阿叔泰麵 (積信街) (Closed)

不只是九龍城才有的正宗泰味，住在大圍的你也可以隨時品嚐到。餐廳播放的泰文歌，加上小店風格裝修，令人有置身泰國的錯覺。首推：牛肉船麵阿叔泰麵的成名作，用大量牛骨和藥材熬煮的濃厚湯底，麵條Q彈有勁，搭配上滑嫩的牛腩薄片、爽口彈牙的牛丸及脆口的炸豬皮。味道香濃，十分適合喜歡傳統泰式船麵的大家。阿萊燒豬頸肉也是一絕。豬肉軟嫩多汁，外層微焦帶些許焦香，入口即化，十分惹味。香葉肉碎蛋飯飯粒粒分明,配以酥脆的豬肉末及香氣四溢的 香葉。微微的辣感刺激著味蕾,加上半熟雞蛋 的蛋汁,令整個口感層次更添豐富。飛天通菜清新爽口,調味不會過鹹,完美平衡了整頓大餐的口感。整體而言,阿叔泰麵不但使用食材新鮮,烹調手法也十分出色,成功呈現出正宗泰式的風味。加店內泰式小店的氛圍感，想在香港也吃到好食的泰菜，不妨在下次經過大圍時,來這裡品嚐一下。

鄰近大圍地鐵站，地點好方便，餐廳裝修好有泰國風情，仲有一排窗口位，好舒服！好似去咗泰國咁，筷子筒好有特色，打卡一流！🥢牛肉船麵金邊粉牛肉片鮮美嫩滑，同金邊粉好match。湯汁嘅香料同調味料烹調，口感好豐富，好香！🥢馳名楊叔叔豬手飯豬手肉經過特殊烹調處理，肉質鮮嫩多汁！有豐富嘅膠質同濃郁香氣。撈飯一流！🥢香茅魚露雞翼好香香茅味，魚露提鮮～雞翼表皮酥脆，入面好juicy！🥢飛天通菜通菜好爽口～🥢泰式綠奶茶呢個係非常受歡迎嘅泰國飲品。好濃郁茶香和奶香，甜度適中，口感清涼。🥢芒果糯米飯食泰國野必食！𓆝𓆟𓆜𓆞𓆝𓆟𓆜🍴 阿叔泰麵 (積信街)📍 大圍積信街31-51號安信樓地下Q號舖—————————————————— 

餐廳唔大, 但佈置得幾別緻, 都有少少泰國FEEL, 不過服務方面有待改進, 好幾次想搵店員都係低頭用緊電話, 完全冇理鋪面客人需要，一開始只係叫左三樣野食，但店員都落雨漏左單。1. 聖芭東酸辣鳳爪 $58呢道鳳爪份量唔算多，但鳳爪都好有咬口，而且都幾辣，果種辣唔係入口/食既時候既辣，係食完之後既後勁，真心辣到要搵野解辣！不過除左辣，其他味道都幾淡，酸味都完全唔夠。又唔係難食，但就係味道未到位咁。2. 辣椒膏金不換炒海鮮(配粉絲) $128呢個睇落好似幾好食咁，不過有一陣味...真係成個菜既敗筆，我既形容係...有陣「膠味」，仲要係成碟食物都有呢陣味，咁都真係忍唔住問左一問店員，我唔知佢理唔理解我所講既味道，但佢直接就話佢地用既辣椒膏係咁，佢講到咁，我都唯有接受。海鮮份量唔算多，有蜆、青口、蝦、魚等，大概每樣三件左右。粉絲好索汁，醬汁既份量都多。3. 泰式春雞(半隻) $88春雞真係好春雞，大概有6舊雞左右，但呢個菜...只係得好少好少醬汁，啲雞冇乜味道，肉質勁老勁嚡口，只係得雞腿正常少少冇咁嚡。4. 冬蔭公湯麵 $68有蝦有魷魚，都係每樣三件左右，豆卜就多少少，冬蔭公湯...少少辣，

