阿叔泰麵 (金殿臺漢宮閣)

Open Now

Now Closed

次次見到lunch time都好多人，決定夜晚放工之後黎試下哈哈🤓✨醉貓豬頸肉炒河 $88呢個好推薦😍！！濕河口感煙煙韌韌，同辣椒、芹菜同埋洋蔥一齊炒，辣辣地好惹味，忍唔住一啖接一啖，好快清曬，超正！豬頸肉份量都幾多，厚肉又好味🤤✨阿叔牛肉船麵 $88可以揀唔同麵類，我揀咗金邊粉。啲粉索曬濃郁嘅湯汁，湯汁帶少少酸味，幾開胃，加埋軟腍嘅牛腩，同入邊花生同埋炸豬皮等配料更香口😆。食食下唔夠湯店員會過嚟幫你加返，好貼心！👍✨生炸蝦餅 $92炸得金黃香脆，蝦肉幾彈牙。✨芒果糯米飯配雪糕 $68芒果糯米飯配雲呢拿雪糕呢個組合幾特別，食落又唔奇怪喎！撈埋一齊食會比平時芒果糯米飯甜少少，但夠邪惡好滿足🥭～～✨泰式奶茶 $30香濃而不澀，充滿茶香。飲過咁多泰式奶茶嚟講都算適中唔會太甜！✨菠蘿梳打 $26酸酸甜甜清新又解渴。

今日去咗太古做嘢，Lunch時間周圍逛下，見到阿叔泰麵好多人排隊，吸引到我同朋友排埋一份，等左15分鐘左右。店內坐滿食客，店員都快手快腳，點完餐好快有得食，食物非常有水準，絕對性價比高Asok Combo蛋炒咖喱帶子飯 拼冬陰功海鮮媽媽麵 $118好鍾意呢款蛋炒咖喱帶子飯，每一啖飯都食到咖喱，咖喱甜甜地好惹味，仲有新鮮帶子添，另一款冬陰功海鮮媽媽麵，湯底濃郁，辣辣地好醒胃，一個餐食到兩款吾同款式，非常不錯阿叔牛肉船麵(含花生、豬皮）今次麵底揀左蛋麵，這款阿叔牛肉薯麵，果然有水準湯底濃郁，麵質口感彈牙，配上牛丸牛腩炸豬皮等，非常豐富追加小食芒果糯米飯 $35飯後甜品芒果糯米飯，糯米飯夠煙靭配上椰汁+芒果，好味道泰式咖啡 $12泰式綠奶茶$12無論綠奶茶定咖啡都好有泰式風味，口感幼滑

再訪位於太古嘅高質抵食泰國菜餐廳😚 內部裝修簡單又不失清新，滿滿泰式風情❤️ 燈光明亮坐得舒適✅ 主食㨂咗餐廳推介嘅泰式船麵同埋香葉肉碎煎雙蛋飯☺️ 船麵有多款麵底可以㨂，🐧 就㨂咗職員誠意推介嘅蛋麵😆 好掛汁好吸味👍 湯底味道層次豐富，集甜、鹹、鮮、辣於一身😍 真係勁惹味✅ 香葉肉碎煎雙蛋飯份量十足，肉碎多到成座山咁高🤣 超足本勁抵食👍 肉碎有多款辣度提供選擇，食得辣嘅朋友記得挑戰地獄辣😈 餐廳宜家有限時活動🤩 由即日起至3月31日，30 分鐘內食得曬成份地獄辣客飯，就可以獲取即影即有相一張，並張貼係餐廳辣人谷 🌟 最快完成嘅十位朋友，仲有額外獎金獎品架☺️ 另外叫咗一客豬頸肉小食😘 肉質彈牙有嚼感，唔會太老太韌，外層焦香薄脆，入口肉味濃香，加埋特調醬汁，更添滋味👍 甜品㨂咗經典必食嘅芒果糯米飯同埋勁靚嘅斑蘭糕❤️ 糯米飯煙韌軟糯，香甜可口充滿椰香❣️ 斑蘭糕玫瑰造型勁靚😍 食落彈牙香滑，甘甜中帶有斑蘭嘅清新😎 好出色✅ 

