b.o.t.h Eatery

Open Now

Now Closed

今晚懶得煮飯 又可以有藉口出街食🤣見到呢間新餐廳 裝修都幾chill而且價錢合理 所以決定試下❤️•藍蟹肉BB帶子南瓜意大利飯每啖飯都有濃濃既南瓜味有不少蟹肉🦀同帶子 仲加左翠玉瓜粒口感軟硬適中 豐富又健康💯•香煎白味噌比目魚配烤蔬菜焗薯角份量都幾大 外皮煎得香脆魚肉🐟仲保留到好滑 口感非常好配菜款式都有幾種而且新鮮🫶🏻•美國安格斯肉眼牛扒（10安士）配匈牙利鴨肝嗌左7成熟 出黎效果都唔錯肉質嫩滑 牛味🐮香濃 鵝肝煎得好香 滿滿既油脂感 好邪惡🫣•黃金洋蔥園🧅炸得好香口 完全無油益味我地放左陣先食都keep到脆•士多啤梨🍓奶昔&蘋果🍎紅茶奶昔都幾重奶味 打得夠滑 蘋果紅茶清新順口•巴斯克蛋糕🧀🍰口感香滑 芝士尙算濃郁配上藍莓醬味道更fresh幸福感🆙整體嚟講食物質素幾好 價錢又唔貴 環境幾適合邊食邊傾係一個拍拖/聚會好地方❣️❣️

去屯門aeon 買完野之後搵地方食晚飯，呢間餐廳幾大間又多梳化凳坐，行完街攰攰地坐非常合適！呢度有2人餐、3人餐同4人餐，岩晒吾想諗既人！二人套餐 $690連2個餐湯、餐包、一款主食、一款麵/飯、一款甜品同2杯飲品。餐湯系南瓜湯，連香草麵包。椰香冬蔭公虎蝦雞肉意大利粉一上枱好香椰汁味，冬蔭公味少少辣同酸，椰汁中和左個酸味，所以吾會好酸，幾開胃！虎蝦有4隻，咬落去有啲實，雞肉都幾好多，整體有特色又幾好味！香煎紐西蘭西冷牛扒西冷配煎太陽蛋，好睇又好食！西冷比想像中厚身，7成熟，肉質都ok，配菜都幾多種類。鮮果梳乎厘pancake 梳乎厘pancake 要加$44，有3大件，hold 左一陣都未完全倒塌，幾重雞蛋味，不過pancake就好似有少少焗過火，顏色比較深色，但又未去到燶既程度。宇治抹茶latte抹茶味幾濃，幾好飲。Sunset 呢杯系西柚青檸梳打，幾fresh。餐牌：

Lunch time嚟到屯門市廣場開餐，位於頂層嘅呢間餐廳環境睇落幾闊落。被安排坐梳化位，慢慢嘆lunch叫左一份burger，想食薯條都要另外加錢先有仲加左份餐湯呢個餐湯勁快上，係南瓜湯，但口感好有層次，有少少打爛左嘅蕃薯粒同薑味，飲熱辣辣嘅湯真係舒服。仲有一個餐包，溫度微暖餐飲叫左蘋果茶少甜，味道不錯，唔會好酸。好大份burger呀！唯有蚊走入面幾舊洋蔥圈先可以一啖過咬。漢堡扒牛肉有啲偏生，所以食落淋淋地。 薯條好大份，夠脆夠熱！

屯門市廣場真係美食處處, 來到這間空間闊落嘅西餐廳, 以樹木裝飾充滿園林氣息, 令人倍覺舒服悠閒。8安士加拿大N.Golden西冷扒 五成熟最啱個人口味, 牛扒肉質嫩滑, 加上煎蛋和脆香薯角, 烤蔬菜好新鮮, 秋葵、青瓜和芥蘭香脆鮮甜。加拿大拖肥咖啡帶骨豬鞍扒豬鞍扒好腍滑, 肥瘦適中而沒有臊味, 以拖肥咖啡作醬汁, 既甜香又有新鮮感。燒焗橙香三黃雞配烤蔬菜焗薯角充滿燒焗焦香, 雞肉皮脆肉滑, 半隻份量都好足夠, 配烤蔬菜焗薯角令口感更豐富。自家製意大利辣肉腸菠蘿薄餅薄餅餅底既香口又軟糯, 辣肉腸和菠蘿鹹甜味道好配合, 吃起來好滋味。巴斯克芝士蛋糕配丹麥藍芝士醬蛋糕口感順滑, 質感較鬆, 丹麥藍芝士醬味道較濃烈而有奶香味。凍朱古力咖啡和凍榛子咖啡味道濃厚, 口感順滑。Taro latte 拉花拉得好睇, 幼滑充滿香芋奶香。

