麻布茶房 (Closed)

今次去左食麻布D甜品,軟雪糕好好味,不過D服務生真係要執執佢啦,成日俾錯單人,倒荼又倒到張卓濕哂,都係去番海港城個間好D

本來想去Ramen Sanpachi，點知太多人，最後轉去麻布茶房。我最欣賞是真真正正有分吸煙同非吸煙區，吸煙區是有間獨立房，不似一般食肆雖分了兩區，但非吸煙區仍然聞到煙味。炸軟殼蟹沙律-不是原隻蟹上，是將隻蟹分屍，切到細細粒，一點都不脆，腍腍的。辛味茶房風拉麵-其實是叉燒拉麵，叉燒算大塊及厚身，一點都唔好食，似是一塊腍腍瘦肉；所謂辛味，一點都不辣，湯底較淡，好處是唔鹹；麵又是腍腍的，一點都不爽。辛味棒棒雞絲冷麵-配料極之少，芥辣一點都唔香。由於食滿$100就可以申請做會員，可儲積分、有生日優惠等等，又即時送一杯非酒精飲品。我就揀了霜淇淋抹茶，雖然是雲呢拿軟雪榚但好重椰子味，而抹茶味道好濃又唔甜。下次再o黎的話，會揀食甜品，唔會再食其他麵食。

好耐無幫襯今次吃黑芝麻燒蕃薯(好似唔係真確的名字)覺得軟雪糕超甜

同男友入去食, 原來好少位, 少位得好可憐! 枱同枱之間好逼! 總之煩! 之前食過一次麻麻,今次比多次機會佢, 叫了果蟹肉炒蛋飯定食! 食到多次有D蛋殼, 有冇搞錯呀!叫了果綠茶甜品, 都OK 啦, D 生果好生! 咁就$110了, 貴!

佢地以前喲沙冰雪糕份量好足好好味，但現時雪糕之份量少。我食的芝麻牛奶沙冰雪糕之芝麻份量好少。以前連沙冰底都有大量芝麻，所以食完後好失望！蟹肉拉麵$55(湯好有蟹肉之鮮味，加上蛋白令湯底好清甜，不過拉麵的份量就少了些。) 抄烏冬燒餅$65 (好大份燒餅，味道很好，食食下竟發然有完隻帶子！) 但整體黎講，價錢貴左d，如果平返喲都會時常黎食！

係君怡見完美國客,行過對面街見到麻布茶房,突然想食軟雪糕,順便係度開埋餐。通常只有星期六至會行尖咀,呢度通常人頭湧湧,今日二點過後,人都無多個,如此寧靜環境合晒我要求啦。午餐飲品又唔包括有軟雪糕款式,改為散叫。霜淇淋咖啡:好大杯!!見到堆軟雪糕已經好開心,睇落好似好少,其實咖啡下仲有一大團;味道好香滑,好重牛奶味,yummy!! 齋飲下咖啡,係唔甜既,甜味係全靠團雪糕,咖啡味都幾香濃,真係齋飲都ok。茶房風燒雞飯連配菜: 配菜有一小碗蓮藕、魔芋片同一碗酸青瓜、紅蘿蔔、豆芽。前者唔覺有什麼味道,後者又唔酸,不過有d蓮藕、青瓜爽爽地,食起飯黎無咁漏。木魚湯好清,入面有幾條蛋絲,清清地咁啦。燒雞肉好熱,味道甜甜地,正係我鐘意既照燒汁味道,只可惜好少汁,如果多d汁就更好。飯面黃色既好似無殼綠豆,但唔肯定,溝埋d薑絲、紫菜絲,原來又幾好味架喎。可能今日人少關係,服務都好好,不過呢間分店都係時候換下座椅,因為見到好幾張卡位都爛左,作為尖沙嘴遊客區既食店,出現呢種情況唔係太好lu。

佢地以前喲沙冰雪糕份量好足好好味，但現時雪糕之份量少。我食的芝麻牛奶沙冰雪糕之芝麻份量好少。以前連沙冰底都有大量芝麻，所以食完後好失望！>,<

蟹肉拉麵$55 (湯好有蟹肉之鮮味，加上蛋白令湯底好清甜，不過拉麵的份量就少了些。)抄烏冬燒餅$65 (好大份燒餅，味道很好，食食下竟發然有完隻帶子！)但整體黎講，價錢貴左d ，如果平返喲都會時常黎食！

