曼谷泰菜

Open Now

Now Closed

曼谷泰菜是一家提供地道的泰國菜肴。該餐廳的裝潢簡潔，氛圍愉快，適合與家人和朋友一同享用美食。菜單上有多樣化的泰國菜選擇。菜肴味道鮮美，口味層次豐富，且適合本地口味。該餐廳的招牌菜肴包括香炸雞、泰式椰漿糯米飯和炸花蝦，皆深受食客喜愛。餐廳的服務態度親切熱情，員工樂於解答客人的問題。價格相對合理，性價比高，適合各種場合用餐，包括家庭聚會和朋友聚會。午餐試過海鮮炒金邊粉，份量多，味道不錯。喇沙海鮮金邊粉，湯味濃，重口味人士適合。焗芋頭飯，款式少見，濃味，好吃。評分：4.5/5

Book 1點鐘lunch, 我去到show booking, 經理話依家1:08pm 你遲左啦, 排下一張檯啦. 遲到少少你要我排下一張檯我覺得冇問題 好正常. 不過轉個頭mark我缺席係咩意思? 最經典係服務員一句 你遲到=缺席喔. 咩邏輯 🙄 咁早到你係唔係俾番錢我? 番工遲到唔通老闆可以唔出糧俾你? 食物出餐時間較耐 不過味道還可以. 冇乜特別驚喜. 正常泰式菜嘅味道. 一兩個服務態度差 手指指. 冇禮貌. 唸住試下呢間泰式嘢. 可惜, 不愉快的經歷. 冇下次.

天氣涼涼地好想食啲熱嘢，嚟到北角，好多選擇，呢間泰國菜感覺乾淨企理，見有Dinner set for one，試吓先😋🥢點咗兩個一人餐 (主食+餐飲)馬拉盞豬頸肉炒米粉 $70 香葉肉碎煎蛋飯 $70 🥢加配蝦餅兩件 $18 馬拉盞炒通菜 $40📝馬拉盞豬頸肉炒米粉，少少辣，米粉炒得夠味，唔會太鹹，不過偏油。大大碟米粉，豬頸肉就唔係好多，有幾塊點綴下😆香葉肉碎煎蛋飯，叫少飯都咁多飯😅，肉碎辣味適中🌶️🌶️🌶️👍蝦餅🍤$18/2件(1開2)，店員有提醒係（1開2）雖然覺得佢唔抵食😅，不過都係想食，咁就加啦，味道ok嘅，有彈性👌細細件，算貴🤨馬拉盞炒通菜🌶️🌶️🌶️👍整體，坐得舒服，出餐好快，食物味道唔錯，泰國菜預咗比較濃味，食完唔會好口渴👍唯整體食物偏油，主食份量Ok，晚餐人均消費💰$110。🈴🈴=可以一試

一坐低落單以為自己去左澳牛，侍應好趕時間，講野好似機關槍咁，咁佢忙，心急都唔緊要既。但佢出餐既時間同心急既侍應係極大既反差。lunch hour竟然要半個鐘先出到碗海鮮冬蔭公金邊粉。追左3次單，侍應剩係不停話等3分鐘，最後等左半個鐘。好不容易等到啦，但啲野食黎到係凍嘅，雖然望落出曬煙，但懷疑係微波爐叮得唔夠耐。張出餐紙有9成都浸左落碗金邊粉度，睇到都唔想食。冬蔭公湯好淡得個酸字，而碗粉同海鮮全部都只係白烚無味既，60幾蚊黎講我去對面食麥記仲開心。

今日如常去食Lunch啦，入咗呢間之前都會幫襯過既泰菜。坐低之後發現又轉咗餐牌，問翻鋪頭個哥哥仔點解會轉Menu轉得咁密，原來係因為之前啲餐牌係想了解顧客既喜好，最後決定出10幾款固定項目~ 考慮得都幾周全。咁我就嗌咗個香葉肉碎煎蛋飯，辣辣地好惹味好開胃！仲有隻半生熟煎蛋，超級送飯啊！另外仲見到佢呢排有個生蝦Promotion，可以叫4隻或者8隻，我就叫咗4隻$55 都幾抵 蝦都新鮮！係Lunch度都可以食下生蝦都幾過癮架！

落雨濕濕又凍,近近地係公司附近食個飯, 見佢地岩岩出左個新餐牌有成16款野食, 有個叫乾炒噴靚紅咖喱肉片飯, 呢款咖喱唔係度度都有得食所以叫左佢, 個飯同咖喱係分開上, 岩曬唔太食得辣又想食咖喱既我, 呢個噴靚紅咖喱食落真係好香, 有椰香又好有層次既咖喱香味, 同埋唔會得個辣字, 少少傑身, 撈飯一流, 加埋豬肉片真係食得落兩碗飯, 係lunch 食返一個高質既飯回一回氣真係唔同D, $65包埋飲品, 如果想飲泰式特飲加$10 就可以, 性價比絕對OK, 同埋D服務都幾好, 下次再食!

