八方雲集鍋貼水餃專門店

Open Now

Now Closed

之前係荃灣飲到醉醉地, 女友買過呢度既鮫子俾我食過, 都幾好食, 但冇試真個味....琴日去飲野前有d肚餓, 就同honey再黎食d野先女友仔鐘意食呢度既大腸蚵仔面線, 我就鐘意食鍋貼同水鮫既, 之前試過泡菜水鮫都唔錯今次就試埋個咖哩水鮫la, 加埋杯凍豆漿tim~價錢唔算係好平, 十隻鮫+一杯豆漿已經28, 不過味道撘夠食物好快就到了~ 女友就嫌那碗面線小了一點面.....同埋味精都幾勁下@.@那碟咖哩水鮫就.....我覺得鍋貼會好食d, 可能因為咖哩本身係惹味吧, 煎香了會更正不過總體來說都好食既~ 如果唔係咁肚餓, 又想食d濃味d既, 八方雲集都應該係唔錯既選擇^^

那天游完水,於是到荃灣覓.運動完整理應很餓,吃什麼都覺得好味...可是這兒卻叫人不敢恭維坦白說這兒的食物不錯.餃子煎得剛剛好,皮薄,餡正.朋友更猛讚大腸蚵仔麵.....只是服務的那位大姐好像什麼都不知道似的,點了菜又忘了,要我再三重覆,奶茶又超甜....所以我想我只會一次貨仔.......

八方雲集熱過一輪，當熱潮一過，依家去食都唔使點排隊！而且，生意都無初時咁好，見佢連早餐都做埋，最搞嘢係所賣嘅早餐同窩貼、水餃無關，係三文治哩！香港人最貪新鮮，飲食真係唔易做。今晚三個人，叫咗三個套餐：韭菜水餃、招牌水餃、招牌鍋貼；而湯品就揀咗酸辣湯同旗魚丸湯。兩款餃都覺得麻麻，唔係咁夠味，同埋嫌佢個皮較厚身，唯有靠點醬油哩提味；反而鍋貼好食好多，可能因為煎得夠香脆，感覺甘香D，而且餡料又無乜肥豬肉，所以，相比之下自然覺得鍋貼正D！湯品，就覺得旗魚丸湯略勝一籌，因為湯頭清甜，旗魚丸夠晒魚味，唔會得舊粉咁！至於個酸辣湯都OK嘅，辣多少少仲好，只係間中都有機會飲到，所以就覺得無乜特別啫。哩得八方雲集都係快上快落，食完就走，唔會多坐，所以D位稍為有D逼都算架喇，好彩招呼都幾好，廿零三十蚊餐，食得過嘅，好過成日茶餐飲、快餐店嘛！

早兩日lunch來了吃餃子,之前都有食過,覺得餃子幾好食,除咗咖哩味,可能係個人口味,真係覺得好怪,所以呢次無叫到,餃子之外,我仲叫咗個麵線,好失望,唔夠熱,又唔夠味,仲要無平時麵線店嘅辣味嘅調味品,唔通要我落辣椒油咩,下次都係淨係食餃子穩陣d。

E幾日行開荃灣..午飯時段…間間鋪頭都要排隊等位…咁岩比我見到八方雲集唔駛等位….所以一個人入左八方雲集食個午餐….一開始講下D環境…因為枱同枱得好少空間…所以環境有少少迫狹感感覺..D牙姐執枱都執得幾快…所以人流清得算快…..首先得點左個牛肉湯餃面…番茄湯底…點知發覺有少少辣…不過都唔算十分…但係飲落個湯底..又發覺幾惹味下…不過D麵份量少左D…食完個麵之後…都係唔夠喉…好彩一早叫定左5隻招牌鍋貼同5隻咖哩鍋貼…D鍋貼真係幾好味..極力推介...招牌果隻就係有肉同菜做料...加上煎幾又唔錯..唔會太濃太黑....咖哩果隻食落口感都唔錯...唔太辣...好夠味...總括黎講...都值得一試間野...幾抵食...食得好飽都係45元正...不過唯一要彈既就係環境幾擠迫下...可能午飯時間多人關係....D野都幾耐下先黎到.....不過食物質素都唔錯啦

