峇里餐廳 (Moved) New Location

家姐在openrice見到這間印尼餐廳獲得好評，於是就約埋一齊試試同行四人叫左1) 雞豬串燒各半兩種肉都好滑，熱辣辣，唔係翻燒，有肉汁和有肉味，加埋個汁，好食呀2) 栗米蝦餅咬落口，皮脆，仲有好香的栗米湯味，但蝦肉就唔多3) 黃薑飯d飯有好香既椰汁味，唔，但感覺唔到薑味，配埋旁邊的餸，有菜、牛、魚和雞等(黃薑其實是一種健康的食材，聽說有助防癌)4) 蜜糖雞翼皮略硬，雞肉則幾滑，其實好食，但我覺得唔是太特別5) 巴東牛肉飯牛腱林，但巴東汁唔夠辣，可能怕客人食唔到辣其實這裡的食物都好好味，但應不是正宗的印尼菜，可能為了迎合港人的口味。如果你不是追求正宗印尼菜的感覺，這裡絕到是一個好選擇。

好正宗架印尼野~好好味~值得一試!價錢吾算貴...開了幾十年架餐廳..果然有一番水準!食完之後原來有糖可以拎~~而且店鋪有糖果小食售賣~好特別!價錢便宜~

復活節假期無所事事,老公突然話想食印尼菜於是上網搜尋,見到幾好評價一於去試下.一家4口6點幾去到有2枱客,到我們走都不過10枱客.老公最LIKE黃薑飯叫了大SIZE.(好多料C6猛讚好味)東巴牛肉飯(我覺得麻麻,個女同C6話好食,最後一舊都唔食埋佢要我哽.炸栗米球,D評語話外面炸到好脆,但我們食就淋的.半打雞豬串燒真係唔熟,D沙爹醬勁好味,所以叫一份燒餅諗住點沙爹 原來有汁跟埋好好食.見到鄰枱碟雞亦好鬼香對仔女猛叫話要,真係CUT得好怪有個伙計過來叫我個仔用 手食食完去洗手比左幾張紙比佢抺個伙計同老闆時時過來問個仔D野啱唔啱食好 唔好食.走時老闆比左兩粒糖個仔出到門口伙計同老闆娘叫我地試下D薑糖好好味GA攞多幾粒去食.非常之NICE

試左巴東牛肉飯~$3x, 幾香辣d肉質ok腍入味, yeah~抵試黃薑飯~$3x, 好多配料, 但個飯自己唔夠味半打串燒---豬&羊~$43, 唔ok呀食唔出邊串係羊定豬, 淨係知道d肉'鞋'口~又唔夠熱~個汁就幾惹味~好重香茅味栗米餅~$3x, d栗米好香甜, 好多面粉漿, 外脆內軟~係幾好食架~不過貴左dd囉羊肉餡餅~$18, 唔夠咖哩味, 個餅咸左d, d羊肉都ok既~咁既價錢都算幾好既蜜燒雞中翼~$60, 真係好好味, 夠香夠入味, 易折骨, 方便食入座7點半我地4個人坐卡位可以大聲講大聲笑食到約9點閃人冇伙計催我地走而且服務態度ok走時老闆娘仲會請我地食好多糖^__________^係佢地地道既糖糖我隻隻味都試左d~嘻嘻~好唔好味就^^不過好多謝老闆娘熱情招待^____________^

同女友慶祝生日.同女友同女友個朋友黎左呢到.環境普通但服務非常好.我同友人拎住個蛋糕入去.待應佢地冇話我地.仲比碟同叉我地仲上前同女友講生日快樂,幫我地影相tim仲即刻播生日歌!!真係好好.咁我地叫左-粟米餅..我覺得好好味呀.好脆.但女友同友人都覺得麻麻.-雞翼..3個都覺得真係好好味呀.雖然cut得唔係咁好呀.但個味好好味仲用黎撈飯!!!-黃薑飯.個飯好味.但d餸就麻麻地.得個牛肉好味.下次淨係要個巴東牛肉算.-雞,豬肉串.岩岩黎即食好好味.不過凍左就冇咁好味嚕.-薄餅..好好味呀.好脆.比起其他我地食過ge脆.點埋d汁仲正.不過我都係中意點雞果個汁哈哈食到好飽坐一陣傾下計就走.呢餐食得好開心.不過唯一要講ge就係個洗手間好污糟.入面好多蚊.搞到我唔咁去.-_-不過算啦.係到同女友講多聲生日快樂.3.

