小男孩 (Moved) New Location

我覺得Baby Blue 既環境係全美孚最靚,d野食又幾好味,一得閒我都會去個度食野,我最鐘意食個度d肉醬意粉....正

美孚有間咁0既餐廳都ok.我同個朋友去食$38下午茶...價錢可以...環境都算ok.....但係我最唔欣賞杯coffee..唔夠熱.....(我想飲鴛鴦又冇).不過好有聖誕節feel.... 又有張搖搖椅...幾cute...

19/9下午三點來到,叫了一個藍貝&三個tea set藍貝(細)$98-要了白酒煮,lee到價錢唔知點解平過銅鑼灣果間,但藍貝份量也少好多,d藍貝細又細隻好多,味道都差好多,同銅鑼灣果間比真係無得比.三個tea set$38迷你香腸pizza-都係好細個,得幾片薄薄的意大利腸係面,又無其他料,味道都ok,不過就覺得唔係好抵.芝麻雞翼-有4隻,最好味都係lee個,真係唔錯,但配果d沙律就唔得,小熊食左一啖話唔新鮮,唔好食.tiramisu-賣相都可以,但一食落口,真係唔掂,真係以為自己食緊聖安娜西餅餐飲要了2杯咖啡&凍檸水(本來想叫凍朱古力,但個女侍應話要加$10,嘩好貴勁唔抵,緊係唔要啦),我飲咖啡,唔得好淡無咖啡味.lee到d服務簡直無得同銅鑼灣果間比,由其是落單個果女侍應(比較靚d果個)完全唔掂,態度真係好差.野食同服務都唔掂,你叫我點幫襯你呀,所以美孚lee間無下次,埋單$235

我都同意係美孚黎講,呢間都算唔錯,因為同區都無呢類餐廳,不過佢既位置實在係幾「隔涉」,上次我同一個住係美孚既朋友黎食dinner,佢話如果唔係我帶佢黎,佢都唔知有間咁既野,我諗佢應該做多d宣傳。食物方面,我覺得選擇唔夠多,例如個日我地除左pasta之外,仲想食三文治,但係menu既三文治只有一種,就係公司三文治,至於其他三文治,就要下午茶先至有。食物味道係ok既!

在美孚想搵個靜靜地坐得舒服的地方食下西餐, 傾下計, 呢度會是個不錯的選擇. 食物同銅鑼灣店差不多. 比教喜歡白酒煮藍具(但幾細隻), 白汁鮮蝦扁麵, 下午茶就覺得芝麻雞翼幾好食.都同意佢上菜唔快, 不過我趕時間就冇去, 所以可以接受. 可惜美孚廣場人流太少, 每次去baby blue都唔多人, 早佢之前同一個位置已有好幾間食肆結業, 唔知佢做唔做得住?

晚飯時間唔算太多人，感覺好舒服，最o岩同朋友食下野&靜靜地傾下計，食物既outlook同味道都比預期中好，美中不足既就係上菜比較慢，好彩我唔趕時間就無乜所謂，如果趕既話就扣哂分喇！

新開的美孚Baby Blue,雖然環境不及銅鑼灣舒適,但其食物及招待均保持水準.其中一叫"hello"的經理服務態度尤其值得一讚.而最有特色的是餐廳有一露天area,甚有情調.如可增加多些食物款式供選擇就更好.

十二點八去到一點四先食倒超亂唔係第一次,不知所胃