曼谷車站

Open Now

Now Closed

今晚一個人開飯，突然好想食泰國嘢！呢個泰國嘢之前食過真係好抵食！外表好平民，但實際食落又幾好食，侍應話係泰國廚師主理，十分正宗！難怪咁有泰國風味！泰式炒金邊粉$62味道香濃！大蝦爽口鮮甜！炒得好夠味！唔會好鹹，又唔會油淋淋，賣相平平但食落有驚喜！分量一個人剛剛好。芒果糯米飯$48用泰國🇹🇭青芒果🥭，味道偏向酸，但係有芒果味!用咗成個芒果，好足料！糯米飯Lim Lim甜甜有口感，同椰汁好香濃！環境都唔錯，坐得好舒服整體價錢都係街坊價，如果同朋友嚟食可以叫多幾個餸一齊share😆

本身好鍾意食泰國菜四周圍都食泰國嘢，一個人9 fing fing ，見到德寶商場開咗間曼谷車站，裝修好特別，連啲碟都好地道傳統，有實而不華嘅感覺！叫咗個泰式豬手飯，其實都幾浪漫💕$68豬手啲皮好淋滑，夠鬆化！肉質唔韌！份量多！味道又出奇地好，同佢個碟有好大對比🆚！性價比好高！叫多杯龍眼冰$25夠甜夠凍有咬口！夏天涼快嘅感覺！#九龍灣美食#曼谷車站#正宗泰國菜#抵食#性價比高#正宗泰國無骨豬手飯#龍眼冰

呢間餐廳就一啲都唔陌生，經常光顧佢下午茶，價錢平食物正。晚飯就比較少食，今日約左九龍灣返工嘅朋友一齊晚飯，我就推薦左佢食呢間餐廳，真係無介紹錯，價錢親民，食物好食。餐廳以火車廂裝修，環境舒適闊落，卡位坐得好舒服，仿佛在火車廂進食了一餐泰菜。正宗泰式海南雞 半隻 $85雞肉軟滑，一啲都唔「鞋」，仲好有雞味，完全無雪藏味。精髓當然要配合埋三款醬汁去食：辣醬、蒜蓉醬、豉油，任君選擇，真係好滋味。燒豬頸肉 $75肉質爽滑彈牙，一啲都唔油膩，配上秘製辣醬，令人難以抗拒。蒜蓉炒翡翠苗 $57🌱菜苗清甜爽脆，而且幼嫩，食起上黎，一啲都唔老，唔會起渣。食得多肉，都真係要食返個菜幫助消化。椰青 $35天時暑熱叫個椰青就啱啦，飲落香甜，真係消暑佳品，發覺飲一個都唔夠喉，因為實在太好飲。總結，餐廳值得推介，價錢親民，食物質素高。

想見下朋友，佢住喺附近所以決定搵間價錢親民既餐廳聚下，傾下計👭而曼谷車站環境亦都唔錯🥰-食親泰國嘢必點嘅炸蝦餅🦐唔會話有好厚嘅炸粉好彈牙加埋醬汁酸酸甜甜好開胃☺️醬汁有酸梅味，比平時食開既泰式辣醬多左d新鮮感-豬頸肉肥瘦均勻好香口😋醬汁酸酸地內有芫荽，係我嘅最愛不過友人就麻麻啦😆唔食芫荽嘅朋友仔要留意呀另外仲叫左金邊粉第一次食呢種口味嘅🤔酸酸甜甜咁好特別🤪我諗就係每個國家獨有嘅口味🥳感覺有啲似茄汁-最後叫咗龍眼冰好好飲唔會話得個死甜😌推介俾大家🔥🔥🔥

今日難得約到班中學朋友出嚟食飯聚舊。咁啱佢哋又話想食泰菜，作為九龍灣地膽嘅我就提議去食曼谷車站。♪(´ε｀ )雖然今日係星期日，但我哋好好彩咁唔洗等位。我同班朋友分別嗌咗菠蘿海鮮炒飯，豬頸肉炒飯同海南雞飯。我地驚唔夠食再嗌個肉碎生菜包。朋友本身問我呢間有咩好食，我即刻推薦佢食菠蘿炒飯。呢間雖然冇用原個菠蘿咁裝住啲炒飯，但佢都好好咁比咗一件菠蘿！仲要好貼心咁切開一舊舊，方便我哋食~啲肉鬆同啲臘腸粒都好好食。我未食過呢間嘅海南雞飯就嗌咗嚟試。雞嘅份量都唔少。啲雞皮下面都有啫喱，同埋都好嫩滑！我之前都有食過呢間豬頸肉炒飯，但我覺得就相對比較普通，冇乜特別。(´･_･`)肉碎生菜包好好食！！酸酸哋，啲香料味都好香！不過呢間嘅肉碎生菜包都幾辣_(´ཀ`」 ∠)_，所以唔太食得辣嘅朋友仔嗌個陣記得同侍應講少辣。食完之後，我啲朋友都話呢間幾好食。(⁎⁍̴̛ᴗ⁍̴̛⁎)

