秋意 (多寶樓)

Open Now

Now Closed

最近因為時間關係，決定叫外賣來滿足對川菜的渴望。今次選擇了這間主打四川菜的餐廳，真係冇失望！### 1. 秋意去骨豉油雞配湯麵 - 上海麵 (粗)這道豉油雞真係好味！雞肉去骨後，肉質鮮嫩，醬汁滲透得相當入味。搭配粗上海麵，嚼落去有彈性，吸收咗湯底的精華，整體口感非常好。湯底清淡卻不失風味，讓我一口接一口，根本停唔落嚟！### 2. 招牌去骨口水雞湯麵 - 上海麵 (粗)另一道招牌口水雞，雞肉滑而不膩，醬汁的香辣味道令人回味無窮。湯麵的粗麵條跟湯底的結合也非常完美，辣味適中，唔會太過刺激，正好提升了整體的味道層次，令我更加享受。餐燉湯 - 羊肚菌烏雞燉花膠湯另外，羊肚菌烏雞燉花膠湯也讓我驚喜。湯底濃郁，羊肚菌的香氣與烏雞的鮮味結合得恰到好處，花膠的口感更是為湯增添了不少豐富度，讓整頓飯變得更有層次感。

本人最愛的觀塘世一豉油雞店【秋意】居然係鰂魚涌開咗另一間外賣店啦，本身鍾意食雞既我真係好開心，因為近住屋企，以後屋企附近又希附一間高汁餐廳可以選擇！【秋意】本身主打各式特式川菜同埋有唔同口味嘅雞，當中最受歡迎莫過於招牌口水雞&去骨豉油雞，每道菜都係精心烹調，令我一試難忘。食極都唔會覺得厭👍因為人氣太高，觀塘店成日都大排長龍！依家【秋意】登陸左鰂魚涌，希望唔洗排隊😂不過應有都未必得。買左兩個外賣返屋企食，覺得質素一樣，無下降，真係好抵讚🫰🏻

話說每日返工經過秋意都聞到好濃烈嘅豉油味🥰 一search之下原來佢係觀塘都有啲名氣，最好就係佢無骨🥰 好輕鬆就食到今日特登買返去加餸🙆🏻‍♀️🙆🏻‍♀️「食雞唔食皮，不如唔好食」係佢哋嘅金句，會食雞胸回我明白店主嘅汁著，因為加皮食係會令件事昇華咗，食落口感更加嫩🥰 今次嗌咗秋意去骨豉油雞同招牌去骨口水雞各半隻😛兩者比較，嗰豉油雞令我好難忘🤗 可能因為無骨，口感好好，真係好嫩好入味，連埋雞皮食真係好正🥰 難怪日日經過都咁香🤗 佢嗰口水雞同平時食開唔同，花生味會濃啲，如果食唔到辣嘅要諗諗😂另外，如果係午市時間，可以考慮QR CODE落定單，佢為咗鰂魚涌打工仔嘅需要，特登買咗啲架放外賣🥡 真係好貼心🥰

食雞唔食皮 不如唔好食🤪超霸氣｜鰂魚涌外賣之選個人超推去骨口水雞食落比較惹味，醬汁以花生醬同辣醬做基底食落唔算好辣，有啲似擔擔麵嘅醬口水雞份量都算多，特別鐘意佢嘅溏心蛋豉油雞飯雞件醃得好入味，一定要食埋雞皮口感好嫩滑，最欣賞係已經去曬骨雞髀同雞胸位都各有少少！📍 秋意 (多寶樓)地址: 鰂魚涌海堤街2號多寶樓地下E5號舖電話: 35654825📍 秋意 (成業工業大廈)地址: 觀塘成業街19-21號成業工業大廈6樓29室電話: 56021645#香港美食 #口水雞#鰂魚涌美食 #滷水店 #性價比高 #打卡 #台式料理 #抵食 #觀塘美食 #鰂魚涌外賣 #外賣 #去骨雞

🍽 今日叫咗「秋意」嘅外賣，揀咗個豉油雞配上海麵，想試吓佢哋嘅燒味同麵食配搭，結果真係唔錯！😋🍗 豉油雞配上海麵豉油雞真係有驚喜！雞肉嫩滑得嚟又不失彈性，雞皮吸滿咗豉油嘅香氣，色澤靚靚，食落去鹹香適中，完全唔會太鹹或者過油膩，個味道啱啱好～豉油汁滲透到雞肉入面，每啖都充滿香氣，雞控必試👍。🍜 配埋嘅上海麵都唔錯，麵條粗粗地，煮得夠彈牙，唔會過腍～豉油汁同麵條撈埋一齊食，真係一流！而且麵量唔少，啱啱好可以飽足一餐～呢個配搭好簡單，但係每一啖都係濃濃嘅滋味，好滿足😌。📦 外賣包裝方面，豉油雞同麵分開擺，非常貼心，返到屋企雞肉仲保持嫩滑，唔會因為包裝而變腍，呢間餐廳嘅外賣真係值得推介！👌