某個早上行過荃灣街市街才知道這間台灣水餃店也有三明治早餐,那就不想錯過了。從塑料袋包裝方法也跟同區小倆口相似,架上的三明治也跟台灣早餐店的類似。從多款款式中選了似乎最豐富的;三明治以4層麵包組成,白麵包和咖啡色疑是定麥包相間而成,兩款方包質感柔軟,用了塑料袋包裹著,沒有用三角型盒子的把麵包吹乾弊病。 第一層的青瓜全都切得碎碎,看似份量不少其實只有前面一部份,後面是吉吉的。青瓜切得太碎,本身的爽脆特質蕩然無存,留下只有淡淡的瓜香。應是豬肉做成的漢堡扒,無論外型及味道也像肉餅,混著甘筍絲就多了點顏色,淋淋的質感怪怪的,味道還算可以,只是凍了的漢堡肉餅就風味大減了。最下一層是番茄半片加大半隻煎雞蛋,蕃茄還算紅艷新鮮,雞蛋也煎得有些脆邊,只是不太溏心,看來沒那麼吸引, 而且沒重蛋香和同是凍凍的。也許天氣關係,三明治有點凍,要是剛做起的話應該好味很多,+$2有飲品,以早餐來說是相宜的!個人還是喜歡區內小倆口的水準多一點。

漫行山路兩個半小時有多了,落到荃灣後,途經八方雲集,肚子識趣地咕嚕咕嚕了.老友說裡的食品不錯,於是到這裡吃個tea.門口外賣部賣著十元蚵仔麵線,堂食就賣十元台灣牛肉新竹米粉,後者雖則吸引,但頭一次來,應該試主打菜好些.全日套餐是鍋貼或水餃十隻再配一碗湯,$26,轉飲品反而要加多十元=.=".既然湯款都好吸引,就無謂多使十蚊啦.招牌水餃,是水烚的.餃皮是我最愛的厚厚那種,嫩滑,煙韌,,豬肉餡混入少少荀,多汁又爽口.正!韭菜鍋貼,是煎的.餃皮薄薄,煎得既香又脆口,這個餡是豬肉少少,韭菜多多,可平均返因為煎而有的油膩感覺,好食!旗魚丸紫菜湯,原來旗魚丸即墨魚丸,彈牙爽口,充滿粒粒墨魚粒添~花枝丸紫菜湯,丸丸一樣彈牙美味,兩款湯底都是一樣,味道清清地.而紫菜洗得好乾淨,吃不到有沙.座位之間又窄又迫,檯面和餐具都有點油的感覺,不過美食始終大哂,會有下次的啊~

十二月上旬荃灣也有不少閩南小店，而台灣與廈門只一海之間，不少台式店也有著閩南「麵餬」的影子，是夜口啖啖，就來吃碗柯仔麵線。較之阿土，收費貴了一點，但天寒地冷，總不會想拿著麵「立食」，八方也是不錯選擇，除了麵線還要了招牌韭菜餃子。餃子是煎的，有著台灣街頭的手作仔風味，雖然油了一點，但還算煎得脆口，細看下原來長條型的餃子，包摺功夫較傳統餃子易拿捏很多，難怪愈開就愈多「自家製」台餃了。柯仔麵線暖和，不算很熱，掛了很重芡汁，酸中帶甜又有點辣，幾開胃的小吃味道，麵線是地道小麥麵條，幼如髮卻不餬，好吃。埋單約$40，環境企理，效率幾高，麵線味道也不錯，吃得過的小食店。題外話，服務方面大叔一副事不關己的態度，出錯菜卻因為非自己負責範圍而大條道理說不關自己事，確是豈有此理的工作心態。

琴晚去左呢間店到食晚飯,叫左個招牌鍋貼,一個水餃麵,等左一陣,d野就上,但唔熱o既,鍋貼味道一般,好乾,冇乜味,又唔脆,個水餃麵,d湯同d麵都ok,d湯o既味好濃,好有牛肉味,d麵口感唔錯,幾煙韌,唔錯,但d水餃都係一般,而且冇乜味.加上幾乎冇乜服務可言,下次唔會去.

今日朋友找去運動場跑步,之後來這食晚餐一行5人來到八方雲集由於到10:15所以人不多,只等了一會便有位我地點左麵線,牛肉麵,辣味泡菜鍋貼,菲菜鍋貼,旗魚丸湯麵線我冇食不過睇落去好"傑"牛肉麵入面果件紅蘿蔔同白蘿蔔都用左半個碗去裝辣味泡菜鍋貼 泡菜D味都同鍋貼唔夾,個鍋貼一餅野分唔開,同個皮包唔實個頂穿的菲菜鍋貼 一樣餅野分唔開,同個皮包唔實個頂穿旗魚丸湯 這個還可以一吃,感覺就好像紫菜湯+墨魚丸一樣 哈唔明點解咁多人排隊食(P.S:間野堂食都係全部用紙碟同木快= =)

