曼谷泰菜 (珠璣大廈) (Closed)

同兩個同事3個人唔知食咩好，佢地話不如試試呢間泰國嘢，咁啱去到唔洗等位。見其他人食d野好大份，咁我地打算叫3個餐share食。話咁快就黎啦！呢個係香辣海鮮炒河粉，有好多料，尢魚，豆角，生菜，蝦仁，青口都有，炒埋一碟味道好夠，而且唔會太辣，小小辣連同事唔食得辣都接受到。呢個係黃咖喱豬軟骨配白飯，賣相都唔錯，咖哩好夠味，而且豬軟骨好腍，用叉都可以分開，以為好辣，其實都唔太辣。仲有菠蘿炒飯，味道偏甜。都好大碟

早一個星期訂左位，住北角甘耐都未同老公食過，想試好耐。去到拎位員工服務態度亦好好、好細心！一開始叫左個椰子雞湯同蒜蓉包做頭盤，估吾到個湯一入口就停吾到！又香又滑又開胃。之後叫左生菜包、紅咖哩牛腩、蝦醬臘腸炒飯..所有野都吾錯！個咖哩牛腩吾錯，夠咖哩味得黎又吾會蓋過d牛腩肉味..不過真係要叫個薄餅送咖喱食，因為都有少少辣。仲有個炒飯，蝦醬味香得黎吾太濃味。呢間雖然吾夠九龍城d泰國菜甘出名，但亦有一定既水準。椰子雞湯一試難忘，下次一定再幫襯！

話說今日晏左食lunch, 見鋪面幾靚又做緊下午茶所以入去試一試。鋪入面只有4-5枱客，侍應一開始話要搭枱，當時明顯係好多吉枱我問可唔可以坐另一張，佢唔理會我堅持要擺位，我只好自行坐另一張以示不滿，當然佢都搬返位比我。Menu要叫佢先比，明明佢無其他野急佢都係要走開叫你等等。想點菜嘅時候有個侍應行過嚟唔出聲，控個大頭埋嚟望左我兩三秒，之後又叫另一個同事寫單(我估佢唔識廣東話掛..)，我就要左個海南雞飯($45)，等咗5分鐘上左湯同野飲，之後再等多十零分鐘左右先上埋碟飯，碗湯都涷晒啦，其實一碟海南雞飯要用左差唔多廿分鐘先上到實到好奇，更奇係明明無乜客都可以咁慢....不過味度都叫ok。响我等食期間，見D侍應D菜上錯位又有，未上菜收個客位又有.....真係不得了。最好笑係我埋單係$49.5，要加一服務費(咁嘅服務都敢收加一....)，我比張五十蚊，侍應“好心”收左我張五十蚊比收銀(其實都係個侍應呀姐)，收銀大大聲話“係咪要找ga？五毫子乍喎....”，我聽到真係汗都滴埋，唔係五毫子問題，係找錢比個客係理所當然嘅事，佢無話唔洗你一毫子都係要找ga la。最後我都唔想多講，唔等佢找錢啦，留比佢

冷氣太大，要求服務員調教，但服務員不願理會客人感受，堅持維持20度，更表示如果調高溫度，會引起其他客人投訴空氣局，因此，食物只在短短幾分鐘內，由熱氣騰騰變成冰凍入心！不能進食😫😫😫😩😩😩😫😫😩😫😩😩

菠蘿炒飯完全唔熱，甚至有d冰，唔知係炒飯定叮飯，一定唔會係偶然，因為隔離檯都有complaint。椰青太生，其他菜色都一般，同其他泰國餐廳無得比。失望。。。。。

很少踏足北角的食店，今日無心插柳入了一間泰國菜，意想不到地好食！九點才入座，客人不多。由於只得兩個人撐枱腳，所以剩係叫左三味。前菜叫了個柚子大蝦沙津，分量多，柚子酸甜多汁，一d都唔澀，大蝦算爽口，配合埋泰式沙津汁的咸香微辣，口感豐富之餘，仲好開胃！近來喜愛清淡，唔想食炸野，所以求其揀左款小食，但豬頸肉又比預期外出色，無論是厚薄、肉質、調味，好合個人口味最後主食是香芋飯，我覺得呢個最好食，用料好足，有肉碎、菇、蝦等等，重點是香芋好好食，油份是濃厚點，但唔膩，推介！過左10點半，經理有禮貌地過來同我們講last call，我趁機讚了一讚他們的食物，原來他們開了有二十幾年，仲係曼谷泰菜的第一間店舖，連舖頭入面d雲石枱都是一開舖就用到宜家！正宗的泰菜說不上，但樸實的味道，平實的價格，廿幾年來和港人一起成長和見證變遷，可謂是水準之店

