巴巴串

Open Now

Now Closed

兩小時自轉串燒放題自轉?! 唔係我個人自轉喎~ 係個燒會幫串燒360度等佢平均受熱 唔會燶左一邊但第2邊未熟除左串燒仲有網燒!! 岩哂好肚餓既我🔸C餐美國SRF和牛+西班牙伊比利牙黑毛豬120mins星期日至四正價$298又或者可以揀無限時任坐2位或以上送日本宮崎A5和牛一份油花比例好靚仔 入口即化🔸基本上豬牛雞應有盡有雞翼, 牛柳, 叉燒呢D都有啦仲有多款海鮮任食鮮甜扇貝、生蠔、青口、大蝦、海蜆等好多人食🔸仲有好多日式小食, 炸物, 又或者湯都有得俾你拎生果就有西瓜, 哈密瓜/ 密瓜等等咁熱既天氣岩哂食西瓜 都真係好甜下🍉📍巴巴串📍觀塘開源道62號駱駝漆大廈第一座5樓C室

上星期終於去咗懶人必試嘅自動串燒放題🤣呢間巴巴串位於觀塘駱駝七大廈，地點非常方便🥳我哋嗌咗C餐美國SRF和牛西班牙伊比利牙黑毛豬120鐘放題，星期日至四正價$298，兩位或以上仲會送日本宮崎A5和牛一份🙌🏻除咗自助串燒之外，仲有即叫即燒系列，係等嘅過程都可以食吓嘢 😉 推介羊肉串、美國香草牛仔牛仔骨、滷水大腸及炒韭菜出邊仲有炸物任攞，例如炸蝦🍤章魚小丸子🐙蝦片、爆谷🍿甜品水果🍉、飲品任飲任食！

這家想來很久了，早幾年前看到的時候已經想來，烤肉我又真的很喜歡，不過沒朋友要來就沒吃到。這次有朋友說起，又挑起我的興致😆。這家的的烤爐太吸引我了，一半普通烤肉，一半自動旋轉串燒。還沒吃已經好有樂趣。餐廳門口又有一枱夾公仔機，店裏氛圍好輕鬆，如果人數比較多，好像可以預訂他們的party room。燒肉放題分了A/B/C餐，選了最豐富的C餐，美國SRF和牛以及西班牙伊比利亞黑毛豬放題。選好套餐，餐廳會先送上一盤可以任點任食的和牛和西班牙伊比利亞黑毛豬拼盤，大家可以試吃過後，再跟喜好去點，因為任點任吃這些肉是真的很值。除了這些C餐獨享的，還有自助區的食物也是超豐富的，有分了好幾區，熟食／生料／凍海鮮／炸物／中式料理及湯品區／飲品櫃／甜品櫃，包羅萬有。食物不錯🥩，味道也可以😋，最重要是有玩有吃，我們這晚只有兩個人，真的吃不了太多款式🥲，不過也算用餐悅快🥰。下次一定多約幾個朋友過來，到時候一定可以吃更多的種類。有改善的地方，都明白舊式工廠大廈設施比較舊，通風系統比較不足，不過餐廳都加裝了好多流動的設備。

觀駱駝漆有間樓上燒烤串燒放題🤩放工可以約埋班fd一齊食，有特別方法減少成身燒烤味，自動串燒機衛生又方便🫣仲有不同套餐選擇，最豐富既C餐仲有安格斯和牛任食呀！.美國安格斯牛放題都係$2xx咋‼️拼盤有兩隻鮮甜扇貝、皇室無激素豬腩肉、安格斯牛板腱、牛仔骨、牛粒、封門柳、味醂魚乾，加送左一碟和牛片！安格斯牛肉果然牛味濃，可以出去拎自助串燒雪櫃，飲品任飲，又有酒類，甜品櫃有小蛋糕、雪糕雪條都都任食🤩食物質素都可以，肉類味濃，肉質鮮嫩，仲有幾款前菜、炸物、蔬菜等選擇，一次過滿足不同口客人既喜好。工作人員服務態度都友好熱情，細心講解個爐點運作同介紹拼盤物中既烤法等。

