一口沙嗲專門店

Open Now

Now Closed

雖然疫情已經沒太厲害，但是，家中有老有嫩，還是盡量避免出街食野，能夠煮得就煮。但係要諗食嘜野，都係一個家庭主婦每日都面對嘅挑戰。朋友介紹我西環有間賣串燒的，而且仲有串燒爐買。遇上做推廣，仲有爐提供添，認真抵。串燒有多款，雞，牛，豬，羊有齊。而且肉味道，淹得啱啱好。比7××或xx超市買到的，坦白說，質素真係好好多。同你泰國餐廳叫的串燒，質素差不多。所以，呢個價錢來說，真係便宜。🥰🥰🥰爐具輕巧，用完可以清洗乾淨重用。也可以用來煎吓蛋，煎吓午餐肉。。。早餐趕時間，又多件簡單爐具幫手，快手整好早餐。真係very good.👍👍👍我相信我會再幫襯呢間鋪頭，雖然西環對我嚟講唔近屋企，遠左少少，不過真係抵食，所以，過嚟對面海，會順便買d放入雪櫃存貨，鐘意幾時食都得啦。

最近足不出戶，早前和朋友看到一個串燒套餐，可以已醃好的串燒在家玩弄一番。這個串燒入面你可以揀雞牛羊，他另外有兩個醬料是配上的，喜歡食辣的可以點辣醬，另外一個是花生醬來的。很方便的你只需要拖板放在餐桌上面，插上電源後，燒烤板也很快熱的。他有兩個小pan可以放上醬汁，可以先預熱一下。之後把串燒從包裝袋拎出嚟，放在鐵架上，三分鐘轉一轉，咁就食得啦！超方便，又好玩，可以當煮飯仔又得。外賣串燒真好，又不用自己買材料，同埋已經串好一串串，一放上爐就可以燒，居家party最好。串燒杯啤酒汽水簡直一絕。特別係而家冇咗晚市堂食，留在家中，食串燒最好。剩下來的串燒，第二朝用嚟炒四季豆，調味料也不用多放，又是一餐好餸。

串燒買10 包會送個串燒壚比你👍一包大概有12 串，大概8-9 個既人party可以叫10 包仲免運費， 不過就算小人我都會叫10包！因為可以擺下！之前有party再食！每包大概$70-80 ， 大約$6 串，都幾抵食！串燒食法可以有好多種，見到有人用烤壚、電壚、微波爐等等！我建議解凍後直接放上串燒機，大概都擺到6-8 條，等佢燒到咁上下，再轉動！串燒入面既肉好驚喜！非常滑溜，完全無雪味！大家一定要點醬食，花生醬非常濃郁，將肉嘅香味帶出嚟！令人又驚又喜😁串燒醃嘅味唔會好濃，亦唔會好鹹！而且真空包裝好干淨，零防腐劑色素及味精，所以真係好難得！仲要咁好味！串燒肉味好香濃，肉吾會好干身，反而好juicy ,配埋啤酒就岩岩好😊一大班朋友一齊gathering 會再叫！

一口沙嗲係地鐵站一出，大概行5分鐘左右就會到非常之方便！如果疫情過後，一班朋友聚會唔想嗌到會可以叫呢個一口沙嗲！沙嗲會包埋一個烤爐兩盒醬分別係花生醬同香辣醬。肉有雞肉豬肉牛肉同羊肉，都用咗醃料！個人來講最鍾意食羊肉，因為平時好少機會食到，呢個醃得啱啱好有少少蘇又唔會好蘇串燒仲要冇防腐劑、色素同味精！俾小朋友食都好安心！串燒機可以較大細火，下邊有兩個盤俾你放醬，用餘溫整熱埋！但係小心唔好放太多長，因為會唔小心噴出嚟。串燒每條都細細串，肉質好嫩滑，我哋將肉加埋泡菜同生菜食，都非常之野味！有啲就放串燒機上面燒！燒耐左會有少少焦香，仍然都好好食！個人冇諗過串燒擺咗咁耐都仲可以咁香甜嫩滑，而且又唔使自己整，呢個價錢簡直係超值

Food not yet cooked, can’t eat half of the portion, and also it’s not hot at all when I get the food.one year before my friend bought to us is ok, but it’s frozen one, so we just cooked by ourselves by that time, this time I m lazy n just order take away, which is totally wrong decision.

