Bamboo Thai (朗豪坊)

Open Now

Now Closed

今日免煮出外吃，位於朗豪坊8樓Bamboo Thai，旺中帶靜，已經是第三次光顧，食物仍保持水準，好吃。這間泰國菜餐廳環境寬敞，坐得舒服。必點金黃色炸蝦餅，爽口彈牙，配泰式香草醬。馬莎文咖喱慢煮豬肋骨，香濃而不辣，非常惹味，配飯或蒜蓉包最適合。香茅雞肉炒飯夠乾身，粒粒分明，好香有鑊氣，最愛與肉鬆和腰果一起吃。暖笠笠椰漿糯米飯配上香甜芒果，是吃泰國菜必叫😋。黃金炸蝦餅配泰式香草醬 $108馬莎文咖喱慢煮豬肋骨 $186香茅雞肉炒飯 $108蒜蓉包 $38芒果糯米飯 $78

今晚6個大人叫咗個6人餐，發現真係好抵食，尤其係個炒飯，食極都吾完，另外串燒好惹味，青咖哩吾太辣易入口。切生日蛋糕時，職員又主動唱生日歌搞下氣氛，服務態度都令我哋幾滿意，值得再來。

餐廳環境唔錯👍🏻舒適！員工都有禮，不過服務效率同質素就真心一般！員工見我地啲碟滿晒骨，都唔會主動幫手換！收左我地隻碟又唔會拎過隻比我地，要主動再叫佢地拎返個碟先有得用🤷🏻‍♀️而家拎個碟都要成5分鐘🫢服務呢part真心扣晒分食物方面叫左三樣野：1. 生菜包味道唔錯，濃郁香葉味，少少辣，幾惹味！不過肉碎溝左唔少肥膏🐷而且生菜唔多，想多啲就要加錢。2. 火山排骨（小份）份量十分澎湃👍🏻肉質都嫩滑，不過聞落臊味好勁，但食落都ok！醬汁比較咸，魚露份量重手！3. 和牛炒飯牛柳粒份量都幾多，不過炒飯味道一般，比較油膩，而且冇泰式炒飯嘅味道！但當係普通炒飯既話，都ok👌🏻食物份量方面，炒飯同火山排骨都唔少，都算抵食

幾年前已經嚟過呢度食晚飯，散叫有啲貴～不過今日再食，食物質素下降左⋯職員都唔係好識講廣東話，有啲似置身於泰國咁（幻想）😂*🔸沙嗲牛肉串🌟🌟肉質略為有啲乾，似擺咗好耐🔸芒果糯米飯🌟🌟🌟🌟好食，不過可能因為下午茶嘅關係好細份🥲🔸雞肉炒飯🌟🌟🌟（正價）個飯係炒得唔差嘅，不過啲雞好大浸雪味，而且啲肉好似冇調味咁！！食到一半會想放棄🔸士多啤梨香蕉沙冰🌟🌟🌟下午茶跟餐有半價，抵飲！

星期六同老公諗住去揾間泰國餐廳食lunch二話不說就諗到去Bamboo Thai喇這次是我第三次光顧喇食物水準依舊一流我哋一邊食一邊讚不絕口食物味道繼續保持水準😋連飲品都不遜色暫時呢間都係我食過最好味嘅泰國餐廳