去邊到都見有分店嘅「八方雲集」, 最終都入咗去試....下午茶叫咗 5隻招牌煎水餃 - 表面煎得脆脆,肉有少許肉汁,整體好好 ($10)酸辣湯一碗 - 料係充的,但冇酸冇辣味,加咗勁多胡椒粉,反宜會變好食咗 ($10)走時見門口有蚵仔麵線 $10外賣價添,真係吸引 ~

每次放工經過荃灣那間「八方雲集」鍋貼水餃專門店，都見排隊的人多得數不勝數，很想一試，但實在不想等。某一天終於有機會驟見店內有空位，馬上走進去，不要浪費機會嘛!店內有多款套餐供應，有招牌水餃，韭菜水餃，招牌鍋貼，韭菜鍋貼，韓式辣味鍋貼，黃金咖喱鍋貼，韓式辣味水餃，黃金咖喱水餃，要雙拼的，要加兩元，還有一碗湯，酸辣湯，粟米濃湯，旗魚丸湯或貢丸湯......可是本人一試便愛上韓式辣味水餃和韓式辣味鍋貼，兩者都是辣辣的感覺，同樣是餃子，為什麼以前在別的地方吃到的那些餃子都不好吃？可這不同，除了辣，那個皮也很有味，蠻不錯的味道!!!韓式辣味鍋貼，是即叫即煎的！熱騰騰吃一口，皮薄香脆得很，一碟有五隻，瘦瘦長長的，鍋貼一邊煎的金黃色，很討好，裡面有椰菜和豬肉餡, 不同的是裡面是有微辣鹹香的泡菜碎呀! 又熱又辣, 係熱辣辣的! 超正點!!!自那以後，每次想吃下午茶，都會想起這，會再來！ps：淨係餃子食得下，其它嘢：如面線、酸辣面之類就不吃也罷！！

八方雲集~在台灣~沒什麼名氣~亦不太受歡迎嚟到香港~香港人把它當了台灣代表...................水餃我會比較鍾意佢的泡菜水餃~因為冇草腥味先~今日見到佢在賣蚵仔麵線12蚊一碗細的~就試吧望上去~有幾件炸過的大腸~有幾粒飽滿的蚵仔算係交左功課一"不"起嚟食...出事啦呢d係粟米斑塊上面嗰d透明膠水嗎????完全係漿住的狀態~同佢個粟米湯真係有得fight!入面仲要有洋蔥同埋木耳絲...加強"口感"........腸炸過~唔係特別香~只係可以等佢浸耐d都冇咁覺???蚵仔未算腥~但不食不可惜阿土~紅媽~新阿宗等等呢d近年喺香港開的麵線都比唔上佢~咁令我一試難忘仲要收我12蚊...我幾想同對面啱啱叫麵線的先生講...千萬唔好叫呀.............八方兄~你都係做返你d水餃先啦....快d改良下d草腥味水餃啦~

首先一入鋪，見到檯底有食物殘渣都無人清理，同友人決定轉另一張檯，到想搵個員工問下野都等勁耐，有個員工話蚵仔大腸麵線如果走蚵仔加另一樣餸都係16蚊，咁友人叫走蚵仔加魚丸、我就叫個韭菜鍋貼餐。等到員工拎韭菜鍋貼黎,佢話比住5隻先，但係鍋貼可以話完全唔熱，可以話係凍。到友人碗麵線個時，碗野係無魚丸，之後問d員工，佢拎走左張單去check，催左幾次先拎個粒魚丸黎。到食完想埋單，佢地又話我地無左張單，要再填過，到填完之後，佢地又拎到張單黎，一睇張單，見到個1粒魚丸要加5蚊，諗住搵返講唔駛加錢既個位員工出黎，但係又唔見佢，最後快快趣趣埋單走人。因為太憤怒，無check真張單，走左之後先發現佢收多16蚊。不過自已無check清楚又無得怪人。但係間野食物已經麻麻，服務態度仲要非常有問題，所以唔會再去食了。

未試過台式餃子, 今日終於同同事仔...go go go 酸辣湯 - 都好多料, 酸酸辣辣, 唔錯! 韓式泡菜鍋貼 - 鍋貼底煎得好脆, 泡菜餡料恰到好處, 正! 韮茶水餃 - 外皮做得啱啱好, 唔厚, 韮茶味濃, 唔錯! 貢丸湯 - d湯似味精湯, 貢丸ok !