品香樓中西風味餐廳

Open Now

Now Closed

一提起南山村都會話去食品香樓，係屋村平價小菜，今晚同家人晚飯，好耐無去食品香樓，就提議再去朝聖一下由於閒日關係，7點就已經安排入座凍朱古力上面個ᑕᖇEᗩᗰ真係好滑七味椒鹽豆腐～外皮脆，裡面滑，好好味菠蘿咕嚕肉～啖啖肉，雖然肉質唔太肥，但味道都好味沙嗲牛肉炒芥蘭～沙嗲濃味，芥蘭爽口荔芋肥牛煲～蜜桃沙拉骨金銀蛋蒜子浸白菜仔南乳炸豬手～皮好脆，炸得好香火焰🔥蜜椒牛柳粒～好野味，上菜時還會點火，又係呃like之選下次一定要試風沙雞食飽離開只係8點15分，但門外已經多人等候，建議早少少去拎位。

巳光顧超過10的品香樓，今天再去食野時發覺味道大不前，而且服务員大度惡劣，我们叫：「涷朱古力。」，服務員聽錯成「沙冰」，最後來錯左都唔緊要，重點是當我們要求更換時，服務員說：「出左單啦，不能更換。】而且態度極其惡劣，比左錢食飯，但依餐背脊骨落，諗唔明點解換個杯野都咁艱難

石峽尾呢間品香樓出名嘅南乳炸豬手同風沙雞今次都試咗南乳炸豬手一上枱就聞到好香！食落外表十分脆炸，味道好香口惹味。但炸得來又一啲都唔會好油膩或好肥，反而係食到脆層下面豬手嘅膠質，正！風沙雞嘅外皮同面頭上嘅調味十分濃，略嫌有啲過咸，內裡雞肉肉質一般。呢到半隻雞嘅份量都唔細，岩四個人食。兩款菜都有附上各自嘅醬料，但其實本身嘅煮法調味已經好入味好夠，完全唔需要再點醬。最後黎一碟西蘭花花枝帶子，不錯。相比下味道清清地，同前兩碟濃味菜式一襯，可以調和返個味蕾。

之前大學year1 2成日玩莊 又近又開得夜又可以一大班人吹水既餐廳非品香樓莫屬今日同男朋友重回舊地 可能因為今日落雨同埋係平日既關係 都唔洗特別要等位就入到去我同我男朋友都好鐘意大排檔野食 又係選擇困難症既人 好多野都好想食 最尾揀左好耐先揀到食椒鹽九肚魚同蜜味牛柳粒 食大排檔點可以冇啤酒送嫁 就叫左一枝啤酒飲侍應禮貌就麻麻啦 野食等左勁耐都未有野飲後尾野食到啦 好香好好食 係大學回憶既味道順帶一提 每次去石硤尾都會feel到份好濃既人情味 食完品香樓 出面檔雞蛋仔夾餅檔都係一樣去石硤尾必食既食物之一 之後再去樓上個playground坐 就係大學既回憶了 真係點滴在心頭

大學同岩岩畢業個陣總共食過兩次，第一次食覺得真係好有驚喜，而且價錢同味道都係性價比高甘岩友人想食小菜，就番番黎依隻食平日夜晚都好多人，最好bk 定位我地叫左四樣送，黃金魷魚，椒鹽豆腐，粉絲煲同埋啫啫雞煲黃金魷魚鹹蛋味濃～～豆腐外脆內嫩～～～粉絲煲略嫌淡左少少～～但有住家味道啫啫雞味道都淡左d~~但口感岩岩好，唔會太鞋太韌～～四個人再叫多兩個白飯， 真係飽到上心口～～人均100 有找，同大牌檔差唔多，但夏天有冷氣真係好重要

This was a place I would never go, if not for a company meal. The place was quiet a walk from Kowloon Tong Station. However, the food here is pretty worth the walk and talk. First up, no idea what the price was as I wasn't paying. But let's talk about the environment, it was good in the restaurant. Busy and the staff tries to help out when ordering the food and serving them to the table. I won't say it's clean but relatively okay.We ordered loads of food and each dish tasted really good in it's