星期日晚落大雨,同屋企人黎到麻布食飯,四個人叫左茶房風烏龍面,三色豚肉定食,梅子飯,蕃茄蛋包沙律,仲有一個不知名炸物小食...烏龍面最差,因為份量少得可憐,一個人都食唔飽啦!以前都唔係咁既!激死人!三色豚肉定食既三色,原來係豬肉,蛋絲,同埋冬菇絲,味道ok,但佢既湯竟然唔係面豉湯,只係如水般既清湯,連一粒豆腐仔都無,好吝嗇呢!梅子飯略嫌酸左少少,不過我覺得粉既飯好靚靚!蕃茄蛋包沙律好特別架!蛋係熱,蕃茄係凍,好多美味茄汁,只可惜蛋入面只係菜絲,寡左少少...估唔到最好味竟然係我地求其點既一客炸物,有炸蕃薯,炸年糕,同炸南瓜,最最好味係炸蕃薯,又香又美味,尤其紫心蕃薯,very good!而其貌不揚既炸南瓜意外地ok,雖然黑,但原來甜甜地,無試年糕,但應該可以卦!至於服務.我覺得幾有效率.唔錯!本來想試綠茶雪糕,但係落大雨且氣溫驟降,好凍呀!下次先啦!

之後0係厚福街俾人趕, 唯有去第二度食甜品再傾過。我揀左個雙苺乳酪聖代, 季節性限定, 賣相唔錯, 上面係軟雪糕, 中間有d餅脆脆, 下面有乳酪同果醬。味道都幾好味, 不過細杯左少少同埋d雪糕好快溶, 所以要開turbo食晒佢。好彩食完左都無趕我地走, 可以一路飲茶一路坐到佢打烊, 唔錯﹗不過, 一杯小甜品四十幾蚊, 真係唔係好抵囉。

前兩日約女友尖沙咀食飯,本來想去板前壽司,但實在太多人排隊,最後見這褢裝修不錯,有空位坐,門口又寫hsbc card 9折,便來這褢食飯,點知出事.我地叫佐雞肉拉麵($5x),銀雪魚定食($7x),焗雜菌($3x),燒蕃薯綠茶軟雪糕($3x).拉麵料少味精湯底勁,銀雪魚油淋淋,雜菌ok,雪糕一般(無綠茶味),In short,吾係話難食,不過食物質素與價錢不符. Waiter服務可用一個字形容-茶餐廳水準...無笑容,生手(唔熟menu),態度一般. 最後埋單時我問係咪有9折,個女waiter話有,簽單時我見價錢照舊,便問當時個男waiter,佢話"哦,唔夠$200無9折wor"..真係oh shit! 感覺被騙了!總結一句,日式裝横,但明顯睇得出廚房和樓面都係廉價勞工.

曾於此餐廳門前經過數次，被其櫥窗的食物模型吸引，所以特意嚐試一次。星期六七時前入座，立刻可以進去。與朋友共享食物，點了一碗拉麵、一客飯、四色炸物和兩客甜品。麵和飯達到水準，與其他食肆差不多;四色炸物有特色，但價錢略貴。最值得欣賞是甜品-抹茶聖代及香蕉刨冰。前者用料很足，而香蕉、軟雪糕及刨冰配搭起來的味道很清新。至於服務方面，我覺得侍應們的反應很快:茶喝剩一半便有人立刻加水;他們又經常留意顧客的檯面是否有用完膳的食具，然後把它們收起，使檯面變得鬆動;上菜和結帳的時間也很迅速。整體服務的確不錯。結帳二百多元，價錢有點貴，但甜品值得再試。

此店出名服務唔好奈何年廿八十二點幾甜蜜蜜門口堆滿人想食甜野都唯有去佢度啦六個好朋友叫左六個聖代一次過上左五個同佢講差一個巧酥聖代姐姐哦左一次就無左聲氣再追就話好幫你睇睇到我地五個差唔多食左一半就竟然走過黎問「你地唔係叫左一個巧酥聖代咋咩? 黎左啦」...幾乎想鬧佢!叫加茶又無人理唉其實麻布甜品真係唔錯(亦只限甜品)我食左既係季節限定既臻子巧酥綠茶軟雪糕+燒蕃薯墊底再自己淋上朱古力漿記住要慢慢淋朱古力漿先趕得切凝固之後就變成一個類似麥當勞脆脆新地筒既雪糕喇當然綠茶雪糕好食加埋朱古力亦好夾仲附上兩隻匙羹方便食有得食有得玩又唔貴(都係貴普通聖代幾蚊者...好富貴咩?)其他朋友仔既巧酥聖代綠茶聖代仲有食極都唔完係冰入面又藏有紅豆既巧酥刨冰全部都唔錯可惜服務實在太差...

今次係第二次黎麻布茶房，其實我唔係好明點解d人成日留言話d service差，因為我兩次去都覺得service好好，好efficient，如果講差，我覺得和X仲差啦...! <br />對上一次係暑假黎，只係黎食甜品，好好味，不過就貴左D。今次黎食左個火鍋，暖笠笠，不過D肥牛少左D，湯底都唔錯，清清地。食完再同D Friends share 左個安倍川年糕，大滿足!

I had dinner at this restaurant when it first start business.I must say that this is the WORST Japanese style restaurant I've been to by far. The food is simply tastless. I can't understand why this place is still in business today...