前排有同事推介我試哩間串燒，聽講係一間歷史悠久嘅馬來串燒專門店，聲稱冇味精冇防腐劑，只做外賣同批發、冇堂食，不過訂購十盒仲會免費送貨同赠送迷你電燒烤爐一個Tim（好吸引）！我選擇咗自取，攞到返屋企就即興，三個人食4包有4個唔同種類（每包有12串），預先放定出嚟解凍👇牛肉串：夠味、夠淋、豬肉串：我鐘意佢冇乜肥膏、食落唔會成口油雞肉串：雞肉嫩滑、唔嚡口羊肉串：鐘意佢冇蘇味附送兩盒沙嗲醬👇原味花生醬：十分幼滑、但比較甜，食落似搽面包嘅花生醬香辣花生醬：有粒粒蝦米碎同辣椒碎、十分香濃、但一D都唔辣首先要預熱燒烤爐幾分鐘上面可放6-8串串燒，兩款花生醬放下面兩個迷你煎pan每面大約燒6、7分鐘就食得，快靚其實所有肉都醃到入哂味唔使點醬汁都已經好好味我訂哩個串燒重點就係哩個迷你燒烤爐，真係好得意好好玩又容易清理

疫情關係 一班朋友都慣左係屋企開party始終都舒服同安全過係出面次次開party都要搵下新野食今次搵到一口沙嗲呢個串燒專門店正宗星馬風味沙嗲串燒再配有原味和辣味花生醬去到西環取貨 地點有點隱蔽搵左一陣要打電話去問問先搵到原來係樓梯轉角好欣賞佢地既packing好細緻有保溫袋穩穩包住四大包串燒番到屋企即刻黎試試這家傳正宗沙嗲風味祖傳祕方來自馬來西亞柔佛州既串燒我地order左豬雞牛羊四款佢仲好貼心跟埋個專用電燒烤爐首先我地食左羊先有幾位朋友好擔心羊會有羊羶味個專用電烤爐又幾好煮得好快 大慨5-8分鐘就搞掂個羊串醃得好好味燒完出黎一D都唔羶 好快清哂我地就即刻燒埋個豬串 一包12串豬我地就燒耐小小但出黎一D都唔會鞋口 肉汁鮮美雞同牛串都好快燒埋大家一瞬間就清晒 食到舔舔脷

📋豬肉串燒🐷豬肉口感軟淋，燒完之後仍然保持肉汁🤫係咁多款裏面最好食嘅📋雞肉串燒🐔雞肉亦都非常嫩滑，調味相對比較重，適合重口味人士🤭📋牛肉串燒🐂牛肉呢一款要比較留意煮嘅時間，第一次燒嘅時候比較乾，之後再調校一下時間就唔錯🥰📋羊肉串燒🐑羊肉嘅話就肉味比較濃，重口味人士必食🙆🏻‍♀️同時餐廳亦都包埋兩款沙嗲醬，香辣嗰款唔食得辣嘅人都一定食到😆個人就比較鍾意原味果一款，裏面仲有唔少花生粒，增添口感❤️

