Baker Talent

Open Now

Now Closed

去開深水埗 經過見到新加坡過江龍麵包店 Baker Talent 櫥窗吸引咗我入去買嘢食D24榴槤菠蘿包王牌產品 港式菠蘿包脆皮薄而脆 咬落有真。榴槤果蓉在內 飄來榴槤之香 喜歡食榴連必食精選蔓越莓乳酪包包質地係幾軟蔓越莓乾酸甜 對女仕們有益內有香滑軟芝士忌廉 作為早餐幾啱特濃芝士撻有流心芝士好邪惡 咸香芝士配曲奇皮作為下午茶☕️小食👍🏻葡撻酥皮葡撻蛋味十足配小小焦糖面香食左一件想食多件配返支奶茶最合適#bakertalent#新加坡麵包達人#菠蘿包#葡撻#芝士撻#hkfoodlover#深水埗美食#hkfoodig #hkfoodshare #hkfoodsnap#hkfoodblogger#hkfoodblog

招牌 108層葡撻 $6一直覺得kfc嘅葡撻係性價比最高嘅，今日發現呢間麵包店嘅葡撻可以媲美kfc 😛 葡撻皮酥脆，中間蛋漿勁香，帶點微微焦糖香氣😽$6超抵食‼️招牌特濃芝士撻 $7見芝士撻都係招牌，一於試埋佢😋超出色‼️咬開芝士味好濃，軟心效果，重要放係熱爐入面保溫，熱辣辣超正😍蔓越莓乳酪 $10檸檬芝士包 $10一向都好鍾意食呢一類嘅軟包，見到呢兩款啱啱出爐熱辣辣，點可以唔試呢🥹蔓越莓乾好多，酸酸地，中間嘅乳酪將份量適中，甜甜酸酸食唔停口！檸檬芝士香氣撲鼻，唔係香精味！入面芝士較乳酪會偏硬身少少，係兩種唔同嘅質感，兩個我都好鍾意🥰雜錦迷你包$19 一包入面有5個，可以試唔同嘅味道😽比較鍾意入面嘅奶皇包同紫薯包🌟

又嚟咗呢間新加坡🇸🇬過江龍麵包店買麵包做早餐！麵包款式相當多, 又有特色, 麵包平均都係$6-$10, 價錢大眾化, 超級親民, 麵包迷一定要試！🍞香芋包一包5個, 包體好軟熟, 充滿芋香, 裏面仲有少量芋泥, 口感綿密💜🧀️特濃芝士撻 $7一個好抵食！新鮮出爐, 香噴噴熱辣辣！加熱後有流心效果, 中間呈半溶狀態, 口感軟滑, 芝士味香濃, 充滿芝士嘅鹹香～ 曲奇皮厚薄適中, 夠香脆, 有牛油香, 好「芝」味！🍞蔓越莓乳酪包麵包口感鬆軟富彈性, 外Q內軟, 酸酸甜甜嘅蔓越莓搭配質地細膩又充滿奶香嘅cream cheese, 唔錯👍🏻！ 佢哋仲有樽裝咖啡☕️、樽裝奶茶、榴槤菠蘿包等等, 下次試吓先！

個日經過深水埗，就入左呢間麵包鋪，買d麵包番屋企試特濃芝士撻芝士同奶味香濃 建議焗返熱嚟食 就有流心嘅感覺 好邪惡🤭🤭榴槤菠蘿包一切開榴槤味就湧出黎 裏面嘅榴槤蓉軟軟的 d榴蓮味唔會好假 鍾意食榴槤嘅人一定要試🙈🙈葡撻 正常一個葡撻 都幾有蛋味 $5一個真係抵 抵過去澳門食🙈🙈蔓越莓乳酪包口感煙煙韌韌，乳酪嘅鹹香，加埋蔓莓少少酸味 特別開胃🤭🤭斑斕菠蘿包 有好香斑斕味 斑斕味好足 同咖央好夾 咖央餡都好多 唔會咬幾啖都未有餡👍🏻👍🏻

今日去開深水埗, 經過見到呢間麵包舖 Baker Talent, 原來係新加坡🇸🇬 過江龍麵包店麵包款式有特色得來價錢又相宜, 仲有自家製既奶茶同咖啡😋我就買左招牌榴槤菠蘿包 🍞 榴槤融入左港式菠蘿包, 一切開就聞到超香榴槤味, 入邊仲好多榴槤餡, 超級足料爆漿朱古力包原來有超多朱古力餡, 一切開入面 d 朱古力流心流晒出嚟 🍫 蔓越莓乳酪包, 入邊係滿滿既乳酪, 包身非常鬆軟, 味道比較清香特濃芝士撻芝士味超級香濃, 而且好嫩滑仲有英式鬆餅超級鬆化, 切開唔會好容易碎