大圍一向多特色美食小店，今日呢間阿叔泰麵位於積信街角落，外牆採用大玻璃設計，讓自然光照進店內，營造出寬敞明亮的用餐環境，顧客還可欣賞街景，方便駕車人士觀察坐駕。今天品嚐楊叔叔豬手飯，豬手肉質軟嫩，加上泰式香料調味，搭配甜酸菜，洽好平衡了油膩感。阿叔船麵牛腩金邊粉，粉質Q彈有嚼勁，牛腩肉淋入味，湯汁濃郁鮮美，帶有獨特的泰式風味，別具特色。小食點了香茅魚露雞，廚師的巧手令雞肉外脆內嫩多汁，與香茅魚露調味相得益彰，非常惹味。清涼順喉的凍泰式檸茶，與別不同的泰式茶底茶香四溢，青檸酸度剛好，潤喉解渴。小店人情味濃厚，服務周到親切，菜品物有所值，是一間不錯的泰式餐廳選擇。

🌟阿叔船麵📍大圍上次嚟大圍食嘢見到呢間以為佢係cafe，一細睇原來係食泰國嘢嘅餐廳，今次終於黎約到朋友同我黎食，黎一轉泰國之旅🐥聖芭東酸辣泰式鳳爪($58)鳳爪入口軟嫩，帶有微微辣味，令人越食越停唔到口🐥阿叔船麵($72)有牛肉同豬肉揀，我就揀咗牛肉金邊粉，湯底非常濃郁，金邊粉彈牙而且份量多，加上有牛肉嘅鮮味襯托，令整體口味更加昇華，大滿足🐥馳名楊叔叔豬手飯($68)招牌菜豬手飯，肥厚既豬手肉質軟嫩多汁， 搭配住香噴噴嘅白飯，望落一般，但食落又真係一道好食既經典泰式菜🐥泰式奶茶($28)最後點左泰式奶茶，香濃細膩既奶香同茶味完美融合，甜度啱啱好🐥炸榴槤波波($58)泰式炸榴槤波波，外層金黃酥脆，內餡榴槤蓉軟滑綿密，充滿咗榴槤香

以前在大圍附近上班總喜歡在下班後到這附近解決晚餐，這邊的小店多，而且都很有特色🌟今晚就來到這邊吃船麵～這間也是聽朋友介紹而來的，我至今都沒吃過泰國船麵😂所以決定來吃看看～ 豬肉船麵配料分別有豬肉片、豬肉丸、芽菜、通菜、炸豬皮～炸豬皮香脆，豬肉片量多♥️湯底是牛骨湯底，味道是甜口的🌟阿婆後來有加辣椒粉和白醋～味道更豐富🌟麵底選擇了金邊粉，這家的金邊粉是煙韌Q彈的♥️和平時叫粉金邊粉的口感不一樣～我很喜歡♥️豬頸肉讓我有點少驚喜♥️肉肉很厚～爽口彈牙♥️調味料沒有平時在其他地方吃到的香草渣，阿婆表示滿意～味道香濃，也突出了豬頸肉的油脂肉味🌟量也是一樣的多～

街頭巷尾覓食去🔎在大圍積信街轉角的位置，有家燈光火著的泰國麵店，天花吊著的傘，彩繪的牆身，桌椅布置簡單而溫馨，營造出泰式風情。點點鵝黃燈光映照下，整個空間暖意融融。❤ 阿叔船麵(牛肉) $72湯底香甜，蒜味濃郁惹味，牛肉比想像中軟腍入味，選了粉絲，清爽又吸湯 👍🏼❤ 冬蔭功海鮮肉碎蛋麵 $72加了椰奶的冬蔭功湯更香濃，蝦隻新鮮鮮甜，肉質彈牙，肉碎加到湯裡加了肉鮮味道更豐富～❤ 肉碎生菜包 $62份量比想像中多，肉碎的青檸味很突出，直接吃也很開胃～👍🏼 青檸梳打 $26不會太甜，和泰國菜很搭配~👍🏼 象啤 $26 經典泰國啤酒，夠凍透心涼~

