食材原味加左火龍果都幾新穎嘅我餐要沙律要加15蚊先有餐湯但係我朋友就只須加三蚊公平咩?!!湯入面都有粒粒蘑菇幾濃滑細細碗都夠飲唔似係開粉雖然份量多但係價錢係偏貴個冬陰功海鮮🦐湯飯啲湯多到就嚟瀉出來飲多幾啖都唔口渴辣度適中剛剛好而且入面有紅椒青椒切成粒粒都幾清新有咬口女仔細食就會食唔哂😂👧凍朱古力無特別驚喜唔會太甜🍫但係朱古力味倫啖加8蚊價錢算合理之後就係咖哩炒蛋炸豬扒飯🐷食落唔係太夠熱個汁都幾好味如果可以多啲配料例如薯仔粒紅蘿白粒就會好食好多豬扒同埋炒蛋

一年一度香港花卉展又來了，入場前先去醫肚。去得銅鑼灣太多，今日專程改在天后那邊進入維園。在天后漫無目的找間餐廳開餐，見到對面馬路有間「ASAP」，名字相當特別，門面也是附近一帶餐廳最吸引、最光鮮，決定試試。門口的服務台有一張小木枱，上面擺放了四隻大杯及一隻小杯，正正是餐廳名字的四個英文字母。裝修風格簡約中帶點工業風，尤其是用了紅磚鋪砌牆壁表面作為室內設計的裝飾物料，更加強化了模仿工場的工業風原素。起初以為「ASAP」是指 As Soon As Possible，見到了牆上的海報寫着「Don’t make things complicated, I like a simple meal」，再加上墊枱餐紙；才知道原來餐廳的名字是「As Simple As Possible」！細心留意海報上的圖案，有雞蛋、粟米及蕃茄，又似乎與餐廳名字互相呼應。牆壁上的螢光燈管装飾，一個是蕃茄、另一個則是笑臉，雖然簡約、但又很別緻，亦配合餐廳主題，相當有意思。餐牌設計與餐廳風格一致，簡單、但充滿色彩。雖然標榜「簡單就是美好」，但不代表款式選擇少，兩張餐牌加起上來也有接近20款午市套餐可供選擇。套餐可以選擇黑松

呢間餐廳外型似足一間cafe，但裡面原來有好多唔同嘅嘢食，午餐日式西式都有，好難得有沙律餐，梗係叫個試下啦。炭燒雞脾扒陪柚子醋田園沙律 $72午餐有跟餐湯，我叫咗粟米湯，香草令碗湯好香，整體亦非常creamy，仲有超多粟米粒，唯一係畀個超細匙羹我，好麻煩。雞扒都幾大塊，外層有少少脆皮效果，雞肉醃得夠味，都唔會好鞋口。而主角沙律就相當出色，沙律菜新鮮爽脆，份量亦夠多，仲有少少火龍果帶番甜味，柚子醋都唔係落咗好多，可以食到蔬菜新鮮嘅味道。特濃咖喱牛肋肉滑蛋蓋飯 $84咖喱夠香，但唔會好辣，牛肋肉有嚼勁唔會韌，最出色係個蛋包飯，食得出用上高質雞蛋，蛋味香濃，加埋好有口感嘅米飯，食完係有滿足感嘅。整體而言佢係好食嘅，只係一個午餐要呢個價錢又好似貴咗Ｄ。

起碼9個月冇泥過食飯，印象中午餐一般，價錢偏貴，性價比唔高。但今晚泥食，整體感覺又唔同左喎第一，人少左，靜好多，侍應都冇甘繁忙，服務係好左既。餐牌就⋯我唔記得以前lunch menu係點囉😂湯夠晒熱，配上bb用既匙羹仔，慢慢飲。好多粟米粒，好creamy炸雞好食，夠脆同有少少肥膏，肉質彈牙奄列有陣奶味，滑！香濃！咖哩汁則介乎濃稠同稀中間。炒飯調味好，餐牌冇列明有咩成份，但食到南瓜海鮮味（幻覺？）雞扒煎過，好香，比炸雞香海鮮湯幾濃郁，海鮮都多，泡飯似意大利飯，幾好咬口媽咪唔出聲，默默食晒（利申：佢好細食），明晒啦一個字，濃！錢唔係白加既如果你鍾意我今次既分享，請你馬上立即宜家就俾個♥️同關注我😬按我個頭像然後按「關注」🙇🏻‍♀️

同同事一起食晏就食得多啦 今次都係第一次係ASAP食晚餐啱啱行完工展會再行咗一陣皇室堡先又返返去天后食呢個是日平安夜 情侶多之外都好多family 但都唔洗等就有位 好過晏晝好多佢果個泡飯 我呢個係鮮蝦意粉啲蝦好似炸過來好好食 啲意粉都好入味 唔錯嘅選擇男朋友話啲泡飯都好正 其實佢好耐無食過泡飯㗎啦🤭不過因為先前去完工展會 係裡面食咗兩個雪糕🙈 搞到啲意粉淨咗好多 搞到最後收嘢果個姐姐仔都話係咪唔啱胃口 絕對唔係啊 同埋平時我晏晝我食曬㗎

