阿叔泰麵 (西菁街) (Closed)

睇食評行過嚟食咗兩個船粉（牛肉船麵：牛肉唔淋；冬蔭公船麵：蝦兩隻 、青口一隻 🦀柳兩條 ） ，等左好耐 但上到黎湯係凍既 ，啲嘢唔新鮮 同埋上野速度好慢，試過一次真心唔會再嚟，⋯杯奶茶好重奶好甜，唔係好岩自己口味

之前聽好多人俾阿叔泰麵好評，就試一試。未諗過唔止失望，食完直頭絕望，我到底食左咩落肚？香葉肉碎煎蛋飯——連啲飯都係爛飯，煲飯都未識煲生菜包————好似白烚肉碎撈啲油，入面冇香料，芫荽都係得一條，食完先知原來自己整嘅生菜包咁好食湯粉麵——兩條韌左既炸豬皮，連芽菜都唔多條香芒蟹肉炒飯—-唔睇返張單都唔知自己原來叫呢個炒飯，又係冇味見咁多好評，以為好好食。真心未試過食咁難食既泰餐，真係唔知轉左手定咩永遠唔會再幫襯，300蚊唔知食左d咩垃圾落肚

阿叔泰麵在元朗都算出名，但一直都未有機會試，尋晚同老公周圍行，見到佢裝修有別於其他店舖，上網搵見到佢地嘅「湯頭用上牛骨及不同藥材熬煮超過10小時，湯頭濃厚不油膩，帶有陣陣藥材香」，講到咁勁咁我就試試。打開餐牌見到第一頁就係船麵，佢有分大同細，我想試試細嘅，每碗$12 好平。我地總共叫叫咗八碗，因為店員話好細碗，兩啖食完，但我食落係要四啖。豬肉船麵－有豬肉片、豬肉丸、炸豬皮加通菜。豬肉丸正正常常，炸豬皮我唔太中意，豬肉好厚身好大塊，湯底幾濃，但太咸，我無飲。雞肉船麵－只有一舊雞同炸豬皮加通菜，我唔太中意。牛肉船麵－有牛肉、牛肉丸、炸豬皮加通菜。牛肉丸無牛味，但塊牛肉係幾入味幾好食。三碗入面我會推介牛肉船麵。我食咗五碗，老公食咗三碗，因為佢仲有嗌其他野食。布吉街頭蛋餅－有雞髀、雞蛋蛋餅+ 咖哩汁。想講個雞髀太重香料味，食落有啲辛苦，但個雞蛋同蛋餅係好好食嘅。魚露雞翼－食到有香茅同埋咸香魚露味，味道中上，過得去。炸丸－有兩種丸，豬肉丸炸得幾好食，另一隻應該係魚蛋？全部係粉，唔彈牙又無味，勁難食，建議換下魚丸啲貨源。奶茶— 超好飲！！下次經過都會買一杯拎走飲♥️炸香蕉，大伏呀！！炸到好酸，完全無

𓏭 阿叔泰麵 𓏭牛肉船麵 $66牛骨湯很濃郁 牛腩很唸！牛丸一般 牛肉味不重炸豬皮很香很脆 浸湯變煙煙韌韌也好喜歡這口感還有芽菜 通菜等配料都索滿湯汁金邊粉味道正常 份量不少布吉蛋餅 $68黃咖哩雞髀配兩顆太陽蛋和簿餅雞髀肉很唸 用筷子就能輕易脫骨黃咖哩微辣 薄餅煎得很脆 但略嫌太鬆散只能小塊小塊的吃🥺整體性價比不太高凍泰式咖啡 +$10咖啡味很濃帶點炭焙香凍泰式玫瑰奶茶 +$10玫瑰味較突出甜度適中喜歡玫瑰的可以一試阿叔泰麵 (元朗)元朗西菁街20號益輝大廈地下3號舖

已經食過好多次，決定要比一個好評佢👏👏呢間舖頭地址好方便，就喺元朗千色附近。我每次去都會叫牛肉船麵、泰式奶茶、燒豬頸肉，多人去就叫阿叔拼盤🥳牛肉船麵真係必叫✅記得要落晒四隻調味料，不過落調味料之前，可以試一啖佢嘅湯，好好飲。落咗四隻調味料之後，成碗麵昇華晒，酸酸辣辣，勁開胃，勁正！真係一定一定要落調味料，缺一不可✨奶茶味道好濃、豬頸肉同拼盤表現屬正常，未算好好好出色，係食得泰國菜都會叫嘅食物。環境就未去到好靚好正，地下仲有少少油，不過小心啲行，影響唔大。整體來講，推薦大家去食！一定要試💛