✨太古城「阿叔泰麵」午飯時段經常爆滿，這裡門面幾骨子，午市餐牌都幾多選擇。***** ***** ***** ***** ***** 香葉肉碎煎蛋飯🍳肉碎粒粒分明，蛋汁撈埋白飯同吃，味道豐富。出門口。 牛肉船麵🍜牛肉口感OK軟腍，金邊粉爽口不過熟，手勢1流。凍斑斕薏米水微甜底帶有斑斕香氣，薏米去濕開胃，味道清新，愛健康人士不能錯過。泰式酸辣鳳爪鳳爪啖啖肉、辣到適中，都好啱口味。總括來說，這店食物擁有泰式風味，裝修環境都ok, 一定會再次來訪。

剛點完餐，還沒上菜，食物品質暫不討論。但是服務態度極差，叫點菜甩一張二維碼給我們，店內完全沒有信號和網絡網頁也點不開。請服務員分享wifi 密碼也不應答，就說與wifi無關。最後還是手寫菜單，還一臉不情願。等菜期間手機還是沒有網絡再次拒絕分享wifi 密碼，現在我就是站在店門口發這條評論。這種餐廳自求多福吧

我哋好鍾意食泰國菜，之前見到屋企附近呢個位裝修，原來係開咗泰國菜，今晚就過嚟食晚飯。呢度嘅店員非常有禮貌，會推介menu上菜式。生炸蝦餅蝦餅即叫即炸，新鮮熱辣辣，外皮香脆，一邊蝦肉爽口彈牙，點上泰式辣醬，未到酸甜開胃。飛天通菜通菜炒到好有鑊氣，口感爽脆無渣，加上蒜蓉辣椒炒，超級惹味。醉貓豬頸肉炒河豬頸肉份量都幾多，肉質爽脆煙靭可口，河粉嘅質感係軟糯Q彈，唔同我哋平時食開嘅港式炒河。茘枝梳打菠蘿梳打兩款梳打非常夠氣，味道酸香甜開胃。

今日happy Friday 要對自己好d lunch 時間去食一間月平時都超多人排隊嘅泰菜 果然冇令我失望一入到餐廳店員為我哋帶位之後即刻好熱情咁樣為我哋介紹餐廳有啲乜嘢招牌菜 同埋有啲咩心水推薦 要知道喺商業區lunch時間 仲可以咁熱情係非常唔簡單好溫暖好加分阿叔牛肉船麵店員推薦船麵 因為係舖頭嘅招牌菜 上到菜之後果然唔簡單 店員同我哋介紹泰國正宗嘅食法就係再加其他嘅香料落去船麵嗰度食 與此同時店員亦都捧住一大盆嘅香料仲好細心咁樣教我哋每一個香料應該要落幾多份量面食得出係新鮮做嘅 亦都非常之掛湯 亦都好足料 面上面有好多牛肉亦都有炸豬皮增加麵嘅口感蛋炒咖喱蟹飯咖喱好香濃 喺咖喱底下有超級多嘅蟹肉 如果你係蟹肉控嘅話真係啱晒胃口 咖喱亦都唔會搶走蟹肉嘅鮮味 仲食到嘅蟹肉 真係大滿足泰式炸魚餅上菜嘅時候熱辣辣 真係新鮮整 魚餅嘅外層炸到好鬆脆非常之香口香茅雞翼好濃郁嘅香茅味 雞翼亦都好多肉汁炭燒豬頸肉食落去有仲有炭香味 個外皮仲燒到有少少脆口 咬落去 亦都非常多肉汁泰式酸辣鳳爪呢個攞嚟開胃簡直一流 鳳爪酸酸辣辣 食完食慾即刻大增泰式奶茶茶味超級香飲完奶茶之後個口都仲有好大浸嘅茶香味

開左一段時間終於有機會試下阿叔泰，知佢比較出名係牛肉麵不過今次叫左外賣豬手飯，甘岩OpenRice 又有折，份量都算大份，一個人一定夠食，但失望是豬手肉比較老比較硬，亦好少汁。希望可以改善下