今日我去咗呢間泰國菜餐廳，真係抵食！佢哋嘅午市套餐真係吸引，平日仲有9折優惠，超抵食！我叫咗牛肉船麵$72，麵條彈牙，牛肉好滑好嫩，仲有啲辣椒粉醬汁，好惹味！另外都試咗佢哋嘅泰式椰子雞湯麵$68，湯底香濃，雞肉又滑又嫩，椰香味道仲好濃郁。我仲加咗香茅魚露雞翼（2隻）+$18同粒粒雞棗+$18，雞翼烤得恰到好處，仲有啲魚露香味！而粒粒雞棗，外脆內軟！最後仲點咗個飛天通菜+$28，菜炒得香辣！飲品叫咗杯泰式奶茶🥤+$12，奶茶好濃郁，好好飲！

喺openrice搵泰國菜搵到呢間 見評價唔錯就去下閑日Lunch去到唔算多人 叫左個牛肉船麵 $72就咁睇落以為好正宗又足料 連炸豬皮都有食落原來係垃圾湯好重甜味同埋有少少太咸 完全唔似船麵 但係都唔似係牛骨煲出嚟嗰種清甜純粹係一個甜豉油湯嘅感覺啲餸係幾多 但係得嗰幾粒丸ok牛肉一係就太瘦 完全咬唔爛一係就成舊都係脂肪 根本唔預你食啲炸豬皮上到嚟即刻食都已經淋晒淋咗之後好韌 又係咬唔爛碗麵入面嘅通菜都好老好硬成碗嘢都唔合格

本人對食要求好低，但食完之後都忍唔住要開返個帳號評論下。成日見佢 大排長龍，仲以為好好食，點知勁伏。叫左個椰子雞，5塊勁薄嘅菇片，4件連骨頭嘅垃圾雞肉，冇味得黎仲有啲酸味，肉質霉爛，感覺醃左好耐，仲有個雞係凍嘅，個湯唔算熱，個麵黐埋一齊，搞左勁耐先 至整得開啲麵，難食到嘔🤮仲有 叫左咖哩肉碎炒麵，上到黎微暖 🤯，冇味道可言，只能說話填飽個胃。價錢：貴～唔值得呢個價質素：差，劣食真係俾錢買難受😣大家真係要三思

呢間餐廳佈置得好有feel😌坐喺側邊望住個街景成個感覺都非常chill!🍜阿叔船麵 Asok Boat Noodle (豬）—金邊粉豬肉船麵食落去，你可以感受到船麵的麵條彈牙有嚼勁🤤而且吸收咗湯汁嘅味道更加濃郁，入面配搭豬肉同埋豬肉丸，勁足料😍成個湯底都好有泰式風味！濃度都啱啱好，唔會話太鹹～同埋都好大碗絕對份量足夠😜🍛蛋炒咖喱蟹肉飯咖喱的香氣瀰漫其中，令人垂涎欲滴😌蟹肉鮮美多汁😚與炒蛋的結合更加豐富口感😎每一口咬下去，你可以品嚐到咖喱的辛香和香料的風味，同時感受到蟹肉的鮮甜😚🥓阿萊燒豬頸肉阿萊燒豬頸肉經過燒烤後，表面呈現出金黃色澤同炭燒的香氣😚豬肉細嫩多汁，每一口咬下去都能品嚐到肉汁的鮮美與肉質的軟嫩😍阿萊燒豬頸肉的獨特香味令整道菜更加迷人，帶來一種濃郁的炭燒香氣和肉香的結合😉🧋泰式奶茶飲落去，你可以感受到奶茶散發出濃郁嘅茶香和奶香😌泰式奶茶的甜度適中，帶有一點點的焦糖風味，讓整杯奶茶更加香甜可口😝🥭芒果糯米飯食落去，你可以感受到糯米飯的Q彈口感，細緻而有嚼勁😌芒果的香氣散發出來😉帶來一種清新、果香四溢的味道😌每一口咬下去，你可以品嚐到糯米飯的甜味和芒果的鮮甜，兩者的結合帶來一份絕妙

