飽餅城 (Closed)

是面包更有性价比坚果包意外的好吃！🍞口感有点像司康又有点像大列巴，扎实的面包中每个角落都有果干和坚果🍒，让麦香中附和着满满的酸甜与油香吞拿鱼餐包的口感很松软，而且肉馅儿很足🐟，但是吞拿鱼的调味确实有点咸❣️每一款都很便宜，虽然我嘎嘎吃了三个，但也好划算

包餅城喺景峰駐紮十幾廿年，味道依然，價錢亦都保持實惠老闆年中無休 麵包日日新鮮出爐 味道唔算好味到話驚為天人 但絕對係對得住個價錢 扺食夾大件 細個最鍾意食餐肉包 腸仔包 而家都一樣好味 值得推介

這家麵包店在景峰區已開了多年，一直有幫襯開，雖然一個小小商埸已有三間選擇，但不知怎的總對這間較有親切感，可能一進去感覺已很乾淨整潔，簡簡單單，感覺也較衞生，麵包種類不算多，沒有很多花巧款式，但勝在夠實際，所以都很受街坊歡迎。我自己就每次出去行山郊遊時都會買件三文治或者提子麥包，三文治通常有吞拿魚生菜丶芝士火腿等。我就通常吃吞拿魚生菜三文治，最喜歡的還有他們不是用白麵包，而是應該加了小麥造的，比較健康。至於吃了多年，今次忽然令我寫這食評的原因是，有朋友發現這間店的磅裝麵包幾天就發霉，即是証明了沒有加防腐劑，是一間良心店👍

經過超級喜歡買佢既冬甩，$4.5 一個，好足朱古力料，味道偏甜咗小小，但唔會話甜到太膩。而入面個包係炸脆咗! 食落口好有口感。不過可能太好賣，所以可能會賣哂，如果去買，有時要撞下彩。佢既菠蘿包亦係值得推薦既。包上面果d脆脆唔會好冧，亦好多好夠料。最鐘意就係咬落去時，會聽到chop chop聲。而佢既包係會飽肚既，唔係果d空氣包，係真係用足夠既面粉而整成。而佢其他面包都係抵食既! 唔話話太貴，味道亦絕對唔難食!

紅豆酥 $6今次係試下外貌十分精緻既紅豆酥上面有一個好似螺旋型既酥皮吃下去同預期有少少出入 冇咩甜味不過諗番酥皮湯其實都係沾上湯帶味就算紅豆餡料唔算多 不過要讚係紅豆蓉有粒粒有豆衣既紅豆更有嚼勁雖然外貌精緻 不過為味道我會選擇紅豆菠蘿

冬甩 $5夾麪包時見到大大個冬甩 十分吸引拎上重手 油感頗重砂糖多到食既時候都跌左唔少落膠袋度砂糖一粒粒係口中融化 甜蜜蜜的雞尾包 $3餡較似液體 椰絲唔多主要甜味少鹹味餡料包同樣多特別唔同係 表面係花生唔係芝麻味道也不錯菠蘿包 $3包有份量 菠蘿皮脆但蛋油少令賣相跟平時見的不同味道上甜味都足夠 就已經係好食

平時走過飽餅城 櫥窗雪櫃總會有不少倒汗水 看不清內裡既蛋糕加上有些紙包蛋糕,全蛋蛋糕 或者連汽水都放進內店面真的不修邊幅 這是隱世大師出現的環境嗎?雖然店面不修邊幅 但傳出既烘焙味總比隔離麪包店的香走進店內 看見師傅把香噴噴既法包 從廚房放進竹欖拿出店面他拿起一個細的法包 "卡落"的聲音從他口中傳出平時聽母親大人講 麪包師傅跟家人大多都不吃麪包都是第一次見麪包師傅吃自己造的麪包合桃包(大) $14.5合桃包賣相係A1 d裸麥包樣子A1這類型的包半個都要$15吧麥包鬆身帶少少粗糙感 上面灑有糖霜內裡真係有好多合桃味道質感上跟A1十分相似試問舊式麪包小店 那會找到這種類的包呢其實師傅不是對造麪包失去興趣只是有股與生俱來既"麻甩"罷~