#九龍灣食好西 #得寶商場 #泰國菜環境寬敞舒適，坐係卡位旁邊，望望窗邊真係好似坐緊火車咁，環境佈置令人幾有去旅行既感覺‼️ 整體食物價錢非常相宜，食物種類多 基本上一般泰國菜會有既食物 呢度都有🍾️🎉👍🏻❣️炸春卷 外皮好脆，裡面有蔬菜，點泰式辣醬，酸酸甜甜，作為泰國菜既小食真的很不錯👍🏻❣️蝦炒金邊粉份量很多，旁邊有花生碎及青檸作拌碟，配料仲有豆腐乾、芽菜、蔥同蝦，配料份量都多，撈埋一齊好惹味🎉🔺🔺🔺🔺🔺🔺🔺🔺🔺🔺🔺🔺🔺❣️整體評分 8.5/10曼谷車站 (牛頭角)牛頭角牛頭角道3號得寶商場1樓218號舖🔺🔺🔺🔺🔺🔺🔺🔺🔺🔺🔺🔺🔺🔺

［曼谷車站］泰國菜相信係好多香港人嘅all time favourite，特別係天氣熱時會好想食啲東南亞風味嘅嘢，諗起得寶商場都有間平民泰國菜，有主題得嚟又坐得舒服，個人都幾鍾意嚟食吓嘢😋#飛天通菜 ($52)泰菜必點嘅飛天通菜，通菜炒得油潤有光澤，味道調得啱啱好，食落好惹味！#芒果糯米飯 ($48)食泰菜又點少得芒果糯米飯呢！驚喜嘅係芒果份量比出面其他地方多好多，食落香甜，撈埋椰漿食真係一大享受🤤#春卷 （$38）Woo 春卷小食份量都幾多，味道就正常發揮啦，以呢個價錢嚟講好抵食呀！#eatisfun #foodie #hkfoodie #bloggerforfood #goodfood #thai #dinner #得寶食咩好 #eatattakbo #kowloonbay #曼谷車站 #bangkokstation🔺🔺🔺🔺🔺🔺🔺🔺🔺🔺🔺🔺曼谷車站牛頭角牛頭角道3號得寶商場1樓218號舖🔻🔻🔻🔻🔻🔻🔻🔻🔻🔻🔻🔻

呢個得寶商場，應該係街坊先會去，但我作為搵食專員，梗係連屋邨小店都唔會放過啦。我係被佢個裝修所吸引嘅，擺明後生仔嘢，又懷舊又整齊又站頭咁，係幾吸引嘅～同九龍城嘅泰國餐館比，裝修就靚好多，但眾所周知九龍城嘅泰國餐係好有水準嘅，睇下同九龍城爭幾遠先！～點知唔係爭得遠喎😋首先發覺佢嘅食物賣相幾唔錯，叫三樣野，淨係賣相已經流口水，你知啦，我地呢啲愛打卡嘅，賣相靚當然加分，咁先可以影出靚相嘛泰式豬手 $88，甜甜地嘅泰式豬手我喺泰國係必食嘅，個汁唔爭得遠，肥瘦適中，豬手夠淋，好味 馬拉盞炒芥蘭 $55，難度唔高嘅菜色，都無失手咁啦 蝦膏炒飯 $62，炒飯炒得香，粒粒乾爽，賣相及材料都有驚喜，少食飯嘅女人都食咗成碗！

曼谷車站一直深受附近街坊歡迎，價格親民，我自己也吃過好幾次👍🏻——————————————-炸蟹餅 $58炸得非常香脆，每一塊炸蟹餅都很大，不能一口放進去嘴巴，口感彈牙，沾上酸酸甜甜的醬汁，作為小吃來說很好👍🏻泰式炒金邊粉 $62這是炒得偏濕的偏酸的金邊粉，加上了海量花生粒，是當中的精髓之一，為金邊粉增加不同的口感；蝦球也是很大粒，抵食。燒豬頸肉$75豬頸肉每塊都燒得很香口，油香四溢，而且還配上了秘制辣汁，所以味道層次會更豐富。龍眼冰 $25每次來都必點一冰龍眼冰，夏天喝透心涼，再把裡面的龍眼肉都吃光，非常幸福❤️————————————————環境：👅👅👅👅食物：👅👅👅👅性價：👅👅👅👅服務：👅👅👅👅👅

今次去咗一間泰國餐廳，從一入商場開始已經有好多個指示牌指示餐廳既所在地，證明呢個餐廳絕對係商場既代表之一。講返野食先，今次叫既野食都係平時港人常點既泰菜，包括有菠蘿炒飯，雖然唔係用半個菠蘿包住，但係飯既旁邊都有一排菠蘿比客人自己夾，炒飯入面加左肉鬆、蝦仁、腰果，幾香，值得推薦。什錦串燒(半打)，豬牛雞都各叫左兩串，除左牛串略嫌有D硬之外，其他兩款加埋沙爹汁都好好食。生菜包，用生菜包住香辣又熱辣辣既肉碎，一個字，正!香芒糯米飯，可能係因為芒果唔當做，食落都有少少渣，係呢餐稍為失望既地方，不過整體黎講，呢間餐廳都係值得推介既!