今日發現咗一間位於鰂魚涌嘅外賣小店，舖頭裝修簡潔企理，主打食雞🐓，而且仲有幾句口號🔊🔊幾得意，食雞唔食皮不如唔好食😆，我都好認同呢句說話，雞皮先係隻雞嘅精華。🐓秋意去骨豉油雞 $100 本身好鍾意食豉油雞嘅我，一見到有骨豉油雞！即點❗️半隻份量都幾多，而且雞肉好嫩滑又夠晒入味😋，再點埋薑蓉就更惹味。🥣半隻羊肚菌鳥雞燉花膠湯$80呢個湯真係好足料，除咗又好大嚿花膠之外，入面仲有羊肚菌🍄‍🟫同烏雞，第一次食羊肚菌🍄‍🟫嘅我又覺得幾好食，成個湯好濃郁，$80 絕對物超所值。🍹九製陳皮洛神花$24叫套餐就加$8，單就$24，酸酸甜甜幾好飲，飲到清香嘅陳皮味同濃郁嘅洛神花味🌸。店員話佢哋嘅飲品係少甜的👍。🥚酒釀溏心蛋濃郁嘅酒香，鍾意食溏心蛋嘅不妨一試。

呢間喺鰂魚涌新開既外賣店都幾好。鋪頭裝修都幾靚,好中式嘅感覺，至緊要係好乾淨衛生！仲有個書法“食雞唔食皮不如唔好食”,好霸氣！超級agree喎!!🤣呢度淨做外賣，無堂食，有個層架，放滿外賣，黎到落單又得，deliveroo落定單又得。由放已經買過幾次，都試過佢唔同既雞。最鐘意佢既豉油雞！外賣仲有小貼士：半隻微波爐加熱40秒，一隻微波爐加熱60秒。真係要食埋個皮！！無論皮定係雞肉都好入味，雞肉超嫩滑，去曬骨又易食，唔同一般燒味店既豉油雞，佢既咸甜啱啱好！非常推介！大人小朋友都好啱好like!另外佢仲有去骨口水雞，佢既口水雞又係唔同一般口水雞，d醬唔太油，係類似擔擔麵醬嘅醬汁，有蔥有花生醬有辣醬，辣度算係微辣，雞肉依然好嫰滑。其實佢仲有酸菜魚/飯/面/湯，所以如果唔想煮，附近既朋友都可以試試呢度外賣。

✨ 「食雞唔食皮 不如唔好食」今日經過鰂魚涌「秋意」被這標語吸引到，即管買返屋企加餸。***** ***** ***** ***** ***** 🐔🐓秋意去骨豉油雞$100/半隻雞肉肉質鮮嫩無比而且好多肉汁，充斥着玫瑰露酒嘅香氣，而且這是無骨的，啖啖肉，淡淡滋味。🫕羊肚菌烏雞燉花膠湯$88足料靚湯，羊肚菌、烏雞、花膠、瘦肉、圓肉、咁多材料燉出嚟嘅靚湯，非常清甜好味。酒釀糖心蛋🍳糖心蛋蛋汁切開漏出嚟，味道好香濃，下次一定叫多幾隻。

賣相唔錯 但食落好普通 唔可以話唔好食 但食完覺得唔係網絡上講到咁出色先講d雞先 都唔鞋口既 正常發揮但只有塊雞皮係有味 皮下面既雞肉就無咩特別 而且雞皮比想像中肥 原本以為似海南雞果種薄皮 但呢種係有一大舊肥膏痴住 有啲影響食慾😅😅 而於個飯 無咩汁 略為遜色 飯既口感亦偏爛 個人不太欣賞食到最底 發現飯盒底部都幾多油 變左油飯咁…結論是 試一次就夠 無咩想回頭既衝動可以話普通燒味飯既水準 但呢個價錢會期望有更高既質素 希望會有改善啦

食雞唔食皮，不如唔好食🤔 呢間位於觀塘嘅小店最近進駐港島，主打多款雞肉，豉油雞、貴妃雞、藥膳雞、口水雞等，同時亦有酸菜魚、牛魔王、紅燒肉可選擇。外賣為主，適合OL。招牌菜有去骨豉油雞，雞肉嫩滑，無骨啖啖肉，個皮浸得好入味，唔會過鹹，而且夠薄身。店員推介要轉白飯，果然幾夾。瑤柱去骨貴妃雞嘅皮幾彈，肉塊同樣滑身，上面鋪滿瑤柱，正。想食麵嘅可以叫黃酒藥膳雞湯，帶淡淡酒香氣，雞肉煮至入味，整體感覺幾養身。上海麵係粗身，軟硬度適中，吸滿湯汁，唔覺唔覺就清光。湯品有羊肚菌烏雞燉花膠湯，健脾開胃滋補肝腎，套餐加錢性價比高、飲品推九製陳皮洛神花，酸酸甜甜，淡淡陳皮香氣，有清熱解暑嘅功效，自家製果然有料！

