曼谷泰菜

Open Now

Now Closed

今日同老友行過試吓呢間泰菜餐廳，竟然有驚喜，價錢平（比起其他泰國菜館）但食物質素好。我哋試咗海南雞飯、馬拉盞雞肉炒米粉、泰式鳳爪、芒果特飲，okay 喎。下次會試吓菠蘿炒飯。

今日有時間可以坐叮叮（電車），輕輕鬆鬆由上環坐到北角，其實是去筲箕灣的。不過，中午太陽下要等這尾站車。。。坐到北角再行過去好了。到了這店，一看，見到泰王，而這間的人好似nice war~而我自己鍾意個cup。有d心思。個金邊粉份量是ok的，有紅蝦仔。而蝦球是有開邊，有d工夫。如果蝦球可以大d，當然好d。今次彩蛋和平時不一樣了，好有人性。在電車上，有個女孩子要和父母分開坐，結果到有位時，小朋友已經眼紅紅，楚楚可憐。坐前面的老婆婆都主動想讓位給小孩。可能小孩不太記得食了什麼或看了什麼，不過我都好確定她一定記得這一幕。

從來沒有食過一間餐廳，一坐低掉張Menu俾你就秒速問你食咩。問佢可唔可以轉其他粉 。即刻就西口西面咁對住你都唔想同你講一句 。叫左30分鐘都未上齊啲餐，問佢得未就黑你面。上左15分鐘唔夠就叫你早啲走 。服務水準完全慘過大排檔 。說好的海南雞飯加油飯，點知變咗白飯，連商品說明條例都搞唔掂 。叫少甜冇少甜，叫走甜又變咗多甜 。午市送coupon大大隻字300 送50，點知背面細細隻字17:30 之後先用得 。我從來都未試過落劣評，不過今次真係忍唔住 。

今日嚟試一間曼谷泰菜試下佢下午茶, 佢下午茶嘅款式都多, 而家做緊小食買一送一優惠。咁我哋兩個人分別叫咗個豬扒撈檬、一個芒果糯米飯、另外送嗰個就係泰式鳳爪, 豬扒撈檬份量夠夠兩個人, 食味道唔錯；個芒果糯米飯正常發揮, 冇乜特別；個鳳爪唔係話佢唔好食但係佢嗰個酸汁唔係太啱我個人口味, 係食得落口, 嘅但係未處於話好好食嗰個情況。現場都多人食下午茶而佢哋嘅服務亦都可以講得上係貼心, 地方清潔不再話下, 服務員有錯單漏單會即刻同你跟進, 總括嚟講我會再返嚟食多次。

Went here with with my family for lunch. .I got Thai Rice Noodle in Laksa with Seafood. It came with a lot of spices, but the broth didn't taste strong. The rice noodle was quite sloppy and the seafood like mussels tasted rather plain. My dad got Thai Rice Noodle in Tom Yum Soup with Seafood. Its flavour was much richer in comparison. The hot and sour soup blended in better with the spices and seafood. My mom had Yellow Curry Beef Brisket with Rice. It looked appetising and smelled aromatic. The

今次食海南雞飯和炒金邊粉，整體味道是可以的，蝦也許是雪藏，無乜味道。平時鍾意食黃咖喱牛腩多啲。今次轉下口味。午餐加$12 有兩件甜品，椰汁千層糕，食過好多間泰國野，呢間係整得最好食，軟糯適中，微熱，加埋椰汁perfect !我剛剛坐低等朋友時，侍應細心地提我，若怕凍，可以坐左面，無咁近風口位👍🏼之後見到有個行動不方便的老人家離開餐廳時，可能行得太慢，度自動門慢慢咁關上，旁邊做緊野的侍應即刻禁開口制幫佢，反應好快、細心！

本身全家都鐘意食泰國菜，咁啱屋企老人去新光戲院睇戲，問左係附近返工既朋友佢介紹離新光戲院3分鐘路段既曼谷泰菜。餐廳幾光猛，晚市有幾款餐牌。Set Menu 都唔貴，但係我哋驚食唔晒，所以冇叫到。野食我哋4個人叫左酸辣無骨鳳爪、蝦餅、香葉肉碎煎蛋飯、黃咖喱魚柳同炒通菜。所有食物上到枱都熱辣辣，食物質數以一間平民餐廳黎講真心唔錯。口味比起出面人均消費$200-300個啲泰餐(例：GreyH****d) 更正宗，性價比更高。最印象深刻係個日落雨地下比較濕滑，我婆婆去廁所有個女侍應有幫手扶一扶，叫我婆婆慢慢行唔好急，值得讚賞👍🏻下次經開北角會再訪💯

經過見到下午茶買一送一入去試下，蝦餅三件+芒果糯米飯+飲品$38確係抵，不過個芒果糯米飯勁難食，芒果有渣叫左杯咖啡，難飲到飲左兩啖無飲。不過個蝦餅就的確好食，朋友食海南雞飯都唔錯，但係海南雞飯冇買一送一，下午茶$48。所以係抵，但係要識㨂野食😋