去開深水埗必定會幫趁呢間麵包舖，因為港島區無分店。各款麵包都有特色又唔貴，不過麵包已經有好多人比comment，所以今次特別寫我第一次試嘅杏仁條。質感同蝴蝶酥相似，都係酥脆微甜個類，細細條面層有杏仁片，杏仁味唔太突出，不過整體有牛油香好好食，而且一包好多條都只係廿五蚊，夠我食三日！今日係第二日，食落仍然酥脆，下次去開深水埗會再買！

‧˚₊*̥⸜(* ॑꒳ ॑* )⸝‧˚₊*̥┈┈┈┈┈┈┈┈┈┈┈┈┈┈性價比高新加坡麵包店！之前已經食過元朗店，麵包都係介乎$8-$15不等~招牌榴連菠蘿包都係我回購列表之一✨上次仲試左斑蘭卷蛋，芝士撻，全部都好岩我口味😽今次決定試下其他款～┈┈┈┈┈┈┈┈┈┈┈┈┈┈𐂐 ⠜雙重芝士岩燒蜂蜜蛋糕 $20 (3/5)芝士岩燒部分非常金黃，蛋糕鬆軟有咬口入口有淡淡芝士香氣，但蜂蜜味更加突出😳好耐無食過蜂蜜蛋糕覺得好懷念😹┈┈┈┈┈┈┈┈┈┈┈┈┈┈𐂐 ⠜D24榴連菠蘿包 $15 (4/5)內餡選用馬來西亞D24榴連製作，榴連香味撲鼻，隔住口罩都聞到😍仲保留到果肉口感！翻熱後的菠蘿皮會更脆身，整體出色✨┈┈┈┈┈┈┈┈┈┈┈┈┈┈𐂐 ⠜爆漿朱古力麵包 $9.5 (4/5)朱古力控值得回購🫶🏻內餡超多朱古力漿😋 唔係好假又死甜既朱古力味，每一啖都食到濃濃的朱古力餡。呢個價錢黎講真係好值得回購✨┈┈┈┈┈┈┈┈┈┈┈┈┈┈Ig @cheri_foodiary

嚟到呢間新加坡嘅過江龍麵包店🇸🇬當然係要食佢哋嘅傳統斑斕咖椰✨港式菠蘿包變咗斑蘭味 好清香 幾特別🥰再配埋內餡嘅咖椰醬 食落仲有濃郁嘅椰子味🥥呢個配搭都幾唔錯😋

呢間麵包店都幾多分店，不過今次係第一次試，麵包真材實料喔！😋🥯雜錦包包：有4款包，每件細細個，但餡料係充足既👍🏻1️⃣紫薯餡：紫薯餡唔會好甜，更加冇刻意加椰漿，我中意原汁原味既紫薯。2️⃣芝麻芝士：芝麻麵包同cream cheese 幾夾，估唔到幾好食😋3️⃣流心可可：焗熱有流心效果，麵包可可味濃，流心就偏甜。4️⃣奶黃：純樸既奶黃包，比流心奶黃更啱小妹口味。🍍斑蘭咖央菠蘿包：比個青BB顏色吸引左😳，咖央好有蛋香，同斑蘭味好夾！🧀芝士撻、葡撻：芝士撻芝士味香濃，葡撻就普通。味道：🔅🔅🔅🔅新鮮：🔅🔅🔅🔅分量：🔅🔅🔅🔅衛生：🔅🔅🔅🔅速度：na（5🔅為滿分）

新加坡過江龍Baker Talent 以親民價格售高質多元麵包糕點👍.好多人早餐都會食麵包，食到個好味的包，為新一天注入動力很重要😆 除了慣常會買的日本大型A字、Ch字、Y字麵包鋪，最近多了來自新加坡的Baker Talent 👍 選擇多元而且價格親民，令我忍唔住買了幾天的早餐、下午茶和甜品🤣.🎂岩鹽蜂蜜芝士蛋糕 $20這個小小的芝士蛋糕份量剛好可以獨自KO，芝士味濃，非常sponge，面頭燒香的蜜糖芝士，絕對是精髓。🍮焦糖燉蛋布甸 $12 🧁紫米布甸 $10🥭芒果布甸 $10 對於愛吃甜點尤其布甸的我，看到多款布甸立即心心眼😍 布甸我會首推紫米，第2是焦糖燉蛋。布甸真材實料，奶和魚膠粉份量控制得宜，口感不會太彈或太稀，甜度適中。🍪開心榛子朱古力包 $10這個包充滿榛子朱古力，咬一口已知肯定肥到笑了，愛吃榛子醬的，一定會愛上。🧀芝士撻 $7🥧千層葡撻 $6這兩款撻都有驚喜，芝士撻的芝士味濃，焗一焗更有少許流心，而葡撻的皮做出高級麵包店的水準，非常酥化。🧋自家製無冰奶茶 $13茶底濃，不過奶略嫌偏少，所以不算絲滑，但都可接受的。🥐流沙牛角包2個裝 $10牛角包小小的，一袋兩個，口感鬆化。

