Bakehouse

Open Now

Now Closed

早前新年前，我走到東薈城買鞋過年，經過星巴克前址，開了 <Bakehouse>！所以，今年2025 蛇年 CNY staycation (1/31~2/1 年初三、四)，在東涌福朋喜來登酒店 Four points by Sheraton 住酒店期間，一定要抽時間來幫襯！反正，為了趕到酒店 shuttle bus schedule，我提早食晚餐，打算買一件酥點或麵包，外賣返酒店做宵夜！ 最終，深夜不肚餓，留待第二日  cheuk out 前食！晚飯後走過來，難得出面不用排隊，只有店內排隊，見到個牌註明蛋撻已賣哂！店內主要售賣及廚房，而室外的用餐區得好細地方又少枱！柚子雲呢拿冬甩 $40幸好，我選擇了柚子雲呢拿冬甩，而不是雲呢拿冬甩；否則！恐怕我食啖嫌甜就掉！本身鬆軟的冬甩表面已有砂糖，有一定甜度！加入柚子元素，軟滑的吉士餡夾雜雲呢拿籽，充滿果酸，酸中帶甜！

呢個雪糕只係東涌同沙田至有，作為東涌居民，當然第一時間試吓啦！原來開心果醬並不是只係面頭嗰層，而係中間都會唧一層！所以開心果味幾濃！底層有驚喜，係千層酥，帶來脆脆嘅口感。由於千層酥本身係甜，所以食到最後會覺得太甜，好想飲水嘅感覺。總括嚟講係幾值得一試，開心果控更加唔好錯過！

難得今日下午去到Bakehouse，條隊唔算好長，大概等咗唔到10分鐘就買到啦，今日買咗佢哋嘅蛋撻，大澳蝦子卷同埋巴東牛肉批，整體嚟講都算係唔錯嘅。佢哋個蛋撻皮非常嘅脆，亦都有層次感個蛋撻好滑亦都好香，一定要試一試佢嘅蛋撻，可以焗翻熱佢更加好食😋至於佢嘅大澳蝦子卷，食落鹹鹹地幾有蝦子嘅香味，但係味道一般，巴東牛肉批就非常嘅香，入面好足料，如果係想食一個味道濃啲滿足感多啲嘅麵包，就一定要揀巴東牛肉批。

大澳蝦籽卷$36本身擔心中伏 但係見到得東涌有 幾特別同埋有香港特色就試下 聞落勁香噴噴 食落鹹鹹地幾得意唔錯 值得一試 如果再經過東涌都會買奶茶蜂蜜多士$12喺其他舖頭唔見原來都係東涌限定甜到有啲似拖肥咁 都真係有奶茶味 不過係一半奶茶一半蜂蜜 好脆 細細個幾得意葡撻冇影相有啲燶但係都一如以往地好食都幾多人 有堂食短排隊等一陣先入到去買嘢

🥐麵包 🐻‍❄️#新奇控 🐻#炸物控——————🐻🐻‍❄️去嘅時候係初五嘅10點左右，得舖頭入面有幾個人排緊隊😆所以5分鐘內已經買到啦～【東涌限定】🥐大澳蝦籽卷 Tai O Umami Roll$36超級多蝦籽！外面酥脆🤤，入面軟身，幾有空氣感，食落有咸香，食完齒頰留香，唯一係燶咗少少，食到啲啲苦味結論：如果唔多人排隊，無論遊客定香港人都值得一試呢款包👍🏽🤣真係幾有特色，蝦籽濃過蝦籽麵，仲要東涌分店先有得賣😛

之前食過好多次佢嘅蛋撻，今次食早餐想食咸野，所以揀咗巴東牛肉批，結果有驚喜！熱辣辣，入面嘅牛肉係好似牛腩咁大舊！而且好夠淋夠未！最緊要唔係好辣，不過如果想食辣嘅朋友會有啲失望。如果多返少少汁就更惹味！牛肉份量好多，直頭好似食咗碗牛腩麵咁！推介👍🏻👍🏻👍🏻之後我仲試埋佢個馬沙文雞批，都係咁多餡，汁亦都係較少，雞肉冇皮但都唔鞋，值得一試