同朋友啲喺太古城shopping 下午茶時間醫肚。太古城係臥虎藏龍食肆嘅寶地最後揀左"阿叔泰麵"！見佢有主食又甜品嘅下午茶餐啱晒我地唔同胃口🌟冬陰功海鮮媽媽麵- 下午茶份量都咁多海鮮，冬陰公加泰國媽媽麵，好惹味又爽口🌟牛肉船麵- 湯頭好香牛肉味，肉好軟淋，粉絲掛晒湯好食，加埋脆卜卜嘅豬皮仲正，連湯都飲埋🌟泰式魚餅拼甜品- 炸到香口嘅魚餅配上泰式辣醬，唔駛我講你都知有幾好味啦，甜品係椰香十足嘅千層糕同🌟芒果糯米飯- 椰汁西米糕，一咸一甜嘅芒果糯米飯，睇佢細細碟，食晒都幾飽㗎！芒果香甜加埋椰汁係絕配呀。🍹泰式綠奶茶- 香滑奶茶又唔太甜，有啲班蘭味添🍹泰式咖啡- 香濃咖啡配甜品好夾🍹青檸梳打- 清新嘅梳打，食完冬陰公啜番啖，清清又可以食甜品🍹菠蘿梳打- 清甜梳打，食完牛肉粉解膩啱晒

今晚同阿仔去左太古shopping，就順便食埋飯。阿叔牛肉船麵麵底揀左金邊粉，牛肉數量都唔少！幾有咬口，都有肉汁豐富，重牛味！其他餸仲有炸豬皮同埋牛腩牛丸。不過就唔可以食太慢，因為真係會索湯索得好快！ 椰子海鮮湯金邊粉
呢個係一般泰國野都唔會成日見到！非常重椰子味，好食到原材料個鮮味。加埋椰奶就好香濃，海鮮配料包括有蝦、青口、蜆肉同埋魷魚。成件事又幾夾，但建議海鮮份量可以多啲。香茅雞翼雞翼炸的啱啱好，個面夠香茅味，又夠脆，但啲味似乎未滲到雞翼入面。凍蜂蜜菊花露甜得幾清潤，有菊花味嘅清香。
青檸梳打青檸味幾fresh，涼浸浸。

聖誕節快到,  今午去了太古城中心買禮物.    太古城中心 節日口號  . 要開心下,  於是買完禮物便去食泰國餐.   選擇了 阿叔泰麵. 店內面積不太大, 座位較密, 人氣之地.天氣涼, 大家決定要暖飲品.   熱青檸蜜, 蜜蜂菊花蜜, 口味清香, 滋潤解渴.泰式豬頸肉 ~ 豬頸肉燒得香, 肉質鮮嫩, 口感軟滑爽彈. 沾些酸辣汁, 好好食.泰式炸魚餅  ~ 魚餅好厚身,   賣相靚.  炸到金黃色熱辣辣上檯.  咬開有魚香, 點些醬汁一齊食, yummy !   阿叔小食拼盤 ~  用圓形藤器拼盤送上,  內有五款小食:  泰式鳳爪,  炸雞翼, 雞肉棗, 泰式魚餅, 炸脆豬皮,  配有酸甜醬汁, 好豐富.泰式鳳爪 ~ 這個涼拌小食, 少少辣,  吃得開胃.雞翼 ~ 炸得皮香肉滑,    雞肉棗, 魚餅, 惹味 好食. 炸脆豬皮 ~ 泰國流行零食, 入口卜卜脆. 泰式虎蝦炒河  ~  賣相不俗,  最吸睛是 那三隻巨型大蝦置在正中.   下面是炒河, 伴有洋蔥, 花生粒.大蝦造型好精緻,  蝦肉爽而彈牙.河粉的濕度控制得很好,  炒得不會太幹身,  調味不錯, 有鑊氣吾油膩, 

