八方雲集鍋貼水餃專門店

Open Now

Now Closed

table for two!!今次係堂食!應該可以食到熱烘烘的餃子!!我地點左咖哩、韮菜、招牌鍋貼同韮菜水餃..而湯品係旗魚丸湯同貢丸湯其實水餃真係麻麻地...無乜特別而鍋貼就好香口..好味呀@v@三種味入面我覺得招牌最好食..咖哩鍋貼入面好多油=.=旗魚丸要讚!!好好好彈牙!丸入面有好多一少粒既魚肉加埋紫菜!!正!隔離搭檯既男人一食就大大聲話:嘩!死啦香港d餃仲好食過北京呀!!=.=哈哈好搞笑...勁誇張..整體都唔錯!可以再食過不過食黎食去都係得4種味!!會悶=.=

招牌水餃x2 - 味道比較淡, 一般湯水餃 - ok, 唔叫吸引咖哩煎餃 - 唔錯, 我覺呢個最好味重有墨魚丸湯 - 湯麻麻, 味精白開水湯底, 反而墨魚丸唔錯食物叫一般般啦, 個咖哩煎餃反而我覺可以一試.不過試之前有心理準備, 佢地d員工唔係人咁品, 要有受氣的準備話說當天去到, 我們一行4人, 在門口拎左飛仔就等入座因為座位不多, 我們四個人的關係, 比較難夾到一張空台足夠我們4人, 等了很久, 飛仔已叫到我們打後多個的號碼也未有4人台.所以我們只好同意分開座.不然不知等到何時何了.但是一座落就剛見有一張4人台剛食完離開, 我們就行去座下4人台, 因為我們想share食物, 可以試多一點款式(當時未有人入來座這張台) 誰不知有位男員工用很惡很挑撥的語氣"鬧"我們為什麼座過來, 我們說因為我們是4人, 想一起座, 一起share食物. 他就一路在鬧我們, 直到我們座下了一會, 他還是繼續鬧.鬧了足足1分鐘, 終於行開了! 過了一會, 聽到另一台很嘈.. 原來他又在鬧另一台客人...員工似乎情緒有點問題?!另外的員工亦不見得很禮貌, 只不過比較正常一點沒有潑婦罵街, 例如行過不是叫你

開業至今仍好多人幫襯，可能剛開業的關係，服務...................非常糟糕！我地叫左招牌鍋貼+旗魚丸湯及招牌水餃+貢丸湯。由於阿姐趕住收工，我地填完order紙後交給她，她竟入錯單！招牌水餃變左做韭菜鍋貼！！！！！！阿姐一入完單就即走，好野！結果，我地既招牌水餃等左超耐，我地亦催左幾十萬次，先至有得食！由於坐在廚房旁，見到侍應忙到暈，又話無晒可樂，連碗都話無晒，真搞笑！招牌水餃和招牌鍋貼很普通，未能給甚麼意見。旗魚丸就好好味，有少少似墨魚丸，仲有d一粒粒野好好咬口。餃子真係好普通，但一試無妨。

行行下街 本身諗住食吉野家填肚但係見到呢間八方雲集門口好多人排隊心諗不如試下呢間 不過可能要等好耐位點知我行埋去諗住拎飛仔既時候 門口個姐姐話入得原來門口大多人都係買外賣 入到去我都明白點解會係咁因為入面既環境真係好逼 坐得好唔舒服見到有套餐叫 每份成10隻水餃 點食所以我同友人叫了一個韭菜水餃套餐+個旗魚湯 $26蚊加$5要多杯豆漿 同埋叫左個招牌鍋貼5隻 ($2.5一隻)黎到...有D後悔叫左鍋貼 唔係因為唔好食而係實在太多啦...好膩 2個女仔根本食唔晒D味道冇咩特別 so far so good不過如果d鍋貼唔使人地一次最小叫5隻就好啦不過講到d員工就唔係好掂啦等人黎落單等左一陣都冇人理我地 之後落單又落錯同埋o個度d餐具我覺得好污jo 好似洗唔乾淨咁仲有呢 雖然個疑似老闆好似幾好禮貌之但係佢執執下台 隻手勁多污jo水既時候........佢竟然走左去拎客人既野食上台D野食俾佢掂過會唔會唔係咁衛生呢 下次都係叫外賣好d........

今日放學買左外賣,$26 招牌鍋貼+粟米湯諗住話明招牌就唔會差得去邊啦,點知好普通,而且鍋貼好乾,一d汁都冇...湯就正常既湯一碗咁lo...又唔可以話好難食,只係唔會成為我既常吃餐廳o者!另外我個外賣number係47,鍋貼煎好左個樓面阿姐就放入盒啦,跟住有個後我幾個number既阿嬸係度同個阿姐講"得未架我等左好耐啦......"結果個阿姐就比佢先...又唔係好大問題既,不過最好有d秩序啦!ps我見到入面d位都幾逼,真係要再食都只會外賣!