(食飯都要受氣...個女侍應服務態度差到極點) service 一分都比多佢今晚同fd食 無論餐牌食物質素都唔錯 尤其果個黑毛豬雜菌乜乜乜係幾好味 正當諗住比呢間野幾高分 但有個staff 叫我地賣單 佢嘅服務態度恐怖到呢侍應話：先生 幫手埋左張單先 我話：好呀 唔該（正當我fd研究緊pay cash 定電子轉帳比我嘅時候 佢想試下點用轉數快比＄我 大概用左兩三分鐘）侍應話：你話好架 咁錢呢？果下勁激氣 我又唔係唔比錢 我研究緊點用online banking啫 三分鐘咁樣催個客比＄？BLACKLIST

由於這間ASAP離公司非常近，所以成了午餐，特別是下雨天的常客，這𥚃價錢不算平，但地方寬敞，有大量座位，所以午餐時段通常五分鐘內便能入座。午餐包括柚子沙律或粟米湯和餐飲。粟米湯用小杯裝，味道有少少甜。特濃咖喱牛肋肉飯滑蛋蓋飯用的是日本咖喱，不辣，牛肋肉夠腍，但特濃咖喱偏鹹。吉列魚柳滑蛋蓋飯配了野菌忌廉汁，醬汁充滿一粒粒的野菌，味道香濃但不會太鹹，魚柳十分巨型，炸得非常香脆，脆漿不算太厚，沒有雪味亦沒什麼味道。總括來說，ASAP的質素一般，偶爾一吃無妨。

今日一早過香港踢波, 波友帶我去食這間又平, 又抵之餐廳! 番茄湯底通粉(野味),  炒滑蛋同厚多士(真係好厚, 仲勁多牛油..)，都係三十零蚊，講真依家D 連鎖快餐, 分分鐘都貴過佢, 味道仲要無咁好味，而且這店環境都舒服(可能仲早啦, 人流唔多). .. 推介 !               

好一陣子冇嚟，今晚又嚟食晚餐。吾太餓，5個人叫左4個餐。田園柚子汁沙律，柚子汁醒胃，很開冒。海鮮西班牙飯，個飯比較濕似燴飯多d，應該用濃蝦湯燴的，味道不錯。大蝦意粉，冇乜味，賣相普通。鮮茄牛脷焗黎麥飯，番茄味好濃，牛脷就焗得比較乾身，但幸好有些翠玉瓜、南瓜及紅蘿白仔伴飯。比目魚跟薯條，份量不少，有些菇菇伴菜，濃濃白汁，魚皮煎得脆脆的，魚肉嫩嫩滑滑。凍檸茶一貫的茶味濃，大大杯。ASAP，間中食下，吾錯。

朋友請食飯，一行八人到這裡開餐，可能因為星期六嘅関係，7時左右差不多全滿了。因為大家吾太餓，所以叫左6個餐。田園沙律柚子醋，沙律菜好新鮮個汁又清新，提神又開胃。海鮮濃湯燴飯，試左少少，個湯濃烈蝦味，海鮮都吾小。咖哩牛蓋飯，冇試。磨菇汁雞扒意粉，意粉彈牙，雞扒煎到微脆，但個汁就冇乜味兼賣相有點倒胃。帶子松露意粉，帶子略為少一點，普通啦。醬燒骨跟薯條，肉汁豐富吾鞋口，薯條系連皮厚切，熱辣辣又香口，好味。燒春雞（半隻）伴意大利飯，隻雞燒到啱啱好，肉都算嫩滑，個飯系黃色嘅，煮到好濕下。加左個西多士配柚子雪糕，份量比較細，個人應為配云尼那雪糕夾d。凍檸茶，茶味都濃嘅。

很喜歡呢間餐廳！每逢假日，如果早起身，都會同老公去呢度嘆個早餐！牛乳通粉加炒滑蛋同厚多士，再配Earl Grey 都係三十零蚊，扺！味道好，環境好，坐得舒舒服服，真心推介！

隔左年幾無嚟Asap 了， 對食物無咩印象，記得啱啱開時勁多人，今次好早來到所以唔洗等位~ 成日見到d食評提到炸魚份量超大就試下先！ 前菜有湯在沙律，沙律嘅汁酸酸甜甜好清新開胃~ 仲有火龍果其實佢lunch menu 有好多配搭唔鐘意食飯麵可以主食配沙律菜，我為左身體健康d要左飯~ 配流心滑蛋外觀非常討好炸到熱辣辣送上嚟，可惜放入口嗰刻就知道肉質麻麻，外皮同魚肉比例過厚，令人大失所望呢食到主菜餐廳已經爆滿，其實之前印象食其他主菜應該較好…

Just stop buy to have some food. I order pork ribs and my friend pork with pasta. Food was good. Pork ribs was good quality. Impressed. Salad served fresh with nice condiment. The side dish was pretty poor just half tomato. Other dish pasta was over cooked. Sauce taste bit old and salty. Unfortunately everything is totally destroyed from the service. Floor staff is totally absent and forgot to delivery the drink despite we order together food. Environment is quite and clean. Improve the service