I went to Bali Restaurant for lunch today. It was quite empty at 1pm as there were only 6 to 8 customers. I ordered a 黃薑飯, which allowed me to sample a variety of traditional Indonesian food, including 巴東牛肉, chicken, fish and vegetables. The 巴東牛肉 was by far the best, very tender and tasty. I would definitely come back for the beef.The server told me that the restaurant has been around for more than 30 years, and has its own loyal customers. The decor is basic and the service is ok. The p

原來老公吃過這裡的串燒後一直念念不忘, 趁這天在附近, 一於再來幫襯。今次串燒點了一打, 雞牛各半, 炭燒香味撲鼻, 剛剛燒好熱辣辣, 趁熱吃,依舊十分美味。老公愛雞肉串燒多一點, 我則喜愛牛肉串燒多些。上次試過黃薑飯, 今次試新的, 點了巴東牛肉飯, 醬汁香濃, 牛展好腍, 拌白飯同吃, 好味到難以形容, 比黃薑飯更精彩, 由於太好味, 老公以9秒9速度極速吃完, 厲害!!! 下次來可能要叫兩份才夠再試我們未吃過的栗米餅, 感覺新奇, 好似炸鮮奶的口感, 味道又好像將金寶忌廉栗米湯混入少許蝦肉, 不加水蘸上脆漿鮮炸, 外脆內軟, 配上特設的甜酸醬, 又是另一極品。每次來峇里餐廳均沒有失望, 美味的食物帶來無比的快樂, 這餐飯我們食得好開心, 而且這快樂的氣氛還持續到星期日。臨走時還吃到一粒蜜瓜味忌廉糖, 亦是很好味, 不知那裡可買到呢?

上星期日, 剛好有朋友生日, 特別挑選印尼的餐廳試一下...一入去先知係茶餐廳的形式, 雖然我唔係咁鍾意, 但聽朋友話好食, 所以點都要試下..不過好多人等位, 而餐廳唔係好大, 好不容易才坐低, 但個位好窄...我地點左雞翼, 栗米餅, 巴東牛肉同黃薑飯.雞翼: 好勁蜜糖味!! 好正... 蜜糖平均沾在雞翼的皮上, 每一啖好香甜~~栗米餅: 外脆內軟....巴東牛肉: 個汁好濃, 而且牛肉一點都唔老黃薑飯: 有好幾款配菜同花生肉鬆, 將肉鬆同飯混在一齊食, 又香又有咬口!! Good\除左食物, 我覺得呢度的老闆同伙計都好好人!! 雖然好忙, 但係好細心..因為我們食完雞翼有好多骨, 他們都幫我們清理好, 等我們張枱乾淨d.另外, 我朋友生日, 可能聽到我地唱生日歌, 竟然播放生日歌!! 全個餐廳的氣氛都好好, 播完歌, 全餐廳的人都拍晒手!! 好開心~~ 食完飯仲請我們食薑糖添~~我地都好鍾意呢間餐廳, 仲約埋黎食多次添..