心血來潮, 尋晚就同老公嚟呢間荃灣區新開嘅「八方」試下。 差唔多 8 點鐘喇, 門外仲有一班人等緊。 心諗: 「唔通真係好好食?。」 好彩 D 人係外賣居多 (後來就知點解喇), 等咗一陣就有位。 Order 先!1. 韭菜水餃 (上枱時係冇水嘅) + 酸辣湯 $262. 韓式泡菜煎餃 + 旗魚湯 $28 開飯喇!1. 韭菜餃 完全係大路貨。 無驚喜! 但唔係差, 只係普通。2. 酸辣湯 同平時飲開嘅上海酸辣湯好唔同。雖然湯料一樣, 但味道唔同。只可以話我同老公都唔鍾意果種味! 3. 韓式泡菜煎餃 辣辣地, 幾醒胃。缺點係餃子黏唔實, 一夾就散開!個餃子皮係薄薄果種, 所以唔會好似平時上海舖果 D 煎餃噤香口!4. 旗魚湯 $26 唔知咩叫旗魚, 但食落似墨魚丸。個湯加咗紫菜, 魚丸有 3 粒。其實似係墨魚丸紫菜湯囉。 都好味。呢間食店可以再嚟幫趁, 總體味道不錯, 價錢又唔貴嘛。呢間舖頭 D 員工服務水平就好唔得咯! 今時今日仲有老板肯請呢 D 人做嘢, 其實有 D 倒自己米!!!!!我地坐四人枱, 有 1 pair 人走咗, 佢地嘅碗筷加埋我地已食完待收嘅, 唔係好多啫! 個侍應都

搭車經過，發現原來大河道麥記隔離開左間八方雲集。以前從來未去過八方雲集的任何一間分店，今次決定一嚐。可能新開張關係，晚市人頭湧湧，好不容易才找到位置。這裡食物選擇不多，來來去只是幾款水餃及鍋貼。有套餐，價錢介乎$26-28，有10隻水餃/鍋貼，另可選一款湯品。若嫌10隻太多，也可單點，惟至少也要來5隻。10隻招牌鍋貼，呈長方形，外層帶點燶。因為是剛煎起，熱炙騰騰，外皮香脆，不過燶，可是餡料的豬肉欠缺肉的鮮味，味道亦是偏淡，所謂的『招牌』，其實也不外如是。反而韓式辣味水餃仲有驚喜。同樣是要10隻，皮是偏厚身，內餡像是韓國泡菜，辣度溫和，卻是幾惹味，挺合口胃。另單點了5隻韭菜水餃，賬卜卜的，幾吸引。咬下，肉質不算鮮，但韭菜香口，挽回些少分數。由於味道偏淡，點些醋調味會較好。如要比較，我是喜歡辣味水餃多一點。輪到湯品，我沒有喝粟米濃湯，據說又是略淡。旗魚丸湯，湯底加埋紫菜，又是清淡之作，飲一兩口可以收手。所謂的旗魚丸，口感和味道均幾似墨魚丸，但沒那麼爽口，無咩特色。加六蚊整杯凍檸樂，檸檬只得兩片，惟勝在罐裝可樂夠晒冰凍。

星期六大約3pm去食, 本身佢係派飛仔等叫冧把嘅, 我仲攞緊張飛未叫到, 點知裡面有幾枱啱啱埋左單吉左枱, 有幾班食客竟然可以大模斯樣行入去攞位坐低, 而d職員亦主動歡迎佢地入去, 到底佢地知唔知有人攞左飛而未入座架??? 講返野食, 老實講係唔錯嘅, 我地兩個人叫左兩個餐- 韭菜鍋貼跟旗魚丸湯凍檸水, 招牌水餃貢丸湯凍鴛鴦. 鍋貼同水餃d皮好薄, 餡唔散, 唔錯. 旗魚湯裡面有d紫菜, 貢丸湯就有芫茜, 幾香. 至於d飲品... 係唔滿ge.講真, 埋單價$62有咁ge食物質素都算係咁, 之不過以上ge混亂經驗以及叫人十次先應你一次ge服務質素同態度.... 你試唔試? 如果想食我建議各位叫外賣, 因為好多人都係咁, 好過入去受最後, 店裡面有d俾人用黎點餃子ge "鼓油", 你又試過未? =P

昨晚我同honey 路經大河道老麥, 見到有間新開既野, 咪順道入去試下啦我地叫左2個餐: 一個係招牌水餃+紫菜墨丸湯: 個湯就ok 啦, 個水餃都一般, 餡料都冇咩特別. 另外一個餐就係韓式辣鍋貼 + 粟米忌廉湯: 呢個配搭幾攪笑, 個名就中式, 其實個鍋貼煎得同日本個d 激似, 個餡料就係肉加泡菜味, 中日韓既fusion. 不過味道都ok, 煎得arm arm 好, 同埋個皮都好薄, 易入口,同埋個粟米湯雖然唔夠熱, 但係就出奇地清甜, 呢個都值得推介仲有佢廿幾蚊有一碟餃子(好似有8隻) 跟住一碗湯, 抵到爛啦! 仲arm d 好似我好鬼怕食飯食到long胃個d 人我諗下次會再幫襯, 試下個咖喱鍋貼

行經荃灣，看見此店新開張就入去試試。叫了個套餐26蚊加碗湯。我叫的是招牌鍋貼。先說鍋貼做型只有頂部係貼住，所以煎時肉汁從二頭流失，令到肉餡好粗糙唔得滑，而肉餡也沒有什麼鮮味！而鍋貼SIZE也比較大隻，不能一口吃一個。湯就四選一，我選醋辢湯，味道普通而已！