Augur-7 Pizza house @ Japanese Cafe (Closed)

今日姑姐生日，本來plan食日本野，不過姑姐又話平時食得太多想轉下口味，又要近屋企係旺角附近食，諗來諗去，醒起有間佢未食過，就帶左佢來食。哩間野因爲唔係地鋪，唔係我朋友帶我來食都唔知道有哩間野。果次來食因爲得兩個人試唔到好多個餸，不過味道又真係唔錯，同埋環境雖然唔大，不過坐落舒服傾得自在。今次來食，姑姐一來就點左我上次食落都幾鐘意既酸忌廉芝士薯條，薯條熱辣辣食落都算ok,點埋佢既酸酸地既忌廉醬真係幾好味。我女朋友就點左個蒜蓉包，唔大隻，一啖就可以食左一隻，不過好鬆脆，都幾香。然後就叫左個蜜汁雞翼，都幾甜幾滑，不過如果雞翼可以再大隻少少就好。仲試左個螺絲粉同埋pizza.粉都算ok,不過就比較普通，但是pizza就幾好食，個批底都幾厚幾脆，而且料都幾足，咬落都幾滿足幾爽，腸仔口感都唔錯,所以叫左兩個批來食，最緊要食得爽，價錢都算公道，份量都唔少，加埋佢地既服務態度都唔錯，所以會再來

剛剛同老婆慶祝生日，朋友推介咗一間佢話中規中舉嘅餐廳，我依個朋友可能平時係去四季或半島。試問每位$140，食到爆肚，仲有特飲，仲有甜品，去邊到搵，想去就booking，唔使等，一流

以一間上樓嘅cafe餐廳嚟講，Augar 7 真係我試過咁多間嚟比較，最好食，價錢合理，環境雖然唔大，但總括嚟講真係唔錯，一家幾口又得，三五知己又得，如果人數唔太多(約30至40人)仲可以包場，老闆超好人，我試過包場，正常係7點開始至10點收皮，佢可以比我哋早啲上去遲啲完結，我試過包其他地方只係比2小時，超時仲話要每15分鐘咁計錢，完全只係為咗做生意，雖然我覺得做飲食業同做零售業係有唔同，但你服務好啲係咪都可以留住客人，長做長有呢？大家不防去試試

樓上Cafe通常約朋友吹水居多，食物通常一般！但呢間cafe出奇地令我深刻印象，當日經朋友介紹上咗呢間cafe,坦白講地方不算大，但勝在地方方便，正正潮x特區正對面樓上。好喇先坐底揀嘢食，我哋各人揀咗人頭套餐，好多選擇，本來諗住求求其其食嘢同朋友吹吓水，點知一食食到停唔到佢個辣冷麵超正！酥皮pizza超正！(本人一向唔食pizza架)仲有個味道有啲似肯x基辣蘑菇汁嘅薯條超正！我見隔離枱叫咗個酸忌廉汁薯條都好似好正(幾想問佢拎條嚟食)以呢個味道水準價錢非常超值值得約吓三五知己一路食一路吹水！後悔嘅係冇影低相分享俾朋友，因為掛住食

老公日日帶我食好嘢😂😂佢話試下呢間餐廳wor👏👏👏👏👏👏👏👏一試啱口味👍啱嘴型👍 我哋叫咗蕃茄包， 煙鴨胸沙律 跟住老板請咗我哋食吞拿魚螺絲粉沙律 話係店長推介畀我哋試下喎 ，試咗真係好食酸酸甜甜味道啱啱好 不過就會比較飽肚， 之後係我絕對推介 酸忌廉芝士薯條 原來個酸忌廉係自己 調教 怪唔之得特別好食， 千島酥皮pizza 夠曬鬆脆 加埋牛油嘅香味 真係超級正， 夏天到 梗係食 芝麻醬冷麵 不過到咗呢個時間其實已經飽飽哋！仲有仲有，唔怪得之食完都唔俾我走😂原來有呢個surprise😭來得太突然😭😭😭#結婚七週年喇 甜品整得好靚實在感激不盡太意外了！！整體嚟講食物質素好意料之外有驚喜 ，環境就一般般似餐廳多過cafe

段人頭計嘅方式收費，的確唔錯。環境其實一般，不過不失，因人一多，就迫同好嘈。但餐牌選擇幾多，所以已經第三次幫襯。每個餐都必有一個湯同迷你包仔。可以選小食4款，一個主菜或1個小食2個主食。呢個Pizza幾特別，係酥皮底，個咪亦唔錯。 炸蝦，好味，算新鮮。IMG:1]加$6轉甜品做綠茶cheese cake.唔錯包2支汽水，其實可加10轉特色飲品，之前試過幾好，今次因唔飲得凍嘢。。。。你懂的。。。所以求其汽水，打包左一罐添。