今晚去了一間我已經一直都想去試GE印尼餐廳 - 峇里餐廳呢晚係幫老許慶生的. 祝你越老越正, 仲要好好咁鍚你個準老婆仔呀.今晚我完全跟足網上所推介的完全地點上. 雞翼呀, 黃薑飯呀, 粟米餅呀,荷葉包魚全都叫上. 全部都做得很出色, 令一大班朋友都食得非常滿意,好鐘意見到一班老友一路食一面滿足GE感覺. 所以我覺有時推介一D好野比朋友, 而朋友又非常喜歡時確係有一種不錯GE滿足感.呢度除左食物之外, 我同阿CA都覺得呢度坐得好舒服, 待應好親切, 感覺就好似上左朋友屋企, 而朋友屋企人係度幫手煮飯, 遞餸SOMETHING.ANYWAY, 我好快會再去, 因為真係一間不錯的店子! HAHAHA

印尼菜出名就是味上次同個老死一齊去呢間度試叫左巴東牛肉, 加多加多, 栗米餅, 牛肉串其中巴東牛肉餐送既餐湯最惹味~我朋友話我傻但真係好味~哈哈加多加多係一個好特別既沙律佢特別之處係用左D蝦片同雞肉粒至加埋D薯仔同菜雖然簡單但加上汁之後就剛剛好的配撘

12月27日(六) 一行六人，齊來試此店，結果是，我給予70幾分，其他人給予60分，唯只有一個評10分。因此口味這樣東西，真的人人不同，試過至知道。 人多且大食的關係，叫了很多食物： 蜜糖雞翼，正如大家所說，好香蜜糖味，甜甜的。好味!不過切割方式有點奇怪，雞翼尖剩三分一，雞鎚骨又剩三分一，雞骨兩邊飛，除非用手食，否則很不方便。 雞牛豬串燒，果真炭燒，一放桌已傳來炭燒味道!食落口無炭味，都有肉汁，不用點沙爹醬已好好味! 炒貴勺，不油膩，還有蝦，芽菜，肉絲等材料一起炒，麵質爽口，好味呀! 印尼炒飯及印尼炒麵，前者炒得乾身，後者較多油，兩者配料和炒貴勺一樣，只不過換了飯及河粉吧! 印尼併盤，有很多食物在一起，每樣少少，蛋、豬頸肉、海蜇、蟹柳、炸蟹蚶等，無一出色，所有都很普通。 豬頸肉，一般味道，又腍又爽! 炒雜菜，份量多，有很多不同類的菜，小棠菜木耳西蘭花等，似住家炒菜。 巴東牛肉，推介菜色!用牛月展來做，配以沙爹醬來煮，腍得來又好有口感，最快清碟的一碟，一致讚好! 酸辣雞，不喜歡的菜色，無論是香味或味道，我覺得很怪很臭!但同檯也有人喜歡! 紅豆冰，上面的染色冰有點兒驚嚇，味道亦屬一般。 F

食左小食後 就慢步來到這間不起眼的店子(其實內裡都幾大 所以不用怕會迫)忘記了訂位 幸好 不消一會就可以坐下想了很久才點菜因為很多也想吃 而餐又可能改為牛油雞翼最後牛油雞翼峇里鱸魚餐(包飲品 沙津 薯餅 甜品 飯)牛羊串燒先上的是魚仔炸香了的魚身加上酸甜的汁感覺很中式但味道不錯 而且份量不少 連餐都只係69蚊 抵食!牛羊串燒*各3除了個汁很正 肉反而覺得普通而且送上時是冷了 可能因為咁而扣分牛油雞翼到送上時才知道牛油和蜜糖雞翼是同樣的東西很好味 甜甜的 不會很漏 而且幾大隻 肉質厚 同埋唔會過乾但如果早點兒送上 就好同很可惜 沒有尖 !!!!!送上的甜品和奶茶也很很很麻麻可能當天是平安夜 客人多 侍應少經常要叫幾次才有人理會 而且最過份係見到我杯奶茶己放在吧面上可出但侍應都係直行直過 要再問幾次再拿來但整體來說 招呼也不錯最緊要快樂同場疑有openrice食友**而且當中仲有生日歌播其實氣氛不錯下次可以拉大隊來 這間是抵食的

