八方雲集鍋貼水餃專門店

Open Now

Now Closed

我本人飯引不大, 反而鍾意餃子、鍋貼、麵食之類. 昨午先食過八方雲集, 今日又再 encore 招牌鍋貼, 皮薄餡料多, 煎得金黃香口, 肉汁鮮甜.招牌水餃, 唔會太冧, 同樣有口感.我要了百香果雙Q綠色, 亞妹就要了雙Q綠茶, 大家口味差唔多飲咗佢杯一啖, 可能因為走甜, 所以覺得個茶有少少澀口, 唔啱我. 我杯百香果味濃, 酸酸地, 好醒胃.今日轉咗要韭菜鍋貼, 嘩, 韭菜味非常之香, 未打開就已經聞到味都係招牌水餃 亞妹好鍾情 雙Q綠色今日我就轉咗雙Q奶茶 真係百吃不厭

今天放假閒來無事，與朋友去了水塘繞了一圈後回到荃灣都差不多六點多，見時間尚早就順道拐到悅來坊內找東西吃。在地庫一樓見到有間已經久違了的📍八方雲集鍋貼水餃專門店，店舖面積不大但食客已坐得滿滿，還有很多人在等外賣。🍽反正今天一個人亦吃不了太多，就只簡單的叫了一個🍜台灣牛肉麵套餐。內裏有台灣麵加煎餃子五隻，另跟一杯🧋珍珠奶茶，價錢只不過76元非常之超值。 先調了我喜愛的辣椒醬後沒多久，最先到來五隻招牌煎餃子，外表金黃色餃子的皮脆肉鮮味，不過可能已放了一陣子覺得熱度不足。分量跟以前沒變的🐂牛肉麵亦上枱，內有🥕紅、白蘿蔔、牛展、牛腩和牛筋，不過鹹菜和蔥花就不再另外用碟上，而是已加進湯麵中。先喝了一口湯味道依然保持以往的美味，牛展和牛筋都炆得很腍，蘿蔔同樣的夠腍身和無渣；麵身口感就有點硬未夠煙韌。要說的倒是整碗麵同樣是不夠熱。至於珍珠奶茶的味道亦與以往一樣；不過是份量就縮水了。整體而言集團式經營的八方雲集，其出品的質素和水準都能夠有所保持，而且其走親民的價錢路綫亦有很大的人氣，下次依舊都會再來一試。

平時行荃灣悅來方諗唔到食乜都會嚟呢間食😋佢嘅鋪位附近人流唔多，尤其係下午茶時段，所以多數唔洗等位呢間八方雲集長期都係得兩個人負責，不過上菜都幾快，通常下午去等5分鐘左右就有得開餐👍🏻只不過個阿姨成日找錯錢價錢唔貴唔平，所以我平時都揀下午茶時段先去食～抵食啲$27 台灣麵線&豆漿麵線好幼好滑，份量唔多，胃口細嘅人可以飽肚湯底略濃稠，第一次食以為食緊碗仔翅嘅湯😂，鹹度啱啱好！上面莞茜亦同成碗嘢好夾！豬大腸彈牙好咬豆漿不過不失整體嚟講係抵食嘅下午茶！

好平凡執漏野 今次又少咗5個鍋貼 前幾次就漏咗豆漿 或者湯 餐具有時都可以冇拿到 仲有幾次沒有吸管 真心唔知啲服務員有冇睇單做嘢 唔該你哋擘大眼睇吓單做野啦 每次都可以少呢樣少果樣 服務態度又差

都幾好食。嗌咗韓式鍋貼同埋百香果珍珠綠茶，飲品唔會太甜、珍珠細粒但有咬口又煮得夠透，鍋貼都煎得好香好好食。店員服務態度好，同埋舖頭比荃灣大河道嗰間八方雲集舒服，呢間開揚啲光猛啲，好新好靚。

今日想食鍋貼，於是叫左份勁量麵線套餐外賣，十隻辣味鍋貼，一打開盒鍋貼已經聞到陣燶燶地既味，再睇真d隻隻都有d黑色焦，心諗可以摵走照食，但越搣就覺得越唔對路，隻隻都咁黑，搣極都仲有黑焦，於是打電話落間鋪嘈佢。最好笑係聽電話果個人同我講：「個個人接受程度唔同，佢話接受唔到就拎落去換過盒」聽完簡直再嬲到一個點，我即刻話換過盒我都唔敢食，唔該退錢啦！我知可能唔係間間分店都係咁，但依間已入左我黑名單，絕無下次！「完」

八方雲集的鍋貼，一向係我的至愛，今日叫咗個勁量麵線屮餐，有一碗麵線加10隻鍋貼，我點咗5隻韓式辣味鍋貼，5隻粟米鍋貼，點知落單位店員，打咗5隻粟米水餃，嚟到我先睇到落錯單，免去麻煩，我就要咗水餃麵線，有豬腸+豬肉丸，湯底好鮮味，米粉軟滑粟米水餃，豬肉粟米饀，饀較少，味道較淡韓式辣味鍋貼，入口微辣，鍋貼煎得好脆口，唔會好油