品香樓中西風味餐廳

Open Now

Now Closed

平時去食都係同一大班朋友叫小菜食今日午餐心血來潮想去食第一次黎食午餐 點左蜜桃沙拉骨菜飯 好少有食到菜飯呢個菜飯真係唔錯 食落感覺好清爽開胃 同沙拉骨好夾朋友點左味菜雞絲炒烏冬 唔會好油 不過不失最後點左杯紅豆冰 好多紅豆 兩個人都夠飲

朋友話不如去南山邨影下相啦，果邊咁出名，於是我呢個新界仔就跟埋出去見識下呢個打卡聖地，果然好鬼多人，位個個都喺度排隊影果個半圓形攀登架。影完一輪就開始入夜又肚餓，朋友話附近有間餐廳好出名，佢讀書果陣堂飯堂咁食，我話有咩咁巴閉呀，入到去勁多人，估唔到嘅係真係同飯堂一樣喎，枱枱都係一班班學生，成間餐廳都好青春好熱鬧。成枱有9碟餸勁誇張，最好食有南乳炸豬手，塊豬手皮勁香脆又有南乳香味。另外隻風沙雞都好出色！朋友話呢度杯凍朱古力勁好飲，原來枱枱都有人叫嚟飲！

南山邨除咗有IG達人推薦嘅拍攝地點外，更有一間好出名又好食嘅餐廳，相信身邊讀城大嘅朋友仔都知道品香樓！就算冇食到佢嘅晚餐，不妨都試佢嘅午市餐，唔單止多選擇，而且味道正！

品香樓係喺大學年代一定會嚟食嘅餐廳，開sem飯、過3飯、乜嘢組聚基本上都係品香樓打躉㗎啦，所以今日嚟食飯嘅感覺真係非常懷念啊。🥢凍朱古力，品香樓必叫。嚟到幾肥都一定要飲、因為吃的是回憶，雖然上面嗰堆cream見到都覺得好驚，但係就正正因為有呢個cream，成功將呢杯朱古力昇華到另一個層次。🥢黃金蝦，炸得非常之好味，出面嘅鹹蛋黃，配埋入面鮮甜味的蝦，簡直一流。🥢南乳脆豬手，佢個南乳醬自己調，好好味！不能錯過佢個豬手炸得好好味，骨膠原很多火灸牛，賣相好吸引，打卡一流，牛好入味炸饅頭，失望啊！ 皮唔脆架🥢風沙雞都好好味、雞肉好嫩！ 以前款手撕雞仲好味！！ 不過佢話而家無左了！品香樓真係吃回憶！ 回憶中的好味道+ 價錢好合理

這家餐廳位於香港歷史悠久的屋邨，去到現場真是有點滄海遺珠的感覺.第一樣要讚賞的是這家餐廳的工作效率.任何點餐都來得非常快.餐廳生意很好，訂了枱有時都需要等位，星期六日更加不用說. 這家餐廳跟旁邊店舖的冷清環境真是一大對比.說回食物質素，都是在水準之上，味稍為重， 不會失望.這次只點了流心蛋，涼瓜黃立䱽，咕嚕肉，薑蔥炒蟹， 全部都做得不錯. 流心蛋必吃；涼瓜黃立䱽煎得香，味道不錯， 只涼瓜稍為少了點；咕嚕肉整體是合格的，如肉能再切細件一點會更好；薑蔥炒蟹味道沒有問題，但蟹肉稍為不夠結實甜美. 所有食物溫度都好好，來得也很快. 喜歡慢慢吃的朋友就稍嫌效率太快.這家餐廳基本上是小炒餐廳跟茶餐廳的結合.

今次約左兩個好耐無見嘅朋友食飯，想叫餸食飯，又想坐得舒舒服服，三個女人就去左石硤尾嘅品香樓食飯啦！餐廳有卡位坐，不過就要等耐少少，每道菜都上得好快，但侍應唔會趕你走，可以坐得舒服咁傾計架！👍🏼入面嘅餸菜好似以前大排檔嘅咁，見到好多餸都好想食，但三個女仔真係食唔到咁多🙈，所以只係可以一人簡一個餸叫，因為要留番啲位俾黎到必飲嘅忌廉凍朱古力呀🐖🐖唔止我地，其實每枱都有過半數人叫忌廉凍朱古力架！我自己覺得叫小冰會好啲，因為容易啲將忌廉同朱古力溝埋，個口感就可以更加滑啦🤤第一個到嘅係粉絲雜菜煲🥦🥒通常諗唔到叫咩菜都係會變左叫尼個川個湯底有魷魚🦑同蝦米🦐嘅味道清清地，主要係夠多菜，亦有菇菌類然後就係我簡嘅咕嚕蝦球啦！以前多數叫咕嚕肉，不過有時淨係食到肥豬肉，甚至係咬到骨，所以見到有蝦球嘅選擇就無猶豫啦🤩 雖然張相唔係影得好靚，但係我全晚最鐘意嘅餸❤️ 蝦🦐嘅炸粉份量岩岩好，都好彈牙！跟埋個甜酸汁，送飯一流❤️另外仲有避風塘牛仔骨好香口，而且唔會好似橡筋咁咬唔開！但係我自己就覺得始終有汁嘅餸比較容易送飯🙈再一次我見到隔離枱個火焰蜜椒牛柳粒好吸引，又係會下次再黎試下😋