差到冇得再差嘅串燒，勁難食，啲牛肉冇肉味，可能係唔靚或雪得耐，但嗰碌粟米，用勁多蜜糖加牛油燒，竟然燒出嚟係完全冇味，勁希嘅蜜糖溝咗水，唔怪之得，甜味都冇。my god🤦🏻‍♀️限時兩小時，個爐燒完啲食物放上碟，只係稍為熱，有啲似煨熟啲食物咁，甚至燒燶都唔係辣咀嗰啲熱，唔掂。酸梅湯都唔知係乜嘢水，冇甜冇酸味。個爐仲激死，你以為可以放多串串燒，實質係放唔到，因為啲串燒轉緊係會互相迫住，轉唔到，最大只可去到80度火，仲要限時2小時。我真係諗唔到所謂高質係起邊部份，絕對唔會再去，超伏。

今日喺觀塘收工，約咗朋友喺駱駝漆度食嘢，朋友好推薦呢一間串燒放題，好欣賞佢哋有自轉嘅功能，可以坐低專心同朋友傾偈，又唔使自己無時無刻留意住佢燒，加上有好多唔同嘅選擇！呢度嘅服務好好，燒到中途，串燒轉唔到，佢地都好努力幫我地手，最後整番個轉到嘅爐，仲會教埋我地點燒啲肉類，好好服務！👍🏻我地今次B餐（120分鐘美國安格斯牛放題），同朋友係C餐（美國SRF和牛西班牙伊比利亞黑毛豬放題）兩個選擇中諗左好耐！😂B餐包左安格斯牛板腱安格斯牛仔骨、安格斯牛粒、安格斯封門柳、豬腩肉、雞泡魚乾、鮮甜扇具，仲有每台都送和牛，估唔到呢個價錢嘅和牛都好高質，而肉都好新鮮，加啲鹽去燒就好夠味！串燒方面：選擇好多，有雞翼、棉花糖、魚蛋、菠蘿等等，好似啲魚蛋佢哋都好貼心咁一開二等佢可以燒得平均啲！👍🏻叉燒👍🏻墨魚咀👍🏻蒜蓉雞中翼👍🏻麻吉燒👍🏻台灣腸👍🏻棉花糖其他食物方面，出面仲有兩個部份攞熟食，佢哋嘅熟食都好豐富，有飯、排骨、中式湯、燒賣等等，選擇好多款式！而甜品都仲有雪糕同埋啫喱，蛋糕等等，非常豐富👍🏻👍🏻

睇完戲，剛好到晚飯時候，我倆去到觀塘駱駝漆大廈尋找美食。 喜愛任飲任食的我們，選擇了「巴巴串」。餐廳環境寬敞，抽風系統尚可，食完沒有太大油煙味。 餐廳提供自助放題，分別有三款放題可選擇：A. 自動串燒放題、 B. 美國安格斯牛放題、C. 美國SRF和牛西班牙伊比利亞黑毛豬放題。我倆乜都想試，就選擇了C. 美國SRF和牛西班牙伊比利亞黑毛豬放題。餐廳串燒種類多達數十款，還可配搭秘製醬汁，令食物味道更加豐富。餐廳採用無火電爐，可選擇網燒或串燒，烹調出不同的食物。還發現，這裡燒串燒時，串燒懂得自轉，不用擔心阻礙和朋友閒聊，設計很適合懶人一族！ 在等待期間，可選擇即叫即煮、即叫即燒、即叫即炸的食物。而且餐廳還有自助區域，無論前菜、熱食、飲品、甜品…等，可以客人自由選取，令客人分分秒秒都可以食不停口!

