麻布茶房 (Closed)

今晚同朋友食完飯, 本來想食HD 雪糕, 但離我地太遠, 只好去到就腳0既麻布茶房~ 都有一段時間無0黎到, Menu多左好多甜品~ 三個人各自選擇自己鍾意0既聖代~ 味道依舊無變, 仍然好好味~ 雖然食唔到HD雪糕, 但麻布0既聖代都係消暑良品

服務一般啦，主要想講下食物，前日去完九龍公園游水去吃晚飯．．．找到了麻布茶房，還掂好耐無食過見到有新食物，試試一見到那碗牛肉飯，立刻令我想起吉野家，味道．．吉野家好食好多，唉麻布退步了，無以前咁好食ｌｕ

我記得次次都見有人等緊位而個次都一樣啦但呢入到去食既時候個度真係好好好嘈唔係一個傾計既好地方囉但野食就ok既因為我喜雪糕

麻布的刨冰最好吃價錢又便宜　30-50這次選了綠荼紅豆刨冰名字好像叫時宇xx之類綠荼紅豆刨冰有附糖漿因為綠荼味苦而紅豆味道剛好整體感覺不錯呀只是環境較嘈吵個人還是喜歡香蕉刨冰但男友說太甜比較喜歡這個夏天消暑良品!!

我尋日同朋友兩個人去左麻布茶房食晚飯，我去到先都唔駛等位，即刻有位。我地分別叫左以下食品：咖喱温泉旦鳥冬－我本人係好鍾食咖喱鳥冬的，所以叫左呢個鳥冬，但係黎度時已經唔係好覺眼ｄ咖喱汁，食落時反而係有ｄ酸酸地味，我諗唔係壞卦，但係我覺得個味好怪，唔好食蟹肉旦定食－呢個係我朋友叫的，所以唔係好記得個名，但係我朋友話好食同個湯係好甜的，但係就冇乜蟹肉囉雞軟骨－又係我的至愛，呢個係炸軟骨再個左ｄ鹽，好食又香口牛肉卷－呢個都不錯的, 但不特別蕃薯雪糕+黑芝麻味-嘩,之前食過好似好味好多, d 雪糕都ok啦, 不過個蕃薯唔係好熱, 又唔甜...所以不是太ok0個度d 服務都不錯, 有不斷加茶。但係好搞笑係我地食食下, 個服務生叫我地換位, 我個朋友仲要係飲緊湯, 真係勁奇怪, 而且仲唔係我一個, 我食飯0既過程當中, 我都有見過其他人有咁0既情況, 我覺得都勁奇怪!總括而言, 我諗我有得揀, 我應該唔會再黎, 又唔係好食又貴, 唔ok~

點了人氣之選- 番茄味牛柳蛋包飯. 賣相是靚的. 吃下口, 不過是普通的番茄牛肉飯加蛋, 稍比茶餐廳精緻, 價錢卻貴得多. 配菜和湯的水準也一般. 整體叫人失望.

今晚同朋友去食,一入去就係勁嘈,真係有茶樓咁嘈.朋友叫南瓜拉麵我冇出聲,以前我食過幾次拉麵都係麻麻地,可以話係呢間最唔好食0既食物.結果就係冇嘜味,叫做食得入口.我叫0左咖哩牛肉蛋包飯,之前睇雜誌介紹係好賣得,所以就試0下係咪咁正.味道就一般,日式咖哩都係附近0既3個8拉麵好食得多.最後係麻布招牌菜--軟雪糕雪糕比以前"林"0左好多,唔洗2分鐘就溶0左唔少.上年我食都唔係咁ga!雪糕0既味道都係差0左.