東南亞菜本人較鐘意星馬、越南同泰國菜，但見呢間咁好食評，試吓。點咗Ｄ熱門嘅嘢串燒沙爹牛雞，炭燒，味非常好，但稍嫌不夠熱，扣少少分。黃薑飯，餸很雜錦，有巴東牛、牛餅、咖喱雞、魚、蛋、肉等，飯乾身亦香，不錯很好但不錯。栗米餅並不覺有下面寫得咁正，麵粉多，漏漏地，有Ｄ creamy 感覺，就係咁。另點咗條燒魚，少辣，typical 東南亞spicy 感覺，魚燒得○Ｋ。整體上不錯，但又唔係dump一聲咁正。

(11/12/08)估唔到呢間黑沉沉,懷舊味十足的鋪頭,會咁多人黎食野。上次食過福建炒麵,好好食。今次要來堂食。原來大家寫出來既,大部份是extra餐牌介紹/推介的食物。其實佢仲有好多種食物選擇,例如湯麵、米線、etc.。不過我也敵不過那些推介。如珍多冰,係我突登來為試試的,可惜完全唔係我想的一回事。那些椰糖+香草調的味,和綠豆粉鮮製的珍多條,完全唔係我呢個香港人既口味。我都係prefer港式椰汁紅豆冰、泰式凍飲的啫哩爽爽喇!牛肉+雞肉沙嗲串燒(半打$43),調味/燒得超好味!!據知以木炭燒烤,所以有朕朕濃濃煙燻味。而沙嗲醬都重味,可惜係甜甜的,無左沙嗲風味。黃薑飯,拌著的,多是炸物,炸魚柳、炸芋蓉、咖哩雞、鹵蛋等,各樣味道差唔多,食完都唔記得食左d乜。加多加多,有很多中式菜既沙律,而醬汁與先前的沙嗲/咖哩汁差唔多,又係少少甜甜o地,撈落d菜與蝦片中,什怪怪,食淨收場。太正宗既東南亞味,感覺成餐都食緊同一樣野,建議點菜宜濃與平庸味道都點d,味雷會平衡d。今次因為食物combination錯誤,所以評”OK”,相信佢其他食物係得的!另外每位店員也是伯伯級了,招呼很有人情味,是值得來吃吃。

母親大人係印尼華僑.見呢度咁多好評,就係母親大人生日當晚一家人黎呢度試試.裝修好有復古風,幾得意.五個人叫左七樣野.黃薑飯,雞肉串燒,巴東牛肉,蜜糖雞翼,粟米餅,咖哩雞同印尼煎餅黃薑飯-黃薑飯本身好清香,最正就係一啲都唔油!周圍有好多餸,有一兩樣重覆左,但一樣咁好味!母親大人都讚好食串燒-嗌得半打真係太唔夠喉!但基於嗌左太多野食,唯有下次再補數好耐冇食過咁香既串燒,仲食得出有炭燒既香味,真係yigiban!巴東牛肉-老闆話係用"金錢展"整既,肉質特別好食.真係無錯,而且汁又好味,正係汁已經吞得落一碗飯蜜糖雞翼-唔真係試都唔知,真係好大隻!甜甜地,又香!一流!粟米餅-個人好鍾意食粟米,一黎到即刻急不及待食!好香脆,我一個人就清左一半,攪到細佬無得食咖哩雞-呢度既咖哩同出面果啲唔同真係好食好多!值得一試既咖哩!印尼煎餅-又係正,再配埋咖哩汁,簡直係絕配!不過呢樣真係要趁熱食.因為試完一塊就急住食其他,最後一塊就攤凍左,果然無咁出色.最後仲試左珍多冰.味道唔識點形容,幾特別.個人都幾鍾意,但家姐話甜左啲.但係母親大人話珍多冰就係應該咁甜先地道啲叔叔們服務好好,全程不停加茶.間中問下我地夠唔夠