平日出街食飯通常都會先點頭盤、再吃主菜，但估唔到原來食升級飯都一樣會有齊頭盤同主菜。事緣早前公司同事升職，收信當天約齊一班圍內老死出來一聚，先慶祝一番。由於友人事先張揚，說這一頓飯只屬前菜，所以大家都很識做，揀了離公司不遠，價錢比較實惠的《曼谷泰菜》。其實離我們到訪當晚，還有數天便是聖誕節了，所以大家可以清楚見到，餐廳布置也加入了不少聖誕裝飾。人齊後立即開餐，由於大家都唔想傷腦筋點選食物，加上服務員推介店裡的套餐，說比起散點更加經濟抵食，就一於不作他想，揀這款「泰歡聚8人餐」($1428) 試試。首先出場的冬蔭公湯，用料豐富，除了主角辣椒膏外，還有香茅、椰奶、南薑、金不换等多種材料，唔少得的，當然還有蝦肉和草菇，而且端上來時，湯面仍浮著辣椒膏和蝦膏釋出的紅光。舀起一試，湯味入口酸中滲辣勁，而且味蕾還嘗到蝦隻的鮮甜，惹火得來卻又完全不嗆喉。接著的這一客是金柚子蝦球沙律，之前在《曼谷泰菜》的灣仔分店吃過，知道是餐廳的招牌菜之一。柚子選取了來自泰國的金柚，所以食落味道比較清甜，柚子肉吃起來清爽多汁，完全沒半點苦澀味，大大碟十分豐富，加上彈牙的鮮蝦球和脆口的花生粒，味道酸甜醒胃，食味攞足滿分。

泰式粉麵飯小吃夜 (total $500)椰青焗飯外賣所以冇用整個椰青上 失去特色感覺有點失望焗飯極大份可能有三四碗飯的份量 連盒也比正常的來得大飯粒油光十夠油量頗多 吃感尚算粒分明還不錯味道滿溢椰香比普通炒飯更特別 記得多幾個人分享香芋頭飯似芋頭配糯米飯 褐色深得像下了不少豉油鹹了些許不過配料足也夠腍 可惜過分油膩泰式生熟牛肉河湯與河粉分開冇浸淋曬 牛肉只是全熟的肥牛沒生牛肉湯底不鮮像味精湯 有點像鹹鹹混雜了點香料味的雞湯冬蔭公湯粉泰式雞肉喇沙米線兩者都有不少辣油吃下泛辣味的嗆 不過冷了點後温和了點湯中多料不單調 例如有蝦 草菇等 而喇沙的雞肉也頗嫩滑冬蔭公比較酸和辣得更強烈 喇沙就鹹一點和較濃厚一些泰國海南雞飯配冬瓜湯雞油飯淡薄的油香 帶點黃薑香氣 食落也夠清爽可惜的是海南雞非常乾身而肉質太過乾澀 沒有嫩滑感炸春卷因為外賣並非即食所以已經腍曬 外皮軟糯失香脆入面雜菜爽脆 沾上酸汁添開胃感 即食應該美味多了

同媽媽黎撐抬腳 兩個人 唔駛嗌好多 少少地都好滋味首先係串燒 豬同雞 好味 熱食加上美味沙爹醬 正 媽媽最欣賞這波蘿炒飯 多料波蘿又新鮮 我就欣賞上面既肉鬆同腰果 脆卜卜好有口感 至於個炒椰菜仔 就咸左少少同太脆了 可以炒熟一點就正嚕 仲有柚子沙律同椰汁冰都good ) 整體好味同坐既環境都感覺良好小人唔駛等位 都值得食

其實唔係第一次黎曼谷泰菜食, 不過上次同個客同唔方便影相, 所以今日食晏去食多次曼谷泰菜地點方便, 近天后地鐵站, 都幾大間, 但行過唔係太留意度舖內地方幾大, 坐得幾舒服, 適合3-4人小聚既地方午餐平均大慨60蚊一個餐, 價錢適中我揀左個黃咖哩雞配白飯, 幾鍾意佢個咖哩, 我自己唔係大鍾意有椰汁既咖哩, 因為成日都覺得D椰汁味蓋過左個咖哩味 雖然佢都有少少椰汁, 但食落唔太食到太重既椰汁味, 反而覺得個咖哩味都幾突出, 配飯好正好香. 雞肉唔算話太滑, 但咖哩味入味, D配料都好味同事就揀左個泰式蝦球少金邊粉, 我成日覺得泰麵既炒粉都比較偏甜, 但呢個金邊粉炒得幾多, 唔肯定係用咩炒, 似係茄膏, 食落非常咁開胃, 好岩而家呢D咁熱既天氣食蝦球大慨有6-7隻, 都算多同大隻, 味道唔錯60蚊個餐好似好貴, 其實睇返而家茶餐廳都要40幾蚊食個飯, 咁多10幾蚊食下泰菜都唔錯

