八方雲集鍋貼水餃專門店

Open Now

Now Closed

味道絕對保持質素，三天兩頭就要吃一頓，不吃他都不知道吃什麼好，價格便宜味道豐富，鍋貼皮香肉嫩，沒有不回頭的，選擇豐富，材料新鮮，乾淨衛生方便可口，到家還是熱騰騰的。

每一次都係嗌我最愛嘅韓式辣餃！其實即係泡菜餃配埋麵先再加杯茉莉綠茶！其實已經好夠飽，都只需要$44蚊！外賣返去都仲好熱，建議大家預半個鐘嗌外賣！如果唔係要等好耐架！佢都係預你落order後30分中後拎！麵線佢都唔馬虎！貢丸都比好多！配埋醋，豉油，辣椒醬俾你服務周到！店員lunch hour都見佢好忙，但態度都好好😌👍🏻出餐個時野食都好熱！係個餃自己返到公司凍左啲！但都好好味！個人覺得水餃飽過煎餃好多，因為皮厚啲，中意皮薄就嗌煎餃啦😼🫶🏼🫶🏼🫶🏼

本身好鍾意食煎餃🥟🥟🥟八方雲集算係又平又好味嘅一間餃子店🤣🤣韮菜餃，咖哩餃同酸辣麵都係賣飛佛😋😋😋😋好多時自己食又諗唔到食咩嘅話就會睇下附近有冇八方雲集🤣特別嚟觀塘，自己一個食嘅話，都多數食佢😁😁初初好似唔係間間都有酸辣湯麵，試過去到間原來係冇🥲🥲🥲🫠🫠🫠就算有，亦唔一定好味尖沙咀新港中心 大食庫嗰間分店就是例子嗰間特別貴啲，但個酸辣湯麵好稀好稀...完全唔似其他分店咁係結身

成日外賣唔知食咩就會大八方雲集🤣 唔會太貴，我又本身好鍾意食麵線同埋鍋貼～韭菜鍋貼🌱美味指數：👅👅👅👅 (4/5)鍋貼煎到脆卜卜，就算係外賣都keep住會脆，再食落去中間嘅肉juicy，再加埋外皮趣卜卜，食落幾有層次，而且係好食嘅！台灣麵線美味指數：👅👅👅👅 (4/5)八方雲集嘅麵線入面有滷水豬大腸同埋貢丸，識落絕對唔會單調。再加上個面先係比較濃稠，識落唔會偷工減料，而且幾有台灣嘅風味，食完都搞到掛住台灣啦～🤣

我是第一次上來寫食評，人家做生意，我不會令人難做，也不會亂寫，但這職員實在太過份了（康寧道分店）這帶眼鏡職員不只一次無禮貌對人，不知為何仍在這裡工作？相信是自己舖頭吧！等了15分鍾問聲她「請問有嗎？」是我錯嗎？再這她們一直傾計，好像沒有人在店裏工作，我當然會問問是否開始煮啦！很正常吧但換來的是「有就給你啦！」連續大大聲講了三次，到我的號碼又不叫我，如趕時間的請別要去吧！我就算得閒也不再去！味道相信每間都是差不多，不會這間好味，也不會別的特別難食，但如果你趕時間又或者想被鬧就去試試這店吧！

shopping 完已經差吾多7點幾講真甘晏吾會想番去再自己煮晚餐就行得近近地買點雲吞、鍋貼番去一齊食算3個人食呢個份量剛剛好2份勁量麵線套餐2碗台灣麵線1份5 隻韭菜鍋貼 + 5隻黃金咖哩鍋貼另一份 5隻招牌水餃 + 5隻粟米水餃10隻招牌鍋貼肉同菜的比例菜的份量多點就好

八方雲集雖然離我公司唔算遠 但係我都係唔想落街買所以今日再夾埋同事叫咗外賣 慳返啲呀嘛我叫咗一個鍋貼麵線套餐 而同事就叫咗個招牌鍋貼加油菜🥬先講大腸麵線 大腸嘅份量明顯比以前少但係店家都有擺番貢丸粒上去 算係咁啦 湯底味道適中 唔會過䶢 都有少少諗返起台灣嘅大腸麵線🙈辣味鍋貼- 係咁多款鍋貼中我嘅最愛 雖然外賣到來嘅鍋貼唔再脆身 但依然好味 皮薄餡料足 調味適中 加少少黑醋一齊食 咁就冇得頂啦👅跟餐仲有一杯凍豆漿同埋泡菜 前者偏甜 後者偏酸 都OK👌🏻

