蔥仔越南包

Open Now

Now Closed

係附近翻工周不時走去買嚟食🤤晏晝有時會多人等唔想等咁耐嘅話可以wts落定單先差唔多就直接去拎唔洗同我爭 因為我點都會快過你到☺️好味又健康🥦🥕平時出街想食多啖菜都無個包有肉有菜 酸酸哋再加啲辣perfect池👍🏼✨老闆份人好好🤙🏻無咁忙個陣有時會送下菜或者湯💛Jeng 大角咀必食得閒經過可以try下冬天買翻去食就ok 飲下湯暖笠笠🍲健康人生is important食到好食又健康嘅野個人都開心啲🏃🏻‍♀️

女朋友好鍾意食越南包🥖咁就梗係要帶佢去大角咀嘅蔥仔越南包！包就梗係好食啦連我呢個一係唔係好食麵包嘅人都要咬多佢個包幾啖🤣🤣🤣好彩半份嘅份量都唔少仲有叫咗套餐有湯有菜如果唔夠食又要再排隊啲蔬菜好啲賣相都知正啦！兜菜好滿個底仲有一堆椰菜！感受到店主好用心對待每一樣食物味道亦真係正好適合健康飲食人士唔健康飲食嘅都要try try🤣絕對係值得嘅！

dpz好鍾意食啲一啖有好多材料嘅美食🤪例如wrap之類🌯聽講大角咀嘅蔥仔越南法包好出名🥖💛今次係第一次食越南法包🤩經典越南法包半個 套餐A $38法包焗熱過變得外脆而煙韌🥖入面包住扎肉、烤肉、甘荀、蘿蔔、肝醬、蛋黃醬、青蔥芫荽、辣椒同豬肉鬆🐖🥬滿足了dpz貪心的胃口🤤🤰🏻今次揀咗小辣🌶只係微微舌尖上嘅辣度😋足料南瓜湯加埋粒粒粟米🌽係幸福嘅味道🎃🤤

幫襯左好多次，水準依舊讚法包固然好食🥖但我想講佢啲菜同湯係堅好食🥦🎃菜嘅汁好香好入味，想學下點整🥹南瓜湯入面有粟米粒，真材實料睇得岀唔係罐頭粟米，而係新鮮粟米自己切🌽🤩全個法包包料加長過我手臂💪🏻希望老闆賺多啲租番間大啲嘅鋪，可以堂食，即食即滋味😋😋

🥖經典越南法包 (半個4.5吋)💰$30😈成日都聽人講話蔥仔越南包好食又足料🥖就試左半個😈我都係買完拎返屋企再焗返熱黎食😳我想講佢真係幾豐富同好足料🤤佢個包入面都有好Basic既札肉烤肉蘿蔔芫茜個啲🥬但我食到佢有肝醬我覺得昇華左🤣佢個肝醬帶到成個包連埋酸酸味味既蘿蔔好Fresh😝我焗返熱黎食個包仲做到香脆既效果😈而入面既餡料都非常滿足😝真係不錯吃

成日聽朋友講呢間小店嘅越南包抵食又好味呢日去開奧海城就順便黎試下啦🤭🤭入到門口，要先拎一張號碼牌排隊跟著老闆就會叫號碼問你想要咩最後就自助找錢同拎紙袋袋食物$38可以有一個4.5吋嘅法包+湯實在太抵太抵了🤩🤩🤩🤩🤩💚越南包🍞有非常豐富嘅材料🐷🥕🥒🥗包括：扎肉、烤肉、甘荀、醃蘿蔔、肝醬、蛋黃醬、青蔥、芫荽、辣椒及豬肉鬆有咩唔食可以同佢講唔要我就全部要晒😋😋😋見佢扎肉都有兩款，不過味道好似無咩分別😛😛個包係好足料，每一啖都有餡🤤🤤🤤🤤🤤而且佢啲醬係啱啱好，唔會太多好漏成個越南包都好好超讚👍🏻👍🏻👍🏻👍🏻👍🏻💚磨菇湯🥣好足料好濃郁嘅磨菇湯🍄份量都唔細飲嘅時候有好香同細細粒嘅磨菇都幾好飲架☺️☺️

因為要家居隔離，哥哥阿嫂買咗兩份套餐送去我屋企。從未食過咁好食嘅越南包，勁足料，有辣同唔辣嘅味道選擇，我全家都唔食芫荽架，但完全食唔岀嗰浸味道👍🏻磨菇湯好夠味又夠creamy，菜嘅份量都好多，兩份套餐，絕對足夠我一家四口做午餐！一定會再親身去幫襯！！極推！！！

非常多謝鋪頭幫我將呢半個包放入食物盒，咁我就唔洗用到原本包裝既兩個紙袋，之前亦都試過自備盒嚟買湯，鋪頭都願意配合。😁食好東西之餘，仲可以環保，正啊。💚我個食物盒已經好大，但係都係放得半個包咋，🤣所以，如果大家要自備盒買，就要準備好相對應既飯盒喇。😆

作為附近街坊，對蔥仔呢間小店已聞名已久，但一直無的起心肝去外賣。終於今日放假，專登行十五分鐘去幫襯，點知原來假期係會遲半個鐘開，所以先周圍逛逛再返去。返到去嘅時候，應該開咗5分鐘，但門面已有人龍。幸好大家都好有誠意為咗呢個包包而嚟。入店先取咭，每份一張，跟籌號排隊，排隊過程井然有序。基本上唔駛傷腦筋，絕對係選擇困難症群組嘅不二之選！因為全店只得一個選擇，只有扎肉法包，只需決定有無配料要走，如蔥，芫荽等。另外配餐嘅話，可可蔬菜和湯和一碗。好開心拎到返屋企，雖然經過十五分鐘步程，但個包因為有翻熱關係，仲係外脆內軟。全份嘅話法國包差不多好似手臂咁長，包內嘅主角扎肉滿滿，加上不同配料，令整個包充滿不同口感與層次。另外跟餐當日可選蘑菇湯或南瓜湯，兩款也充滿濃濃南瓜和蘑菇味道，大滿足呢！總括嚟講，呢個包絕對值得你千里迢迢嚟買，仲要無買貴，無買錯