椰香青咖喱雞食到好香嘅青咖喱味，雞肉嘅份量亦都唔算少，挨個咖喱仲附送咗兩塊蒜香多士，拎嚟食青咖喱真係一流，不過略嫌佢個份量有啲少，我估兩個人食就已經差唔多。泰式肉碎生菜包佢啲肉碎睇落唔辣，食落我估有譚仔嘅小辣程度，唔食得辣嘅人可能要斟酌一下叫唔叫呢個，不過我好欣賞佢用咗半肥瘦嘅豬肉，食落一啲都唔油膩之餘仲有種酸酸地嘅感覺，超級開胃，加埋生菜，簡直一流！精選拼盤拼盤入邊有好多種嘢食，包括春卷、大蝦米子卷、炸魷魚、沙嗲雞串燒、及炸魚餅。我個人最鍾意就係食佢個大蝦米子卷，用米子包咗好多唔同嘅蔬菜，口感爽脆得嚟，又好似幾健康咁，之後其他小食我都覺得不過不失。炭燒豬頸肉今日我最鍾意嘅菜就係呢個炭燒豬頸肉，豬頸肉一啲都唔油膩，仲食到一浸好香嘅燒烤味，配搭埋佢嘅醬料真係好好食，好後悔嗰陣冇嗌多一碟！泰式大蝦炒金邊粉金邊粉嘅份量有啲細碟，水準都係不過不失，味道係好食嘅，不過未至於好驚艷，下次再嚟會試吓其他嘅主食！總括嚟講呢一間都算係一間唔錯嘅餐廳，地點方便，不過份量就有啲細，好處係多人嘅時候可以嗌多幾碟菜試多啲唔同嘅味，壞處就係價錢會比起出邊啲泰國菜貴少少，但係都值得一試的！

自從去完泰國食過火山排骨後真係一試難忘估唔到今日喺朗豪坊行行下街畀我見到間泰國餐廳有火山排骨食見到之後即刻冇懸念就沖咗入去食喇餐廳環境好舒服好寬敞，全部店員都非常親切，服務態度非常好呢度有好多地道嘅泰國菜式，仲有好多新派泰菜丫，選擇非常豐富椰林飄香 $62椰子味道非常濃郁，沙冰口感綿滑淡淡都冰涼清爽新鮮椰青 $68椰青大大個，味道好清甜椰子雞湯 $72乳白色嘅椰子雞湯椰香味濃椰味道帶點微酸，非常開胃～材料有嫩滑嘅雞肉，仲有雜菌等，口感非常豐富飛天通菜 $78食泰國嘢點可以唔食飛天通菜呢通菜口感脆嫩，帶點微辣，非常惹味火山排骨 $158最期待嘅火山排骨終於嚟喇叫咗個細份都已經非常足夠兩人食～每人分到兩件大大件嘅排骨排骨都有唔少肉呀，肉質鮮嫩多汁每啖沾埋餐廳特製醬汁一齊食，酸酸辣辣非常滋味，辣度唔算好辣，唔食辣嘅朋友應該都冇問題泰式和牛炒飯 $148和牛超嫩滑，好正炒飯非常有鑊氣，飯粒粒分明，配料就有青瓜，炒蛋，洋蔥等等～芒果糯米飯 $78糯米飯配上椰汁，口感軟糯美味～芒果新鮮又清甜，再連埋雪糕一齊食啖啖滋味

Bamboo Thai📍 Bamboo Thai (朗豪坊) (旺角)旺角亞皆老街8號朗豪坊8樓02-03號舖火山排骨：這是他們的招牌菜 基本上見到每枱都有叫，而且賣相吸引 所以我們也叫了一份排骨有預先經過醃料浸泡 所以好入味 滿滿的蒜香有點像排骨湯 肉質嫩 上面灑滿 辣椒和酸酸辣辣的汁 不膩又適合三五成群一起吃難怪這麼多人叫延招牌蟹肉臘腸炒飯 炒飯粒粒分明 而且每粒都味道都均勻 配菜也是滿滿的 蟹肉、臘腸 味道更加豐富 建議想食澱粉質也可以叫一個

好少有咁高質嘅商場鋪泰國菜，估唔到口味都幾正宗！✨椰子雞湯酸酸哋好開胃，香茅味唔重。雞腿肉特別多。✨蒜香炒泰國椰菜苗椰菜苗口感爽脆，簡單蒜茸炒唔會太濃太鹹。✨泰式蛋咖喱炒皇帝大虎蝦（5隻）蛋咖喱又香又滑，完全唔辣。虎蝦彈牙鮮嫩。✨泰式大蝦炒金邊粉金邊粉酸酸地好開胃，加花生碎更加香。鐘意辣仲可以加埋辣椒乾。撈埋芽菜口感豐富啲，蝦仁仲特別彈牙。✨九層塔青檸梳打微酸清新好消暑。✨新鮮椰青清甜而且好厚肉，食極都仲有咁。✨芒果糯米飯煙煙韌韌嘅糯米飯淋上椰漿，啖啖都係香甜嘅味道。芒果好熟，幾乎完全冇酸味。