朋友帶我嚟到呢一間餐廳食飯我叫咗個明太子炒飯份量都多同埋都炒得有鑊氣所以都覺得幾好食另外我亦都見到呢度飲品餐牌有唂咕 而家好少茶餐廳有得飲㗎啦所以我就叫咗味道都唔錯有懷舊嘅味道

一年前食過印象深刻，念念不忘再黎多次，點知今次大失所望。回頭率：🌕🌕🌕🌑🌑環境：🌕🌕🌕🌑🌑服務：🌕🌗🌑🌑🌑份量：🌕🌕🌕🌑🌑味道：🌕🌕🌕🌗🌑價錢：195/pal◆Summary◇有卡座坐得都舒服嘅，衛生一般服務一般(走單同專登收多錢當小費❌)食物選擇多，推介黃金蝦、南乳炸豬手同椒鹽九肚魚。整體性價比中下。——————————————————————◆火焰牛柳粒◇HKD113😋充滿視覺效果，牛柳夠軟亦夠入味✅份量再大啲就更好◆椒鹽九肚魚◇HKD98😍每條魚都好多肉，皮薄肉嫩，調味啱啱好，今次份量足夠大◆沙拉骨◇HKD98😔好普通份量又細，得幾舊骨。排骨炸得略乾硬，沙律醬太滯，二者完全唔夾◆凍朱古力◇HKD22😋唧得滿滿的cream成為標誌性的記認，打卡必備📸味道係平價朱古力入面算中上水平，飲得到微苦的朱古力味，亦算滑，個人來講有啲太甜，不過都交到功課啦。至於Cream係罐裝奶油就唔好期待幾特別了😂◆黃金蝦/南乳豬手/生炒糯米飯◇舊年食嘅，淨係可以寫下記憶中的味道，可能並不準確只作參考👇🏻黃金蝦🦐炸得酥脆，包裹的鹹蛋黃並不過鹹，食

唔知有幾多年無去過南山邨了，更加有好耐無幫襯過品香樓，所以前排睇完舞台劇，去開九龍塘就好想再返去食品香樓啦。原來呢家品香樓要係門口嗌位(真係太耐無去啦，變左都唔知)，不過原來品香樓可以訂位，或者好似我地咁，肯搭枱好快有位。佢呢家會比一碟前菜我地，我地就係鹵水雞腳，我有見到花生，好似都有見到菠蘿。鹵水雞腳好入味，輪下輪下幾正，當然要你本身都鍾意食雞腳先ok。場內好多人叫小菜同煲，好大碟，不過我地就揀左碟頭飯，揀左一個明太子炒飯同椒鹽骨飯，我地再叫左再杯飲品，我揀左菠蘿冰走甜，我朋友揀左紅豆冰，可能因為我走甜的關係，所以必須要篤下啲菠蘿，令到菠蘿的果甜散發出來先會比較好飲。而主菜方面，明太子炒飯真係好令人驚喜，一來出面真係好少有呢一味炒飯，二來佢火喉夠，所以真係好好味，而且材料好足，所以啖啖都食到魚子，好正。至於椒鹽骨飯都幾好食，一樣好夠火喉，不過對比明太子炒飯，我都係鍾意炒飯多啲。估唔到咁耐無嚟，品香樓仍然都係保持咁好食。

今日難得過嚟石硤尾呢邊，決定食好高人氣嘅品香樓聽講嚟得呢到點都要試佢杯凍朱古力，咁我地3個人就叫2杯share試下先啦呢杯凍朱ok啦，上面有層cream係幾邪惡嘅，不過不失，可以一試但唔係必試我地揀咗5樣餸，第一樣係南乳炸豬手，炸到好脆，好好食！邪惡首選呀第二樣係蜜桃沙拉骨，都好食嘅，但係相比起炸豬手就被比下去第三樣係金銀蛋蒜子浸白菜仔，唔錯第四樣係椒鹽九肚魚，呢樣都炸得好好第五樣係火焰蜜椒牛柳粒，視覺效果勁，食落都好入味，唔怪得咁多人叫呢樣嚟食整體嚟講呢間都幾好，抵佢成日都咁多人係門口等我地今次有訂枱都要等一陣先入得，想去嘅朋友記得打電話book定枱啦！