大學時期成日約埋一班好朋友黎南山村打卡順便食野 都係一大班人嗌唔同嘅餸 在share食會試食到多啲嘢食！ 今次得三四個人 都叫唔到好多餸🙈個個肥牛煲 啲肥牛真係好香 佢買啲金針菇同埋芽菜個口感真係一流 佢個醬汁都好好食 吸晒啲牛嘅鮮味 而嗰啲金針菇亦都係一樣👍🏻至於個類似牛仔骨嘅餸呢 今次就有少少失水準 因為有啲硬... 比較難咬開🙈凍朱古力同埋個明太子炒飯真係一流 每次黎都要嗌🤣 今次本身諗住食蟹 但已經賣晒..... 最後都嗌左樣新嘢 試吓豬大腸 直落得幾香 幾好食🙈😂 不過冇其他餸咁吸引...

朋友介紹黎石硤尾呢間品香樓食晚飯，原來我之前都有食過，呢度啲小菜係唔錯嘅，但入座起計1.5小時。先黎昨就杯好出名嘅凍朱古力先！上面有一層cream 下面就係好香濃嘅朱古力！好好飲，唔怪得咁多人叫黎飲！之後就咗幾個小菜，有七味椒鹽豆腐，賣相ok,但第一啖食落好喊，但入面豆腐係好嫩滑嘅。之後係咕嚕肉，個皮整得好脆口，個汁都ok,但肉質就硬身咗啲。金華火腿冬菇扣娃娃菜，冬菇都大舊，娃娃菜都新鮮，但火腿少咗啲。最後係南乳炸雞翼，好香口，好熱，係好食嘅，但只會食到南乳香，唔會太咸。

今天和友人去石硤尾南生村，經過一間小炒餐廳，見很多人在門外等叫籌，即管也排隊看看有什麼特別，到號碼後服務員安排入内坐下，餐廳内算非常多人坐座晒，看一看餐牌也不算便宜，如果計有些酒樓有特價小菜來計，它不比酒樓便宜，叫了一條沙巴石班仔，约一斤重，一碟蜜味牛仔骨'一碟鱼香茄子，份量比較的色，味道還可以，由於人多缘故，每張枱都設有一去粒傳呼掣，方便叫服務員來，其實是好的，因為很多時有些餐廳叫天不應，叫地不聞，餐廳環境比較擠逼，而且抽氣系统可能較差，很多時都濃煙密佈。

同事話呢間好好食，咁就帶咗我地來試，午飯發現都好多野食，每日都有唔同嘅餸，七日唔同款，尼樣嘢都幾正，好過出面啲茶餐廳，日日都係蒸肉餅、蒸魚、咖喱飯等等，真係食來食去都係呢啲，悶到死，但呢間就有啲新意，咩鮑魚汁啊，鰻魚汁啊，菜飯啊都有！尼樣嘢要俾個讚佢！但好食度呢～以前朋友就話好好食嘅，但今次我哋成個星期都嚟呢度食，差唔多日日都中伏，食個蒜香豬扒菜飯，個蒜香豬扒真係好好味好香，但係個飯呢咸到一個點，感覺食完個菜飯要即刻去急症洗下個腎，真係冇誇張到之後有一次又食呢個飯，個飯就OK，唔會好鹹，但係個豬扒就完全冇蒜香味，原本我上次食完都好掛住個豬扒，但.......朋友試過食其他嘢食都中伏，就連最簡單嘅蒸肉餅都可以唔係好食，我啲朋友已經放棄咗再食呢間野......我哋都懷疑係咪換咗大廚！！！不過以$39冇湯飲都算係抵㗎啦，未試過嗰朋友可以黎試吓！