昨日天陰陰，雨綿綿，本身打算和我的傻瓜瓜公主到戶外遊玩的計劃只好變一變，變成了一個尖咀吃渴樂消遙。身到身水身汗，心裡面就想出一大杯冰凍甜點，便到我倆『早有預謀』的麻布茶房落腳。老實講，而家香港日式食店好似就黎多過傳統港式食店咁，你要找出一間最味美的地道日本菜真的不容易。但若是重點的吃日本甜點，又不是有很多去處，雖然日本的甜點來到香港都會變得不是『全地道』，因為最傳統的日本甜點口味和港人有點背道而馳。之前一次來到這家食店吃午飯，一味蕃茄蛋包飯，不錯，一味芝士漢堡扒，還好吃，一味梅子飯，普通，再加一味豆腐粟米片糖水士多啤梨雪糕，口味怪怪的，所以都談不上怎樣的特別回味，或者是三人和二人的影響吧。不過有一味雪糕加蕃薯始終想試一試。這一次來到，不用多想，就向這方向揀選，最後揀了一個味道應該會很清新的蜂蜜檸檬汁+雪糕蕃薯。一來到，賣相不錯，真的是有一舊大蕃薯在下面支撐著整座雪山。為食的我和為食的她忍不住，食啦!!雪糕的口感很軟，軟得有點像快要溶，但不致於水汪汪，選擇檸檬的確是沒錯的，因為有種清淡的芳香。再往下吃，就吃到浸入了蜂蜜汁的蕃薯，唔!不錯!初時真的很難想像蜂蜜和蕃薯結合是怎樣的，還要是出現

天天都三十多度，幾乎走多兩步都不想! 可是要醫肚，又想吃比較“企理”的，最方便就是走那有限的兩步坐7號在美麗華下車，來“麻布茶房”一番了。日式漢寶配梅子飯：味道跟上次一樣好哈哈！漢寶扒好moist, 酸酸甜甜的sauce跟溶化了的芝士好夾。把漢寶弄碎，夾著那兩重調味料一起吃，出奇地好吃呀。但這次漢寶就略小了一點，梅子飯也比上次酸，但好開味哦！咖厘豬扒蛋包飯：賣相好靚！蛋皮厚厚的，煎得好香既不乾! 豬扒算軟熟，但不是太出色。好在咖厘味道好，帶點甜味，送飯一流！飯如果軟身一點會更配合咖厘呢。冰其淋可樂：即是黑牛，軟雪糕真的好滑，好濃奶味。冰抹茶：不加糖是最好喝的。算香濃，好健康解渴=)其實這裡並不是那麼差，起碼食物算中上，坐得舒服啦。好，下次一定要留位吃有名的japanese parfait!

尋晚我同老公去尖沙咀美麗華商場側的＜x布茶房＞食野，買單的時候104元，當時我先生付給來買單的小姐500元，我說，我有散紙啊，當時我還很開心的說，我這些散紙好重，使幾個都好。於是我拿出一堆散紙，撿了幾個5毫出來，那個小姐即時面黑，黑口黑面的對著我說：本店不收毫紙！我說：我又不是給你1、2毫，難道5毫也不收嗎？她說：對！5毫也不收！我說：哪有這個道理啊？5毫紙是法定流通貨幣呢，難道5毫不是錢嗎？那個店員看到我有些堅持，於是又很不耐煩的說：唉！是但啦是但啦！這時我聽到她的語氣真的開始生氣了，我是來消費，不是來乞食的，她怎麼可以這樣態度對待客人？這時我先生為息事寧人，就把放在收銀盤裡面的5毫準備收起來，但我堅持不讓他收，那個小姐很負氣的就把銀盤拿走了，本想，事情就這樣結束了吧？誰知好戲還在後面......過了一會，換了另外一個人拿了銀盤過來，扔在檯上，盤中找回340元紙幣，另外有成堆5x元一蚊大餅，我啞然了，這算是甚麼態度？這是一間食店應該有的服務嗎？客人的初衷並不是為尋事鬧事，而是小小一個問題，但服務員怎麼可以用這種手段去報復客人？我剛要發作，我先生急忙一把把錢抓起來裝在了包裡，硬拉著我走