附近食到悶悶地，朋友介紹呢間西餐廳，鍾意鋸扒嘅我，見到加拿大拖肥咖啡帶骨豬鞍扒，非常特別，結合咗我鍾意咖啡同鋸扒，估唔到味道出奇咁夾，肉質豐富，都好大塊，配返杯冰紅茶，清新解油膩另一個主食係忌廉汁鮮菇蘆筍豆苗黑松露意大利飯，再配黑松露薯條，黑松露味濃，雖然係素食，口感豐富

因為叫左2個餐，左手邊係佢嘅蜜桃紅茶，味道幾清甜真係好出色，右手邊係普通檸水走甜。佢呢個紅酒燉牛肉燴飯，係非常入味，而且之前我黎呢間餐廳食過幾次，係會令人翻點嘅飯，有少少上癮，牛肉好林唔會太鹹，岩岩好，其他材料有磨菇，三色椒，豆，乾果蕃茄，菠菜，慢煮燉汁，加埋一齊個味會驅使你可以好快清哂成碟，記得配埋佢個蜜桃紅茶，絕配！呢個水煮蛋三文魚牛油果吐司，個麵包底外皮脆硬，內係屬於有咬口嘅軟，連埋有少少黃色果啲類似蛋黃醬，配埋上面啲餸一齊食，個味好襯，一啖過咬哂落去，係件好滿足好爽嘅事。

野食唔評價，因為座位實在污糟到連嗌嘢食嘅心情都冇就走左。我地兩個人，被安排坐係圖中座位。白色平台上有放坐墊，但除左坐墊以外嘅地方周圍都係明顯嘅咖啡色污漬，非常影響食慾。係我同其中一個員工表示呢個位太污糟、想換位之後，佢就咁指左指我地自己換去另一個坐墊，但白色平台上面仍然非常污糟，都係有其他污漬，可見平時從來都冇清潔過。員工態度都唔係特別好，似係覺得我地麻煩，而非想解決餐廳本身嘅問題。

間中會去呢間餐廳食嘢，因為環境舒適，意粉好吃，咖啡也很好。今天星期二下午三點入去，餐廳坐了三至四枱客人（全餐廳應該多過三十張枱）。我－人入去，四眼微胖男店員領我去中間的一人枱，我說想坐後面那張（因為想坐梳化）舒服D，他只回了我－句那是大枱。其實只是四人枱吧，當時全餐廳有多過十張閒置的四人枱，而且是下午三點啊！我乖乖坐返－人枱，吃完都沒－枱新客入過嚟。我坐著坐著，見那店員常躲在bar area 吃東西，又不時坐著。我也是管店舖的，對此等影響公司形象，不懂變通，又不懂服務的人把好好的餐廳拖挎了，實在看不過眼。

本身去過一次覺得唔錯，最近帶屋企人食，第二次感覺真係麻麻。餐廳環境唔錯，坐得都算舒服，但食物一係超油，一係有感貨不對辦果份費士芝士牛排三文治，係見有牛排先叫，黎到係薄薄的肥牛，好油，件硬掘掘的方飽本身有牛油，加埋肥牛的油，仲有一大堆青椒，完全係青椒炒牛肉再夾三文治咁，完全唔掂食咗兩啖已經想放棄，這是當晚最難食的最正常係薯條，但真心食薯條仲有好多選擇。屋企人都係勉強咁食咗啲野，中段大家已經想唔食。之後，應該唔會再去

餐廳氣氛設計獨具特色，藝術感十足，營造出時尚放鬆的環境。Tiramisu Latte融合左濃鬱既咖啡同絲滑既Tiramisu奶泡，帶黎獨特既口感體驗，形成左完美既平衡。每一啖都可以感受到咖啡既苦澀同奶香既甜美交織，彷彿係度品嚐緊經典既Tiramisu蛋糕。Tiramisu 梳乎厘梳乎厘既口感幾輕盈，仲有幾粒爆谷點綴，但我覺得Tiramisu味可以再加強一下。總之，這是一款既經典又創新的甜點，絕對值得一試。德州燒烤芝士牛肉 BurgerBurger完美結合左豐富既肉香同芝士風味。牛肉餅煎到外焦裡嫩，肉汁豐盈，咬落去時口感鮮嫩多汁，令人陶醉。而融化既芝士則令成個Burger增添了絲滑既口感，令每一口都充滿滿足感。法式慢煮五香焗鴨可能係經過慢煮既關係，肉質嫩滑，入口即化，吸收埋調味料既豐富風味，帶黎獨特既香氣同層次感。

