b.o.t.h Eatery

Open Now

Now Closed

今日去咗大會堂做完嘢，屯門市廣場開咗呢間新餐廳就忍唔住去咗試了🥰🥰呢間餐廳價錢嚟講算中間啦，我就叫咗個卡邦尼意粉食，本身想飲咖啡，但係見蘋果紅茶都幾特別，所以就叫咗試吓比我想像中嘅蘋果茶淡味少少加咗錢要個湯同埋餐包，個包嘅size就略嫌細咗少少，不過個湯就好抵讚啦，誠意十足，有好多蘑菇蓉，而且夠晒熱！意粉都冇令到我失望，因為佢哋用咗厚嘅煙豬肉腩，有別於平時出邊食嘅煙肉薄片，而且肥瘦分明意粉加咗個蛋之後就更加滑溜，而且我哋鍾意食佢個汁，甜甜地幾有新意環境嚟講都幾好坐嘅，下次會試食pizza

一入餐廳，無人帶位。我同女朋友揀左外圍既梳發凳餐位坐。 首先凳既高度唔岩用餐，落單已經係用QR Code,侍應都可以唔醒目咁為客人上碟for share野食用。仲要客人自動問。第一樣上菜係蘑菇湯加麵包。侍應上菜時一隻碟擺兩個麵包加一碗湯，另一碗就碟都無。賣相好差，睇得出餐廳對上菜服務要求好差好低。另外麵包超細，大約只有兩隻手指頭咁大，咁大餐廳一把牛油刀都無，仲自稱西餐廳，笑死人。蘑菇湯唔係傳統忌廉蘑菇湯，雖然蘑菇味十足，但似乎有落麥皮想營造黏稠口感，麥皮味太重反而令湯更難入口。另外主食叫左脆皮鴨同鵝肝西冷扒。鵝肝唔算厚亦無油香味，失敗。西冷扒雖然大塊，但醬汁唔夠亦唔平均，失敗。脆皮鴨肉質係嫰，但都係衰係醬汁唔夠。只能說兩道晚餐主食都係僅僅合格，唔特別好食。侍應的樓面服務亦都有待改善。以我觀察及我個人體驗。客人每食完一道菜，侍應已經急不及待要收走碟，影響客人用餐體驗及氣氛。我同女朋友共點兩道主食，每食完一就菜就問一次，好煩。其實如果唔妨礙下道菜上菜的話，根本唔應該收拾餐枱，影響客人觀感。另外有位粉紅色頭髮女侍應，雖然知道樓面工作辛苦。但我目擊佢面口好差，上菜時亦無好好端上菜碟上枱。唯一可

屯門最近開咗呢間西餐廳，以前都食過佢嘅其他分店，都係食佢地嘅burger。我地叫咗一份牛排三文治，一份burger，跟餐有杯飲品，另外再追加咗黑松露薯條，洋蔥圈，沙律。費城芝士牛排三文治三文治一上到枱啲牛肉多到跌出黎。麵包有用牛油同糖煎香過，中間嘅牛好腍好大塊，中間夾住啲洋蔥同紅綠椒，低層有啲芝士，不過就有啲少，食落都做到少少拉絲。一啖咬晒係好好食，啖啖都食到牛肉。德州燒烤芝士牛肉漢堡呢個Burger入面有漢堡扒、芝士、洋蔥、菜、洋蔥圈同埋德州風味嘅醬汁。漢堡扒都算厚，好多肉汁，牛味都濃。我最鍾意就係佢個醬，有啲甜甜地、燒烤煙薰嘅味道。另外佢有得揀原個上/切半。黑松露薯條 & 黃金洋蔥圈跟餐加咗黑松露薯條同黃金洋蔥圈，兩樣份量都full size。薯條配咗蛋黃醬，洋蔥圈就配咗個千島沙律醬。碟薯條嘅黑松露由面到底都有，我幾欣賞。整體黎講餐廳幾好坐，啲枱夠大，如果約一班人食飯，呢到係唔錯嘅選擇。不過我都只係食過burger啲小食，覺得唔錯，其他main冇試過。

史上最難食既肉眼扒我已經叫五成熟 出到黎塊扒能夠整到好似烚水咁 又霉又爛 完全吾系一間西餐廳有既水準可能美x廚房啲人都仲整得好食過佢小食炸芝士條又凍既 硬過石頭 拉吾到絲卡邦尼意粉一啲都吾creamy 湯意一兜我諗唯一一樣最掂既就系枱面杯水好難得好難得佢可以難食到我上黎寫食評史上最難食既肉眼扒我已經叫五成熟 出到黎塊扒能夠整到好似烚水咁 又霉又爛 完全吾系一間西餐廳有既水準可能美x廚房啲人都仲整得好食過佢小食炸芝士條又凍既 硬過石頭 拉吾到絲卡邦尼意粉一啲都吾creamy 湯意一兜我諗唯一一樣最掂既就系枱面杯水好難得好難得佢可以難食到我上黎寫食評