今次掉低兩個仔，嚟到朗豪坊呢間新派泰國餐廳，環境開陽舒適，食材高質👍🏻🥣冬陰功湯首先上場嘅係泰式冬陰功湯，酸辣度適中，好醒胃，而且勁足料，🦐蝦大隻，肉質彈牙份量夠兩個人🍽️飛天通菜菜清爽新鮮，飛天醬料配搭啱啱好，唔辣唔鹹唔油膩，廚師火候上處理得好好。🍽️泰式蛋咖喱炒皇帝大虎蝦黃咖喱汁好香，濃濃椰香味而且辣度OK，虎蝦好大隻，肉質鮮甜🍤蝦味冇俾黃咖喱嘅味道蓋過，反而食到嘅係蝦肉嘅鮮甜同黃咖喱香配合，兩種層次夾埋一齊有驚喜，撈飯或者麵包🥖都啱🍽️泰式火車頭和牛炒飯飯炒到粒粒分明，每粒飯都比醬汁包住，餐廳好細心，特製嘅醬汁佢分開擺，咁就可以滿足到唔同客人嘅需要，如果客人想要濃味啲嘅可以加啲醬汁，和牛都好多，而且粒粒都係外脆內軟🥭芒果糯米飯呢個飯後甜點有驚喜，糯米飯暖笠笠，芒果就凍啲，一凍一熱，口感獨特🍸🍹Piña colada同青檸梳打呢兩杯飲品當中Pina colada 既椰汁同菠蘿味好夾，甜得黎帶椰香味🥥🍍而青檸梳打酸酸甜甜，好清爽。

.呢間新派泰國菜位於朗豪坊8樓戲院門口睇戲前或後食個飯真係超級好選擇😌餐廳以木和竹作裝飾主調🪵🎋感覺好似去咗泰國咁🇹🇭入到去即刻放鬆晒心情😌叫咗幾款泰式小菜更加猶如置身泰國一樣 💆‍♀️ .大蝦清新柚子沙律🥗大蝦配柚子再加醋超級清新開胃每隻大蝦🍤都鮮甜爽口又肥大肉厚份量十足😊.泰式蛋咖喱炒皇帝大虎蝦🦐原本想食招牌火山排骨但見到呢個菜又幾吸引心思思底下就揀咗呢個一試點知真係大大大驚喜一上枱啲咖喱香已經撲鼻而來🤤蛋加埋咖喱感覺濃郁得來又好滑唔會太辣之餘仲有少少椰香味皇帝大虎蝦真係好大隻每隻都有半隻手掌咁大🖐🏿仲有5️⃣隻咁多‼️‼️每隻都有好多蝦膏蝦肉🦐咬落去爽口彈牙食完啲蝦都已經好飽肚🤰🏼 個人覺得啲蛋咖喱真係好正差啲想嗌夠碗飯撈飯食😛.泰式火車頭和牛炒飯呢個都係另一推介和牛粒都幾多🐮軟硬啱啱好，keep到佢嘅Juicy口感炒飯炒得好乾身，粒粒分明加埋啲配菜都幾惹味☺️對於麻麻哋食carb 嘅我都忍唔住一啖又一啖咁食😚.飛天通菜🥬食泰菜必點清脆爽口又香辣.芒果糯米飯🥭🍚明明食到好飽都留咗個胃俾甜品芒果🥭好鮮甜配埋煙煙韌韌嘅糯米飯🍚加上椰漿成個感覺好match最值得一讚係糯米飯🍚熱辣辣的♨️唔係好多間店