星期日同屋企人一齊午飯。都諗唔到食乜，一出停車場就見到呢間新嘅餐廳咁梗係入去試吓啦餐廳裝修舒服燈光充足食物夠熱餐湯好飲不是一般的忌廉湯質感比較稀，但味道確一流餐前包點 雖然唔知叫咩包，但係灝灝好鬆軟餐飲可以揀桃茶，不過味道太淡先生就揀咗美式咖啡。咖啡味好香濃。阿仔就相對重口味揀咗個Cookie奶昔香橙味嘅燒雞 講明係黃油雞 味道濃厚阿仔就揀咗個檸檬鴨 食落完全冇臊味我同媽咪都揀咗意大利飯 食物夠熱，所以香氣特別吸引。不過紅酒會意大利粉，似乎鹹咗啲啲最後重點要讚呢一間餐廳嘅員工非常之有禮貌

見到咁多負評，所以作為屯門人都一直未試。眼見生意都真係幾差，今日去食係星期日1點幾，假日午市時間，其他餐廳都滿座要等位，呢間直頭係一半都坐唔滿心所以食完都好擔心佢捱唔住，打番篇真食評，希望可以繼續喺屯門食到呢間餐廳。由於係100%真實食評，所以我都會由頭到尾打番我嘅感受。門口冇人企喺度，自己行入餐廳，見到個年輕女侍應，就示意我地坐梳化位（見到有篇食評話張梳化唔啱高度，我就覺得幾舒服，又好靚，但唔記得影相）坐低之後個女侍應就唔知去左邊S 又唔拎Menu比我哋，即時諗唔怪之得openrice 咁低分，啲服務咁樣嘅.….之後就有個年輕男侍應經過，我問佢拎menu，佢就即刻拎番比我同我講唔好意思，好有禮貌同埋好好態度。我哋兩個人，嗌左一份費城芝士牛扒三文治，一份法式慢煮五香脆皮焗鴨，另加左一份餐湯（南瓜湯）配餐包，同埋一份黑松露薯條。本身冇打算寫食評所以個湯同三文治都冇影相，個南瓜湯味道幾好，但個餐包真係太細，只有一小口，有啲失望。三文治好足料，味道都好好，食完會好飽。至於個黑松露薯條，非常好食。雖然黑松露味不是好濃，但仲有芝士同埋蛋黃醬調味，而且非常脆，以我咁鍾意食薯條嚟講覺得真係好好食👍🏻

叫左個set加湯同包 黎到個湯唔熱個包又豆豉咁細粒仲要冇蒜味未 都知feel到唔對路 上埋個蕃茄墨汁意粉真係不得了 講都費事 雞翼啲肉又柴 得個fish and chips叫正常啲因為炸野衰極有個譜 唔明去個到啲食野啲人食開乜 建議自己入去試下有幾難食

由呢間餐廳開業已經留意到，但係見到啲負評寫到好差，所以久久都去試，有日終於扚起心肝，試完覺得好可能係俾人針對，睇真啲有啲負評講到幾差幾差，但相都冇張；唔知係咪佢地睇左食評，佢地有主動俾share碟，最令我覺得有人特登攪佢地嘅係，Google map嘅營業時間係晚上11點至12點，就此，我特登開左個OpenRice ac要指證下呢班人，你中傷人係唔會令自己啲野好食啲，有時間就做好自己。我都驚自己話錯人，所以喺繁忙與非繁忙時間都去過共三次先寫食評：卡邦尼意粉前味有豬油香，中段係順滑麵體，後味係洋蔥清甜，平衡到油膩感。意粉麵體微硬，可能因為個人不喜al dente，但個汁順滑配合到，不過講到正宗就絕對唔係，我理解貼近正宗應該係芝士同半熟蛋漿，而佢有忌廉變左全順滑，唔係濃厚芝士感，而且口感層次唔夠多，豬腩可一部份久煎增加口感。（冇影相，正宗卡邦尼影得唻會變一pat野，呢度OpenRice唔係open camera)三黃雞肉質嫩滑，上枱而皮保持到脆身，橙汁酸甜咸配合得宜。焗鴨肉質嫩，富鴨香，食過三次，其中一次醃得咸左少少。雞鴨伴嘅焗蔬菜有好幾款，秋葵、翠玉瓜、法邊豆、蕃茄、小西蘭花（試過有唔同配

今日去咗大會堂做完嘢，屯門市廣場開咗呢間新餐廳就忍唔住去咗試了🥰🥰呢間餐廳價錢嚟講算中間啦，我就叫咗個卡邦尼意粉食，本身想飲咖啡，但係見蘋果紅茶都幾特別，所以就叫咗試吓比我想像中嘅蘋果茶淡味少少加咗錢要個湯同埋餐包，個包嘅size就略嫌細咗少少，不過個湯就好抵讚啦，誠意十足，有好多蘑菇蓉，而且夠晒熱！意粉都冇令到我失望，因為佢哋用咗厚嘅煙豬肉腩，有別於平時出邊食嘅煙肉薄片，而且肥瘦分明意粉加咗個蛋之後就更加滑溜，而且我哋鍾意食佢個汁，甜甜地幾有新意環境嚟講都幾好坐嘅，下次會試食pizza