觀塘有間小店憑住秘製豉油雞打響名堂👏🏻好多人都專登去買。最近佢哋係鰂魚涌開咗分店，鰂魚涌嘅打工仔同街坊都可以試到喇😎小店主要做外賣，有豉油雞、口水雞、貴妃雞等，可以就咁買返去加餸或者配飯、麵都得。另外仲有幾款涼拌小食。🍗招牌無骨豉油雞招牌一定要食豉油雞，見到個皮就知浸得好入味😻豉油味幾香，唔會太鹹。雞肉超級滑嫩，而且大大件啖啖肉😛果然食雞就係要食雞皮同埋無骨😏😏🍗無骨瑤柱貴妃雞飯雞肉同樣好彈滑，雞皮雖薄但食得出幾爽彈😙面頭鋪上大量瑤柱幾揼本。另外仲有雲耳、雜菜以及鹵蛋，幾豐富🤰🏻🥚撈汁皮蛋份量幾大😍醬汁微辣，帶點蒜蓉香好惹味😋夏天食啱晒。人均消費：$70推介指數（10分為滿分）：8分

觀塘上班族對秋意豉油雞一定唔陌生，憑著滑嫩的去骨豉油雞而打響名堂，啱啱開了分店在鰂魚涌，即刻同同事去買外賣返公司食 😆$66已吃到招牌去骨豉油雞便當或去骨口水雞便，另外再叫了蒜辣牛魔王便當🍱有飯、涼菜、薑蓉等，勁滿足。店鋪自煮豉油汁，用本地豉油加台灣醬油，連十多種香料熬煮而成，像滷水湯的湯膽一樣，每日朝早都要重新調味，確保每日味道一樣。豉油雞皮腍帶點黏口，入口帶有香濃非常入味。店舖仲大大隻字寫住《食雞唔食雞皮，不如唔好食》 真係要好有信心先講得出，而事實佢嘅雞真係一啲都唔嚡口及皮薄，白飯仲要係珍珠米，必須要讚💯💯💯幾款涼菜都是自煮，不是馬虎的菜頭菜尾，有台式便當feel。店內還有其他招牌菜式，如酸菜魚、口水雞、花膠湯等，通通惹味。以後Lunch又有著落！

公司附近又開左新嘅外賣店，好似話觀塘開左一段時間仲好多好評，咁要買黎食下先🍗秋意去骨豉油雞飯🍗招牌去骨口水雞麵叫咗兩款招牌嘅雞，可以配飯、上海粗麵，我就揀左飯，不過白飯就淋左啲，又濕，雖然用珍珠米，但煮得太淋冇乜口感，雞都唔錯，幾入味，以呢個質素同價錢，鰂魚涌有好多選擇，我諗我唔會再食第二次🫣🫣

睇影片分享平台見老闆咁大口氣 唔食皮不如唔好食 專登買盒試下 $66一個雞飯 唔算平 中環都有更好既選擇 雞肉一定唔係算嫩滑 雞皮都唔係爽口 醬油都算香既 配菜就十分普通 整體黎講$66 無飯同野飲 算係唔合格同完全無驚喜 我自己就無下次覺得純粹係影片分享平台marketing既作品

「秋意」一聽到這個名字便令人很期待秋天的到來🍂.同事告之原來鰂魚涌開了這間在觀塘很有名的豉油雞飯 便立即成團外賣番公司一吃分享 鰂魚涌分店只做外賣沒有堂食 開業大約一星期 人流很墟冚 要排隊下單等自取大約20分鐘 看見收錢員工大汗踏細汗都很辛苦🐤 秋意去骨豉油雞（半隻） $100首先豉油雞色澤不錯 夾起已看到雞肉很嫩滑 食落豉油味真的很好食 不會過咸或過甜 因為它的標語「食雞唔食皮 不如唔好食」 就一定要食埋雞皮睇下有甚麼分別 連皮一齊食就會明白 整個豉油精華便是在雞皮上 讚👍🏻🐤 秋意去骨口水雞（半隻） $100口水雞汁微辣 應該大部分食客都能接受 雞肉嫩滑程度雖然不能跟豉油雞相比 但都是滑而且有彈性的 可惜豉油雞味道較為驚喜所以口水雞會被比下去另外點了小食撈汁皮蛋、拍青瓜同酒釀糖心蛋 味道都乎合預期總括來說這裏雞是出色的 之後無咁多人時會再試其他午餐