泰式奶茶（$24 ）用咗手標茶同煉奶沖，標準泰式味道，怕甜嘅朋友不妨等啲冰溶少少溝淡啲再飲，三色拼盤雞翼（ $58 ）三種雞翼各有特色，酸辣凍雞翼用上泰式鳳爪做法，頗為開胃，而雞翼夠晒厚肉加上凍食嘅關係，口感爽脆，魚露香茅雞翼香料味十足，惹味之選，紅咖喱雞翼辣度足夠，醃得亦入味，食落過癮。牛肉船麵（ $60 ）亦係佢哋嘅主打，湯底十分足料，清甜得來帶少少藥材味，麵底揀咗我最愛嘅金邊粉，貪佢索到湯之餘亦保持到煙韌嘅口感，牛肋條燜得入味，厚肉得黎唔會好柴，而邪惡嘅炸豬皮更加係畫龍點睛。

呢間船麵係朋友推介嘅，佢話食過好好食咁今日嚟到元朗就去試下。餐廳位於西菁街一排車房個邊，行到附近就比呢間店嘅外歡吸引住。叫咗碗豬肉船麵，有豬肉片、豬肉丸、炸豬皮。豬肉丸正正常常，炸豬皮好脆亦好特別，但豬肉就好失望，好鞋好韌，仲有陣雪味，我估呢樣係冇人接受到嘅。但係湯底就幾濃，會令人想飲嘅。豬肉船麵($60)之後我同朋友講返，佢話上次食牛肉船麵係冇問題嘅。如果想試，建議叫牛肉千祈唔好叫豬肉！由於個豬肉片令我好失望，我只當今次係支持一下黃店。

今日約咗朋友去元朗食early dinner，因為我地都唔算肚餓，所以嗌咗幾碗小船麵試下，每碗先$15！我地先嗌牛肉、雞肉、豬肉各嗌2碗，一人一份。每碗都有一至兩啖嘅麵量，加上餸嘅配菜，每樣都試到好滿足～ 我諗如果真係肚餓嘅話，食10碗都唔成問題～之後我地都嗌咗香茅魚露雞翼（$20）同芒果糯米飯（$58）。佢嘅芒果糯米飯唔係一個飯咁，反而係整成一粒粒咁，方便同朋友share咁食，佢嘅芒果都好甜，唔會好酸～兩樣都好好食，值得一試！佢其他飯同麵都好吸引咁，下次一定會再嚟再試！

船麵打開這扇門馬上進入另一個國度！超酷的啦！裡面一個攤子旁邊擺滿桌子二樓也有位子另一種味道的室內路邊攤概念這裡的食物都好推每樣都好有味道👍超喜歡這的羅望子酸酸甜甜又冰冰涼涼的滋味趕快來體驗一下異國風味吧！！！💰船麵💰烤丸子💰魚香三層肉💰串燒泰北豬肉💰羅望子

我第一次寫食評，今次真係忍唔住要入嚟講一講。由於疫情關係幾年都冇得去旅行，其中十分掛住泰國的美食，尤其係泰國的平價美味粉面，上網見到這間阿叔船麵好多人都讚好，就特登一個人過來試吓，諗住食個快餐。一入門口差啲俾佢門口的摺門夾到手指，然後一坐低叫咗碗豬肉船麵，成60蚊一碗，點知非常失望，非常非常難食，豬肉好似街市買嗰啲瘦肉咁樣，肉質非常靭，而且似冇醃過，淡而無味，至於麵就好似我以前去泰國旅行買嗰啲泰國包裝泰麵咁，又少又無味又難食，至於個湯底，我覺得有少少藥水味。總括嚟講嗰面嘅味道，就好似我以前買過的，泰式即食麵咁。好彩我冇叫嘢飲，最後好快食完（半碗，我食唔晒），想快啲出去便利店買嘢飲。買單$66，竟然仲夠膽加一，垃圾，一定冇下次。對不起，我沒有影相。