係又一城收工又夜一夜😔😔😔😫😫😫緊係要醫下肚😍😍😍向石硤尾方向行10-15分鐘左右去到南山邨搵食👍🏽👍🏽👍🏽一個人食叫唔到咩送 雖有叫個碟頭飯🍛🍛🍛雖然麻婆豆腐飯唔係招牌菜 但意外地好味!豆腐似係現成果隻 好滑 好入味麻婆豆腐飯雖然汁為主但一到枱好香 相信入面d肉碎有炒香過🤤🤤🤤味道不太辣👍🏽👍🏽👍🏽唔會成碟飯得一隻味推介!另多豬手🐷🐷同凍朱🍹🍹出名 下次會試

南山村係我中學回憶既地方，差唔多每日lunchtime 都會去，有好多唔同既冬菇亭🍄同埋茶餐廳，選擇都算幾多。其中一間餐廳好出名，今次要一試佢既小菜🤭—————————————————————#南乳炸豬手🐷🐽炸豬手總共有六大舊，厚厚的皮，可能有啲豬手未處理好，有啲食落仲要有毛🤭今次呢碟炸豬手大部分都係骨，只要好少量既肉。如果多人share會比較好啲🐽好味指數：😋😋😋😋😋😋😋（十分最高）#啫啫通菜煲店員會拎個瓦煲黎，再將一堆熟左既通菜例落煲度，ga ga 聲，食落好夠鑊氣，啲菜keep住都係暖🤪但真係太重口味，略為偏咸，好似落左好多鹽落去咁🤢好味指數：😋😋😋😋😋😋（十分最高）#凍朱古力🍫呢款飲品好受歡迎，差唔多每枱都有叫。啲cream 真係好吸晴，但感覺好heavy 🤭凍朱飲落甜度岩岩好，有陣濃濃既朱古粉味，味道偏向有小小苦澀味，整體都算合格，值得推介👍好味指數：😋😋😋😋😋😋（十分最高）

呢幾日好想食小菜，同朋友係九龍灣行行下心血來潮想食品香樓，就特登搭過黎石硤尾食！平時都好多人等位，好彩今次有位，仲要係卡位～好旺呀～揀野食，樣樣都好想食！＃咕嚕魚塊個汁酸得黎好爽！入面既魚肉好滑＃香蒜黃金蝦黃金蝦作為熱賣榜既頭幾位，點可以唔試呀？只可以話好香好正！連殼都食埋＃風沙雞(半隻)分量有驚喜！味道都有驚喜喎個雞好滑身，雞皮脆卜卜，好正呀！＃阿華田沙冰阿華田夠濃～又唔會好甜，岩我＃好立克紅豆冰朋友叫左好立克紅豆冰，幾新奇喎試左一啖覺得有少少淡，不過呢個配搭都唔錯！超級滿足既晚餐，返到屋企都仲好飽～

風沙雞外皮香脆，皮下脂肪少，炸得乾身唔油但雞肉肉質偏淋帶渣鹽焗雞肉質較風沙雞硬實，唔點醬都夠味，唔錯火焰牛柳粒牛柳粒較細粒，份量亦唔算多，配菜較主菜多。但牛柳粒味道鹹淡適中，軟淋帶咬口，幾好食咕嚕肉好高質醬汁甜酸適中，豬肉冇咩肥膏，又冇骨，而且炸得乾身，一啖食落全部都係肉香脆既外皮淋上醬汁，開胃，送飯一流麻婆豆腐豆腐切得大粒，烹調時間拿捏得啱啱好，豆腐保持到嫩滑芡汁唔會過於稠身，但調味略嫌偏辣。魚香茄子煲茄子連皮，但食落冇渣同難吞茄子保留到完整既狀態，但煮得又夠淋身，師傅功力十足！茄子沾上鹹魚既香氣，令成道菜更加惹味，又係送飯一流既菜式～豉汁蒸白鱔調味適中，切得較薄身，肉質唔夠爽彈、偏淋。金銀蛋菜苗份量唔少。菜苗好新鮮，夠甜，湯底唔會過油，清清地，食完油膩野食幾啖菜，好fresh!腐乳炒通菜正常發揮，如果少油啲會更好。哩餐飯每道菜味道都唔錯，調味唔會過鹹過油，係大排檔料理中既一股清流。多人聚會可以試多啲餸，性價比高。環境同服務都較食小炒既餐廳高質，不失為一個好既聚腳地

朋友介紹，話好多學生嘅聚餐地方。叫咗椒鹽豆腐，火焰白鱔，豆沙鍋餅。椒鹽豆腐好好食，夠味又脆。可能平時唔鐘意鱔，覺得麻麻，同埋生洋蔥，雖然有點火，但都煮唔熟，好辣。凍朱古力-超邪惡，上面佈滿晒cream，朱古力味都好重。