今次同朋友gathering但係諗咗好耐都係唔知出街去邊度食好🤔咁啱俾我哋見到呢間沙嗲串燒專門店可以外賣返屋企燒，所以就即刻訂咗4包沙嗲豬($75)、牛($80)、羊($85)、雞($70)串燒(各盒有12串)🐖🐂🐑🐓加一盒原味花生醬($40/200g)同一盒辣味花生醬($40/200g) try try🥜另外舖頭仲好貼心有賣專用嘅電燒烤爐俾客人enjoy到自己落手落腳整嘅樂趣👍🏻咁食嘅時候就可以更加有風味😋呢間嘅沙嗲風味原來已經經歷咗三代嘅改良🤯佢哋嘅祖傳祕方嚟自馬來西亞，怪唔得知我哋食嘅時候都覺得有種直接飛咗去東南亞食沙嗲好正宗嘅感覺😳加上全部串燒未沾醬嘅時候已經有濃濃嘅沙嗲味，所以就咁食都夠晒惹味🥳而個專用電燒烤爐都好好用🤩除咗上面有一塊兩邊都用得嘅鐵板用嚟燒每次大概8至10串嘅串燒之外，下面仲有兩個鐵鑊仔可以用嚟燒翻熱啲醬汁或者煮其他細少少嘅食物😌今次試咗辣味花生醬發現入面真係有大大粒花生🤭辣辣哋再加埋蝦米嘅香味真係會令人越食越上癮🤪而且放喺啲串燒上面一齊燒真係覺得超級無敵match🤩不過如果有朋友唔想買多一個爐放喺屋企，啲串燒其實都可以用焗爐或者氣炸鍋煮😆一樣咁正!!!🤓如果

平時去食沙嗲串燒都係去啲餐廳到食，仲要唔平又未必好食，好多都乾真真今次朋友介紹我黎呢間一口沙嗲買返去自己煮，估唔到真係好高質呢到專賣急凍肉串，可外賣自取，半打只係40幾50蚊，有牛豬雞羊揀，仲配埋花生醬，有辣有唔辣！如果買得多仲會送埋個電燒烤爐，細細件容易收納。個電燒烤爐上面可以放串燒，下面兩個盤可以加熱花生醬，咁就唔怕唔知煮好啦！四款肉類，每包有十二串，一包都係$70-80，密封做得好好，好乾淨。拎出黎完全唔洗再加任何野，因為本身已經有足夠油脂，仲加左馬來西亞祖傳秘方，夠晒味道！煮熟左之後可以見到啲肉完全無縮水，勁多肉汁，同出面餐廳比個啲又硬又乾完全無得比而家一串都幾多肉，一包12串一個人食已經夠晒飽加埋啲花生醬，甜甜地超好食

今日去咗西環一間沙嗲專門店 叫baby satay 一口沙嗲專門店。專門店提供急凍串燒，串燒有4款 豬，牛，羊，雞。 大概每包有12串，每包價錢約七十蚊，買10包仲送埋個迷你燒烤爐。先講串燒，串燒有豬，牛，羊，雞。 串燒 肉質都算唔錯， 雖然是急凍串燒，當解凍後，燒出嚟仍然非常香口，充滿沙嗲味，亦唔會 um。再講個 迷你燒烤爐 體積 不算太大易於收藏而且 very user friendly, 。 迷你燒烤爐個火力亦都十分強， 每次可以大概燒 6至7串既串燒。 呢個迷你燒烤爐有 一個十分之好嘅好處 ，一般喺屋企燒烤會整到好大煙，呢一個 迷你燒烤爐 唔會整到屋企好大煙。 當你燒串燒嘅時候唔需要落油 ，因為串燒已經有一啲油分喺度， 而且好快熟大概燒一至兩分鐘啲肉已經變熟。而且呢個燒烤爐亦都容易清潔 ，唔會好難洗。值得推介！

最近發現呢間野好特別買沙嗲串燒會送燒烤爐 好鬼抵！我一口氣買咗唔同肉類羊豬雞牛 各一打佢幾好喎 全部真空包裝令人好安心咁打開包裝 見到啲肉其實已經醃好哂佢有分唔辣沙嗲醬同辣沙嗲醬燒烤爐下面有兩個小盤預咗用來預熱啲醬 好貼心辣醬感覺似xo 醬咁 但好厚好稠 唔會太辣 正啊而唔辣嘅就好似好稠嘅花生醬 甜甜地 係另一種風味 兩款都唔錯講返啲肉款款都好好食 一條唔會好多 正常泰國街邊串燒長度我地兩個人 竟然可以一次過食哂四打當然係捧住個肚啦 但真係好正我最欣賞羊肉有佢嘅羶味但又唔會太濃雞肉好滑 牛肉同豬肉都有驚喜 唔會靭係高質串燒！買黎返屋企一大班朋友開party燒下食下就好正