下班後走到工廈瘋狂任食兩小時自轉串燒放題環境寬敞舒適，採用無火電爐，可串燒及網燒裝修別緻，打卡位置多，更有夾公仔機迎賓自助區域提供凍蝦、中湯、炸物、馬卡龍等冷熱食品及甜點C餐美國SRF和牛西班牙伊比利牙黑毛豬一百二十分鐘放題星期日至四正價$298 2位或以上送日本宮崎A5和牛一份，完美油花比例多款海鮮任食：鮮甜扇貝、生蠔、海蝦、大蜆等回本之選自動化燒烤爐左右移動自動翻轉，串燒能夠均勻受熱即叫即燒有鹽燒海蝦、燒香草美國牛仔骨、大漠羊肉串等

#20240810 🤍📍 巴巴串 @ba_ba_cue 觀塘開源道62號駱駝漆大廈第一座5樓C室➖➖➖➖➖➖➖➖➖➖➖➖➖➖➖➖➖#午市任食5小時 $179/位💭 係openrice @openrice_hk book枱有discount，有成個下晝無地方去，見到有間可以任食5個鐘於是去試下，一去到姨姨已經不停sell加錢可以任食埋其他牛，openrice明明寫食到5點，姨姨又話因為要準備晚市，最遲4:45就要走，咁樣一開始感覺就唔太好😅. 🥢 #前菜 #熟食 💭 午市無得剔剔紙，全部都係出面拎，種類無menu寫得咁吸引，而且refill得唔算快，幾次出去都見到有吉碟，拎左中華沙律食落唔太新鮮咁，老火湯就正常師傅湯，唯一有覆桌係個辣魚蛋同蘿蔔，魚蛋幾爽口彈牙，蘿蔔淋得尼帶少少清甜，唔錯😌. 🥢 #串燒💭 食過懶人串燒都知其實個爐係唔會夠位格格都燒到一串，而且轉得咁慢真係餓死都未食到，呢度好在佢一半爐可以放個網燒，咁有得玩又滿足到個肚幾好👏🏼基本上豬牛雞應有盡有，質素唔好expect太高但可以接受既，仲有蜆同青口，發現呢個自轉爐既好處係燒多春魚好正，又唔會痴網又唔會重得濟轉唔到👍🏼. 🥢

自助串串燒，揀咗美國安格斯牛放題，有肉味濃郁嘅安格斯牛板腱、安格斯牛仔骨、安格斯牛粒、安格斯封門柳、皇室無激素豬腩肉、鮮甜雞泡魚乾、扇貝。現場仲有好多自助串燒、脆卜卜炸物、凍食、熱食、飲品、甜品等可以任叫任拎。凍食特別推介，凍🦐大大隻，夠甜夠彈牙。炸物蝦片，脆卜卜，炸魚餅同炸墨魚卷都好彈牙。蒜蓉燒蠔得好夠新鮮，上面鋪左好多蒜蓉，同蠔味好夾。燒牛仔骨、牛味濃郁，有彈性。滷水豬大腸，洗得好乾淨，冇肥膏。燒蝦，外面卜卜脆，裏面肉質鮮甜。甜品食咗鮮甜多汁嘅哈密瓜，食咗好多件，同埋雪糕球，試咗綠茶味，同埋榴槤味，兩個味道都好濃郁。

聽講觀塘區多左好多新餐廳，平日難得同男朋友一齊收早，就去觀塘揾好野食今次試下駱駝漆大廈li間，叫”巴巴串”，喺openrice 見到個名咁特別，睇人介紹話有部機可以令d串燒自己轉、自己燒，好似幾好玩咁上到去，3個餐可以揀，A餐：自轉串燒放題；B餐：安格斯牛放題；C餐：和牛同黑毛豬放題，我就揀左個B餐試下之後就黎左盤set嘅肉，出面嘅野食可以自己拎，仲有張熟食嘅紙仔可以自己order出去行左個圈，除左可以拎調味料同飲品，仲順便望下有咩啱食，有椰汁紅豆冰可以自己裝，有青紅蘿蔔湯，仲有d熟食，當然仲好多唔同款嘅串燒又有沙律、甜品、生果仲有好多款雪糕、雪條，仲有唧唧冰添🤤食物嘅選擇好多元化

