Video
8-min walk from Exit A2, Yau Ma Tei MTR Station
continue reading
Telephone
54905464
Opening Hours
Today
15:00 - 00:00
Mon - Thu
15:00 - 00:00
Fri - Sun
14:00 - 00:00
Public Holiday
15:00 - 00:00
Public Holiday Eve
15:00 - 00:00
Above information is for reference only. Please check details with the restaurant.
甜姨姨由天后小店食到宜家開左好多間分店 食榴槤既朋友必叫榴槤豆腐花!!!!! 有一pat榴槤容係面 豆腐花好滑好有豆味 重點係配埋由榴槤打成既汁 雖然價錢真係有D貴($68)
continue reading
夜晚11點喺旺角想食刨冰？見到甜姨姨👵🏼開到12點即刻衝過去🥹呢間真係bookmark咗好耐都未有時間食🔖上網見連JJ Lin都點名介紹🥹今次就等我試一試佢有幾好味先🥹🤤🔘楊枝甘露冰🥭 $158呢個冰絕對係會Encore🫵🏻口感好豐富，店舖採用了日本直送的冰磚🧊一食落去口感非常綿密，夾埋topping 嘅鮮忌廉，泰國金柚同鮮芒果雪條，真係好出色😋食到差唔多仲有啲芒果脆脆，熱情果果凍，芒果粒同西米嘅組合，絕對可以滿足曬視覺同味覺嘅享受😎仲精彩過就咁食一碗楊枝甘露👍🏼
continue reading
好多人食，估唔到旺角都開咗😮不過真係好貴⋯不過的確幾好食⋯同埋好大兜好充料食甜品仲貴過食飯呢個價錢喺旺角嚟講算偏貴不過keep住好多後生入嚟食食物都的確比成條甜品街黎講係高質
continue reading
📍甜姨姨🍧400次髒髒Kitkat冰第一啖係好濃烈嘅咖啡味頂層係一坺好濃嘅咖啡cream 濃到苦嘅程度面頭有朱古力粉 食走面頭嘅冰就會見到美祿粉冰中間有球朱古力雪糕格外有朱古力水(因為都好稀下)俾你淋落冰度食到中間啲冰係真係無咩味🍧黑極(海邊走走)黑芝麻味嘅沙冰 芝麻味都ok濃中間個黑芝麻雪糕好食底層有豆腐花但得好少好少 少到得一兩啖？面頭有舊台灣好出名嘅海邊走走芝麻蛋卷都係有配黑芝麻水淋落沙冰度 正正常常啦 想直接食芝麻糊多啲
continue reading
播緊天與地嗰個年代，天后店成日排曬長龍黎食佢嘅豆腐花。嗰陣嘅質素真係幾唔錯，價錢又合理。自從開左銅鑼灣分店之後，見到價錢越黎越進取，甜品款式越黎越多但原本嘅野就整得越黎越差，所以都好幾年無幫襯過。今日行經旺角，本身係諗住去食另一間出名嘅Kakigori，點知中途發現呢度開多左間甜姨姨，又見到最出嗰張枱叫左個開心果刨冰好似唔錯，就入左去試。點知就中大伏。。。首先開心果cream好漏。開心果酥入面都係開心果cream，食落係植物牛油嗰種漏嘅感覺。開心果醬係ok嘅，但係好少，反而開心果汁就好多，佢側邊仲有得俾你補加。但呢個汁真係不得了，本身食緊個冰都發現有苦澀味，唔肯定喺邊度黎。一試隔離呢個汁，就發現原來就喺佢度黎，但係成個冰最多嘅配料就係呢個澀汁，認真搞唔掂。至於開心果雪糕。。食落係劣質豆腐味雪糕嘅感覺，質感好生硬，而個開心果味完全係靠個開心果醬釣出黎。老實講我個人就鍾意豆腐雪糕嘅，但你寫開心果雪糕我唔expect係咁嘅味囉。然後就到主角 - 冰。不得了，係難食到不得了。開頭有開心果醬傍住嗰啲都還好。但我提過，啲開心果醬就係唔多，去到中段都未到，就已經食到啲冰係淡然無味，淨係得開心果汁嗰陣苦澀味。而且個冰完全係無口感可言，Kakigori應有嘅冰屑感覺係完全俾唔到。你叫呢樣野做開心果綿綿冰啦賣68蚊啦，你呢啲唔係叫Kakigori，只係一個Kakigori shape嘅棉棉冰。仲要出面好多雪花冰、綿綿冰仲好食啲添。。。雖然出面嗰啲好多都係人工味道，但你地呢份$148用「真材實料」整左啲咁難食嘅野出黎，我就寧願俾4，50蚊食人工棉棉冰仲好過。真係非常失望。而且食到中間有一大堆lotus餅，多到根本唔岩比例。再者呢個餅同任何一款配料都無昇華嘅作用，如果將佢整成crumbs效果可能仲好啲添。最後食剩超過一半，錢就已經跌左，無謂要同自己過唔去夾硬食。從未試過難食到要食剩咁折墮。非常唔推薦呢間嘅刨冰。但其他甜品好多都貴到離曬譜：2件芒果班戟70幾蚊，心太軟98蚊，咁嘅價位我唔知佢會俾咩質素，如果都係普通野，仲留唔留得住客人？
continue reading
You may be interested in