Bamboo Thai (THE SOUTHSIDE)

Open Now

Now Closed

12月30日夜晚同朋友到黃竹坑South Side 既Bamboo Thai 晚餐，以價錢裝修作選擇，那裏環境舒服，空間感敞闊，乾淨整齊，上餐很快，食物味道5錯，其中點了豬頸肉，肉質軟熟，和牛炒飯粒粒適中硬度，如果多些和牛粒就更好，馬拉盞通菜咸味重了些，不過外間一般泰國菜，都覺得味道略咸，所以整體都係好味，價錢一個人算180元，認為合理。當刻餐廳人流比較多，但想讚一位partime員工Mandy，佢溫文招待，對單清楚，說話簡單清晰，在適合時間會介紹餐廳飲品同甜品給客人，但又令人感覺舒服，態度非常好，值得讚。

早2日我和朋友到餐廳用餐，服務員帶我們入座時看到梳化非常污糟，投訴後要求轉枱,但轉枱後枱面竟然仍有食物殘渣。而地上清潔衞生也很差，令我以為去咗茶餐廳的感覺。因為之前早幾個月來的時候服務和衛生都非常好，為何現在變成這樣呢？而且還看到管理人員（穿便服）用手指插杯執枱，感覺服務衞生真的跌了很多，再不像以前高級餐廳的樣子。希望餐廳管理層能多注重客人用餐的感受，環境衛生和服務技巧等等。畢竟我也去過Bamboo Thai 其他分店，好像都不是這樣低水平的。期待有所改善！

在10月16日晚上大约8時30分到45分左右经过你们餐厅的经理或管理层身边，嗅到很浓烈的酒味，而且不只是一个穿便服的管理人员，之前也看到这兩个人员在酒吧里面可能喝酒，以为是客人，怎知看到其中一个在和客人下单，才知应该是餐厅经理或管理人员。看到客人对他很不满意还问他是否喝醉！我顿时感觉到很诧异，為何这个餐厅或集团可以容许经理等管理人员上班时间喝醉，而且不只一个管理人员在喝。如果他们在上菜的时候因喝醉酒不小心把热湯等泼在身上什么办？？这些安全意识都不懂叫我什么放心在这里吃饭？希望贵公司能够正视这问题，並可翻查监控看我说的是否属实。这种情况如发生在內地肯定会给相关部门检控的！希望贵公司能给我一个说法和什么处理这些不合规格的管理人员。谢谢！

Friday 通常會食餐好少少的晚餐，去開the southside 都未食過依間Thai 菜，今晚見冇乜人排隊，所以入去試吓先⋯⋯排了2 分鐘安排入去餐廳最入位置，有八九成滿坐，內𥚃少少暗，光線舒服，design 靚有高級泰國feel , 出面有outdoor 位，好似幾正但現在天氣太熱所以都係冇人坐😂😂坐低冇QR 落單，佢哋用人手落，叫左一會先有人得手，見佢地人手差dd, 今晚叫多咗少少野食….叫左咖喱豬肋骨，通菜，大蝦蟹肉米缐，雞肉串燒，兩個包，兩個雜飲總括食物係好食的，造得細緻的，但價錢不算大眾化…但都值得一試的

今日同朋友到咗呢個新商場SOUTHSIDE, 以為好多人好難搵食，但可能係落雨嘅關係人不太多，兩點到達，整體上呢個商場每間餐廳都不用等，揀咗呢間新派泰式菜。兩個人嗌咗一個拼盤，生菜包及兩杯特飲1. 拼盤有五款$198：蝦餅，魚餅，串燒雞，春卷及米紙卷- 整體上五款都幾好食，蝦餅好食，不過有啲實要好用力先至咬得開。2. 生菜包$1xx : 應該大約可以包到六至八塊-肉味道有點辣肉但我覺得唔夠味3. 兩杯特飲$5x 兩個人食咗$538，價錢可以，不過特飲要50幾蚊，我覺得有啲貴。

餐廳幾空曠，佢埲牆畫咗啲主題設計嘅圖案，好精神青咖喱雞薄餅青咖喱好香滑，雞肉份量適中，肉質幼嫩薄餅鍾意佢夠燶柚子芒果沙律啲蝦同啲柚子一比一咁大，酸酸甜甜真開胃份量都多要食到唔太酸又甜嘅柚子都幾難得😂虎蝦隻碟幾靚，佢俾咗啲蒜蓉辣椒，隻嘢辣辣地好惹味洗得乾淨招牌菜冬陰功雞翼，酸酸甜甜好盞鬼炸得好脆芒果沙冰x2加咗兩朵泰國花好有風情😂好大杯，好抵飲