位於旺角朗豪坊戲院隔離嘅泰國菜餐廳，成日都好滿座，今日終於去試下，確實不錯！✨椰子雞湯椰奶味濃郁但唔會膩，而且帶少許酸味反而好開胃。有雞肉同菇，味道不錯。✨泰式蛋咖喱炒皇帝大虎蝦非常好味嘅菜式！咖哩醬加入蛋，好creamy 好惹味。大虎蝦好大隻，啖啖肉，肉質好鮮亦好入味，幾高質。✨生牛肉湯河生牛肉份量多，河粉質地煙煙韌韌，唔會容易散。最重要湯底，有牛香之餘亦有洋蔥嘅清甜。✨蒜香炒泰國椰菜苗椰菜苗鮮嫩，夠鑊氣。✨芒果糯米飯最愛嘅泰式甜品。香甜芒果配上煙靭糯米飯，再配上椰子味或香蕉味雪糕，滿足🙌🏻

Bamboo Thai嘅「火山排骨」，一定要是試，如果你唔試就等於冇嚟過，環境格局就等於置身喺泰國一樣，植物龜背竹葉嘅擺放亦都令我心情放鬆，就如泰國的一處小花園享用Thai food! 今次嚟品嚐正宗泰國菜，就如去咗泰國旅行一轉，สวัสดีครับ！#BambooThai #CafeDecoGroup #thaifood #thaicuisine #thaidrinks #yummy #kol #foodie #thai

幾啱香港人口味嘅泰國餐廳今日響朗豪坊行街，見到呢間之前未試過嘅餐廳，門口有寫住有餐飲回贈，有即管試吓睇吓係咪真係有回頭。先揀嘢飲，勁清甜嘅椰青，飲到最尾都係凍冰冰，爽新鮮椰青Fresh Young Coconut $68椰林飄香Virgin Pina Colada $62前菜先嚟㗎冬陰公，唔會太辣，又帶點甜味，開胃冬蔭公Tom Yum Koong Prawn $78正餐重點就係想試呢個火山排骨，我揀呢個係細嘅size，已經好大份，揀埋其他嘢食夠兩個人食，之前成日見到網上有人放火山排骨嘅相已經好吸引，今次一試，原來唔係真係得個樣，原來佢嘅湯汁勁好味，啲肉點咗汁之後勁惹味，真係食唔停口火山排骨Laeng Saeb Mountain of Rib Bone小 Small $158大 Large $228飛天通菜Stir Fried Morning Glory with Bean Sauce and Chili $78泰式大蝦炒金邊粉Pad Thai with Tiger Frowins $128甜品有我最愛嘅芒果糯米飯，平凡中見真章，芒果勁香勁甜，令成餐飯有一個美好嘅結尾芒果糯米飯Stick

💡不一樣的泰菜難得平日放假，當然要出去食下野開心下，泰國餐就係必然之選，呢個裝修以木和竹為主調，環境舒服的泰國餐廳🇹🇭，食物款式多，味道不錯，最緊要位置夠好方便👍🏼🍽冬蔭公湯🍲重口味既湯底，好濃味，酸辣味好平均，入面有大蝦、秀珍菇、 香茅等等，夠悶開胃。🍽泰式蛋咖喱炒皇帝虎蝦🦐呢個組合第一次見，份量十足，蛋咖喱十分濃厚帶少少香辣，加左花奶仲帶椰香甜味，越南虎蝦大大隻 ，經炸過後，蝦肉仍然彈牙。配埋個白飯就一流😂🍽 泰式大蝦炒金邊粉🦐 份量都幾多，大蝦好彈牙爽口，金邊粉乾身煙韌彈牙，另外可以按個人喜好添加花生碎同辣椒碎，食落特別惹味可口。🍽 飛天通菜🥬通菜新鮮爽脆，帶點微辣，鑊氣十足，好惹味。 🍽芒果糯米飯🥭食泰國野又點可以唔食芒果糯米飯，芒果香甜，暖笠笠糯米飯口感黏糯，加上椰漿同香甜既芒果，食到椰子的脆脆，好滋味。🍽泰式奶茶奶香味濃，飲落好順滑。🍽椰青🥥食完辣野，最岩就係飲番個椰青解渴，夠曬清甜，好飲。