住附近的朋友介紹這餐廳，於是一試，晚上7點到達坐卡位。點了糖醋桂花魚打算先開開胃，糖醋桂花魚沒有整條上，而是已被切塊，一碟只有幾塊，每一塊都是炸粉和骨頭比肉多，完全不覺得自己食緊炸魚⋯絕對不值$118這個價錢...大失所望…相反蒜茸生蝦蒸糯米飯有驚喜，幾好食，糯米飯乾身不油，軟硬適中，配上鮮甜爽口蒜茸蝦，推薦！朋友推介的凍朱古力，果然幾好飲，我們見到差不多每枱食客都有叫，朱古力的甜度及濃度都好適中！

唔知點解下午茶總要食炸雞髀薯條，平時最鍾意食隔離嗰間炸雞髀薯條下午茶，生炸雞髀真係無敵啊！不過最近裝修，咁就去品香樓試吓啦！其實呢間品香樓小菜我就成日食㗎啦，認真唔錯。。但下午茶就第一次姐！依舊炸雞髀，都唔錯，食得出都係生㗎，外皮脆卜卜，肉質嫩滑有肉汁！ 食炸髀，真係一定要去茶餐廳，冇得輸！今日心情麻麻，要放縱少少，叫咗杯凍朱古力，仲要加$3加忌廉！嘩！好正！朱古力味香濃，配埋忌廉更加眩惑。如果唔係怕肥，真係想日日飲呀！

早幾日係石硤尾夜晚打完波，打完波之後一班人食飯，黎南山村依度食個宵夜就好好。因為好抵食，三十幾蚊叫左個星州炒米，雖然係宵夜餐，但份量好多。而且制作唔馬虎，夠獲氣。

南山邨除左玩Parkour原来仲有美食😁今晚要同奶奶慶生，叔仔就提議来品香楼，聽個名我仲以為係上海菜嗰類添！book左6點半，我一條友6點来到成身汗，諗住入去坐低嘆住冷氣等啦，點知坐响收銀嗰位阿叔好cool咁問:人齊未，未齊唔該出去等😓唯有乖乖出去抹住汗等齊人，期間聽倒門口安排客人嗰位阿姐嘅對答，至知原来仲有限時90分鐘嘅规定，心諗估唔到街坊食店都咁巴閉，真係見識少了😏9大2小 準時入座，餐廳真係好好生意，7點就爆場，菜牌好多選擇😋 奶奶發辦點了8道菜:風沙雞 火焰牛柳椒盐九肚鱼炸大腸三色蛋菜心西蘭花炒带子炸猪手生炒骨各款餸嘅味道都唔錯，我覺得比好多酒楼為佳👍如果睇埋價錢就直情係超班添啦！我地仲叫左凍朱古力&菠蘿沙冰，埋单都唔洗$1200😁 不過餐廳環境就當然唔及酒楼坐得舒服，空间有d逼夾，楼面雖然好忙，但完全無黑面，好抵赞👍問阿姐有無bb櫈，佢好寬容兼好帮忙攞櫈比我地。因為我地買左個蛋糕🎂去，不单帮我地放雪柜，之後仲攞埋干净碟叉比我地添，無需切餅费，今時今日咁嘅服務態度去邊度揾呀？呵呵呵😁

今日去品香樓 冇嗌每日餐 嗌左常餐 因為好想食沙嗲公仔麵36蚊一個常餐 宜家呢個價錢算係咁啦 我今次就揀咗火腿奄列、沙嗲牛肉公仔麵，嘢飲就叫咗熱horlicks 杯嘢飲係熱辣辣咁拎上嚟 但係啲味比較淡 雖然我已經嘗試攪勻晒杯底下面嘅horlicks粉 但係發現其實佢落咗好少粉 所以杯底根本冇乜粉係未溶的我牛油餐包算係咁 冇乜特別 我鍾意佢個今年今年嘅蛋奶同牛油既比例夾得幾好 唔錯 沙嗲牛肉嘅塊數都幾多 數落都有10塊 沙嗲味好濃好入味 呢個沙嗲好香 唔太辣 容易入口