早兩日為左越南之旅去左觀塘做最後準備，不過都係買唔到靚背心😞唯有搵好野食醫下肚啦黎到呢間係 #駱駝漆大廈第一座 既 #巴巴串，我地揀左套餐C，即係有#美國SRF和牛、#和牛粒、#雞泡魚乾、#鮮甜扇貝 等等除左有指定食材之外，出面自助區仲有 #菠蘿、#多春魚、#翠肉瓜、#棉花糖、#芝心丸、#雞翼、#豬腩肉、#大蜆、#墨魚丸等等，另外，自助吧亦有#蜜糖、#蒜蓉、#牛油、#茄汁 ，可以自由配搭自己想食既口味，小編覺得有棉花糖燒真係好正，燒到半溶加外皮脆脆地，入口熱辣辣，唔小心食左好多串🤤🤤食完串燒，唔好唔記得甜品，除左有好多種類#雪糕雪條，仲有#啫喱 同#芒果布甸 可以選擇，埋單加埋一都係$330有找，食足120分鐘，其實已經好夠👍🏻👍🏻食食下聽到好似話30人就可以#包場，如果一大班fd搵唔到地方，黎呢度都唔錯

去左觀塘試呢間串串放題，每次食親放題都要餓翻幾餐黎食🤣C9心態認真講呢度都幾多野食，開頭以為要自己燒，原來個爐會自轉，懶人等食系列！！！！佢啲和牛都幾正，整體食物質素都ok，選擇都好多，又係小朋友才選擇，大人全都要🤣而且佢既雞翼都好正，燒完都好嫩口，好juice。夏天30幾度，想去bbq，不如去室內涼住冷氣咁b啦。最特別既係仲有海鮮、炸物、小食前菜，滿足眼闊肚窄既朋友。建議大家早啲book位，夜晚都幾full

我今日放工後，約同好友去位於觀塘開源道62號駱駝漆大廈第一座5樓 C室的巴巴串食自助串燒，環境舒適，坐得舒服。餐廳有 120分鐘放題，可以選擇A套餐：自選串燒放題；B套餐：自選串燒放題＋安格斯牛；C套餐：自選串燒放題＋安格斯牛＋美國 SRF和牛＆西班牙伊比利亞黑毛豬。我和好友點左個 C套餐，店員開爐，好讓我們開始燒烤，食物種類繁多，我們食左串燒：蝦、多春魚、和牛牛柳粒... 等等網燒：安格斯封門柳、安格斯牛板腱、皇室無激素豬腩片、安格斯牛仔骨、紐西蘭羊架、味醂魚乾、魷魚乾..等等熟食：韮菜、菜心、腐乳通菜... 等飲品：五花茶、酸梅湯甜品：沙律、紅豆雪條、榴槤雪糕整體黎講係有質素的，材料新鮮和豐富，店員態度良好，收碟快速，慢慢燒和傾計時間充足。

早幾年好hit的懶人串串，好耐無試過，觀塘呢間cp值都幾高，食物款式都幾多選擇，熟食、海鮮、飲品、甜品都好多款式，另外，可以選擇全程懶人串串等佢自動轉自動燒，亦可以直接放食物在網面上燒！主要分左3個set，當中set C 最抵食，價錢唔貴好多，就有美國安格斯牛肉任食、仲有羊架、日本松葉凍蟹等～另外，仲送日本宮崎A5和牛，肉嫩juicy油花剛剛好～海鮮方面，扇貝size大大隻，自助區中的蜆，都幾新鮮，燒完味道都幾清甜，大大粒幾飽滿，仲有即燒生蠔，即叫即燒，熱辣辣！！