Lunch time 試新餐廳 想食金邊粉 呢間未試過就試下職員哥哥仔都幾有禮貌 但野食麻麻地 我叫左個金邊粉 勁油 食落好濕 好一般 午餐$68包野飲港島區黎講算係咁 但唔會再食😂

在北角工作的我午餐都有較多選擇，而我今天決定走出英皇道覓食。途中看到這家裝修明亮，門面充滿泰國特色的曼谷泰菜。門口餐牌上的午餐選擇也頗多。進入店鋪後店員態度都幾好，即時帶我們入座及提供餐牌。我叫了一個香辣豬肉炒河粉加$10有一杯青檸梳打。賣相及餐具都別有用心，就像置身泰國一樣。而作爲一個喜愛食辣的人，見到香辣的字眼完全抵抗不了。味道更是令我有驚喜！夠辣！夠惹味！本身以爲這些著稱香辣的食物大多數都不是真的夠辣，但這個香辣豬肉炒河粉真是令我眼前一亮，夠辣之餘不失鹹味，相得益彰，搭配得好好！二話不説清了成碟！而青檸梳打的甜味適中，青檸味很夠。總體來説是另我十分滿意的午餐。

星期5 既lunch 要食好D 是常識吧, 今日去左食泰菜, 見到個menu 有個招牌咖喱雞柳飯, 平時好怕D 咖喱雞飯有骨, 食食下又有碎骨, 見到係雞柳, 唔洗諗即刻叫, 上菜都快 5分鐘左右就有得食, 黎到見到佢D咖喱好傑身, 撈飯一流, 同埋鍾意佢唔會好辣, 可以食到咖喱既香同層次, 而D雞柳有輕輕炸過, 食落香口, 個炸粉唔會好厚, 幾好味, 再跟餐叫左杯泰式奶茶, 可能泰式奶茶既關係,奶味比較重, 茶就唔算好濃, 最欣賞係佢隻杯, 好好feel, 同埋唔用飲管飲真係透心涼, 不過凍到D牙少少痺, 都係用飲管算. 睇返佢menu 大約都係$60幾, 唔洗加一, 下次唔洗星期5先黎食, 可以一星期食兩餐, 獎下自己.

東寶新開既泰國菜餐廳，聽同事講話原來係第二度搬舖位過嚟，有啲歷史。咁打工仔搵飯食，就試吓先啦。裝修闊落光猛，坐得舒服，中間有圓形大枱，可能係做晚市嘅時候招呼大班人。海南雞飯 4/5份量足夠，雞件嫩滑，配上秘制酸辣汁刺激味蕾，豐富口感，有豉油就更好。油飯望到白雪雪好似無乜味，點知食落充滿雞油香又質感厚實，唔會痴口，但食到最後油飯食到太頂住食唔落。濕炒豬頸肉米粉 3.5/5穫氣炒米粉，份量超多，可惜廚房一次過煮3碟，濕度難以控制，係比較濕口既炒米粉。地點:東寶餐廳位置，那個隔離，附近多商場民居，相信大把生意。環境:寬鬆既坐位間格，同隔離枱保持舒適嘅位置。價錢:比隨心性價比高，人頭68蚊，無野飲就58蚊，份量足夠都可以。服務:態度正常，無特別。

之前成日都會去北角親戚屋企打機, 打完就會去曼谷泰菜食飯, 咁岩去開附近做野想重遊舊地下, 點知見佢圍左板, 上網睇先知原來佢搬左舖, 唯有行前幾步啦, 去到岩岩好有下午茶, 咁就叫左個$52 既海南雞飯, 仲有埋湯, 再加$10 飲杯三式冰, 個餐本身都已經包左檸茶檸水個D, 出左消費券就加加佢啦一上菜個刻見到佢個經典泰國紅色牒,勁好feel, 冇得去泰國都可以幻想住先海南雞飯食第一啖有驚喜, 雞有雞味, 講笑, 不過真心佢個雞個雞味係濃, 去左骨仲大大舊唔會切到好幼咁, 同埋唔會un, 再點埋佢個醬汁, 真係嘩出聲!不過如果有埋黑色甜豉油會仲開心, 佢個油飯望落好似冇咩色, 但食落個雞油味勁出, 同埋唔會D 飯好淋, 有口感個冬瓜湯唔會好濃胡椒粉味, 唔錯, 不過本身對湯呢樣野就不太好上埋杯椰汁三式冰, 個杯好網紅feel, 所以我都要幫佢影張大特寫先, 個味同細個飲個時係一樣架, 好感動最後佢下午茶仲有個3層塔, 可惜今次一條友黎食, 下次同多個FD就試下佢先