Bamboo Thai全新旗艦店首度進駐香港港島區，選址黃竹坑新地標商場The South Side。他們邀請了我們去新店試食。室內設計融合了現代風格及大量泰國當地獨有文化元素，帶來異國度假氣氛。有來自泰籍的大廚及廚藝團隊，用上環球食材及風味多樣化的泰式香料結合現代烹調手法。「脆炸豬肉春卷」泰國夜市風靡菜式「火山排骨」，在這裏也可以吃到。採用了優質豬頸骨，注入了多款香料慢火烹煮90分鐘至肉質軟腍。「沙嗲雞串燒」雞肉肉質嫩滑，配上濃烈花生味的沙嗲醬。「泰式燒豬頸肉」「泰式蛋咖喱炒皇帝大虎蝦」皇帝豆庫克來自泰國及緬甸海域，鮮美大牙，與秘製蛋咖喱配搭，另外特意加入花奶，令口感層次軟滑。「泰式珍寶蟹肉奄列」以泰式肉蟹炮製，精選蟹腿之間的肌肉部位，非常厚實飽滿。最後以兩款泰式甜品作為結束：「芒果糯米飯」及「泰式奶茶雪糕」。

第一次幫襯，食物質素唔錯，味道非常好。但其中一個男性Staff極度不滿意顧客用會員coupon,露出一副不耐煩的樣子。其他staff的態度也很好，只是個別員工有待改善

見到新商場，於是同屋企人一齊嚟試吓。見到裝修好靚，環境好有feel ，所以入咗去試吓。前菜小食蝦餅好彈牙，份量都足夠唔會太細粒。裏面係真係有鮮蝦唔係得麵粉！值得一食😋跟住叫咗燒豬頸肉，燒得啱啱好，吾會太燶！重點唔會超多肥豬肉！👍👍主菜生菜包啲豬肉炒得好入味，同埋都有少少辣。但係食落係好惹味嘅，如果你怕辣嘅就唔好叫啦。大蝦炒金邊粉金邊粉炒得乾身，唔會太腍。味道亦都係正宗泰國嘅味👍👍甜品叫咗芒果糯米飯，芒果有少少酸，但係配埋椰漿飯都冇咩問題好食。整體嚟講CP值都高

南區這個新商場逛逛，間間食肆都排長龍，這間泰菜內部很多座位，就排這間吧餐廳裝修很有泰國風味，座位寬敞。食物味道較為濃味：豬頸肉脆邊，好好食😋😋😋😋；雞翼炸得酥脆😋😋通菜很惹味😋😋😋排骨山一般😋青咖喱雞同薄餅一齊食😋😋和牛炒飯都唔錯😋😋😋飯後閑坐的時候，看見桌面上的會員宣傳， download Apps加入會員，竟然發現有兩張$100的coupon, 以及可以九折優惠，咁就平咗百幾蚊😁😁😁

星期日，我哋下午時係度食嘢後諗定晚飯食咩後就決定試呢間，因為成日都見到好多人排隊，佢哋餐廳不設時限，由於我哋人多，所以就走去預約先。預約咗時間就唔洗排隊排得咁辛苦👍🏻環境都相當唔錯，坐得舒服，有bb high chair 提供👏🏻職員服務態度都非常唔錯，我哋分兩次落單，頭一次係落頭盆，第二次落單係主菜。頭盆上菜上得超級快👍🏻勁有效率，後來等咗差不多半個鐘都仲未有主菜，我哋都以為係因為人太多，所以出菜慢，點知原來係幫我哋落單嗰位職員漏入我哋主菜叫嘅嘢食，經理一知道後就親自幫我哋落單，幫我哋跟進所有主食，出餐又係超級快，好快就有嘢食了👏🏻我哋無人投訴，因為經理都不停同我哋道歉，所以我哋都係乖乖咁等嘢食🤪整體所有嘢食都相當唔錯👍🏻嘢食都唔會太咸太甜太酸太辣⋯啱香港人口味😊蒜蓉包同薄餅都好好食🤤 我真係好鍾意食😂忍唔住叫多份🤪唯一失望嘅係無我最鍾意嘅海鮮菠蘿炒飯😂如果將來有就好喇☺️

第一次試食，地方相當不錯，裝修泰味十足👍🏻招呼不錯，尤其是每次上菜的那位小姐，每上一個菜都十分有禮貌💯食物方面，柚子芒果沙律，－般啦！馬拉盞炒通菜，味道較淡，泰式炒金邊粉，味道相當不錯👍🏻整體性價比高😊