今日又正值打風八號波....週圍好多食肆都無開檔...又唔想食M記,KFC,大快活,譚仔就買下公司附近久違了的八方雲集黎食呢間舖好細....店面應該200呎多少少 , 應該主力做外賣 , 連我今次都唔例外拎走外帶打左電話外賣自取, 阿姐都幾好禮貌既 , 話要整10MIN左右 , 所以黎到就即刻拎走叫既係  韮菜鍋貼餐10張 + 百香果椰果綠茶  total $39....剛剛加了價好耐無幫襯...依家先知本身3包汁,額外另加要加錢鍋貼都唔錯既 , 煎得好香口,  少燶邊 , 杯野飲叫左走冰 , 都幾濃同甜 , 用機沖出黎既味道都差唔多不過略嫌食完一定唔夠喉 , 要再食下其他野

放工OT回家路程中, 想食D野落肚,又不知想食咩, 就見八方雲集鍋貼水餃專門店,咪入去食囉。雖店不太, 有好多人幫襯。(招牌鍋貼套餐  $34) 我選擇湯品煎餃熱呼呼上台,有呈現脆脆的焦面,加上餃皮夠簿鬆酥脆感,皮脆餡香,內餡有椰菜及豬肉,並平均分佈著外酥 內軟,不油膩不乾柴,非常好好吃！酸辣湯酸辣湯內有豐富材料，有紅蘿蔔絲,香菇蒂絲,肉絲,豆腐,木耳,筍等,略不夠酸辣, 湯有粘稠的,整體口感味道不錯。

琴日屋企又唔想煮，所以落樓下買咗八方雲集食，但係筷子、匙羹、豉油嗰啲全部乜都冇俾，咁其實都唔係真係好大問題嘅，因為我最想點嘅醋屋企都有。但係今次食最大問題係啲餃子全部冧嘅，又多油，同埋係凍嘅，應該放左好耐。大腸米線正正常常，但係大腸比較少，貢丸比較多。酸辣湯係咁多樣嘢之中最好食，因為好足料，又夠辣。

其實淨係想食碗大腸麵線加幾隻餃，偏偏無一個餐可以滿足到我嘅要求，當時阿姐楝左喺度又費事計算散嗌嘅價格，立吓眼其他得五隻餃嘅餐又有我麻麻地嘅豆漿，唯有硬食十隻餃啦。大腸麵線始終如一咁有台灣味，大腸嗰陣香味真係做得非常之似樣，不過有一碗麵線，仲要啪多十隻餃子，認真吃力。

今日晏就，去左食八方雲集，貪佢平，靚，正，快，果然無令我失望。坐低落單過左兩、三分鐘就有野食。首先講下個湯先，味道同普通罐頭既栗米湯唔同，佢落左好多蛋花、肉碎同火腿落去，當然仲有新鮮栗米粒啦，個湯好鮮甜又好濃稠，絕對飲得出係有俾心機既。再講下個鍋貼，外皮煎到金黃色，咬落有小小脆卜卜，呢個火侯真係好難拿捏，里面既蔬菜同豬肉好熱，但熟得黎唔會老，而味道比較淡，但佢有提供豉油同辣椒醬，可以因人而異去添加。

係落狗屎嘅520, 以及老媽有約嘅情況下, 得我自己單身寡婆, 所以求其搵啲野食就算, 因為唔想食飯, 所以就揀左間鍋貼黎食。先講環境, 可能人都幾多, 所以有啲逼, 坐得唔太舒服, 不過就幾乾淨~服務方面, 幫我落單果個男都幾有禮貌, 唔錯~係食方面, 我就叫左個珍珠餛飩套餐食, 佢有得揀辣定唔辣, 辣嘅其實就係紅油餛飩, 個餐仲包5隻招牌鍋貼/水餃同1杯豆漿/酸梅湯~至於味道, 都叫過得去, 啲鍋貼因為即叫即煎, 所以好脆~不過都係因為咁所以啲野食都上得幾慢下...overall黎講, 呢個價食到呢個水平嘅野都算係咁~

今日幫人補完習，好肚餓，於是就走去附近睇下，見到呢間餃子店，於是就入去坐低。今次我叫咗一個餐， 裏面有招牌鍋貼。鍋貼裏面的肉，都算新鮮同鮮甜，對與快餐來講已經算係不錯。同埋呢個鍋貼都煎得幾好以上係酸辣湯麵，酸酸辣辣好開胃，但係麵就有少少太“lum"呢個珍珠奶茶好特別，D珍珠好細粒，好得意。如果大家唔想食一般西式既快餐店，呢間餐廳係一個唔錯既選擇。

月底星期五的晚上，非常辛勞的一天，攰得沒有胃口想吃一些素食，但原先在這條街的素食店關門了，換來又是那些手信店，記得上回來這裏吃套餐有野菜餃套餐，滿心歡喜的坐下，點了一個有五隻野菜餃五隻野菜鍋貼的餐，本來是包一個湯的，但湯料全都有肉的就點了珍珠奶茶，珍珠奶茶的茶味濃淡適宜，只是珍珠粒太小了，沒有咬勁而鍋貼也煎香口脆的，餃子也是我愛我厚皮不錯但沒發現是有肉的，還一心以為素餃子一咬下是有肉絲的，為了不浪費還是吃完了。