呢間新加坡過江龍麵包店最近好高人氣🇸🇬雖然葡撻唔係新加坡嘅～但係佢哋主打108層酥皮😍酥皮非常酥脆 牛油味勁濃郁🧈內餡嘅蛋漿好嫩滑香甜 蛋味濃郁🥚再加埋個焦香 真係好正！

新加坡過江龍麵包店主打新加坡風味嘅自家製麵包，款式新穎多樣，價錢亦好親民。當中D24榴槤菠蘿包更係麵包店嘅招牌，作為榴槤控梗係要試吓啦！D24榴槤菠蘿包 ($15)用上馬來西亞直送D24榴槤肉做餡料，入口有濃郁榴槤香！招牌黃金流沙包 ($9.5)流心效果澎拜，食落仲有沙沙口感，味道鹹中帶甜。雙重芝士岩燒蜂蜜蛋糕 ($20)蛋糕質地鬆軟，入口有陣陣蜂蜜香味，口感清新輕盈。特濃芝士撻 ($6)芝士餡軟綿creamy，芝士味香濃，食得芝味！

Baker Talent 新加坡麵包達人由新加坡進軍香港，麵包店採用100%日本麵粉，蛋糕內除了百香蜜之外無添加任何其他糖份，喺當地好受歡迎！嚟到香港同樣受歡迎，越開越多間，連成日經過嘅深水埗都開咗分店，聽聞幾好食又抵食，今日經過即去買嚟試吓先！除咗有新加坡風味嘅麵包，仲有東南亞口味嘅包！餡料是由新加坡及馬來西亞直接空運來港，夠晒原味！菠蘿包有唔同口味，例如：叉燒、咖椰、咖啡、紅豆、咖哩、榴槤。榴槤餡係用D24榴槤肉，可惜手慢比人夾晒，唯有下次！所以食咗新加坡口味嘅《 班蘭咖椰菠蘿包 $8.5 》 菠蘿酥甜中帶班蘭咖椰香，都幾好味。《 意大利松母 $13 》因為肚餓所以食呢款有腸仔同肉鬆嘅包。第一次食到肉鬆卷住腸仔包，雙倍滋味又飽肚。《 蔓越莓乳酪 $9.5 》麵好鬆軟，咬開有乳酪，入口濕濕哋唔會dry，加埋蔓越莓有口感又健宜。《 岩燒蜂蜜雙重芝士蛋糕 $20 》外層帶硬身嘅蜂蜜芝士，入面係蜂蜜雙重芝士海綿蛋糕，香口但輕盈唔膩。

前一排係深水埗有一間好紅嘅過江龍新加坡Bakery，其實係深水埗有兩間分店，兩間之前都成日要排隊，必買嘅item包括$6超正流心芝士撻、108層酥皮葡撻同多款爆餡麵包，號稱凍食同熱食都甘正！｛迷你芝麻芝士包 $17/5個｝呢度嘅麵包仔好多款，今次買咗其中兩款袋裝麵包做早餐。好香軟，包餡有芝士粒，鹹香加埋芝麻香，大人小朋友都鍾意食！｛迷你牛仔酥 $17/5個｝好香酥好邪惡，牛油味都幾重，不過感覺唔太飽肚。今日撞唔啱時間食唔到出爐芝士撻，下次一定要再黎買！Ü

這區有不少麵包店呢來自新加坡的過江龍麵包店Baker Talent之前試過長沙灣的分店 麵包口味不錯 麵包有傳統港式款類 亦有新派口味今次再試試這間分店檸檬芝士包好像不能抗拒所有含有cream cheese的碳水化合物lolCream cheese 份量還好 檸檬酸酸甜甜的簡單ko的一個麵包 雙重芝士岩燒蜂蜜蛋糕面層芝士香濃 加上甜甜的蜂蜜 蜜糖芝士的組合十分誘人蛋糕口感輕盈 不是那重密度容易膩的芝士蛋糕紫薯雜錦包仔一包有五個小小的迷你紫薯包裡面有貨真價實的紫薯蓉會咬到有紫薯顆粒 甜度適中