連加一 $140/人，但食物係現成野多，唔值。---------------------------酸忌廉芝士薯條 - 薯條出晒油再番叮蜜糖雞中翼 - 4個人真係得4隻酥皮pizza - 似現成手抓餅皮加料整焦糖布丁 - 現成訂番黎落糖漿，唔係脆面果隻雪糕 - 現成牛奶公司細杯裝肉醬意粉 - 呢個味道唔錯，份量合理蕃茄芝士法包 - 幾好😊但140一位食呢d野唔值。其實廚師煮個意粉都幾好味丫，點解反而買現成野搭救呀？🤔

一行五人小聚會諗住搵間cafe 有得玩又有得食約左旺角家樂坊等（因為好近）一去到環境一般 覺得比較窄但每個枱都有一部細電視 唔錯👍🏼跟著我地叫左個set 有以下野食～～沙拉 - 好味吖👍🏼好多芝士同粟米😍個沙拉好清新 依個番茄多士 個包夠脆 番茄醬唔會得中間有成個多士好香脆 係芝士可以再焗耐少少同多少少薄荷朱古力 - 我對舊cream 一般般😂🙈杯野飲夠薄荷 但朱古力味就不太出酸忌廉薯條 - 一個字 「正」！個醬配薯條好似無禁熱氣酸酸甜甜禁 大家仲食唔停口！😋😋再黎薯皮 - 好多粟米配沙拉醬一般般～ 係沙拉醬味😆（可能係薯條太好味）Pizza 夠薄 番茄醬夠多 味道偏濃意粉 就一般般 感覺就淋左d , 味道就正常 之後我地拎左d game 玩D game 有小小舊 但大家都enjoy 玩得好開心🎉🎉整體野食質素唔錯份量都好足夠但想傾計可能會有點嘈因為大家都會玩下game 😆😆

今晚一行6人去樓上Cafe聚一聚，一入到去與預期一樣地方淺窄，不幸地被安排了廁所旁的座位，難免不定時聞到陣陣「清香」😵。先講食物 ，其中一位光顧過既朋友推介「吞拿魚螺絲粉沙律」，只見份量十足 😱不過味道係標準既水準。之後叫左「蜜糖雞翼」，「蜜汁」味重 不過只是雞皮表面夠味 雞肉只有黑椒味，一般般吧. 叫左3款多士，「蕃茄芝士」，「蒜蓉芝士」及「咸牛肉芝士」，我自己叫「蕃茄芝士」，多士脆口，不過味道沒有甚麼特別。再黎一客雜腸，內有切薄司華力，切粒既 X師牌雞肉腸，紅腸及雞尾腸 ，再用蜜糖焗成，不需高深廚藝，亦不需要複雜調味，所以呢樣出問題既機會不大，當然唔算叫做「必食」選擇。跟住到「酸忌廉薯條」，6人份量唔講得笑 ，因為已經被之前幾款填滿少位置，薯條脆口，只覺得忌廉不夠酸 醬亦不夠多。另外喜歡薯的我叫左焗薯皮，賣相不錯黎形容吧。KO完薯皮後既難關出現喇，就係大大碗「芝麻汁冷麵」，有「自家制」既味道，最終我地消滅左90%。算厲害啦，難關一個又一個，差D唔記得仲有個Pizza,嘩！！仲要係酥皮Pizza...咁大整蠱..可惜味道太咸喇，要黎餸飯就差唔多...甜品我地揀左薄荷雪糕，雲呢拿雪糕賠

依間要跟人頭食套餐蒜蓉包蕃茄包上次食吞拿魚螺絲粉沙律好味，不過會飽左半今次食菜沙律，煙鴨胸沙律都好味，足料，個汁酸甜，開胃左牛油什菌 牛油味都濃，但如果加埋芝士應該重正！芝麻雞翼 都多芝麻既米網蝦春卷 ，蝦細 ，但都脆 整體都唔錯栗子紫薯餅 偏甜但本身我鐘意食紫薯，不錯的，有啲栗子粒芝士海鮮撈烏冬芝士同汁都多，幾好味，不過要趁熱食，我玩左陣再食就"杰杰地"焦糖雪糕ok,不過焦糖味吾係好重加$6就有芝士蛋糕，讚！芝士味香，吾係假芝士魚膠粉蛋糕都係飲返榛子可可，好味吾會過甜，但肥！有花茶但係茶包，不過有熱水機，我再沖多兩次

Cafe，係計人頭收費，亦計人數而定分量。一定夠飽，仲係好飽果隻 食物係餐單上揀。推薦必選：酸忌廉芝士薯條  其次：鴨胸沙津。 意粉揀左吞拿魚意粉，滯到食唔哂。見人地隔離枱枱都揀意大利煙肉意粉，好似吸引d