疫情呀疫情，甚麼時候還我按摩、還我船粉、還我扒搭腰？！在香港已經吃勻所有經常到訪的台灣菜、韓國菜、泰國菜，最近在九龍灣也發現坐得舒適，吃得招積的泰菜，可說是一止泰癮吧。話說我間中會到得寶商場一所藥房買東西，因為它的售價頗低，到德福逛的時候也會到訪，然後就被綠色裝修，帶點懷舊的曼谷車站吸引著，再於 open rice 搜尋食評看似不錯，便決定一試。 泰式豬手 $88，喜歡他的豬手汁，挺有泰國地道感覺，豬手軟腍，肥瘦適中，口感實在不錯。沒吃太久，那隻雞蛋是應該有的嗎？正在減肥的我表示喜歡！ 馬拉盞炒芥蘭 $55，綠葉炒得清翠，馬拉盞不辣，很易入口。 蝦膏炒飯 $62。雖然在減肥，但這個飯真的不得了，$62 就有這個賣相，有青瓜，也有爉腸，飯面那堆炒蛋也很新鮮，蛋汁還在垂涎，再拼上甜甜的內鬆，絕對是減肥也忍不住要吃呢！

今日放工收得夜~一於買外賣回家🍱想起九龍灣德寶商場有間曼谷車站d野食唔錯😋所以今晚就食泰國菜，太夜關係唔想食粉麵就叫左d小食🤭🥖<<蒜蓉包係我的至愛>>~多蒜蓉最岩口味🥦<<馬拉盞炒椰菜苗>>~夠味又唔會太咸🍢<<雞肉串燒(半打)>>~沙嗲醬好細心係另上的，不過半打有d多，但最少點半打🥙<<酸辣鳳爪沙律>>~酸酸地幾開胃其實份量好多~兩個人晚上都食唔晒😂不過真心抵食又好味~下次會再外賣回家

曼谷車站近排想慳下錢，就去左搵平野食下，難得有一間泰國野weekend 都有lunch set，而且選擇都幾多，最後我地揀左兩個set加一個小食，再加埋特飲，平均$100一位就可以豪食，唔錯唔錯。1.冬蔭功海鮮湯河本來以為$54的冬蔭功湯會揸流灘，點知又okay wor，湯底唔似係開粉開出黎，飲到有小小蝦味，酸酸辣辣，而且海鮮湯河D料都幾足，除左一般見到的蝦同埋青口，仲有好多魷魚同蜆!2.泰式炒金邊粉泰國野唔小得都要食金邊粉，呢間金邊粉偏軟身，最驚喜的係餐廳放左好多花生碎，真係好有泰國地道餐廳的味道，令金邊粉多左唔同的口感，如果再有多小小酸甜醬就更perfect啦!3.炸蝦餅呢個炸蝦餅同個set一樣價錢，所以對佢的期望有d高，個人認為，可以再多小小蝦肉，依家好似有D食緊一舊粉咁，建議直接叫set。4.珍多冰落左好多椰汁，好足料!5.椰青呢個椰青好大個，飲極都飲唔哂，仲要椰肉好甜，一定要加!

今日到得寶商場穩朋友，朋友介紹有間大眾泰國菜「曼谷車站」味道幾好，呢個商場似迷宮😂好彩餐廳整佐指示牌好快就穩到，舖頭裝飾成車站咁，都幾特別！堂食卡座都好闊落，似一卡卡車廂，好有趣！午餐套餐都好便，四十至五十幾蚊包嘢飲，點佐兩個套餐兩個小食都唔晒兩百真抵食！泰式炒金邊粉：用泰式醬炒，支幾點新鮮青檸檬汁，酸酸甜甜唔辣，粉絲唔算太淋，有蝦、豆腐乾、花生碎，都幾好味。冬蔭功炒飯：份量都好多，酸酸辣辣好惹味，仲有一個荷包蛋。串燒（半打）：牛肉豬肉雞肉各兩串，配上沙爹醬，好啱口味。炸春卷：外皮好脆，裡面包菜，熱辣辣好食。午市套餐好優惠，仲有好多選擇，下次再幫襯試試其他嘢。

呢間鋪頭裝修都幾特別，係間火車頭店，同店名相輔相成。我同家姐嗌左2份主食，2份小食。一份主食係冬陰功炒飯，個人覺得超級好味。炒飯辣辣哋盡係冬陰功味道，而且分量又多，配料有荷包蛋有蝦有菇，好抵食。另一份係泰式炒金邊粉，加入青檸汁，粉絲酸酸哋，好開胃。配料又多樣，最特別係有花生碎，撈埋一起吃好得意。小食嗌左泰式串燒和炸春卷，串燒有雞，牛，豬各2串，配有沙爹汁。雞肉嫩滑，豬肉味濃，牛肉彈牙。炸春卷有5條，切成10份，一口一啖，好方便。沾點泰式酸辣醬，酸酸熱熱。今日又係滿足啲一餐。