我一直都好鍾意Bakehouse嘅食物，特別係佢哋嘅蛋撻，真係一流！今次聽到佢哋喺東涌開新店，身為東涌居民嘅我真係好期待！頭一個星期特登忍住唔去排隊，而家每日早餐都會喺Bakehouse解決。試咗幾款東涌店獨有嘅食物，再試埋佢幾款signature包，最鍾意都係佢哋個蛋撻，其次係大澳蝦籽卷，之後喺apple crumble。值得一提，係個大澳蝦籽卷，一拎出嚟已經好大浸蝦子味，食落口鹹鹹甜甜的，有少少似食緊有酥皮嘅蔥油餅嘅味道😆身邊朋友覺得佢又鹹又甜，但係我自己就覺得幾有驚喜幾鍾意🫶🏻

Bakehouse開到去東涌！今次俾佢個Tiramisu 雪糕🍦($58)吸引咗去😙 雪糕係牛奶base，面頭灑上可可粉，配埋焦糖杏仁脆片。本來以為只係得雪糕同杏仁片，但食到底有咖啡浸住手指餅，而且食得出有少少酒味🤤即刻加咗分，不過定價上始終有啲貴🫣試一次都夠當日除咗雪糕之外，都買咗另一東涌限定— 奶茶蜂蜜丹麥多士~因為外面裹滿焦糖，所以夜晚食嘅時候都仲係好脆，不過焦糖嘅味同甜蓋過多士裏面嘅奶茶醬，整體好甜🫥

最近Bakehouse 在東涌開了分店，一直都很多人排隊，今天我便買了蛋撻、大澳蝦籽卷和雲呢拿冬甩品嚐一下。蛋撻：蛋撻的外皮十分酥脆可口，而內裏的蛋漿質則香甜美味，每一口都充滿著淡淡的雞蛋氣息，口感亦十分順滑，是我品嚐過最美味的蛋撻之一。大澳蝦籽卷：這款是東涌分店限定的，蝦籽卷內有蔥花和蝦籽，味道咸咸的，無論是口感抑或味道都挺特別的，這個是我最驚喜的款式。雲尼拿冬甩：對比剛才兩款，冬甩的味道便比較普通了，不過冬甩的質感都十分鬆軟，而且雲呢拿醬亦不會太甜，大家都可以一試的。價錢方面，蛋撻$12.5一個，大澳蝦籽卷$36，雲呢拿冬甩$40，總共$113.5。總結來說，這間店舖的出品十分出色，東涌終於有美味的麵包店了。

新開張，之前食過都好食嘅。買之前已知冇曬蛋撻，我都照買。霖住第二日早餐。買個時已經得返好少人。（應該係重要因素）甘我間之前都霖左陣，睇個店員有推介大澳口味個餅，加上又最後一個（好似話係東涌限定），甘我就要埋，加上芝士條同英式鬆餅。臨埋單比人打尖，話比少左個蛋撻，早上買嘅，買左兩個，到夜晚先知比少左一個，甘就因為冇曬蛋撻，最後補返錢比個客人。我就心霖：嘩，早上買，到夜晚少左一個，都有小小難搞啦，自己食左都話唔定。甘搞完之後就到我啦，咁我比完錢，拎左就走人。點知啲好報應嘅野就發生係我身上，第二日我打開黎準備食早餐， 嘩，少左個英式鬆餅。真係自己都笑左出黎，我買個時都冇乜人，都不忙，又5使趕住清客，估唔到到我自己都少左個，真係5好亂甘笑人。真係以後買完都要簽查下先得。