Bamboo Thai 一直都係人氣嘅泰國菜餐廳， 最近仲係黃竹坑 the Southside 開咗旗艦店添，南區多咗個高質嘅泰國菜選擇！餐廳空間感非常大，裝修以木系為主，亦設有室外位置好有度假風情🌴餐廳邀請本地日籍藝術家為主餐區手繪壁畫，設計好有心思。----------------------------前菜▪️招牌冬蔭公雞翼 $75招牌雞翼醃得幾入味，外脆內軟，非常惹味～▪️火山排骨 $158豬頸骨經過慢煮幾軟腍，最後淋上特製醬汁，酸酸甜甜。▪️黃金炸蝦餅配泰式香草醬 $108蝦餅酥脆彈牙，油膩感唔重，非常值得一試～----------------------------主菜▪️泰式蛋咖哩炒皇帝大虎蝦 $318呢道招牌菜色香味俱全皇帝大虎蝦來自泰國同緬甸，鮮美彈牙，配上綿密、帶微甜嘅蛋咖哩一流。▪️薑黃烤鱸魚 $228鱸魚係烤製過程中被塗上薑黃，以生菜包住鱸魚同粉絲黎食，再配上魚露或青醬，味道更豐富。----------------------------甜品▪️芒果糯米飯 $78▪️泰式奶茶雪糕 $68芒果糯米飯口感煙韌。泰式奶茶雪糕泰茶味濃郁但唔會太甜，為晚餐畫上完美的句號，甜品必點！！-

又嚟泰國嘢喇🇹🇭，我真係好鍾意食泰國嘢😂今次嚟到Bamboo Thai，話晒係新開，裝修幾靚仲好大間，我哋一家四口坐到張圓枱好舒服，入正題：🐮泰式火車頭和牛炒飯個飯稍微咸咗少少，但和牛粒比例上算多，而且好嫩，真係整到入面啱啱好粉紅色又keep到肉汁，所以呢個下次我都會再叫。🦐泰式大蝦炒金邊粉有3大隻蝦好彈牙👍🏼味道唔錯不過份量唔多，但係就好啱小朋友食😜🦀大蝦米紙卷圖片真係只供參考，真身嚟到隻蝦係得半隻（一開二中間片開嗰隻），圖片係脹卜卜成隻蝦咁㗎嘛…本身得米粉同啲菜舊嘢都淡口，連隻蝦都係得一半仲要咁薄，成舊米紙卷真係無乜味，要靠個汁…🍗沙嗲雞串燒呢個好食，小朋友都鍾意，雞肉keep到好嫩唔鞋，我就鍾意個汁，拎埋嚟撈飯😂🥥椰林飄香 🥭熱帶風情🍹叫咗2杯smoothie，椰林飄香係淡淡椰子味唔會好甜，係清甜嗰種，配濃味嘢一流👍🏼熱帶風情即係芒果沙冰，都係唔會好甜又夠芒果味，2杯飲品都讚👍🏼

上個月去過黃竹坑嘅SOUTHSIDE見到好多吸引嘅餐廳進駐已經心郁郁bookmark定今個月咁啱個朋友得閒就約佢收工過黎dinner 一到夏天就成日都想食泰國菜大蝦柚子芒果沙律柚子同芒果都同樣甜柚子更帶點甘甜清香 整份沙律酸酸甜甜好開胃清爽招牌冬蔭公雞翼 雞翼炸得香脆唔會過油膩外層充滿冬蔭公酸酸辣辣香氣同時亦帶點香茅香整個味道都好入味沙嗲雞串燒 泰國菜經典小食之一看似簡單嘅雞串雞bamboo Thai都做得出色雞肉醃得好香而且燒得好香入口仲有肉汁 另加上充滿花生香嘅沙嗲醬好惹味青咖哩炒虎蝦有機糙米飯 以青咖哩製成醬汁伴入糙米飯糙米飯粒粒充滿彈性而且索晒青咖哩香氣加上少少青檸汁令味道更fresh虎蝦大大隻又爽彈 充滿蝦香泰式肉碎生菜包肉碎充滿住九層塔及香茅香氣味道帶點辣勁 相當惹味除左肉碎外仲有少少炸豬皮係面放入新鮮爽脆嘅生菜內口感充滿層次芒果糯米飯 芒味好甜完全唔會酸入口好滑而且無渣配上帶住陣陣椰漿甜味又煙韌嘅糯米飯絕對係100% match 泰式奶茶雪糕 泰式奶茶絕對係泰國名物之一充滿濃厚茶香 質感香滑整體又唔會太甜配上粟米粒更有泰式風味泰歡迎雞尾酒Meikong Whisky l