入嚟食個lunch 叫咗咖喱牛腩同炒金邊粉 真係未預過態度咁西嘅女經理 冇記錯 應該係着黑色西裝 落個單 好似冇水洗面咁 搵第2個好似係着綠色衫 短頭髮嘅 應該都係女經理？攞杯水 放落黎 好似得罪佢咁🙄反而另一個黑色衫女店員 好好態度 好有禮貌整體來講 食物都唔差嘅 但就預到態度咁差應該唔會再幫襯囉

店鋪新裝修，環境舒服。我叫咗個豬手飯，份量同味道中規中矩，$50來說已經唔錯。好可惜嘅係，我食到底發現碟上有啡色跡，近距離睇驚覺隻碟生咗鏽。於是立即搵店員投訴，店員話係洗碗洗到花咗。喂，唔好玩嘢喎，洗花咗點會咁樣。好明顯係一啲酸性嘅餸汁侵蝕咗隻碟嘅表面，日積月累引致生鏽。隻碟已經生鏽仲拎出嚟畀人用，食死人咩！真係離晒大譜！無下次！我唔係要求退錢或退換，但係對於店員所作嘅辯解有所質疑，甚至不認錯嘅態度，令人十分氣憤！

本身想食附近舖但無開，行過呢間估唔到有驚喜。店員非常有禮貌，一入門就問想坐涼d冷氣位定近門口但暖d, 然後侍應姐姐上檸檬水，連杯普通水都係新鮮檸檬味唔係揸流攤個種。叫左喇沙雞絲米線，超級好食👍🏻 湯底椰香味好重啱我自己口味！仲叫左雞牛串燒各半 （半打），雞好食，牛就要0趙下，仲有豬脾半隻，呢樣就還好，可能送飯會好d。侍應姐姐全程不停幫全店人斟水，服務一流👍🏻👍🏻👍🏻

這店於舊位置時常光顧，食物質素中等及味道唔錯，服務合格，價錢合理，搬遷後首次光顧晚餐，地方大咗，環境舒適，光明乾淨，冷氣充足，服務員態度幾好，上菜時間快！可惜食物質素今非惜比了，冬陰功叫小辣但味道不是小辣也算了，最差是那兩隻半邊蝦的蝦肉是霉的，十分失望並向店員細聲投訴，只換來一句「唔好意思」！😡😡其他菜式有，泰式沙爹雞和豬，烤得太乾，肉嚡，而醬汁不夠濃郁！！泰式炸蝦餅，味道只係合格！！泰式炒通菜，份量足但味道不夠濃厚！！招牌咖哩炒大蝦王，味道中等，蝦王就不大只是一般大小！！手抓餅，質素差，只係街外貨而已！！個人認為食物質素必須好好改善，否則此品牌定有影響。

曼谷泰菜是一家提供地道的泰國菜肴。該餐廳的裝潢簡潔，氛圍愉快，適合與家人和朋友一同享用美食。菜單上有多樣化的泰國菜選擇。菜肴味道鮮美，口味層次豐富，且適合本地口味。該餐廳的招牌菜肴包括香炸雞、泰式椰漿糯米飯和炸花蝦，皆深受食客喜愛。餐廳的服務態度親切熱情，員工樂於解答客人的問題。價格相對合理，性價比高，適合各種場合用餐，包括家庭聚會和朋友聚會。午餐試過海鮮炒金邊粉，份量多，味道不錯。喇沙海鮮金邊粉，湯味濃，重口味人士適合。焗芋頭飯，款式少見，濃味，好吃。評分：4.5/5

Book 1點鐘lunch, 我去到show booking, 經理話依家1:08pm 你遲左啦, 排下一張檯啦. 遲到少少你要我排下一張檯我覺得冇問題 好正常. 不過轉個頭mark我缺席係咩意思? 最經典係服務員一句 你遲到=缺席喔. 咩邏輯 🙄 咁早到你係唔係俾番錢我? 番工遲到唔通老闆可以唔出糧俾你? 食物出餐時間較耐 不過味道還可以. 冇乜特別驚喜. 正常泰式菜嘅味道. 一兩個服務態度差 手指指. 冇禮貌. 唸住試下呢間泰式嘢. 可惜, 不愉快的經歷. 冇下次.

天氣涼涼地好想食啲熱嘢，嚟到北角，好多選擇，呢間泰國菜感覺乾淨企理，見有Dinner set for one，試吓先😋🥢點咗兩個一人餐 (主食+餐飲)馬拉盞豬頸肉炒米粉 $70 香葉肉碎煎蛋飯 $70 🥢加配蝦餅兩件 $18 馬拉盞炒通菜 $40📝馬拉盞豬頸肉炒米粉，少少辣，米粉炒得夠味，唔會太鹹，不過偏油。大大碟米粉，豬頸肉就唔係好多，有幾塊點綴下😆香葉肉碎煎蛋飯，叫少飯都咁多飯😅，肉碎辣味適中🌶️🌶️🌶️👍蝦餅🍤$18/2件(1開2)，店員有提醒係（1開2）雖然覺得佢唔抵食😅，不過都係想食，咁就加啦，味道ok嘅，有彈性👌細細件，算貴🤨馬拉盞炒通菜🌶️🌶️🌶️👍整體，坐得舒服，出餐好快，食物味道唔錯，泰國菜預咗比較濃味，食完唔會好口渴👍唯整體食物偏油，主食份量Ok，晚餐人均消費💰$110。🈴🈴=可以一試