沒想到早餐 到處尋覓早餐找到一間小小店 賣的除傳統式麪包竟然會有一些現時西式麪包店挺出位的裸麥包不過今次買既係...英國方飽 $8$8好抵食雖然係小店 但有自家既家庭裝麪包膠袋挺令人意外的薄切高身鬆軟 可以拉出絲麪包皮會有少少焦化後既鹹味重點係十分軟腍 放入口十分舒服試左唔同醬料 配牛油真心唔錯薄薄軟身包心 平時味道唔凸出既牛油滲入一絲絲既麪包內 油脂脂肪香係口內更香濃另外配cream cheese都唔錯 因本身包帶少少鹹 cream cheese原本唔顯注奶味 上釣了!!!鹹得黎又creamy

幾日內再要寫一次這店子的食評. 就連自己也覺得有點偏心了.就算要我寫最少八十字(因為好久沒寫食評,不知由何時開始的事), 我都要寫.今次要讚的是它的麥方包. 四片只賣四元. 八片的賣八元.扺食!size不是普通嘉X小平方size, 而是那些叫做英式方包的,比較高身那種.麥方包中不只有麥糠, 還有一些硬果仁, 昨晚買, 今早食都仲幾軟熟.圖下方是三角朱古力旦糕 $5. 最抵讚的是, 它跟之前買的瑞士巻一樣都唔甜.質地都一樣很軟熟, 之前買果條瑞士巻我放左入雪櫃兩日都仲好軟熟, 但食落又唔覺好多油, 所以都唔知點解可以做到咁軟熟.我一向飲咖啡唔落糖都覺得唔甜, 如果你鐘意食甜的旦糕你就千其唔好買了.

我一向喜歡食麵包, 但也一向不愛食甜,所以多數食咸包.但這店子給我一個驚喜. 在屯門住了多年, 經過這店子無數次都沒有試過它的出品. 但在這三日裡面, 我光顧了兩次, 合共買了約五十元的麵包旦糕( 是一個人吃的)第一次試左一個洋蔥麥包,咸咸香香的洋蔥味很合我口味. 它也令我決定會再試其他包.因為好想試多些不同的款式, 所以連lunch也決定食麵包. 它的麵包款式有些特別. 試了幾款咸包, 覺得不太油.它的旦卷是我試過最少甜又軟身的

星期六，首先因為要等送家電而滯留了在家中，早上同中午都在家中，與公仔麵及隔夜飯餸為伴。搞好，太太說今天必定要去屯門。雖然，她不叫我也一定會入去，但為何她會那樣的緊張呢，原來是為了小兒的表哥，Ian 生日的大蛋糕，要由屯門的這一家餅店，運至大埔太和邨。雖然不是新鮮的水果蛋糕，但這樣的排列，這樣厚度的忌廉，再加上一個圓形的蛋糕盒，可以說是帶一點80's的味道。桃是罐頭的，不過用來做蛋糕，這些罐頭水果就發揮到其可愛的特別作用，總覺得忌祺配上這一種用syrup浸到不知時日的水果，尤其是桃，有一種不一樣的味覺感受。而士多啤梨是新鮮的，不過一分錢一分貨，味道同香味就不是太足夠了。要讚好的，就是層忌廉同軟綿綿的蛋糕內心。即日手做的蛋糕，忌廉甜美而不漏，不太厚，又不太薄，內裡就是純蛋糕，純忌廉，也許是特別要求，所有含魚膠的東西，如啫哩，都沒有出現。這樣的純蛋糕，純忌廉，更加的簡而美。雖不是大美食的一個蛋糕，但此店保持了令人想當年的蛋糕製法同包裝法，忌廉香，水果混搭得又不錯，令我再次感覺到，想真正的享受蛋糕，係要到呢一類local餅店訂做，才能合心合意。

一早, 齋妹來到我家, 商量去台灣一事, 昨晚係佛堂附近買下的麵包, 今天早餐才食. 景峰呢間麵包店, 是百母及一眾道親們, 次次都幫襯既麵包店, 原因是這裡製包過程中, 不落豬油, 不落Lard. 食堯黎雖少了那種麵包香, 亦沒有一般的麵包鬆軟, 這就是好standard 一些低脂食品既口感.我要了個蘑菇吞拿魚包, 菜菇多, 肉少. 喜歡啖啖肉的人一定不太喜歡. 不過少肉有少肉好. 食落沒有多餘油脂, 感覺好健康. 雞尾包, 沒有用上芝麻, 改變用花生粒, 我沒有食, 一但拿上手, 油質不重, 比起同類形包硬身了少少. 又是低脂的原古吧.這兒仲有一個好出品, 就是芒果Pancake, 不過今次, 為免買左冇人食, 而且二人亦說過要減肥. 一人一個包算了.