山長水遠去東涌Bakehouse,想試東涌限定既奶茶蜂蜜🍯丹麥🇩🇰酥多士、大澳蝦籽卷同提拉米蘇雪糕🍦，新店就喺東涌站出口，皓方便，見到幾十人排就係，有兩個毒男排我後面問職員🧑‍💼呢班人排乜？門口大約有二十個半戶外位，未坐滿，職員👩‍💼喺門口就分批放排隊既人入鋪買包。大約排咗15分鐘就到我，見到最後一件奶茶🥤蜂蜜🍯丹麥🇩🇰酥多士（$36）俾前面既女人👩🏻買咗，有d嬲🤬。就叫咗另一件東涌限定既大澳蝦籽卷（$36）、酸種蛋撻（$12.5）同雙重朱古力🍫曲奇🍪（$22），想買杯咖啡☕️堂食點知話收5:30PM就冇嘢飲🧃賣。喺鋪頭出面食咗蛋撻，凍既，皮唔脆，失望🙍。第二🥈朝食大澳蝦籽卷，咸咸地，味道👅怪怪的🤨。下次會試奶茶🥤蜂蜜🍯丹麥🇩🇰酥多士同提拉米穌雪糕🍦。

同事今日買番來請大家食😋東涌新店新開😁先試蛋撻🥚, 雖然放凍左, 但依然外面層酥皮也是好鬆脆🫶, 咬開見到一層一層酥皮👍😋非常好吃😘, 中間的蛋食到好香💞, 少少甜啦😍, 再食新出產品 - 奶茶蜂蜜丹麥多士🍞, 細細件四方形好可愛🤩, 不過我咬外面層皮, 我個人覺得硬左d😆要d牙力咬開😁, 初初以為係迷你丹麥多士😅點知入面係有啡啡地色的餡🤣但奶茶同蜂蜜我自己唔係好食得出😅😂🤣只係食到有d甜甜地的餡料, 不過比我㨂, 我都係喜歡蛋撻😋👍下次試下其他先😀😄

買左9個麵包，其中3個店員問要幫忙反熱嗎？(我回答要)之後店員包裝好麵包，表示已經麵包已經齊數。返到屋企點知原來仲差1個。一間價錢要$30至$40，1個麵包間點可能出現咁低級錯誤。

主打招牌酸種蛋撻的BakeHouse 新店選址東涌，仲要一出地鐵站B出口就係，可以外賣🥡都可以堂食，室外設有少量座位，可以坐低享受吓。多款酸種面包、酥皮蛋撻、英式鬆餅、牛角酥、肉桂卷、曲奇吉士冬甩🍩應有盡有，抵佢係長期人氣長龍店。新店有幾款限定口味，可惜當天沒有奶茶蜂蜜丹麥酥多士同Tiramisu雪糕但有大澳蝦籽卷。大澳蝦籽卷（HKD 36):充滿淡淡嘅醬油香，加上大澳益昌號老字號蝦籽，質感似蔥油卷，由於每一層都塗上醬油和蝦子，整體略嫌過鹹，無下次。酥皮蛋撻（HKD 12.5): 果然係名物，酥皮夠曬脆，雖然吾係熱辣辣，內餡吾會太甜，充滿煉奶香，分享食會好啲，自己食曬會好膩。總結：值得一試 排下隊酥皮蛋撻名不虛傳

既然東涌開咗間新嘅 Bakehouse 分店， 咁就 例牌排下長龍 睇下如何。 一口氣買咗以下食品： mushroom quiche($48),two cheese onion scones($22x2), cheese Danish($28), cinnamon pecan roll($36); total $148 返到屋企即刻試下，果然冇失水準 ，真係好食嘅嘢 呃唔到人亦都唔會氹到咁多人去排隊。 呢間分店都好多 麵包分類，但係蛋撻就一早買曬 有啲失望。 希望佢哋 能夠維持水準造福香港人。