平日午後到訪小店全因被特式的門面吸引喜歡元朗大街小巷總有不同的餐廳讓人注目西菁街的小店更是當你放慢腳步便會留意到它們的存在不喧鬧卻又以獨有的個性默默地吸引著你…色彩繽紛的壁畫、吊傘仿如置身泰國旅遊那豬皮牛肉船麵未品嘗已先被賣相吸引長長的脆豬皮以漂亮的公雞碗盛著揀返對粉紅色筷子賞心悅目.湯河份量適中喜歡伴有通菜加上濃濃的牛肉湯回味無窮.午餐包凍熱特飲性價比算高陶醉在寫意的氛圍忘了時間更勝待在「一式一樣」的cafe💕

好難得入元朗就上網睇吓有咩美食值得一試揾到呢間船麵見到網上有人話湯底好正就決定過嚟試吓佢😃我哋比開門時間早咗三個字到店員都好有善叫我哋入去坐低等☺️好快已經決定食乜嘢就係招牌嘅牛肉船麵！當然仲要叫埋杯泰式奶茶奶茶做得好飲嘅唔係好甜真係有種去咗曼谷嘅感覺🥰船麵嚟啦💁🏻‍♀️我係點左河粉嘅餐牌上面仲有其他麵可以選擇但我比較鍾情河粉坦白講都幾足料湯頭OK但又未至於好似網上人哋話用咗好多料去煲因為感覺比較薄身炸豬皮好食😋整體感覺都唔錯可以話如果入開元朗想搵好嘢食嘅都值得一試💙兩個人一人一碗麵加一人一杯飲品賣單差唔多$200

#雞肉船麵內有雞鎚、雞腎、炸豬皮、花生碎、芽菜麵底有金邊粉、米粉、河粉、粉絲第一次試食既話個人建議咩都吾落🤔如果鐘意東南亞口味可以跟住落（四大調味缺一不可）食法 貼係每張枱上面聞落去香濃既牛骨湯底意外地清甜易入口勁正😝😝雞腎勁爽口雞鎚相對普通 軟腍腍鬆散肉質係煙韌既麵❗️大愛😍😍煙韌既澱粉 #價錢：$52#@豬肉船麵內有豬肉片、豬肉丸、炸豬皮、花生碎、芽菜肉片吾厚 吾會好多肥膏 吾會柴或乾身我個人比較濕熱 好小會食牛 如果鐘意食牛既朋友仔強烈建議你食🥰🥰#價錢：$52#泰式奶茶重奶味既奶茶好正☺️同台式奶茶相比起我個人更加鐘意泰奶一開始我好怕試泰奶🤢咁深色 我以為會好苦比佢外表呃左😂😂#價錢：$24#@蝶豆花latte 大愛藍色😎😎睇到咁靚既顏色心情好愉悅💙💙不過佢係無乜味架#價錢：$24

一直收藏咗呢間鋪，遲遲未試，今日係元朗就順道試一試。店舖係西菁街容鳳書健康中心個邊，附近比較多車房，位置算隱蔽，但店舖嘅黃色大門就好顯眼，行過都會好易見到。我今次係平日晏就黎食，星期一至五11:30-18:00，有午市套餐揀。呢到招牌係船麵，當然就要試試招牌野啦！我地2個人一個叫咗牛肉，一個叫咗豬肉船麵。🥢牛肉船麵 $60湯底都濃仲有淡淡藥材味，個湯底好岩我口味，食到後面差唔多飲晒啲湯😹碗麵有2舊牛肉，3粒小牛丸，仲有啲炸豬皮、芽菜同通菜做配料。牛肉望落好似好實一舊，以為會硬，但原來都煮到入味啲肉輕輕一咬都咬得開。我揀咗金邊粉，呢到個金邊粉厚身少少，食到後面啲麵冇發漲。🥢豬肉船麵 $60豬肉同牛肉個湯底都係一樣嘅，但個3粒丸就係豬肉丸黎，口感淋啲，豬肉食落都鬆軟。兩款口味個人比較鐘意牛肉多啲！💯店舖本身仲有推介落埋4種調味：白糖、白醋、辣椒粉、魚露。但碗麵一黎就食咗😹食到最後先醒起未落，下次有機會再試下😛

之前食過兩次覺得都ok今次外賣叫左兩個飯一杯野飲杯野飲倒瀉左啲落飯都算。。。啲飯竟然唔熟！重要唔係少少，有一半以上都未熟！每一啖都食到生米，飯都唔識煲。。。係delixxxoo叫，竟然無得重新送餐，又唔退款比我即時叫，真係好無奈！好似我呃佢咁，叫佢收走個飯又唔肯，勸大家用依個外賣apps三思