因為疫情關係，最近都少出街食飯，所以就決定訂一啲外賣串燒，同屋企人一齊係屋企食啦🥰🥰🥰🥰🥰🥰🥰🥰🥰🥰🥰🥰🥰呢個爐細細地好方便，但係熱嘅速度好快，所以其實好快就燒完一轉串燒，而且收納極度方便❤️❤️❤️❤️❤️❤️❤️❤️❤️❤️❤️❤️❤️我哋叫咗四款串燒，四款都醃製得好夠味，再加埋秘製嘅沙嗲汁，超級惹味，啱晒同朋友一齊開party食！🥳🥳🥳🥳🥳🥳🥳🥳🥳🥳🥳🥳🥳🥳🥳🥳🥳🥳🥳🥳🥳🥳🥳🥳

由於疫情關係，我留多咗時間喺屋企🏡，即使而家餐廳堂食逐漸回復正常，但我都留意多咗有乜足不出戶嘅攪作😜。同朋友傾開呢個話題，佢就推介我試吓「一口沙嗲專門店」。佢之前已經幫襯過，今次叫我試其實係想夾單🙈。不過確係有我著數，因為買滿十盒沙嗲串，就可獲贈一個串燒專用電爐♨️。由於佢屋企有，所以就唔同我爭，哈哈。我哋打電話去落單，印象中店員話買滿$500就可以送貨🚛，但見門市地址咁近屋企，就決定自己走一轉仲好。串燒一共有四款口味🍢，每盒12串，分別有沙嗲雞肉($70)、沙嗲豬肉($75)、沙嗲牛肉($80)同埋沙嗲羊肉($85)。原本我以為大家都醃咗味，所以未必咁易分到邊款肉打邊款，但估唔到豬牛羊雞嘅味道各自都咁顯著😍。個人而言，雞肉同羊肉最好味道，🐔雞肉肉質嫩滑，🐐而羊肉就好香，羶得嚟唔會過份強烈。串燒以外，醬汁亦係精華所在🤤，佢有兩款手工花生醬以供選擇，分別係原味同辣味，售價同樣係$40(200g)。兩款味道都幾唔同，其中辣味會再惹味少少🌶，因為有蝦米同辣椒，口感亦豐富啲。電爐有啲似小朋友扮家家酒嘅爐具，不過佢並唔係得個樣，火力都幾平均🔥，一次過可以燒最多六條。鐵板下面設有兩個盤仔㷫熱啲醬，設

之前見朋友啲story影用一個好的骰嘅爐仔燒串燒 真係冇諗過屋企都可以食燒到熱辣辣又好味嘅串燒🥰 即刻叫佢介紹買來玩吓啦 雖然地點有少少隱蔽 但係其實真係好近地鐵站 基本上一出行幾分鐘就到😋 我覺得最易認係樓梯旁邊有個燈牌店員好有禮貌 好快我哋就買咗十包串燒仲送埋個爐返屋企😝 店員仲好細心咁睇我哋裏面係生肉嚟嘅 記得煮熟咗先好食 如果食唔晒要放入冰箱儲存❄️ 除咗可以用佢送嘅電爐燒 仲可以放入氣炸鍋整熟 夠晒方便😗 時間控制方面每一pack後面都有寫每種煮法大概嘅時間 仲話沙嗲醬同花生醬嘅膠盒可以直接放入微波爐加熱🤤 啱晒我呢啲懶人呀不過既然佢有個電爐配埋 我梗係用翻佢黎燒正宗既串燒😙 呢個電爐真係好貼心 上面有塊板擺串燒 下面有兩個小焗盤擺兩款沙嗲醬佢嘅防黐底圖層真係唔駛加油 串燒都唔會黐喺爐上面 而且有幾種火候控制 唔怕會燒得太燶 基本上都非常容易處理 只係預熱五分鐘 再將預先處理好嘅串燒放落焗盤上🤤 過一陣再反下佢 好容易就整到外脆內軟嘅串燒串燒未燒嗰陣 一攞出嚟已經聞到好香 燒完簡直不得了🤩 香到我阿媽都出嚟睇吓煮緊咩 好鍾意佢配嘅花生醬同香辣花生醬 香辣花生醬有粒粒花生喺入面