#MC帶你去大圍.大圍雖是住宅區，但自從開咗商場「圍方 The Wai」之後，吸引咗唔少人入大圍覓食。今次介紹依間人氣小店，發跡於元朗嘅人氣泰國船麵店。➖➖➖➖➖➖➖➖➖➖➖➖➖➖➖✨ 阿叔泰麵.由2018年於元朗起家，曾日賣300碗，成為區內人氣名物之一。餐廳主打泰國船麵，以30斤牛骨加入藥材熬足12小時成為船麵湯底，加上炸豬皮、牛肉、豬肉或雞肉，非常正宗。➖➖➖➖➖➖➖➖➖➖➖➖➖➖➖🥢 牛肉船麵｜$72 ✨阿叔船麵✨.牛骨湯湯底味道極為濃郁，有別於坊間，餐廳用了軟嫩牛腩替代牛肉片，口感就更加豐富；仲有爽口彈牙不起渣嘅牛丸做伴菜，配埋脆口既炸豬皮，層次豐富！➖➖➖➖➖➖➖➖➖➖➖➖➖➖➖🥢 豬肉船麵｜$70 ✨阿叔船麵✨.以新鮮牛骨湯配豬肉片及豬肉丸，豬肉片口感柔軟嚼勁十足，搭配幼細軟滑嘅金邊粉，口感彈牙煙韌，每一口都充滿了層次豐富嘅泰國風味。➖➖➖➖➖➖➖➖➖➖➖➖➖➖➖🥢 阿萊燒豬頸肉｜$68.每一片燒豬頸肉都厚度適中，外皮香脆可口，肉質爽彈有嚼勁。➖➖➖➖➖➖➖➖➖➖➖➖➖➖➖🥢 凍泰式奶茶｜$28.以泰國茶葉做茶底嘅傳統泰式奶茶，香醇幼滑，甜而不膩又有濃厚茶香味。➖➖➖➖➖

大圍好多小店都幾高質！試左個冬蔭功海鮮肉碎蛋麵（$72)+仲$5轉左MAMA麵，個冬蔭功湯酸辣味濃郁好好飲仲加左肉碎幾特別，令個湯底更香，撈埋麵食嘅口感幾好！Mama麵口感軟熟又吸湯，好正仲試左蛋炒咖哩蟹肉飯($78)，個咖哩偏甜唔辣，蛋同蟹肉份量都多，蟹肉幾鮮甜一啲都唔腥，同咖哩都幾夾，用黎撈飯食好開胃飲品就叫左椰青($48)，好清甜，椰青肉仲好軟滑另外就叫左泰式奶茶（$28），味道正宗，甜味好出依間價位都親民，味道又不錯，難怪咁滿座

之前在附近覓食的時候，知道這裏有間泰國食肆，今天下午便專程來到。冬陰功湯麵$68，冬陰功湯底酸辣味道十足，令人胃口大開，是夏天必選的一道主席。牛肉船麵$72，配料除了牛肉之外，還有牛丸、豬皮，湯底味道濃郁，牛肉軟腍腍可口，牛丸爽口彈牙，豬皮香脆，原則爽口彈牙，整個船麵做得不錯。凍泰式咖啡$24，咖啡味道香濃，甜到是正宗泰式咖啡，個人非常喜歡。飛天通菜$28，通菜爽口，醬汁味道十足，如置身於泰國之中。粒粒雞棗$18，做法有點像潮式蝦棗蟹棗，雞肉軟硬適中，加點泰式酸辣汁，可以減少油膩感。芒果糯米飯$28，芒果酸酸甜甜，份量不會太多，非常適合一個人享用。

小店嘅裝飾佈置得好有風格，食物都好有泰國風味。牛肉船麵船麵有好多牛腩粒粒，牛丸，芽菜，通菜，花生碎及炸豬皮，配上新鮮牛骨濃湯。牛粒好軟淋，豬皮又夠脆，加埋好索湯汁嘅米粉，最後飲曬成個湯，真係超好味，必食推介。蛋炒咖喱蟹肉飯濃味香辣之選，入邊有雞蛋，鮮甜嘅蟹肉，咖喱帶辣味又好香，另外可以另加配香脆既酥餅，無論配飯定係酥餅都好夾。炭燒豬頸肉豬頸肉燒到好香又有脆邊，肉質Q彈，份量都算幾多。泰式奶茶&泰式奶綠大大杯，奶茶香濃，全部都係我鍾意嘅少甜♥️