唔好睇少呢碟薯條, 我介紹左身邊朋友去食,即時上癮😍 呢間cafe既招牌菜必食👍🏻👍🏻👍🏻 呢間cafe係收人頭費,有dinner sets揀,前菜主菜所有都自己揀,總有一款岩你,然後老闆再依人頭黎做份量調整,係絕對夠食,每個菜式份量都大大碟。呢條薯條雖然即炸,但絕不油膩,而且好脆口。重點係佢既汁,一拎起薯條,芝士係帶絲拉起😋絕對係冇偷工減料😍😍😍其實上面既醬已經夠哂味,唔洗點茄汁已經一流,正啊！

呢個cafe要預先book,而且只可以book3個鐘。我加埋3個中學同學一齊去食我地揀左每位128既餐 螺絲粉沙津超好食吞拿魚加沙津醬，無敵啊 熱辣辣蒜蓉包，左邊芝士蒜蓉包，中間係咸牛肉蒜蓉包，右邊係蕃茄蒜蓉包。最好味係咸牛肉。 小食一酸忌廉薯條大大碟，每一條粗薯條沾滿酸忌廉，好好味好快就同同學食唒煙肉薯皮，份量好少而且太乾，可以唔點。 明太子餃子雞翼，一人一隻少少辣，咸咸地，味道麻麻我地重叫左個雞軟骨串燒但味道稍淡。 主食叫左雞絲冷面，好大碗好多蛋同雞絲，加埋青瓜、麻醬，好fresh。不過因為太大碗，我地食唔唒。 甜品可以揀雪糕或布甸，啡色:榛子果仁雪糕，有粒粒果仁係入面，似食緊繽紛樂綠色：薄荷朱古力雪糕，上面灑下朱古力粉，好有心思。黃:芒果布甸味道一般。總結，食物不錯，會再去食。

又到周末的日子，最愛周末去食下午茶輕鬆一下，今天約朋友，去了Augur 7樓上cafe。其實我都幾鍾意去樓上cafe，因為可以坐下慢慢食，環境舒服，又有咭game玩，和一班人前來又可以，一個人靜靜自書又可以，幾個人傾計又得，這裏地方也不算很大，都適合幾個人來坐，一個人又可以。食物味道也不錯，不過選擇就不多，限定餐的選擇和價錢有點貴，多少人便預多少人的份量，這餐3人，每人基本收費為HKD88，再要特飲加HKD30，所以這餐食了HKD363，每人都是121，午餐來算都是有點貴吧。******************************芝士蒜蓉包，我們3個人，所以都是得3片。蒜蓉包都脆口，芝士蒜蓉都幾香。蜜汁雞翼和香草雞翼，我們選了蜜汁味。我不吃雞皮，所以外出很少吃雞翼，要除皮，但這裏的雞翼除了皮也調的入味，好吃。酸忌廉芝士薯條。聽說這裏的薯條不錯，愛吃芝士的我，一定必吃。看看薯條都是粗切，入口配上酸忌廉很惹味，份量也多，實在好吃。自家制酥皮薄餅7"，有香腸、菠蘿、煙肉、磨菇、紅青椒。餅底不是厚底，不算很薄脆，味道也不錯。我要了杯藍梅梳打特飲，朋友那杯我都不記得了。我那杯都不錯，不會很甜

朋友幾次想去這家餐廳吃飯但都因為座位訂滿了沒辦法去。這次我們提早兩個禮拜訂終於有位！餐廳在家樂坊旁邊的一棟商業大廈裏，餐廳裏面很小，呈L字型，難怪那麽難訂位。很多人都喜歡在這裏包場辦派對，我覺得這裏感覺更像一間K房，每張桌子旁邊都掛著部小電視。晚上餐廳只做兩款set menu,價錢差不多都非常親民，不一樣的是一個有甜點另一個沒有，還有一個選一種小食兩款主食，另一個選四款小食一款主食。我們選的是4款小食的那一個set.餐飲我點了Oreo milkshake,如果不想那麽甜可以叫服務生少甜！味道不錯頭盤是芝士蒜茸包和沙律,這兩款味道正常還點了酸忌廉芝士薯條，醬料不會酸，但我覺得薯條再炸得脆一點會比較好，拿出來的時候這盤薯條有點軟身。小食我們除了薯條外還點了兩款雞翅和雞軟骨。雞翅烤得剛好，味道甜甜的味道很棒！重點來了！這個pizza一咬下去很松脆，再看看發現pizza皮不是像普通pizza一樣的面粉底那麽厚或是硬，用的像是酥皮一樣的pizza底，再加上千島醬和海鮮，味道好棒！這家在旺角的樓上小店味道，價錢都很贊！大家可以去試試喔♥