帶位時將我地兩個人安排去最逼嘅二人枱，明明周圍都係空位(非繁忙時段)，緊接着有兩至三pair二人食客入場反而安排去四人枱，大家都冇book枱點解早黎反而要坐得咁逼？帶位入座係令客人對餐廳嘅第一印象，明顯餐廳對員工的training不足。另外，食物質素有待改善，我哋叫咗一個卡邦尼意粉同埋艾斯阿格芝士牛肉漢堡。意粉味道尚可，但個汁唔夠creamy；而最期待嘅漢堡包都令我有點失望，牛肉漢堡完全冇肉味，又無sauce，令成個包完全冇靈魂。我敢講 MOS Burger同麥當勞嘅包真係更好味😓😓冇諗過呢間餐廳有四間分店，但食物同服務質素欠奉，真係冇下次了。

屯門市廣場新店是 b.o.t.h. EATERY 第3間分店，源自以高質漢堡聞名於天后的本土餐廳Texas Burger，b.o.t.h 的意思為 Backyard of the House，裝潢以自然元素為概念，綠色植物、自然風格照明和材料，營造出寧靜、舒適，如置身後院般的悠閒氛圍。帶寶寶外出最想找到餐牌選擇豐富又座位舒適的，b.o.t.h. EATERY 大部分均為沙發或靠牆卡位，加上美食選擇多元化，又多了一個帶寶寶聚餐的好選擇！餐牌選擇都豐富，大部分係Sharing Food，4-5人用餐較理想。午市精選主食可加配餐湯及麵包升級成套餐蜜桃紅茶入面有火龍果肉，味道不錯，上面兩片蜜桃仲有浸過酒有少少酒味。佢話餐廳所有薄餅是落單後才即製餅底及焗起，所以都等咗一些時間。但焗得幾香幾脆，邊邊夠脆中間又唔會太濕，算是不錯。有少少炸蒜喺底，都炸得幾香脆即炸起，醃得都幾入味，所以都幾辣，配菜好新鮮所以加分。我仲叫咗燒焗橙香三黃雞配烤蔬菜焗薯角(半隻)，價錢係$138，不過最遲出所以無影到相。配菜都幾豐富，不過味道唔算相當突出。

第二次食，平日晚上不用等位，食物上菜速度快，質素合格，賣相吸引，但味道普通，沒有驚喜，員工有禮，環境清靜乾淨，餐飲要左凍蜜桃茶，桃味香不太甜，甜品巴斯克芝士蛋糕令人失望。

適逢10周年+屯門新店開業‼️ b.o.t.h. EATERY推出限定 3 重優惠， 包括 10 周年限定拉花咖啡驚喜、$10 優惠價餐點及指定甜品買一送一優惠🎉❤️🔽$10驚喜優惠🔽📅5 月 10 日👉🏻意大利辣肉腸菠蘿薄餅🍕📅5 月 13 日至 17 日(5 月 15 日佛誕除外) 👉🏻卡爾谷煙燻車打芝士牛肉漢堡🍔📅5 月 20 日至 24 日👉🏻炸希臘芝士田園沙律 或雀眼椒香辣雞翼🐣📅5 月 27 日至 31 日👉🏻羅馬凱撒沙律 配糖心蛋 🥗或 香脆拉絲芝士條🧀🔽買一送一甜品優惠🔽ᴍᴏɴ👉🏻蛋酒吉士布丁🍮ᴛᴜᴇ👉🏻熔岩提拉米蘇梳乎厘班戟🥞ᴡᴇᴅ👉🏻朱古力布朗尼配雪糕球🍨ᴛʜᴜ👉🏻蘋果肉桂卷🍽️ꜰʀɪ👉🏻巴斯克芝士蛋糕配丹麥藍芝士醬🍰ꜱᴀᴛ👉🏻蘋果肉桂卷🍽️ꜱᴜɴ👉🏻墨西哥油條🥨**佛誕及母親節除外‼️新店開幕更特別新推多款分享菜式🥰❤️大推外脆內嫩的秘製「法式慢煮五香脆皮焗鴨 配烤蔬菜焗薯角、香草青柑橘燒汁」‼️‼️真！外脆內軟嘅口感，加上用柑桔燒汁，隔離仲配咗粒小柑桔，完全唔會油膩👏🏻👏🏻又多汁🤤🤤另一款大推係蛋酒吉士布丁🍮但就可以自己唧上去，布丁重蛋香，外形又靚😍打卡able📸📸呢度環境舒適

星期日午飯時間，見冇人排隊，即管試試新店。店內簡約裝修，感覺不錯😀自助點餐，非常方便👍🏼店內音樂非常大聲，坐一陣就版嘈音轟到頭痛，還好向服務員提出後，音量明顯調細了。點了兩個餐，份量、汁都比較少！薯菜好差！不知道重炸咗幾次，硬到咬唔入，好失望😔三文魚扒還不錯，厚身，煎得剛好，唔會太乾太硬👍🏼牛扒好多筋，食到一口渣，唔多掂！蘋果紅茶、蜜桃紅茶：味道偏淡最值得讚嘅係服務員態度非常好👍🏼