5/2/2007 7:30PM放左工, 又係o係tst 搵野食時間, 我既烏冬癮又起喇, 已經試過香港好多唔同既日本餐廳, 都食唔番上個月去東京食o個d烏冬既味道, 今次一於試下麻布先~時間尚早, 唔洗等位. 我同bf都好肚餓, 所以叫左唔少野:豆腐沙律: ($3x): 好多菜, 豆腐切得細細粒, 幸好沙律醬唔多, 唔太漏.鰻魚玉子: ($28) 上枱時仲出晒煙,正~雞蛋橫看有好多層, 煎既時候落左唔少工夫, 幾軟熟, 夾心係甜甜地既鰻魚, 加埋附上既蘿蔔蓉, 恰到好處.滑蛋雞肉烏冬: 精髓在於個烏冬, 似足東京食既7,8成, 出面滑得黎, 入面又煙韌, 呢d先對辦嘛. 入口一團粉既, 能稱上烏冬乎? 烏冬配滑蛋, 一流也~牛柳+綠茶冷麵定食($7x): 全餐最唔得係呢個. 牛柳林就林, 可惜一食就知係用鬆肉粉”拿”過, 攪到無晒牛味. 食左兩舊無食了. 綠茶冷麵還可以.甜品方面, 我地都幾擦得, 要左兩個:紅豆年糕($3x): 年糕暖暖地, 有d韌, 軟番d會好d, 唔洗咬咁耐. 紅豆蓉係凍凍的, 偏甜都係日本既特式, 同淡淡既年糕一齊食都balance到.鮮果綠茶聖代($38)

同朋友行到肚哦! 點零鐘時見佢唔多人就一入去試試, order 左個南瓜豚肉拉麵,味道太淡,連湯底都食唔出啲咩味, 碗麵有三大片炸過既南瓜, 幾香口又甜甜地, 而豚肉就得薄薄幾塊, 另外有兩個小食, 一個係蘿蔔青瓜漬, 一個係蓮藕加一少塊魔芋, 都係無咩味! 定係我味覺有問題呢?

甲狀腺過低，醫生話要多吃海鮮．．．，ｓｏ，今日ｏ係麻布茶房餐　ｌｕｎｃｈ就決定叫個人氣蟹肉井碗飯個份量ｏ吾算大，但賣相頗吸引，閃亮亮ｏ甘，重好香添將ｄ飯餸通通撈埋ｏ黎食．．．濕漉漉﹑暖笠笠，ｄ蛋又香又滑，加上鮮味充足ｏ既蟹肉質蝦肉．．．味道ｏ吾太濃，但又入味喎．．．　ｘ　１０配茶係ｄ青瓜﹑紅蘿蔔﹑蓮藕．．．都清爽最好味竟然係碗麵豉湯．．．哈哈，畀出面ｄｉｓｐｌａｙ　ｏ既燒番薯霜淇淋誘惑到．．．就要埋ｌａ不過，要等好久，ｄ　ｗａｉｔｒｅｓｓ　反應又慢ｄ　ｉｃｅ－ｃｒｅａｍ　比較普通，但加埋熱辣辣ｏ既番薯，冷與熱交接，口感特別ｐ．ｓ　想不到朋友們的關心和支持，可以讓我這樣感動．．．Ｂｅｌｌａ，我明白ｏ拉，ｏ吾會再ｏ甘固執．．．要不是，病死ｏ個日先ｏ黎後悔就太遅

行街行到攰係無選擇之下入了這一間, 純粹想憩憩腳所以只點了MENU上熱門推介的熱朱古力牛奶和新出的南瓜牛奶。朱古力奶放在檯上已經傳來陣陣香味, 可惜入口後發現是另外一回事, 無甚特別。而南瓜牛奶比想像中差, 淡口而無南瓜香味。一小杯已經盛惠32大元, 如果唔係貪佢有梳化位算幾舒服, 一定唔會入去。

因為實在太累,不想行去OC了..又要坐得舒服的,唯有來這裡吧.menu好像不同了(都好耐無來了).麻布豚肉烏冬- 唔夠熱,豚肉碎真的好碎,湯幾油.最好都是烏冬了,是我喜歡的煙韌udon. 另有兩小碟的前菜(酸瓜,年藕片),這就當一個定食,收多十幾元了-__-!!牛肉烏冬- 無味的肥牛份量幾多,湯太清,又是不夠熱!wasabi豆腐沙律- 菜的種類幾多,幾新鮮,但都只屬普通$貨.反而wasabi醬汁幾特別,幾香,有嗊鼻的感覺.我們early dinner(約5:30),客都不夠一半,想坐耐點都給一眾的女侍應"怒啤".杯檸水還有1/3都想收回! 又頻頻走過來望望我們,聽一下我們談話..好無禮貌! 若不是不想逛,是日又想坐好點傾下計,真的不會來這裡呀!!