今日想食啲湯粉既嘢，見呢間新開左一陣子，終於有機會黎試下！1）椰子海鮮湯金邊粉 $88呢碗湯麵上碟嘅時候以為白色湯稀稀地，好似好寡咁，但係食嘅時候味道又幾好喎，椰子海鮮湯唔會太多椰漿椰奶味，唔膩，湯頭夠鮮甜，海鮮料都多：有蜆肉、青口、原隻蝦、魷魚等。食嘅時候有埋啲特色嘅泰式香葉，令到個湯底味道層次提升。2）泰式虎蝦炒河 $98呢個炒河係用地道泰式闊身嘅河粉去濕炒嘅，估唔到咁煙靭，一啲都唔淋pat pat，虎蝦有三隻，都好豐富呀。河粉調味得好，食落唔會話好油膩。3） 生炸蝦餅 $92呢個蝦餅製作需時，比起主菜係遲咗上碟嘅，證明真係即時生炸😆😆😆 。蝦餅炸得脆身，蝦餅肉實在。4）熱蜂蜜菊花露 $22一杯好啱而家初冬飲嘅熱飲。清甜得來好清潤，飲落喉嚨好舒服。舖頭裝修以木製傢俬佈置為主，有圓枱、有方枱、也有單人自閉位，裝修都好有特色。侍應好勤快，服務態度好好 。

最近去太古城行街，發現開咗間新嘅泰國餐廳，見到有唔少人幫襯。餐廳地方唔算太大，但佈局簡潔，帶泰國風情。小食拼盤細（$88）- 呢個雜錦拼盤包括有雞翼、蝦餅、魚餅及鳳爪，配以甜酸醬，食落非常開胃。香葉肉碎煎雙蛋飯（$72）- 呢一個係好普通嘅泰國菜式，但要讚吓佢整得真係好好食，肉碎連埋香葉味道好清新，連埋兩隻太陽蛋，口感非常之豐富。椰子海鮮湯金邊粉（$88）- 鍾意椰子味嘅朋友一定要試，椰子湯底非常香濃，海鮮配料亦相當多，有青口大蝦，蜆肉及魷魚等，配埋滑溜嘅金邊粉，真心好味。青檸梳打（$24）- 青檸梳打帶陣陣嘅青檸味，入口清新，食住泰菜飲，非常之夾呀。餐廳食物質素唔錯，價錢亦相當合理，住附近嘅街坊或者去開太古城行街嘅朋友都可以一試

呢間餐廳既泰國菜好特別，環境好泰國feel，上菜速度快，食物可以雙拼combo叫兩款食品都只係一個價錢，好滿足，泰國綠奶茶真係好好飲小編推介奶味香滑，仲有茶既香味，綠茶味濃豬頸肉小食必食推介，而且小食價錢唔貴，外脆內軟，而且份量超多，價錢超抵食，又彈牙又惹味。椰汁海鮮金邊粉好香椰子味，海鮮都好新鮮，有蜆肉，蝦，青口等等，金邊粉入味清甜，椰汁味清香濃郁。牛肉飯：牛肉好入味而且份量都唔少，配飯食好夾牛肉配香濃沙嗲汁。

今日放工一人嚟到太古城shopping, 順便食埋晚飯，見到有間食泰麵嘅專門店，就走入去試試先。➰ 阿叔牛肉船麵聽店員介紹佢哋嘅船麵係最出名，咁我當然食佢最出名嘅船麵喇！原來呢個船麵有不同麵底供客人選擇，我今日就揀咗最能索湯汁嘅金邊粉。未幾一碗熱騰騰嘅牛肉船麵就放在我面前，呢個湯底非常濃郁，融合咗多款泰式香料，令到湯底香氣撲鼻。船麵嘅另一主角當然係上等嘅半肥瘦牛腩，肉質非常嫩滑，充分吸收咗湯汁和香料嘅味道。爽滑嘅金邊粉又能索湯汁嘅味道，另外牛丸好彈牙，再配埋炸豬皮，令到呢碗麵嘅口感層次更豐富。➰ 香茅雞翼呢碟香茅雞翼充滿著香茅嘅香氣，而雞翼亦煎到外皮焦香而裡面嘅肉質重好鮮嫩。➰ 荔枝梳打呢杯荔枝梳打充滿著濃濃嘅荔枝香甜味，跟梳打水嘅結合，帶出一種清新甜美嘅口感。如果加點荔枝果肉，必定更加滋味。