一直都會久不久就光顧B.O.T.H. ，皆因屬有質素保證之選餐廳。是日與友人第二次到新開業的屯門分店，上次的體驗是，食物質素中上，但服務有很大進步空間，店員上菜時，是不會說話的，而且，沒禮貌地表示要求客人幫忙上菜。是次再到訪，就是相信營運會有所改善，二人共點了兩個午餐及一個小食。#燒焗橙香三黃雞配烤蔬菜焗薯角 + 青檸梳打 $154#德州烤芝士牛肉堡 + 蜜桃紅茶 另加配 #黑松露薯條 $126燒焗橙香三黃雞配烤蔬菜焗薯角：雞肉有肉汁，不會有乾的問題，而且味道調配符剛好，不過過鹹，是可以再吃之選。另加配的黑松露薯條小食份量都不少，是幼身的薯條，香脆微微黑松露味。而等待了35分鐘，吹促了2次單後，德州烤芝士牛肉堡終於上菜，只能相信廚房是漏了單吧。漢堡是這定店的招牌菜，但這次的漢堡包身是凍的，而漢堡扒都不是熱的，有點吃不出溫度，真的不知原因及大失所望，是放涼了嗎?真心希望這家分店營運上可以盡快提升，包括最基本的服務。

個人覺得呢間鋪頭麻麻地，價錢偏貴。服務人員態度唔太友善，等左成個鍾先上到菜，其間去問職員點解咁勁。 職員態度勁唔友善，只係講「整野食都要時間架，唔係一叫就變到出黎，要等係好正常」！唔會再去幫襯！至於食物質素方面，我覺得係一般般，唔會好好食，又未至於去到垃圾級別。份量方面都算係多既，2個人叫左1個pizza 1個意粉 2份小食 1個甜品 都算食得係飽的。鋪頭裝修環境都係可以的，環境唔太差。最主要係職員態度差，等食物時間勁耐！ 唔會再幫襯，價錢仲唔係平果種！

屯門市中心西餐選擇不多，其中一些西餐連鎖，價格中挺，但不知為何味道比商業區的分店明顯差，lunch人頭200食hea野。抱住試下心態，試呢間新開的，見平平地唔抱希望，點知有驚喜。今個月已經食過幾次，平均lunch人頭120, 水準比上述hea野優勢許多。唯獨咖啡味淡，叫普通茶飲好啦。最愛是burger, 首先係又香又軟果種old school burger包，肉厚又夠肉味，佢有隻款係德式肉醬，唔係好多餐廳會有，味道有似墨西哥肉醬，好惹味。薯條就普通，叫過一次就冇再叫。其他意粉，意大利飯，小食等都好味，水準隱定。

行街見到呢間餐廳新開試業🎊，今次就約埋成班朋友一齊食飯順便慶祝生日🥂🥂餐廳面積頗大和空曠，所以座位坐得舒適，一班朋友傾計聲浪大少少都唔驚🙈🌾先黎餐湯🥣配蒜蓉多士🥖叫左幾款脆口小食share 食（雞翼🍗、黑松露薯條🍟、芝士條🧀、羅馬菜沙律🥗）～⭐慢煮豬仔骨 >> 啖啖肉，有煙燻的味道，夠哂味⭐冬陰功意粉 >> 有幾隻已剝殼大蝦，椰香味重，微微辣辣⭐卡邦尼意粉 >> 腩肉條鹹鹹香香，加上什菌條，好有咬感⭐大板燒風味pizza >> 有原隻八爪魚🐙、粟米、海量既木魚配埋燒汁，好有大板燒風味⭐燉牛面肉risotto >> 好多配料，燉飯不會過濕，保持口感⭐肉眼扒>> 肉味重，如果再加多少少鹽或配醬汁食會更好（先吃為快...無影相）餐廳環境裝潢簡單整潔，座位坐得好舒服，整體食物質素唔錯，上菜速度都幾快。成餐飯大家都食得好開心，好豐富🍻🍻切餅費$80，店員仲好細心係個蛋糕隔離幫手加左粒士多啤梨同蠟燭🍓+以上係試業菜單++期待正式營業後有更多的新菜式+++繼續支持本地用心經營的餐廳！

行過路過見到有新店，剛好老公想食漢堡包，見試業中帶住2個小朋友價錢不算高又坐得舒服就走入去試下，其實都幾好食，與同場成日排隊嘅「B店」相似，份量唔算細，都食到好飽，質素尚算有誠意，希望試業後繼續保持，依家屯門每逢假日都好靜，都希望可以有好嘅餐廳繼續係香港，所以支持下唔知店舖試業後價錢如何，希望唔好太貴啦，呢個價錢對我黎講剛剛好，其實跟餐重有一個餐湯無影到相，埋單390左右，個甜品我覺得好食，大家可以試下