要食泰菜好多人第一時間梗係去九龍城! 原來北角都有間好味泰菜 - 曼谷泰菜 !位於北角既曼谷泰菜相當就腳, 一出地鐵站過條馬路就到; 或者坐叮叮(電車)響正門口落車! 食好野記得要Book位, 因為聽到接待哥哥話晚飯walk-in都無位, 所有枱都被reserve晒~ Menu 有好多選擇, 不過生蝦係暫停 真係好多菜式選擇, 呢度只係部分咋, 仲有好多都無影出黎! 小食由泰式春卷/炸蝦餅, 到青木瓜沙律/醃肉碎生菜包, 怎至係椰汁青紅黃咖哩/炒金邊粉/生熟牛肉湯河粉...等等, 應有盡有!先黎個柚子沙律 - 金柚子蝦球沙律!!呢個就一般啦, 柚子有少少苦澀; 而且蝦都唔大粒既... 不過個汁就調得好好! 泰菜必選 - 冬陰公湯!冬陰公好足料, 且辣度適, 好味!! 侍應姐姐仲幫手分湯, 碗碗都有蝦, 絕不是死蝦! 串燒沙嗲 (半打 - $78)可選豬或牛或雞! 而我叫半打只可選兩款, 揀左豬及雞, 豬好味D!椰汁青咖哩 - 豬/牛/雞/雜菜 ($82)份量雖少, 但好好味! 另叫左個蒜蓉包, 蒜蓉包係即叫即整 (勁多蒜蓉), 熱騰騰!明爐烏魚好似係泰菜必選, 但 鹽燒香茅烏頭魚 (

曼谷泰菜今次又黎食下午茶，永遠下午茶時段都冇咩人食，搞到間餐廳好空虛好凍lol呢日叫左海鮮東蔭公米線。聞落好香，湯頭紅紅橙橙好吸引，海鮮亦唔少，有蝦有青口有魷魚，但撈一撈個麵底...呀太少麵了吧！得一少撮麵，好快食哂，餓得濟的我連湯都飲埋，不過湯底幾惹味，我鐘意佢夠酸夠濃，係略嫌唔夠辣，但好可惜，我完全唔飽。以下午茶黎講，$4x都唔叫平，但仲要食唔飽...失望呀！

那日叫了海南雞同豬軟骨札肉喇唦麵。海南雞係ok，不太肥，味道剛剛好不會淡兼有雞鮮鹹甜味，賣相不錯，當然有少少不及係泰國街邊檔的味道，不過這點可以接受，始終地理及運送問題。豬軟骨同札肉不鹹，個湯才是驚喜。個湯有泰國的淡而有椰奶味同鮮味，不錯。只係去到最後收銀呀嬸D服務差左D。

.曼谷泰菜黃咖喱牛腩飯又放lunch，係北角食咩好呢？見到曼谷泰茶有下午茶食，價錢ok，一於試下！店方的下午茶餐牌選擇都幾多，大部份泰式的粉麵飯都有齊，呢日想食咖喱，試試佢先！碗咖喱牛腩相當大碗，咖喱汁極多，我見到隔離枱有媽媽將多餘的咖喱汁倒入自備器皿lol，應該係用黎煮晚飯，哈哈！咖喱汁略為偏甜，微辣，椰汁味較重，如果冇咁甜同辣返啲既話，會更加惹味！牛腩好腍好嫩，肉質唔錯，可惜太少飯了，我食唔飽，多左好多汁出黎，令我覺得自己好浪費食物....

成日同屋企人去曼谷泰菜食野，今日屋企人懶得落街所以點左我落去買外賣。佢既水準一向都幾穩定，泰國菜泥講算幾平，呢個價錢能夠食到呢個水準算係好唔錯。當然唔好期望佢會用上等材料上等菜式，但勝在味道好用料足份量多，好適合一家大細或朋友聚歺。由於食慣左所以其實每次大致上都係食果幾味野。柚子沙律入面有好多材料，花生、蔥花丶紅洋蔥丶好細粒既蝦仔（類似櫻花蝦）丶大蝦，柚子肉大大粒好鮮甜，調味啱啱好，唔會太酸，非常開胃。濕炒河係必食之選，河粉大大塊口感軟滑，除左肉仲有好多唔同既蔬菜做配料，茨汁杰杰地，食落好濕潤，好味！我本身唔太中意食咖喱，唯獨係佢既咖喱我幾中意。佢同一般既咖喱好唔同，味道偏甜，非常杰身，食落有陣陣既蛋香同棷汁香，冇乜香料味，配上白飯或蒜溶包一流。香芋肉碎焗飯亦好值得試，除左芋頭同肉碎，仲有好多冬菇絲，蝦，漢芹，蔥，薑絲，非常之野味。焗到熱辣辣食落香噴噴。唔食芋頭既話都可以好輕易簡走啲芋頭。中意食甜品既佢全部甜品都好有水準，佢既糯米茲同木薯好特別，其他地方好小食到。但講到我最愛都係芒果棷汁糯米飯，食落暖暖地溫度剛好，芒果夠甜，糯米飯軟度剛好，最重要既係佢捨得落椰汁。餐廳既服務亦唔錯，所有