大角咀隱世小店！網上幾乎全部好評，今日一試，名不虛傳！-服務方面：老闆超nice，學生光臨送多碗湯-飲食方面：奶油蘑菇湯絕不能錯過，飲落去十分濃郁，令人不能自拔，想一試再試。另外仲有配套嘅新鮮蔬菜，有西蘭花，蘑菇同椰菜都伴著小魚仔汁，食落去爽口又帶有魚仔嘅香味。到了主角——越南包，圖中係半個越南包比我隻手掌仲長個皮係勁脆，仲脆過幾塊薯片。先用四塊大扎肉鋪滿整個包內，然後放入滿滿的甜酸蘿蔔和肉鬆雞肉，即使食到最後都唔會覺得漏。-價錢方面：呢個絕對抵到無得再抵極高性價比。一碗滿滿嘅蔬菜加埋半個包都只需$38TIPS: 1.小店只收現金。2.胃口小嘅各位食半個包已經好飽啦，胃口大嘅可以試下以上呢三款美食，雖然餐單上只有較少嘅選擇但精。

大角咀有好多有特色嘅小店, 質素拍得住連鎖餐廳,甚至可以話有過之而無不及. 例如呢間蔥仔越南包我已經encore過無數次，真心食過咁多間餐廳嘅越南法包都搵唔到一間可以超越蔥仔,久唔久就要買一個食下止癮😂一咬落去第一啖感受到嘅一定係醃得啱啱好嘅酸蘿蔔，然後就會食到其他食材包括扎肉、肝醬、芫荽等等，全部都好新鮮又好足料👍🏻食得辣嘅朋友記住一定要加辣，味道上又會多一層次😋留意返舖頭只收現金, 想食嘅朋友可以預先電話order再等餐廳確認取餐時間就唔駛等咁耐😆

我同男朋友兩個買咗越南包食，個包太硬，兩個人個口都損左，不過味道都OK，價錢OK，性價比very good下次會再幫襯，如果個包林啲就好啦! 好似subway 個D包

每一次食越南菜 都一定必食越南法包🇻🇳呢一度嘅越南法包真係超級抵食 $50有九吋咁長🤑法包烘到外脆內軟 配料都超級豐富：有扎肉、烤豬肉、白蘿蔔、甘筍、蔥、芫荽、豬肉鬆、肝醬、蛋黃醬 口感真係好豐富 食落酸酸甜甜好清爽🤩

原本對越南包冇特別嘅喜愛，平時都唔會特別去食😂直至到機緣巧合之下因為見到聰仔係黃店想試吓，一試就不得了，已經唔係講緊立場，好食到黐線，即使唔係黃店都一定會定期幫襯🥹🥹即使而家住緊大埔一個月食返兩三次係走唔甩😻一咬落去嗰種滿足感真係….成世人嘅煩惱都唔記得晒～～～～ε-(´∀｀; )真係唔係老吹，試過就知！帶返個頭盔先，不過個人係鍾意食法包嘅對於鍾意食軟麵包嘅人可能會覺得有少少硬🤫而且其實價錢真係幾抵，作為一個女仔食量唔係好大，買一個大嘅12吋包先$50仲要送沙律😵‍💫😵‍💫😵‍💫夠我食兩餐，所以我平時買完一個鐘會另外買多兩至三個擺喺屋企冰格，識嘅時候用焗爐焗返熱，雖然就真係冇即場食咁好食但係都有95分♥️，唔講真係以為做緊蝕本生意，強烈要求佢哋加價囉🥺自從食過佢哋嘅越南包之後，成日都會有啲口痕想再食，但係要注意因為佢哋開嘅時段唔係全日，有時候撞唔啱時間搞到冇得食，所以都有試過其他舖頭嘅越南包，真係差十萬八千里🥲完全冇得比😂

早前見食友推介這裏的法包，一直留在後備名單中，只因營業時間及地點，對我來講唔多方便；今日剛好有空經過，就一於買來試吓；據老闆說以前係有堂食的，但因疫苗通行証問題，現在只做外賣了。一入門口，首先在門後拿一張號碼牌，方便老闆分別人客次序；當輪到號碼後，便可說出想要什麼配搭。30元有半個法包，50元就有一個，沒理由唔要一個吧；餡料非常豐富，包括：扎肉、烤肉、甘荀、醃蘿蔔、肝醬、蛋黃醬、青蔥、芫荽、辣椒及豬肉鬆。選擇套餐，更可加上蘑菇湯或南瓜湯，及當日的二款蔬菜(今日係西蘭花、椰菜及秋葵)。法包外層香脆，加上豐富的食材，非常惹味又飽肚，一條又好似真係有啲多；南瓜湯真材實料，非常濃郁又好味；蔬菜就因太飽，吃不下而放棄了。價錢優惠，健康又有益，可惜現在只做外賣，疫情期間真不知可以拿去那裏食，有點不大方便，附近街坊應該好啲。#可用WhatApps叫外賣自取#經典越南法包#南瓜湯 #蔥仔越南包地址: 大角咀櫸樹街52號地舖電話: 35905561